Piˇliˇpiˆ 2:20 - Akha

²⁰ Ngaˬ nehˬ-ehˇ nui ma tiˬ gaˇ taꞈ-awˇ, naw maꞈ gʼaˇ duˬ maˇ maˇ ni nui ma keuˆ-eu aˬ yawꞈ tiˬ gʼaˬ jawˇ-eu tehꞈ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁰ Aqjeq mirnae aernar-aq, ngaq naeq-aer nuima tiqsiq taef-aer taq-awr, nawmaf-euq gharduq nuima shawrjaevni sharnoeq naeq-eu tiqghaq-iq maqjawr-a.

Piˇliˇpiˆ 2:20 Iomraidhean Croise

Jaceuq 55:13

Ehˇ kʼawꞈ, ngaˬ-ahˇ gʼoeˇ-eu ngaˬ-euˬ cawˬ nawˇ gʼaˬ kʼoeˇ loꞈ-ehˇ jahˇ nehˬ laꞈ gaˇ maˬ daˬ coeˇ nya.

Dawqdaq 31:29

Aˬ yawꞈ-euˬ kʼaˬ dzeˇ zaˬ ehˇ-eu, “Bym-eu zaˬ miˬ zaˬ gʼawˬ mya ni jawˇ meh. Ehˇ kʼawꞈ, nawˇ loꞈ-ehˇ tiˬ gʼaˬ-iˬ maˬ bym-a.

Yoˇhaˬ 10:13

Aˬ yawꞈ-aˬ, aˇ poeˬ biꞈ-awˇ bi bo-euˬ tsawˇ haˬ pyeuꞈ-eu miˇ neh, yawˇ deuˬ-ahˇ kʼahˇ maˬ kʼoꞈ ni byehˇ dzeh-awˇ cehˆ-eu meh.

Yoˇhaˬ 12:6

Shaˬ zaˬ zahˬ zaˬ deuˬ gʼaˇ duˬ shaˇ noeˬ-awˇ aˬ yawꞈ kʼoeˇ loꞈ-ehˇ ehˇ-eu maˬ ngeuˇ-a. Aˬ yawꞈ smˇ kʼoeˬ tiˬ gʼaˬ miˇ neh, kʼoeˇ loꞈ-ehˇ gʼeh-eu dawˬ ngehˬ-eu meh. Aˬ yawꞈ-aˬ, pyuˇ pawˬ behˆ tawˬ-eu pyuˇ jeˬ hmˬ-eu gʼaˬ pyeuꞈ-awˇ, tiˬ poˆ na pyuˇ daˬ yuˇ-awˇ aˬ yawꞈ-euˬ gʼaˇ duˬ zmˬ-eu tsawˇ haˬ pyeuꞈ-eu meh.

Lormav 15:5

Yeˬsuˇ Ka li-ahˇ dzaw geuꞈ-eu laꞈ kʼoeˇ naw maꞈ nui ma tiˬ siˬ tehꞈ-ehˇ taˬ-awˇ dehꞈ nya ni, nui ma gʼawˬ mahˇ ni taˬ-eu jeˬ biꞈ laꞈ-awˇ nui ma-ahˇ gʼaˬ biꞈ lahˬ nehˬ laꞈ-eu gʼaˬ pyeuꞈ-eu Miˬyehˇ naw maꞈ-ahˇ caw ba luꞈ-uˇ.

1 Gawˇliˬtu 16:10

Tiˆmoˇseˬ naw maꞈ jawˇ gaˇ oe doˆ lawˬ naˇ, yaw muiˬ paˬ-ehˇ ha nehˬ-awˬ. Aˬ jeˬ miˇ neh ehˇ naˇ, aˬ yawꞈ kʼawꞈ ngaˬ loꞈ-ehˇ Sahˬpaˬ Yeˬsuˇ-euˬ gaˇ mˇ luꞈ-eu tsawˇ haˬ meh.

Piˇliˇpiˆ 2:2

Kʼoeˇ miˇ neh, ngaˇ laˬ kʼaˬ cehˇ-eu jeˬ byah laˇ ni, naw maꞈ nui noeˬ tiˬ gaˇ taꞈ-awˇ, gʼoeˇ-eu gaˬ-eu jeˬ tiˬ kawˆ loꞈ-ehˇ ahˇ-awˇ, nui ma tiˬ siˬ tehꞈ-ehˇ taˬ-eu gʼaˇ duˬ, ngaˇ naw maꞈ-ahˇ shaˇ-eu ma.

Piˇliˇpiˆ 2:22

Aˬ yawꞈ aˇ naˆ ni gaˇ dahˇ tsoeˬ-eu gaˇ kawˆ maˬ ehˇ, Laˬ kʼaˬ cehˇ-eu Guiˬ lahˬ dawˬ gʼaˇ duˬ aˬ yawꞈ ngaˬ nehˬ-ehˇ aˬ da hawˇ-eu zaˬ loꞈ-ehˇ mˇ daˆ shaˇ daˆ laꞈ-euˬ gaˇ kawˆ maˬ ehˇ, naw maꞈ siˬ nya meh.

