Piˇliˇpiˆ 2:22 - Akha

²² Aˬ yawꞈ aˇ naˆ ni gaˇ dahˇ tsoeˬ-eu gaˇ kawˆ maˬ ehˇ, Laˬ kʼaˬ cehˇ-eu Guiˬ lahˬ dawˬ gʼaˇ duˬ aˬ yawꞈ ngaˬ nehˬ-ehˇ aˬ da hawˇ-eu zaˬ loꞈ-ehˇ mˇ daˆ shaˇ daˆ laꞈ-euˬ gaˇ kawˆ maˬ ehˇ, naw maꞈ siˬ nya meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²² Aerkhawf, nawmaf, Tivmorseq aqjox-aer ghae-eu tsawrhaq la laer siqnya-eu mae. Zaqyo tiq ghaq, aqda naeq-aer gar mr-eu lof-aer, guiqlanqdawq maeq-eu gar, aqyawf, ngaq naeq-aer mrluf-eu mae.

Piˇliˇpiˆ 2:22 Iomraidhean Croise

Gʼaˬkʼehˇ 16:2

Luˇdaˬlaˇ meuˬ hawˇ-eu Iˇgawˇniˇ meuˬ-ahˇ jawˇ-eu Ka li zaˬ dawˬ tawˆ luꞈ, Tiˆmoˇseˬ-ahˇ ja ceuˬ-eu meh.

Lormav 5:4

Aˬ dui daˬ coeˇ oˇ coeˇ-eu baˬ da neh, lawˬ haw-eu jeˬ-ahˇ gʼaˬ leˇ-euˬ tsawˇ haˬ deuˬ lehˇ, Miˬyehˇ aˬ dui-ahˇ sawˇ nehˬ laꞈ tehꞈ-a. Aˬ yawꞈ kʼoeˇ loꞈ-ehˇ sawˇ nehˬ laꞈ-eu baˬ da neh, noeˬ tmˬ-eu jeˬ jaˆ laˇ tehꞈ-a.

1 Gawˇliˬtu 16:10

Tiˆmoˇseˬ naw maꞈ jawˇ gaˇ oe doˆ lawˬ naˇ, yaw muiˬ paˬ-ehˇ ha nehˬ-awˬ. Aˬ jeˬ miˇ neh ehˇ naˇ, aˬ yawꞈ kʼawꞈ ngaˬ loꞈ-ehˇ Sahˬpaˬ Yeˬsuˇ-euˬ gaˇ mˇ luꞈ-eu tsawˇ haˬ meh.

1 Gawˇliˬtu 4:17

Ngaˇ kʼoeˇ loꞈ-ehˇ noeˬ-awˇ, Sahˬpaˬ Miˬyehˇ laꞈ kʼoeˇ ngaˇ gaˬ dui dui-eu saˇ jaˇ ziꞈ-eu aˬ li pyeuꞈ-eu Tiˆmoˇseˬ-ahˇ naw maꞈ jawˇ gaˇ kʼehˇ gʼeh leꞈ-euˬ ma. Ngaˇ caw teh luꞈ-eu gaˇ ma pyeuꞈ-eu Ka li laꞈ kʼoeˇ aˬ joˆ-ehˇ ya dehꞈ ya jawˇ-eu gaˇ kawˆ kʼoeˇ hmˬ-ahˇ naw maꞈ maˬ ya ngehˇ ni aˬ yawꞈ sheuˬ gʼeh nehˬ laꞈ tehꞈ-a. Gaˇ kawˆ kʼoeˇ hmˬ-ahˇ ka li zaˬ aˇ muˇ kʼaˇ jaˆ gaˇ ngaˇ mehˬ-eu ma.

2 Gawˇliˬtu 2:9

Naw maꞈ ngaˬ neh mehˬ-euˬ tsoˆ-euˬ dawˬ-ahˇ aˇ naˆ ni naˇ haˬ geuꞈ-eu nga lehˇ ngaˇ siˬ duˬ mawꞈ-eu miˇ neh, naw maꞈ-ahˇ lawˬ haw-eu laꞈ kʼoeˇ sahˬ boꞈ kʼoeˇ taꞈ boꞈ ahˇ leꞈ-euˬ jeˬ pyeuꞈ-eu ma.

2 Gawˇliˬtu 8:22

Kʼoeˇ miˇ neh, nga maꞈ-euˬ aˬ nyiˇ heu gʼaˬ-ahˇ aˬ yawꞈ maꞈ nehˬ-ehˇ kʼehˇ gʼeh leꞈ-euˬ ma. Nga maꞈ aˬ yawꞈ-ahˇ gʼawˬ mya poˆ lawˬ haw-eu laꞈ kʼoeˇ, aˬ yawꞈ aˬ myah luꞈ caw ba mawꞈ-eu nui ma ahˇ-eu gaˇ kawˆ siˬ duˬ taˬ-euˬ ma. Nymˬ-mˇ aˬ yawꞈ naw maꞈ-ahˇ jah coeˇ-eu nui ma paˇ ahˇ-eu miˇ neh, yaw beh naˆ maˬ tseˇ nui ma keuˆ dui dui luꞈ meh.

