Piˇliˇpiˆ 2:2 - Akha

² Kʼoeˇ miˇ neh, ngaˇ laˬ kʼaˬ cehˇ-eu jeˬ byah laˇ ni, naw maꞈ nui noeˬ tiˬ gaˇ taꞈ-awˇ, gʼoeˇ-eu gaˬ-eu jeˬ tiˬ kawˆ loꞈ-ehˇ ahˇ-awˇ, nui ma tiˬ siˬ tehꞈ-ehˇ taˬ-eu gʼaˇ duˬ, ngaˇ naw maꞈ-ahˇ shaˇ-eu ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² ngar laqkhaq caer-eu jeq byanlarni, nawmaf nuinoeq tiqgar bidur-awr, gaq-eu tiqkawv lof-aer bidur-eu uqtaf, nuima tiqgar gm-awr, nuinoeq tiqjeq taef-aer bipyeuf-awq.

Piˇliˇpiˆ 2:2 Iomraidhean Croise

Jaceuq 122:8

Nawˇ nui saˇ oꞈ luꞈ-uˇ lehˇ, ngaˬ-euˬ aˬ yuiꞈ aˬ nyiˇ hawˇ-eu cawˬ deuˬ-euˬ gʼaˇ duˬ, Yeˬluˇsaˬlehˬ meuˬ-ahˇ ngaˇ ehˇ dah nehˬ-eu ma.

Yoˇhaˬ 3:29

Smˇ miˇ iˇ-eu zaˬ miˬ-aˬ, miˬ zaˬ laˬ-eu zaˬ yo-ahˇ oꞈ-eu meh. Miˬ zaˬ sheuˬ-eu gʼaˬ-euˬ dawˬ peh yawꞈ caw nehˬ-awˇ naˇ haˬ luꞈ-eu aˬ yawꞈ-euˬ cawˬ kʼoeˇ gʼaˬ-aˬ, miˬ zaˬ sheuˬ-eu gʼaˬ-euˬ dawˬ-ahˇ ya gaˬ ngeh, laˬ kʼaˬ cehˇ-eu meh. Kʼoeˇ gaˇ duˇ ni, nymˬ-mˇ ngaˇ laˬ kʼaˬ cehˇ-eu jeˬ byah miˇ-a.

Gʼaˬkʼehˇ 1:14

Aˬ yawꞈ maꞈ-aˬ, zaˬ miˬ zaˬ deuˬ hawˇ-eu, Yeˬsuˇ-euˬ aˬ ma Maˬliˇ hawˇ-eu Yeˬsuˇ-euˬ aˬ nyiˇ deuˬ nehˬ-ehˇ tiˬ kawˆ loꞈ-ehˇ, tiˬ kʼehˬ maˬ taˬ ni uiˬ leˇ-awˇ guiˬ lahˬ shaˇ-eu meh.

Gʼaˬkʼehˇ 2:1

Beˬdeˬgoˇdeˬ aˇ nah keuˆ le ngeh, jah-eu tsawˇ haˬ dawˬ tawˆ luꞈ, tiˬ gaˇ uiˬ leˇ-awˇ jawˇ-euˬ meh.

Gʼaˬkʼehˇ 2:46

Aˬ yawꞈ nah yawꞈ Uˬ duˬ tahˬ nymˇ nymˇ ma laꞈ kʼoeˇ tahˬ dzoeˇ-awˇ, aˬ yawꞈ maꞈ-euˬ nymˇ laꞈ kʼoeˇ laˬ kʼaˬ cehˇ-awˇ nui gaˬ shaˬ coeˇ byah-eu laꞈ kʼoeˇ dzaˬ taꞈ dawˇ taꞈ-euˬ meh.

Gʼaˬkʼehˇ 5:12

Zahˬ leˇ paˬ-ehˇ gʼeh-eu jeˬ hawˇ-eu kʼaˆ jeˬ-ehˇ gʼeh-eu gʼawˬ mya jeˬ, tsawˇ haˬ gʼawˬ mya ni-ahˇ gʼaˬ kʼehˇ deuˬ mˇ mehˬ-euˬ meh. Jah-eu tsawˇ haˬ dawˬ tawˆ luꞈ, Sawˇlaˬmoˬ-euˬ Guiˇ ga ceuˬ lehˇ kuˇ-eu jawˇ duˬ-ahˇ uiˬ leˇ-euˬ meh.

