Piˇliˇpiˆ 3:12 - Akha

¹² Ngaˇ heu loꞈ-ehˇ ehˇ-eu-aˬ, nymˬ-mˇ za gʼaˬ-euˬ ma lehˇ ehˇ-eu maˬ ngeuˇ. Byah laˇ gʼaˬ-euˬ ma lehˇ ehˇ-eu kʼawꞈ maˬ ngeuˇ. Yeˬsuˇ Ka li neh ngaˬ-ahˇ aˬ yawꞈ-euˬ tsawˇ haˬ bi pyeuꞈ laˇ-euˬ loꞈ-ehˇ, laꞈ sawˬ kʼoeˇ-ahˇ ngaˇ za nya ni leh jeh luꞈ-eu ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Ngar zadzeur-euq ma laer aer-eu maqngeur. Nymq-mr ngar byanlar-euq ma laer aer-eu khawf maqngeur. Yeqsur Kali, ngaq-anr nyaeftaeq taq-euq lof-aer, ngar khawf byan-eu jeq-anr nyaefza nya’ni laejae-eu lafkhoer taeluf-eu ma.

Piˇliˇpiˆ 3:12 Iomraidhean Croise

Yawˇbaˆ 17:9

Yawˬ haˇ yawˬ ha yaw tsaˬ yaw dawˇ ma lehˇ ehˇ-eu tsawˇ haˬ deuˬ, aˬ yawꞈ maꞈ yaw tsaˬ ma lehˇ, ngehˬ jawˇ ngehˬ noeˬ luꞈ meh.

Jaceuq 119:5

Nawˬ neh mehˬ nehˬ tsoˆ nehˬ laꞈ-euˬ dawˬ-ahˇ, ngaˇ saˇ jaˇ ziꞈ-awˇ caw teh ma.

Jaceuq 138:8

Sahˬpaˬ Miˬyehˇ-oˇ, nawˬ neh saˇ jaˇ kʼaˇ dzaˬ taˬ-euˬ jeˬ-ahˇ nawˇ mˇ byah tehꞈ-a. Nawˬ-euˬ gʼoeˇ-eu gaˬ-eu jeˬ mˬ maˬ maˬ byaˆ zaˇ ziˇ ziꞈ-eu meh. Nawˬ neh dahˬ beh-euˬ jeˬ maˬ mˇ byah ni taˬ byehˇ nehˬ laꞈ.

Jaceuq 42:1

Coꞈngehˇni gʼeh-eu lawˇgawˆ-ahˇ, kʼaˬtsehˆ nui kʼahˇjaˆ-eu loꞈ-ehˇ, Miˬyehˇnawˬ-ahˇngaˬ-euˬsaꞈlaˇ, aˬmyah luꞈnui kʼahˇjaˆ-eu ma.

Jaceuq 63:8

Nawˬ-euˬ dawˬ peh ngaˇ tah uˇ laˇ ngeh, nawˬ-euˬ aˬ laꞈ ngaˬ-ahˇ byaˇ cuꞈ-eu meh.

Jaceuq 84:2

Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma laꞈ kʼoeˇ, ngaˇ jawˇ leˇ mawꞈ dui dui miˇ-a. Ngaˬ-euˬ nui ma gʼawˇ mawˇ dawˬ tawˆ luꞈ dehꞈ luꞈ-eu Miˬyehˇ-ahˇ laˬ kʼaˬ tiˬ cehˇ caˇ-awˇ ja ceuˬ-eu ma.

Jaceuq 94:15

Yaˇ kʼaˬ daˇ-eu nymˇ laꞈ kʼoeˇ yaw tsaˬ yaw dawˇ jeˬ paˇ jaˆ le-awˇ, yaw tsaˬ yaw dawˇ tsawˇ haˬ dawˬ tawˆ luꞈ nui kʼahˇ shiˇ tehꞈ-a.

Dawqdaq 4:18

Yaw tsaˬ yaw dawˇ tsawˇ haˬ-euˬ gaˇ ma-aˬ, uˬ shawˬ paw bya-eu nahˇ ma yaw shehꞈ-ahˇ duˇ-awˇ, nah loˆ ceh laˇ ngeh keuˆ ni, ngehˬ jawˇ ngehˬ bya-eu meh.

