Piˇliˇpiˆ 2:21 - Akha

²¹ Yawˬ gʼaˬ na luꞈ yawˬ ha gʼaˇ duˬ shaˇ noeˬ-eu tehꞈ meh. Yeˬsuˇ Ka li gʼaˇ duˬ maˬ shaˇ noeˬ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²¹ Tiqghaq-iq Yeqsur Kali-euq gharduq maq sharnoeq-aer, yawqghaq navluf yawqha-euq gharduq taef-aer povluf-eu mae.

Piˇliˇpiˆ 2:21 Iomraidhean Croise

2 Sahˬpaˬ 12:6

Ehˇ kʼawꞈ, Yawˇshaˆ sahˬ paˬ geuꞈ-euˬ nyiˬ tseˇ kʼoꞈ keuˆ laˇ ngeh keuˆ ni, piˇ ma kʼoeˇ deuˬ Uˬ duˬ tahˬ nymˇ nymˇ ma maˬ laˆ saˆ muiˬ ni bi jaˆ-euˬ meh.

Iˇsaˬyaˇ 56:11

Biꞈ dehˆ-euˬ maˬ baw-eu aˬ kuiˬ loꞈ-ehˇ, aˬ yuiꞈ aˬ tsu kʼoeˇ deuˬ noeˬ siˬ nya-eu jeˬ maˬ ahˇ-ehˇ, yawˬ gʼaˬ na luꞈ yawˬ ha nui kʼahˇ poˆ-awˇ, yawˬ ha-ahˇ muiˬ laˇ ni leh jeh-eu meh.

Maˬlaˬkiˇ 1:10

Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Naw maꞈ ngaˬ-euˬ lawˇ duˬ kʼoeˇ taˆ miˬ dzaˬ ciˆ doꞈ-awˇ gaˇ dahˇ maˬ tsoeˬ-eu jeˬ maˬ ya mˇ ni, naw maꞈ laꞈ kʼoeˇ tiˬ gʼaˬ na Uˬ duˬ tahˬ nymˇ nymˇ ma-euˬ laˇ gʼoˆ piˬ tehˬ leˇ gaˇ ngaˇ geuꞈ mawꞈ-eu ma. Naw maꞈ-ahˇ ngaˇ nui ma maˬ tsaˬ nya. Naw maꞈ neh yuˇ laꞈ-euˬ lawˇ-eu shehˇ-eu jeˬ ngaˇ maˬ ha geuꞈ.

Maꞈtehˬ 16:24

Kʼoeˇ naˇ, zaˬ lahˇ deuˬ-ahˇ Yeˬsuˇ heu loꞈ-ehˇ ehˇ nehˬ-euˬ meh. “Tsawˇ haˬ aˬ geu gʼaˬ maˬ kaˬ, ngaˬ-euˬ mehˬ nah caw teh laˇ mawꞈ naˇ, yawˬ ha-euˬ nui kʼahˇ ya byehˇ dzeh-eu uˬ taꞈ, yawˬ ha-euˬ laꞈ yaꞈ baꞈ-awˇ, ngaˬ-euˬ mehˬ nah ya laˇ meh.

Luˇkaꞈ 14:26

“Ngaˬ-euˬ mehˬ nah caw teh laˇ-eu tsawˇ haˬ aˬ geu gʼaˬ maˬ kaˬ, yawˬ ha-euˬ aˬ da aˬ ma, yawˬ ha-euˬ miˬ sawˇ zaˬ, yawˬ ha-euˬ mehˇ nmˇ dmˇ ma deuˬ-ahˇ byehˇ dzeh coeˇ-eu uˬ taꞈ, yawˬ haˇ yawˬ ha maˬ byehˇ dzeh coeˇ naˇ, ngaˬ-euˬ zaˬ lahˇ maˬ geuꞈ nya-a.

Gʼaˬkʼehˇ 13:13

Pawˇluˆ hawˇ-eu aˬ yawꞈ-euˬ cawˬ deuˬ lawˬ dziˬ-awˇ, Baˬpuˇ meuˬ-ahˇ neh Baˬpuˇliˇ miˇ kʼahˬ Beˬlaˬgeˬ meuˬ-ahˇ iˇ-euˬ meh. Kʼoeˇ gaˇ, Maˬkuˆ lehˇ kʼawꞈ kuˇ-eu Yoˇhaˬ kʼoeˇ gʼaˬ aˬ yawꞈ nyaꞈ-ahˇ gʼawˬ-iˇ-awˇ, Yeˬluˇsaˬlehˬ meuˬ-ahˇ gʼoꞈ leˇ-euˬ meh.

Gʼaˬkʼehˇ 15:38

Ehˇ kʼawꞈ, aˬ yawꞈ-ahˇ sheuˬ gʼeh-eu maˬ tsaˬ-a lehˇ Pawˇluˆ noeˬ-eu meh. Aˬ jeˬ miˇ neh ehˇ naˇ, yaw beh Miˬyehˇ dawˬ kawˬ mehˬ-eu cah ngeh jawˇ, aˇ saˬ saˬ ngeh keuˆ ni maˬ cah-ehˇ, Paˬbuˇliˇ miˇ kʼahˬ-ahˇ iˇ keuˆ ngeh aˬ yawꞈ nyaꞈ-ahˇ byehˇ dzeh-awˇ aˬ yawꞈ tiˬ gʼaˬ tehꞈ-ehˇ gʼoꞈ le-euˬ meh.