Gawˇlawˇsehˇ 4:11

Yuˇtuˬ lehˇ kʼawꞈ kuˇ-eu Yawˇshuˆ kʼoeˇ gʼaˬ kʼawꞈ, naw maꞈ-ahˇ dawˬ cawˬ puˬ ahˇ laꞈ-euˬ meh. Yuˇdaˆ tsawˇ haˬ laꞈ kʼoeˇ Ka li zaˬ pyeuꞈ laˇ-awˇ ngaˬ nehˬ-ehˇ tiˬ kawˆ loꞈ-ehˇ Miˬyehˇ Miˇkʼah gʼaˇ duˬ mˇ luꞈ-eu heu smˇ gʼaˬ jawˇ-eu tehꞈ ma. Aˬ yawꞈ maꞈ ngaˬ-ahˇ caw mˇ caw shaˇ nehˬ laꞈ dui dui-euˬ meh.

1 Tiˆmoˇseˬ 1:2

Jah-eu jeˬ laꞈ kʼoeˇ maˇ maˇ ni ngaˬ li-ahˇ duˇ-eu Tiˆmoˇseˬ jawˇ gaˇ sahˬ boꞈ boꞈ ahˇ laꞈ-eu ma. Aˬ da Miˬyehˇ hawˇ-eu aˬ dui-euˬ Sahˬpaˬ Yeˬsuˇ Ka li-euˬ guiˬ lahˬ yaw dzahˇ maˬ ehˇ, gʼawˬ shaˬ gaˬ-eu jeˬ maˬ ehˇ, nui saˇ oꞈ-eu jeˬ maˬ ehˇ, nawˬ-euˬ kʼoeˇ taˆ jaˆ luꞈ-uˇ.

1 Tiˆmoˇseˬ 4:6

Gaˇ kawˆ heu deuˬ aˬ yuiꞈ aˬ nyiˇ Ka li zaˬ deuˬ-ahˇ nawˇ mehˬ nehˬ naˇ, nawˇ-aˬ, nawˬ neh caw teh gʼeh-euˬ jah-eu jeˬ-ahˇ taꞈ-eu yaw tsaˬ yaw dawˇ jeˬ laꞈ kʼoeˇ hawˇ-eu muiˬ dui dui-eu mehˬ-eu tsoˆ-eu dawˬ deuˬ laꞈ kʼoeˇ huiˬ laˇ-euˬ, Yeˬsuˇ Ka li-euˬ muiˬ-eu zaˬ kʼaˆ tiˬ gʼaˬ pyeuꞈ tehꞈ-a.

2 Tiˆmoˇseˬ 1:5

Shawˇ jehˆ ni gʼeh-eu nawˬ-euˬ jah-eu jeˬ-ahˇ ngaˇ noeˬ mawˇ luꞈ ma. Nawˬ-euˬ jah-eu jeˬ-aˬ, nawˬ piˬ Lawˇiˆ hawˇ-eu nawˬ ma Uˇniˇ-euˬ jah-eu jeˬ-ahˇ duˇ-eu meh. Jah-eu jeˬ kʼoeˇ, nawˬ-euˬ laꞈ kʼoeˇ kʼawꞈ ahˇ meh lehˇ ngaˇ siˬ duˬ ma.

2 Tiˆmoˇseˬ 3:10

Ehˇ kʼawꞈ nawˇ-aˬ, ngaˬ-euˬ mehˬ nah caw teh-awˇ dzaw geuꞈ luꞈ-eu tsawˇ haˬ pyeuꞈ-eu meh. Ngaˬ neh mehˬ-euˬ tsoˆ-euˬ jeˬ, ngaˬ neh dehꞈ mehˬ jawˇ mehˬ-euˬ jeˬ, ngaˬ neh noeˬ-euˬ jeˬ, ngaˬ-euˬ jah-eu jeˬ, ngaˬ-euˬ nui ma mahˇ-eu jeˬ, ngaˬ-euˬ gʼoeˇ-eu gaˬ-eu jeˬ, ngaˇ daˬ coeˇ oˇ coeˇ-eu jeˬ,

1 Saˬmeuˬlaˆ 18:1

Sawˇluˆ hawˇ-eu Daˬbiˇ aˬ nyaꞈ dawˬ ngehˬ cawˬ gʼaˬ ngeh, Sawˇ luˆ-euˬ aˬ li Yawˇnaˆshaˬ gʼaˬ Daˬbiˇ-ahˇ nui kʼahˇ shiˇ dui dui-awˇ, yawˬ ha-euˬ gʼawˇ mawˇ-ahˇ gaˬ-eu loꞈ-ehˇ Daˬbiˇ-ahˇ gaˬ-euˬ meh.

1 Saˬmeuˬlaˆ 18:3

Yawˇnaˆshaˬ-aˬ, maˬ shiˇ tiˬ ziˇ Daˬbiˇ nehˬ-ehˇ cawˬ cawˬ daˆ leꞈ-eu gʼaˇ duˬ saˇ jaˇ dzaˬ-euˬ meh. Aˬ jeˬ miˇ neh ehˇ naˇ, Daˬbiˇ-ahˇ aˬ yawꞈ nui kʼahˇ shiˇ dui dui-eu meh.