Iˇsaˬyaˇ 51:1

Sahˬpaˬ Miˬyehˇ heu loꞈ-ehˇ ehˇ-eu meh. “Ka kʼoꞈ-eu jeˬ-ahˇ poˆ luꞈ-awˇ, ngaˬ-ahˇ tahˬ shaˇ laˇ-eu tsawˇ haˬ deuˬ-oˇ, ngaˇ ehˇ gaˇ naˇ haˬ-awˬ. Naw maꞈ doˆ le-euˬ lo guˇ-ahˇ haw-awˬ. Naw maꞈ-ahˇ taꞈ doˆ-euˬ lo gahˬ-ahˇ shaˇ noeˬ-awˬ.

Hawˇseˬ 6:3

Sahˬpaˬ Miˬyehˇ-ahˇ siˬ nya ni, aˬ dui leh jeh dui dui kaˇ-euˇ, Uˬ bya bya shawˇ laˇ-eu loꞈ-ehˇ, yehˇ gʼahˇ ahˇ dahˬ beh le luꞈ ngeh, miˇ tsaˬ tahˬ kʼawˇ-ahˇ yehˇ shehˬ-eu, uˬ yehˇ yaw duˬ baw-eu loꞈ-ehˇ, aˬ yawꞈ aˬ dui jawˇ gaˇ oe-eu, yaw duˬ baw meh” lehˇ ehˇ-eu meh.

Maꞈtehˬ 5:48

Kʼoeˇ miˇ neh, mˬ kʼoeˇ taˆ jawˇ-eu naw maꞈ-euˬ Aˬ da byah-eu loꞈ-ehˇ, naw maꞈ kʼawꞈ bi byah laˇ-awˬ.

Gʼaˬkʼehˇ 9:15

Sahˬpaˬ Yeˬsuˇ ehˇ-eu, “Iˇ-awˬ. Aˬ jeˬ miˇ neh ehˇ naˇ, Yuˇdaˆ tsawˇ haˬ maˬ ngeuˇ-eu deuˬ maˬ ehˇ, miˇ kʼahˬ sahˬ paˬ deuˬ maˬ ehˇ, Iˇsaˬleˬlaˇ tsawˇ haˬ deuˬ maˬ ehˇ, ngaˬ-euˬ tsawˇ myahˇ-ahˇ siˬ nya laˇ ni bi mˇ-eu gʼaˇ duˬ, aˬ yawꞈ-ahˇ ngaˇ tseˇ doˆ taˬ-euˬ ma.

Lormav 8:39

Mˬ taˆ miˇ kʼahˬ maˬ ehˇ, miˇ oˆ miˇ kʼahˬ maˬ ehˇ, tiˬ jeˬ-iˬ maˬ laˆ pyaˆ laˇ nya-a. Kʼaˇ beh taˬ-euˬ jeˬ dawˬ tawˆ luꞈ laꞈ kʼoeˇ, Miˬyehˇ-euˬ gʼoeˇ-eu gaˬ-eu jeˬ-ahˇ aˬ dui ya gʼawˬ-iˇ ni laˆ pyaˆ laˇ nya-eu tiˬ jeˬ-iˬ maˬ jaˆ-a. Gʼoeˇ-eu gaˬ-eu kʼoeˇ-aˬ, aˬ dui-euˬ Sahˬpaˬ Yeˬsuˇ Ka li baˬ da neh aˬ dui-euˬ pyeuꞈ tsehˆ tsehˆ-euˬ ma.

1 Gawˇliˬtu 13:10

Byah-eu loꞈ-eu jeˬ keuˆ le ngeh, maˬ byah maˬ loꞈ-eu jeˬ byoˆ-iˇ jiˇ tehꞈ-a.

