Piˇliˇpiˆ 2:5 - Akha

⁵ Yeˬsuˇ Ka li loꞈ-ehˇ nui ma taˬ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Yeqsur Kali nuima taq-eu lof-aer, nawmaf khawf taq-awq.

Piˇliˇpiˆ 2:5 Iomraidhean Croise

Maꞈtehˬ 11:29

Ngaˬ-euˬ kʼaˆ baꞈ baꞈ-awˇ ngaˬ-ahˇ dzaw geuꞈ-awˬ. Aˬ jeˬ miˇ neh ehˇ naˇ, ngaˇ-aˬ, nui nahˬ nui yu ahˇ-awˇ, naw maꞈ-euˬ saꞈ laˇ gʼaˬ doeˇ dah kʼaˇ za ma.

Luˇkaꞈ 22:27

Huiˬ dzehˬ-eu gʼaˬ aˬ geu gʼaˬ-a. Hawˬ jeh-ahˇ jawˬ-awˇ dzaˬ-eu gʼaˬ-a loˇ. Hawˬ byawˇ laˆ dawˆ nehˬ-eu gʼaˬ-a loˇ. Hawˬ jeh-ahˇ jawˬ-awˇ dzaˬ-eu gʼaˬ huiˬ dzehˬ-eu maˬ ngeuˇ-a loˇ. Ehˇ kʼawꞈ, ngaˇ-aˬ, naw maꞈ-ahˇ hawˬ byawˇ laˆ dawˆ nehˬ-eu gʼaˬ loꞈ-ehˇ duˇ-eu ma.

Gʼaˬkʼehˇ 10:38

Naˬzaˬlehˇ tsawˇ haˬ Yeˬsuˇ gaˇ kawˆ maˬ ehˇ, aˬ yawꞈ-euˬ kʼoeˇ taˆ Miˬyehˇ neh Muiˬ-eu shawˇ-eu Yaw sahˇ Miˬyehˇ hawˇ-eu baoˬ aˬ joˆ-ehˇ shehˆ daˆ nehˬ-euˬ gaˇ kawˆ maˬ ehˇ, naw maꞈ siˬ luꞈ meh. Miˬyehˇ aˬ yawꞈ nehˬ-ehˇ jawˇ-eu miˇ neh, aˬ yawꞈ yawˬ gaˇ na luꞈ iˇ doe-awˇ, yaw muiˬ jeˬ mˇ mˇ-ehˇ, Nehꞈ-euˬ baoˬ uˬ moˆ shaˬ luꞈ-eu tsawˇ haˬ deuˬ-ahˇ naˇ gawˇ laˆ taˬ nehˬ-euˬ meh.

Gʼaˬkʼehˇ 20:35

‘Za-eu naˆ maˬ tseˇ biꞈ-eu guiˬ lahˬ huiˬ dzehˬ meh’ lehˇ Sahˬpaˬ Yeˬsuˇ neh ehˇ-euˬ dawˬ kʼoeˇ dawˬ-ahˇ noeˬ keuˆ-eu laꞈ kʼoeˇ, kʼoeˇ loꞈ-ehˇ gaˇ yaw kʼaˆ-ehˇ mˇ-awˇ gʼaˬ baˬ-eu deuˬ-ahˇ ya caw ba meh lehˇ, yawˬ jeˬ na luꞈ laꞈ kʼoeˇ naw maꞈ-ahˇ ngaˇ mˇ mehˬ shaˇ mehˬ mehˬ-euˬ ma.”

Lormav 14:15

Nawˬ neh dzaˬ-euˬ dzaˇ tiˬ jeˬ paˬ baˬ da neh nawˬ-euˬ cawˬ Ka li zaˬ tiˬ gʼaˬ na nui ma maˬ saˇ duˬ jaˆ naˇ, nawˇ gʼoeˇ-eu gaˬ-eu laꞈ kʼoeˇ dehꞈ-eu maˬ paˇ ngeuˇ meh. Ka li shiˇ dah-awˇ ka kʼoꞈ nehˬ-euˬ tsawˇ haˬ-ahˇ nawˬ neh dzaˬ-euˬ dzaˬ dzaˬ dawˇ dawˇ neh maˬ ya laˆ cawˆ-a.

Lormav 15:3

Aˬ jeˬ miˇ neh ehˇ naˇ, Ka li-aˬ, aˬ yawꞈ gʼaˇ duˬ muiˬ ni dehꞈ-euˬ maˬ ngeuˇ-a. “Naw maꞈ-ahˇ ja bu ja doeˇ-eu deuˬ-euˬ dawˬ doeˇ ngaˇ daˬ-euˬ ma” lehˇ Jaˇliꞈ laꞈ kʼoeˇ boꞈ taˬ-euˬ meh.