Lormav 12:16

Tsawˇ haˬ yawˬ gʼaˬ na luꞈ kʼoeˇ taˆ nui ma tiˬ kawˆ loꞈ-ehˇ taˬ-awˬ. Huiˬ mawꞈ mahˇ mawꞈ-eu nui ma taˬ bi ahˇ. Tsawˇ teˬ zaˬ deuˬ-ahˇ kʼawꞈ cawˬ cawˬ-awˬ. Yawˬ haˇ yawˬ ha zaˬ siˬ tsawˇ gahˇ ahˇ ma lehˇ taˬ noeˬ.

1 Gawˇliˬtu 1:10

Aˬ yuiꞈ aˬ nyiˇ Ka li zaˬ deuˬ-oˇ, aˬ dui-euˬ Sahˬpaˬ Yeˬsuˇ Ka li-euˬ tsawˇ myahˇ uˬ moˆ naw maꞈ-ahˇ ngaˇ heu loꞈ-ehˇ shaˇ mawꞈ-eu ma. Naw maꞈ aˇ muˇ maˬ ya muˇ paˆ-eu gʼaˇ duˬ, ngehˬ-eu tmˇ-eu laꞈ kʼoeˇ tsaˬ leˇ dzoeˇ leˇ-eu jeˬ bi ahˇ-awˬ. Nui ma tiˬ siˬ tehꞈ-ehˇ taˬ-awˇ, nui noeˬ tiˬ gaˇ taꞈ-awˬ.

2 Gawˇliˬtu 13:11

Aˬ yuiꞈ aˬ nyiˇ Ka li zaˬ deuˬ-oˇ, aˇ saˬ saˬ-eu dawˬ heu loꞈ-ehˇ ehˇ ma. Laˬ kʼaˬ cehˇ-eu jeˬ oꞈ luꞈ-uˇ. Naw maꞈ dehꞈ paˇ-awˬ. Ngaˬ-euˬ shaˇ dawˬ naˇ haˬ nehˬ laꞈ-awˬ. Tiˬ gʼaˬ tiˇ gʼaˬ tsaˬ leˇ dzoeˇ leˇ-awˬ. Gʼoeˇ-eu gaˬ-eu jeˬ hawˇ-eu nui saˇ oꞈ-eu jeˬ biꞈ-eu Miˬyehˇ naw maꞈ nehˬ-ehˇ jawˇ tehꞈ-a.

2 Gawˇliˬtu 2:3

Ngaˇ laˬ kʼaˬ cehˇ ni jahˇ nehˬ laꞈ paˬ-ehˇ gʼeh-eu tsawˇ haˬ deuˬ neh ngaˇ ya noeˬ shaˬ ni paˇ bi jahˇ-eu lehˇ naw maꞈ jawˇ gaˇ ngaˇ maˬ paˇ oe mawꞈ miˇ-a. Aˬ jeˬ miˇ neh ehˇ naˇ, ngaˇ laˬ kʼaˬ cehˇ naˇ, naw maꞈ dawˬ tawˆ luꞈ kʼawꞈ laˬ kʼaˬ cehˇ meh lehˇ ngaˇ jah-eu ma.

2 Gawˇliˬtu 7:7

Aˬ yawꞈ laˇ-euˬ baˬ da neh tehꞈ-ehˇ nga maꞈ gʼaˬ ahˇ laˇ-euˬ maˬ ngeuˇ. Naw maꞈ aˬ yawꞈ-ahˇ aˬ joˆ-ehˇ gʼaˬ biꞈ-euˬ gaˇ kawˆ aˬ yawꞈ ja mehˬ nehˬ laꞈ-euˬ miˇ neh, nga maꞈ gʼaˬ ahˇ laˇ-euˬ ma. Naw maꞈ ngaˬ-ahˇ aˇ naˆ ni mawˇ mawꞈ-eu gaˇ kawˆ maˬ ehˇ, pyeuꞈ dzeuˇ yaꞈ-euˬ gaˇ kawˆ-ahˇ naw maꞈ aˇ naˆ ni noeˬ shaˬ luꞈ-eu gaˇ kawˆ maˬ ehˇ, naw maꞈ ngaˇ jawˇ paw aˇ naˆ ni pyawˬ mawꞈ-eu gaˇ kawˆ maˬ ehˇ, nga maꞈ-ahˇ aˬ yawꞈ dzawˇ mehˬ laꞈ-euˬ meh. Kʼoeˇ miˇ neh, ngaˇ laˬ kʼaˬ cehˇ-eu maˬ ehˇ jiˇ coeˇ nya.