1 Gawˇliˬtu 13:12

Nymˬ-mˇ aˬ dui ya mawˇ luꞈ-eu heu-aˬ, pyawˬ haw-ahˇ haw-eu loꞈ-ehˇ duˇ-awˇ, maˬ mawˇ shawˇ laˇ-a. Aˇ yamˬ kʼoeˇ keuˆ le ngeh, myaˆ pyawˬ ciˬ daˬ-awˇ ya mawˇ duˬ tehꞈ-a. Nymˬ-mˇ ngaˇ siˬ nya-eu heu-aˬ, maˬ byah maˬ loꞈ-a siˬ. Ehˇ kʼawꞈ, aˇ yamˬ kʼoeˇ keuˆ le ngeh, byah laˇ loꞈ laˇ tehꞈ-a. Miˬyehˇ ngaˬ-ahˇ tiˬ byah tiˬ loꞈ siˬ nya-eu loꞈ-ehˇ byah laˇ loꞈ laˇ tehꞈ-a.

1 Gawˇliˬtu 9:24

Cehˆ ceh ceh ngeh tsawˇ haˬ gʼawˬ mya ni uˇ leˇ-awˇ cehˆ kʼawꞈ, tiˬ gʼaˬ tehꞈ-ehˇ laꞈ sawˬ za-eu maˬ ngeuˇ-a loˇ. Kʼoeˇ miˇ neh, laꞈ sawˬ za nya ni cehˆ-awˬ.

2 Gawˇliˬtu 13:9

Nga maꞈ gʼaˬ baˬ-awˇ naw maꞈ gʼaˬ kʼaˆ gaˇ nga maꞈ laˬ kʼaˬ cehˇ-eu ma. Nga maꞈ guiˬ lahˬ shaˇ-eu-aˬ, naw maꞈ bi huiˬ bi mahˇ dzehˬ laˇ-eu gʼaˇ duˬ ma.

2 Gawˇliˬtu 7:1

Ngaˇ gaˬ dui dui-eu cawˬ deuˬ-oˇ, Miˬyehˇ aˬ dui-ahˇ kʼoeˇ loꞈ-ehˇ saˇ jaˇ dzaˬ taˬ-euˬ miˇ neh, aˬ dui-euˬ gʼawˇ mawˇ hawˇ-eu saꞈ laˇ-ahˇ bi jawꞈ-iˇ nya-eu yawˬ jeˬ na luꞈ-ahˇ tsiˬ shawˇ dzeh-awˇ, Miˬyehˇ-ahˇ yaw zeu baw-awˇ guˆ-eu laꞈ kʼoeˇ yaw muiˬ yaw shawˇ shawˇ-ehˇ byah byah ni dehꞈ kaˇ-euˇ.

Gaˬlaˬtiˆ 5:17

Aˬ jeˬ miˇ neh ehˇ naˇ, shiˬ shaˬ jiˇ nui kʼahˇ-aˬ, Yaw sahˇ Miˬyehˇ-ahˇ maˬ tsaˬ leˇ-ehˇ, Yaw sahˇ Miˬyehˇ kʼawꞈ, shiˬ shaˬ jiˇ nui kʼahˇ-ahˇ maˬ tsaˬ leˇ-a. Heu nyiˬ jeˬ-aˬ, tiˬ jeˬ tiˇ jeˬ muiˇ-eu miˇ neh, naw maꞈ yawˬ ha mˇ mawꞈ-eu jeˬ maˬ mˇ nya-a.

Eˇpeˇsu 1:4

Miˬyehˇ-euˬ mehˬ shi aˬ dui muiˬ-awˇ shawˇ-awˇ, iˬ baˇ taˬ kʼaˇ maˬ bi za-eu gʼaˇ duˬ, miˇ tsaˬ tahˬ kʼawˇ heu maˬ beh mi naˆ-ehˇ Yeˬsuˇ Ka li laꞈ kʼoeˇ Miˬyehˇ neh aˬ dui-ahˇ tseˇ doˆ taˬ-euˬ meh.

Eˇpeˇsu 4:12

Ka li-euˬ gʼawˇ mawˇ huiˬ laˇ mahˇ laˇ ni Miˬyehˇ-euˬ gaˇ bi mˇ-eu gʼaˇ duˬ, Miˬyehˇ-euˬ tsawˇ haˬ dawˬ tawˆ luꞈ-ahˇ lehˬ hmˬ laˆ saˆ dah nehˬ-eu lehˇ aˬ yawꞈ kʼoeˇ loꞈ-ehˇ laꞈ sawˬ biꞈ-euˬ meh.