2 Gawˇliˬtu 8:24

Naw maꞈ-euˬ gaˇ kawˆ nga maꞈ neh kʼahˬ sehˇ jehˆ-euˬ loꞈ-ehˇ ngeuˇ ngaˇ lehˇ, Ka li zaˬ aˇ muˇ dawˬ tawˆ luꞈ-ahˇ bi siˬ bi mawˇ duˬ leˇ-eu gʼaˇ duˬ, naw maꞈ-euˬ gʼoeˇ-eu gaˬ-eu jeˬ aˬ yawꞈ maꞈ-ahˇ mehˬ nehˬ-awˬ.

2 Gawˇliˬtu 8:8

Maˬ mˇ-ehˇ maˬ gʼeh nya-a lehˇ naw maꞈ-ahˇ ciˬ pi nehˬ-eu maˬ ngeuˇ. Aˬ cawˬ caw ba mawꞈ-eu nui ma aˇ naˆ ni ahˇ-eu gaˇ kawˆ naw maꞈ-ahˇ bi siˬ bi mawˇ-eu laꞈ kʼoeˇ, naw maꞈ-euˬ gʼoeˇ-eu gaˬ-eu jeˬ aˇ naˆ ni duˬ-eu ciˇ-eu gaˇ kawˆ ngaˇ siˬ duˬ mawꞈ-eu ma.

Piˇliˇpiˆ 1:12

Aˬ yuiꞈ aˬ nyiˇ Ka li zaˬ deuˬ-oˇ, ngaˇ ya daˬ luꞈ-eu heu-aˬ, Laˬ kʼaˬ cehˇ-eu Guiˬ lahˬ dawˬ bi gaˬ doe-iˇ-eu gʼaˇ duˬ gaˇ dahˇ tsoeˬ-eu gaˇ kawˆ naw maꞈ bi siˬ nya mawꞈ miˇ-a.

Piˇliˇpiˆ 1:16

Kʼoeˇ deuˬ-aˬ, gʼoeˇ-eu gaˬ-eu laꞈ kʼoeˇ mˇ-eu meh. Aˬ jeˬ miˇ neh ehˇ naˇ, Laˬ kʼaˬ cehˇ-eu Guiˬ lahˬ dawˬ mehˬ-eu heu maˇ maˇ ni tsaˬ-eu jeˬ pyeuꞈ-eu gaˇ kawˆ bi doˆ laˇ ni mˇ-eu gʼaˇ duˬ, Miˬyehˇ ngaˬ-ahˇ kʼehˇ-euˬ meh lehˇ aˬ yawꞈ maꞈ siˬ nya meh.

Piˇliˇpiˆ 1:5

Aˬ jeˬ miˇ neh ehˇ naˇ, Laˬ kʼaˬ cehˇ-eu Guiˬ lahˬ dawˬ mehˬ-eu gaˇ laꞈ kʼoeˇ, aˇ dahˬ beh ngeh neh iˬ nah keuˆ ni naw maꞈ ngaˬ-ahˇ caw ba nehˬ laꞈ-euˬ meh.

Piˇliˇpiˆ 1:7

Ngaˬ-euˬ nui ma laꞈ kʼoeˇ naw maꞈ-ahˇ aˬ myah luꞈ noeˬ keuˆ luꞈ-eu ma. Naw maꞈ-euˬ gaˇ kawˆ ngaˬ-euˬ nui ma laꞈ kʼoeˇ heu loꞈ-ehˇ noeˬ mawˇ luꞈ-eu heu-aˬ, tsaˬ dui dui-eu ma. Aˬ jeˬ miˇ neh ehˇ naˇ, nymˬ-mˇ ngaˇ tawˬ-ahˇ uˇ luꞈ ngeh maˬ ehˇ, maˬ ya uˇ leˇ mi naˆ-ehˇ, Laˬ kʼaˬ cehˇ-eu Guiˬ lahˬ dawˬ heu ziꞈ dah ni bi pyeuꞈ laˇ-eu gʼaˇ duˬ yaˇ kʼaˬ daˇ-eu deuˬ mehˬ shi ja leˇ ngeh maˬ ehˇ, Miˬyehˇ neh ngaˬ-ahˇ bi mˇ laꞈ-euˬ muiˬ-eu gaˇ heu hmˬ laꞈ kʼoeˇ naw maꞈ ngaˬ-ahˇ aˬ myah luꞈ caw ba nehˬ laꞈ-euˬ meh.

Piˇliˇpiˆ 2:20

Ngaˬ nehˬ-ehˇ nui ma tiˬ gaˇ taꞈ-awˇ, naw maꞈ gʼaˇ duˬ maˇ maˇ ni nui ma keuˆ-eu aˬ yawꞈ tiˬ gʼaˬ jawˇ-eu tehꞈ meh.