1 Gawˇliˬtu 10:24

Tsawˇ haˬ tiˬ gʼaˬ-iˬ yawˬ ha gʼaˇ duˬ muiˬ-eu jeˬ-ahˇ maˬ poˆ ni, aˬ cawˬ gʼaˇ duˬ muiˬ-eu jeˬ-ahˇ poˆ-eu tsaˬ meh.

1 Gawˇliˬtu 10:33

Ngaˬ neh kʼaˇ mˇ-euˬ loꞈ-ehˇ mˇ-awˬ. Ngaˇ kʼaˇ mˇ-eu jeˬ laꞈ kʼoeˇ, tsawˇ haˬ yawˬ gʼaˬ na luꞈ nui kʼahˇ shiˇ ni mˇ-eu ma. Aˬ yawꞈ maꞈ ka kʼoꞈ-eu jeˬ za nya ni, ngaˬ-euˬ gʼaˇ duˬ muiˬ-eu jeˬ-ahˇ maˬ shaˇ noeˬ-ehˇ, aˬ cawˬ gʼaˇ duˬ muiˬ-eu jeˬ-ahˇ shaˇ noeˬ-awˇ mˇ-eu ma.

1 Gawˇliˬtu 13:5

Gʼoeˇ-eu gaˬ-eu jeˬ-aˬ, aˬ cawˬ-ahˇ yehˬ bawˬ sehˇ lu-ehˇ maˬ gʼeh-a. Yawˬ ha-euˬ nui kʼahˇ maˬ poˆ-a. Nui ma pehˇ laˇ-eu maˬ kawˇ-a.

2 Gawˇliˬtu 1:5

Ka li ya daˬ-euˬ shaˬ zahˬ gʼawˬ mya jeˬ-ahˇ aˬ dui caw daˬ-eu loꞈ-ehˇ, Miˬyehˇ-euˬ huiˬ dui dui-eu ngehˬ gʼeh dah teˬ nehˬ laꞈ-eu jeˬ-ahˇ Ka li laꞈ kʼoeˇ aˬ dui za-euˬ ma.

Piˇliˇpiˆ 2:4

Yawˬ ha gʼaˇ duˬ tehꞈ-ehˇ maˬ shaˇ noeˬ ni, aˬ cawˬ gʼaˇ duˬ shaˇ noeˬ-awˬ.

2 Tiˆmoˇseˬ 1:15

Piˬgeˬluˇ hawˇ-eu Heˬlaˇmoˇjeˬ aˬ nyaꞈ ahˇ leˇ-ehˇ, Aˬshaˆ miˇ kʼahˬ-ahˇ kʼaˇ jawˇ-eu tsawˇ haˬ yawˬ gʼaˬ na luꞈ ngaˬ-ahˇ byehˇ dzeh yaꞈ jiˇ-euˬ nawˇ siˬ nya luꞈ meh.

2 Tiˆmoˇseˬ 3:2

Tsawˇ haˬ zaˬ deuˬ-aˬ, yawˬ ha gʼaˇ duˬ tehꞈ-ehˇ shaˇ noe-eu, pyuˇ-ahˇ mehˇ juiˇ juiˇ-eu, kʼahˬ sehˇ jehˆ-eu, nui ma huiˬ-eu mahˇ-eu, aˬ cawˬ-ahˇ yehˬ bawˬ sehˇ lu-ehˇ ehˇ-eu, aˬ da aˬ ma-euˬ ehˇ dawˬ maˬ naˇ haˬ-eu, guiˬ lahˬ-ahˇ maˬ siˬ nya-eu, uˬ duˬ tahˬ-eu zahˇ sahˇ kʼoꞈ-ahˇ maˬ taˬ huiˬ-eu,

2 Tiˆmoˇseˬ 4:10

Deˬmaˆ-aˬ, heu ziˇ-ahˇ taꞈ-eu miˇ tsaˬ heu-ahˇ gaˬ-eu miˇ neh, ngaˬ-ahˇ byehˇ dzeh yaꞈ-awˇ Teˇsaˬloˇni meuˬ-ahˇ iˇ-euˬ meh. Gaˬleˬgeˬ gʼaˬ-aˬ, Gaˬlaˬtiˆ miˇ kʼahˬ-ahˇ iˇ-awˇ, Tiˇtuˆ gʼaˬ-aˬ, Daˬlaˬmaˬdiˇ miˇ kʼahˬ-ahˇ iˇ-euˬ meh.

2 Tiˆmoˇseˬ 4:16

Yaˇ kʼaˬ daˇ duˬ-ahˇ ngaˬ-euˬ gaˇ kawˆ yaw beh poˆ ngaˇ ciˬ daˬ leˇ ngeh, yawˬ gʼaˬ na luꞈ ngaˬ-ahˇ byehˇ dzeh nehˬ laꞈ-euˬ meh. Aˬ yawꞈ maꞈ-ahˇ Miˬyehˇ iˬ baˇ pyehˬ luꞈ-uˇ.