Piˇliˇpiˆ 1:1

Yeˬsuˇ Ka li-euˬ zaˬ kʼaˆ pyeuꞈ-eu Pawˇluˆ hawˇ-eu Tiˆmoˇseˬ nga nyaꞈ, Yeˬsuˇ Ka li laꞈ kʼoeˇ Piˇliˇpiˆ meuˬ-ahˇ jawˇ luꞈ-eu Ka li zaˬ aˇ muˇ-ahˇ sheuˬ gʼeh-eu deuˬ, caw dehˬ caw toˆ-eu deuˬ hawˇ-eu, Miˬyehˇ-euˬ tsawˇ haˬ dawˬ tawˆ luꞈ-ahˇ sahˬ boꞈ boꞈ ahˇ laꞈ-eu ma.

Piˇliˇpiˆ 3:16

Aˬ geu gʼaˬ aˬ joˆ-ehˇ nui ma taˬ kʼawꞈ, aˬ dui neh caw teh gʼeh laꞈ-euˬ zahˇ sahˇ kʼoꞈ heu hmˬ-ahˇ tehꞈ-ehˇ caw teh-awˇ, ti kawˆ loꞈ-ehˇ mˇ daˆ shaˇ daˆ leꞈ kaˇ-euˇ.

Piˇliˇpiˆ 3:3

Dawˇ coe ni ya ehˇ naˇ, maˇ maˇ ni baˆ kʼoˆ mehˬ dzaˬ yehˬ-euˬ tsawˇ haˬ deuˬ-aˬ, aˬ yawꞈ maꞈ maˬ ngeuˇ-a. Aˬ dui maꞈ ma. Aˬ jeˬ miˇ neh ehˇ naˇ, Yaw sahˇ Miˬyehˇ-ahˇ gʼoe-eu laꞈ kʼoeˇ Miˬyehˇ-ahˇ aˬ dui u duˬ tahˬ-awˇ, Yeˬsuˇ Ka li laꞈ kʼoeˇ yaw dehꞈ dehꞈ-eu jeˬ-ahˇ aˬ dui laˬ kʼaˬ cehˇ-eu ma. Laꞈ nyiˇ paw mˇ mawˇ nya-eu zahˇ sahˇ kʼoꞈ deuˬ-ahˇ aˬ dui gʼoe-eu maˬ ngeuˇ.

Piˇliˇpiˆ 3:8

Kʼoeˇ naˆ ni tehꞈ-ehˇ maˬ ngeuˇ-a siˬ. Gaˇ dahˇ tsoeˬ dzehˬ-eu jeˬ pyeuꞈ-eu ngaˬ-euˬ Sahˬpaˬ Yeˬsuˇ Ka li-ahˇ siˬ nya-eu jeˬ-ahˇ shaˇ cehˆ haw ngeh, ngaˬ neh kʼaˇ mˇ dzeuˇ-euˬ yawˬ jeˬ na luꞈ maˇ maˇ ni smˬ dui dui-eu jeˬ tehꞈ law hawˇ ngaˬ lehˇ sawˇ duˬ gʼaˬ-euˬ ma. Ka li-ahˇ ngaˇ geuꞈ mawꞈ dzehˬ-eu miˇ neh, ngaˬ neh kʼaˇ mˇ kʼaˇ shaˇ dzeuˇ yaꞈ-euˬ jeˬ dawˬ tawˆ luꞈ bi smˬ-iˇ jiˇ-euˬ ma. Ka li-ahˇ ngaˇ za nya ni, kʼoeˇ deuˬ dawˬ tawˆ luꞈ-ahˇ yaˆ dzeh-euˬ jaˆ guˬ jaˆ meuˬ loꞈ-ehˇ tehꞈ-ehˇ sawˇ-euˬ ma.