1 Tiˆmoˇseˬ 1:18

Ngaˬ li Tiˇmoˇseˬ-oˇ, aˇ hu ba Miˬyehˇ gʼaˇ duˬ ngehˬ dah-eu deuˬ neh nawˬ-euˬ gaˇ kawˆ ehˇ taˬ-euˬ jeˬ-ahˇ tsaˬ-eu dawˬ heu dawˬ nawˬ-ahˇ ngaˇ biꞈ-eu ma. Yaw muiˬ jeˬ gʼaˇ duˬ nawˇ guiˇ deuˆ nya ni, dawˬ kʼoeˇ deuˬ-ahˇ guiˇ deuˆ-eu keu ka loꞈ-ehˇ zmˬ-awˬ.

1 Tiˆmoˇseˬ 1:2

Jah-eu jeˬ laꞈ kʼoeˇ maˇ maˇ ni ngaˬ li-ahˇ duˇ-eu Tiˆmoˇseˬ jawˇ gaˇ sahˬ boꞈ boꞈ ahˇ laꞈ-eu ma. Aˬ da Miˬyehˇ hawˇ-eu aˬ dui-euˬ Sahˬpaˬ Yeˬsuˇ Ka li-euˬ guiˬ lahˬ yaw dzahˇ maˬ ehˇ, gʼawˬ shaˬ gaˬ-eu jeˬ maˬ ehˇ, nui saˇ oꞈ-eu jeˬ maˬ ehˇ, nawˬ-euˬ kʼoeˇ taˆ jaˆ luꞈ-uˇ.

1 Tiˆmoˇseˬ 4:6

Gaˇ kawˆ heu deuˬ aˬ yuiꞈ aˬ nyiˇ Ka li zaˬ deuˬ-ahˇ nawˇ mehˬ nehˬ naˇ, nawˇ-aˬ, nawˬ neh caw teh gʼeh-euˬ jah-eu jeˬ-ahˇ taꞈ-eu yaw tsaˬ yaw dawˇ jeˬ laꞈ kʼoeˇ hawˇ-eu muiˬ dui dui-eu mehˬ-eu tsoˆ-eu dawˬ deuˬ laꞈ kʼoeˇ huiˬ laˇ-euˬ, Yeˬsuˇ Ka li-euˬ muiˬ-eu zaˬ kʼaˆ tiˬ gʼaˬ pyeuꞈ tehꞈ-a.

2 Tiˆmoˇseˬ 1:2

Ngaˇ gaˬ-eu aˬ li Tiˆmoˇseˬ jawˇ gaˇ sahˬ boꞈ boꞈ ahˇ leꞈ-eu ma. Aˬda Miˬyehˇ hawˇ-eu aˬ dui-euˬ Sahˬpaˬ Yeˬsuˇ Ka li-euˬ guiˬ lahˬ yaw dzahˇ maˬ ehˇ, gʼawˬ shaˬ gaˬ-eu jeˬ maˬ ehˇ, nui saˇ oꞈ-eu jeˬ maˬ ehˇ, nawˬ-euˬ kʼoeˇ taˆ jaˆ luꞈ-uˇ.

2 Tiˆmoˇseˬ 3:10

Ehˇ kʼawꞈ nawˇ-aˬ, ngaˬ-euˬ mehˬ nah caw teh-awˇ dzaw geuꞈ luꞈ-eu tsawˇ haˬ pyeuꞈ-eu meh. Ngaˬ neh mehˬ-euˬ tsoˆ-euˬ jeˬ, ngaˬ neh dehꞈ mehˬ jawˇ mehˬ-euˬ jeˬ, ngaˬ neh noeˬ-euˬ jeˬ, ngaˬ-euˬ jah-eu jeˬ, ngaˬ-euˬ nui ma mahˇ-eu jeˬ, ngaˬ-euˬ gʼoeˇ-eu gaˬ-eu jeˬ, ngaˇ daˬ coeˇ oˇ coeˇ-eu jeˬ,

Tiˇtuˆ 1:4

Jah-eu jeˬ laꞈ kʼoeˇ ngaˬ nehˬ-ehˇ tiˬ gaˇ taꞈ-eu ngaˬ li-ahˇ duˇ-eu Tiˇtuˆ jawˇ gaˇ sahˬ boꞈ boꞈ ahˇ laꞈ-eu ma. Aˬ da Miˬyehˇ hawˇ-eu aˬ dui-euˬ Ka kʼoꞈ-eu gʼaˬ pyeuꞈ-eu Yeˬsuˇ Ka li-euˬ guiˬ lahˬ yaw dzahˇ hawˇ-eu nui saˇ oꞈ-eu jeˬ, nawˬ-euˬ kʼoeˇ taˆ jaˆ luꞈ-uˇ.