Lormav 15:5

Yeˬsuˇ Ka li-ahˇ dzaw geuꞈ-eu laꞈ kʼoeˇ naw maꞈ nui ma tiˬ siˬ tehꞈ-ehˇ taˬ-awˇ dehꞈ nya ni, nui ma gʼawˬ mahˇ ni taˬ-eu jeˬ biꞈ laꞈ-awˇ nui ma-ahˇ gʼaˬ biꞈ lahˬ nehˬ laꞈ-eu gʼaˬ pyeuꞈ-eu Miˬyehˇ naw maꞈ-ahˇ caw ba luꞈ-uˇ.

1 Gawˇliˬtu 10:33

Ngaˬ neh kʼaˇ mˇ-euˬ loꞈ-ehˇ mˇ-awˬ. Ngaˇ kʼaˇ mˇ-eu jeˬ laꞈ kʼoeˇ, tsawˇ haˬ yawˬ gʼaˬ na luꞈ nui kʼahˇ shiˇ ni mˇ-eu ma. Aˬ yawꞈ maꞈ ka kʼoꞈ-eu jeˬ za nya ni, ngaˬ-euˬ gʼaˇ duˬ muiˬ-eu jeˬ-ahˇ maˬ shaˇ noeˬ-ehˇ, aˬ cawˬ gʼaˇ duˬ muiˬ-eu jeˬ-ahˇ shaˇ noeˬ-awˇ mˇ-eu ma.

Eˇpeˇsu 5:2

Ka li aˬ dui-ahˇ gaˬ-eu miˇ neh, Miˬyehˇ nui kʼahˇ shiˇ-eu saw dui dui-eu lawˇ-eu jeˬ loꞈ-ehˇ aˬ yawꞈ-euˬ gʼawˇ mawˇ aˬ dui gʼaˇ duˬ lawˇ nehˬ-euˬ gaˇ duˇ ni, gʼoeˇ-eu gaˬ-eu jeˬ laꞈ kʼoeˇ dehꞈ gʼeh-awˬ.

Piˇliˇpiˆ 1:1

Yeˬsuˇ Ka li-euˬ zaˬ kʼaˆ pyeuꞈ-eu Pawˇluˆ hawˇ-eu Tiˆmoˇseˬ nga nyaꞈ, Yeˬsuˇ Ka li laꞈ kʼoeˇ Piˇliˇpiˆ meuˬ-ahˇ jawˇ luꞈ-eu Ka li zaˬ aˇ muˇ-ahˇ sheuˬ gʼeh-eu deuˬ, caw dehˬ caw toˆ-eu deuˬ hawˇ-eu, Miˬyehˇ-euˬ tsawˇ haˬ dawˬ tawˆ luꞈ-ahˇ sahˬ boꞈ boꞈ ahˇ laꞈ-eu ma.

1 Beˬtuˆluˆ 2:21

Naw maꞈ kʼoeˇ loꞈ-ehˇ dehꞈ-eu gʼaˇ duˬ Miˬyehˇ naw maꞈ-ahˇ kuˇ-euˬ meh. Aˬ jeˬ miˇ neh ehˇ naˇ, naw maꞈ Ka li-euˬ pehˬ zaˇ-ahˇ caw teh nya ni, aˬ yawꞈ-ahˇ bi dzaw geuꞈ-eu lehˇ, naw maꞈ gʼaˇ duˬ aˬ yawꞈ daˬ dzeuˇ yaꞈ-euˬ meh.

1 Beˬtuˆluˆ 4:1

Ka li-euˬ shiˬ shaˬ jiˇ gʼawˇ mawˇ kʼehˬ-eu kʼaˆ-eu jeˬ-ahˇ ya daˬ-euˬ-aˬ, naw maꞈ kʼawꞈ aˬ yawꞈ noeˬ-eu loꞈ-ehˇ noeˬ nya ni lehˬ hmˬ taˬ-awˬ. Aˬ jeˬ miˇ neh ehˇ naˇ, shiˬ shaˬ jiˇ gʼawˇ mawˇ kʼehˬ-eu kʼaˆ-eu jeˬ-ahˇ ya daˬ-euˬ tsawˇ haˬ-aˬ, iˬ baˇ-ahˇ ziˇ tsehˆ-euˬ meh.

1 Yoˇhaˬ 2:6

Miˬyehˇ laꞈ kʼoeˇ jawˇ luꞈ ma lehˇ ehˇ-eu tsawˇ haˬ aˬ geu gʼaˬ maˬ kaˬ, Yeˬsuˇ Ka li dehꞈ-eu loꞈ-ehˇ dehꞈ-eu tsaˬ meh.