1 Teˇsaˬloˇni 5:15

Naw maꞈ tiˬ gʼaˬ-iˬ aˬ cawˬ yaw doeˇ jahˇ laˇ gaˇ yaw doeˇ maˬ ya jahˇ kʼoꞈ nehˬ ni yahˇ-awˬ. Ehˇ kʼawꞈ, tiˬ gʼaˬ tiˇ gʼaˬ yaw muiˬ jeˬ mˇ nehˬ-eu uˬ taꞈ, tsawˇ haˬ dawˬ tawˆ luꞈ-ahˇ yaw muiˬ jeˬ mˇ nehˬ-eu gʼaˇ duˬ, aˬ myah luꞈ noeˬ gahˇ taˬ-awˬ.

2 Teˇsaˬloˇni 2:13

Aˬ yuiꞈ aˬ nyiˇ Ka li zaˬ deuˬ-oˇ, Sahˬpaˬ Yeˬsuˇ gaˬ-eu tsawˇ haˬ deuˬ pyeuꞈ-eu naw maꞈ gʼaˇ duˬ Miˬyehˇ-euˬ guiˬ lahˬ-ahˇ nga maꞈ maˬ ja ceuˬ-ehˇ tiˬ kʼehˬ-iˬ maˬ jawˇ coeˇ nya. Aˬ jeˬ miˇ neh ehˇ naˇ, Yaw sahˇ Miˬyehˇ-euˬ baoˬ baˬ da neh naw maꞈ-ahˇ bi muiˬ bi shawˇ laˇ-awˇ, yaw tsaˬ yaw dawˇ-ahˇ naw maꞈ jah-eu baˬ da neh ka kʼoꞈ-eu jeˬ bi za-eu gʼaˇ duˬ, mˬ hawˇ-eu miˇ maˬ beh mi naˆ-ehˇ naw maꞈ-ahˇ Miˬyehˇ tseˇ doˆ taˬ-euˬ meh.

1 Tiˆmoˇseˬ 5:10

Kʼoeˇ uˬ taꞈ, yaw muiˬ jeˬ heu loꞈ-ehˇ mˇ taˬ-euˬ jaˆ-eu tsawˇ haˬ ya bi pyeuꞈ meh. Yawˬ ha-euˬ zaˬ deuˬ-ahˇ yaw muiˬ paˬ-ehˇ bo saˆ huiˬ-eu, daˬ yah-ahˇ yaw muiˬ-ehˇ ha-eu, Ka li zaˬ deuˬ gʼaˇ duˬ nyiˇ-eu teˬ-eu gaˇ deuˬ mˇ nehˬ-eu, shaˬ laˇ zahˬ laˇ-euˬ deuˬ-ahˇ caw ba-eu, yaw muiˬ jeˬ-ahˇ gʼaˬ byehˆ maˬ byehˆ ni mˇ-eu, heu loꞈ-ehˇ gʼeh-eu gaˇ deuˬ-ahˇ mˇ-eu tsawˇ haˬ ya bi pyeuꞈ-eu meh.

1 Tiˆmoˇseˬ 6:19

Kʼoeˇ loꞈ-ehˇ mˇ-eu kʼoeˇ-aˬ, aˬ kaˇ kaˇ ziˇ gʼaˇ duˬ ziꞈ dah ni gʼeh-eu pyuˇ shuiˇ myawˬ gahˬ jeˬ hmˬ taˬ gaˇ duˇ-awˇ, maˇ maˇ ni gʼeh-eu dehꞈ-eu jeˬ-ahˇ aˬ yawꞈ maꞈ za tehꞈ-a.

HeˬByehˇ 12:14

Tsawˇ haˬ yawˬ gʼaˬ na luꞈ nehˬ-ehˇ tsaˬ leˇ tsahˇ leˇ-eu laꞈ kʼoeˇ yaw muiˬ yaw shawˇ shawˇ-ehˇ dehꞈ-awˬ. Kʼoeˇ loꞈ-ehˇ maˬ dehꞈ naˇ, tsawˇ haˬ tiˬ gʼaˬ-iˬ Sahˬpaˬ Miˬyehˇ-ahˇ maˬ mawˇ nya-a.

HeˬByehˇ 12:23

Mˬ kʼoeˇ taˆ tsawˇ myahˇ bi boꞈ ahˇ taˬ-euˬ deuˬ pyeuꞈ-eu, dehꞈ beh beh le-euˬ Miˬyehˇ-euˬ zaˬ deuˬ laˬ kʼaˬ tiˬ cehˇ uiˬ leˇ taˬ-euˬ gaˇ naw maꞈ laˇ-euˬ jeˬ pyeuꞈ-eu meh. Tsawˇ haˬ zaˬ dawˬ tawˆ luꞈ-ahˇ yaˇ kʼaˬ daˇ-eu gʼaˬ pyeuꞈ-awˇ, tsawˇ muiˬ deuˬ-euˬ saꞈ laˇ-ahˇ bi muiˬ bi byah laˇ-eu gʼaˬ pyeuꞈ-eu Miˬyehˇ jawˇ gaˇ naw maꞈ laˇ-euˬ jeˬ pyeuꞈ-eu meh.

HeˬByehˇ 13:21

naw maꞈ aˬ yawꞈ-euˬ nui kʼahˇ mˇ nya ni, naw maꞈ kʼaˇ loˬ-eu jeˬ dawˬ tawˆ luꞈ biꞈ nehˬ laꞈ-awˇ, Yeˬsuˇ Ka li-ahˇ gʼoe-awˇ aˬ dui laꞈ kʼoeˇ aˬ yawꞈ nui kʼahˇ shiˇ-eu jeˬ mˇ luꞈ-uˇ. Mˬ maˬ maˬ byaˆ zaˇ ziˇ Ka li yaw shehꞈ kʼahˬ sehˇ huiˬ luꞈ-uˇ.

Yaˬkoˆ 3:2

Aˬ dui dawˬ tawˆ luꞈ tiˬ kʼehˬ maˬ taˬ ni mˇ lehˬ-eu meh. Ehˇ kʼawꞈ, tsawˇ haˬ tiˬ gʼaˬ na ngehˬ lehˬ tmˇ lehˬ-eu maˬ baw naˇ, byah-eu loꞈ-eu tsawˇ haˬ pyeuꞈ-awˇ, yawˬ ha-euˬ nui ma gʼawˇ mawˇ dawˬ tawˆ luꞈ-ahˇ yaw muiˬ paˬ-ehˇ gʼaˬ leˇ-eu tsawˇ haˬ pyeuꞈ-eu meh.

1 Beˬtuˆluˆ 5:10

Ehˇ kʼawꞈ, naw maꞈ ti kʼehˬ tiˬ yamˬ kʼoeˇ loꞈ-ehˇ ya daˬ gʼaˬ ngeh jawˇ, Ka li laꞈ koeˇ aˬ yawꞈ-euˬ mˬ maˬ maˬ byaˆ zaˇ ziˇ ziꞈ-eu yaw shehꞈ kʼahˬ sehˇ bi za-eu gʼaˇ duˬ naw maꞈ-ahˇ kuˇ-euˬ gʼaˬ pyeuꞈ-eu aˬ dui-ahˇ gaˬ dui dui-eu Miˬyehˇ-aˬ, naw maꞈ-ahˇ bi byah laˇ tehꞈ-a. Aˬ yawꞈ naw maꞈ-ahˇ bi ziꞈ laˇ, bi kʼaˆ laˇ-eu uˬ taꞈ, Ka li-ahˇ jah-eu dawˬ pehˬ ziꞈ dah ni bi pyeuꞈ laˇ tehꞈ-a.

2 Beˬtuˆluˆ 3:18

Ehˇ kʼawꞈ, ka kʼoꞈ-eu gʼaˬ pyeuꞈ-eu aˬ dui-euˬ Sahˬpaˬ Yeˬsuˇ Ka li-euˬ guiˬ lahˬ yaw dzahˇ laꞈ kʼoeˇ hawˇ-eu aˬ yawꞈ-ahˇ siˬ nya-eu jeˬ laꞈ kʼoeˇ huiˬ laˇ mahˇ laˇ luꞈ-eu jeˬ taˬ bi tsehˆ-iˇ. Nymˬ-mˇ hawˇ-eu mˬ maˬ maˬ byaˆ zaˇ ziˇ aˬ yawꞈ yaw shehꞈ kʼahˬ sehˇ huiˬ luꞈ-uˇ. Aˬ miˬ