Piˇliˇpiˆ 1:4

Naw maꞈ dawˬ tawˆ luꞈ gʼaˇ duˬ ngaˇ guiˬ lahˬ kʼaˇ shaˇ ngeh, laˬ kʼaˬ cehˇ-eu laꞈ kʼoeˇ shaˇ-eu ma.

Piˇliˇpiˆ 2:16

Saꞈ laˇ bi dehꞈ-eu dawˬ aˬ yawꞈ maꞈ-ahˇ biꞈ-awˬ. Kʼoeˇ loꞈ-ehˇ mˇ naˇ, Ka li zaꞈ le-eu Aˇ nah-ahˇ naw maꞈ gʼaˇ duˬ ngaˇ kʼahˬ sehˇ jehˆ kʼaˇ za tehꞈ-a. Aˬ jeˬ miˇ neh ehˇ naˇ, kʼoeˇ-aˬ, ngaˬ neh leh jeh-awˇ mˇ-euˬ gaˇ heu yawꞈ ngehꞈ maˬ ngeuˇ-eu gaˇ kawˆ bya cehˆ ni bi doˆ laˇ tehꞈ-a.

Piˇliˇpiˆ 2:20

Ngaˬ nehˬ-ehˇ nui ma tiˬ gaˇ taꞈ-awˇ, naw maꞈ gʼaˇ duˬ maˇ maˇ ni nui ma keuˆ-eu aˬ yawꞈ tiˬ gʼaˬ jawˇ-eu tehꞈ meh.

Piˇliˇpiˆ 4:2

Iˇbawˇdiˇ hawˇ-eu Suˇtuˆ-oˇ, Sahˬpaˬ Yeˬsuˇ laꞈ kʼoeˇ nui ma tiˬ gaˇ taꞈ-awˬ lehˇ naw nyaꞈ-ahˇ ngaˇ shaˇ-eu ma.

Gawˇlawˇsehˇ 2:5

Ngaˬ-euˬ gʼawˇ mawˇ naw maꞈ nehˬ-ehˇ maˬ jawˇ kʼawꞈ, ngaˬ-euˬ nui ma naw maꞈ nehˬ-ehˇ jawˇ luꞈ-awˇ, naw maꞈ Ka li-ahˇ jah-eu jeˬ laꞈ kʼoeˇ tiˬ kawˆ loꞈ-ehˇ ziꞈ dah ni jawˇ luꞈ gaˇ ya mawˇ-eu miˇ neh, laˬ kʼaˬ cehˇ dui dui nya.

2 Teˇsaˬloˇni 2:13

Aˬ yuiꞈ aˬ nyiˇ Ka li zaˬ deuˬ-oˇ, Sahˬpaˬ Yeˬsuˇ gaˬ-eu tsawˇ haˬ deuˬ pyeuꞈ-eu naw maꞈ gʼaˇ duˬ Miˬyehˇ-euˬ guiˬ lahˬ-ahˇ nga maꞈ maˬ ja ceuˬ-ehˇ tiˬ kʼehˬ-iˬ maˬ jawˇ coeˇ nya. Aˬ jeˬ miˇ neh ehˇ naˇ, Yaw sahˇ Miˬyehˇ-euˬ baoˬ baˬ da neh naw maꞈ-ahˇ bi muiˬ bi shawˇ laˇ-awˇ, yaw tsaˬ yaw dawˇ-ahˇ naw maꞈ jah-eu baˬ da neh ka kʼoꞈ-eu jeˬ bi za-eu gʼaˇ duˬ, mˬ hawˇ-eu miˇ maˬ beh mi naˆ-ehˇ naw maꞈ-ahˇ Miˬyehˇ tseˇ doˆ taˬ-euˬ meh.

2 Tiˆmoˇseˬ 1:4

Nawˇ myaˆ biˇ ya doˆ gaˇ noeˬ mawˇ-awˇ, nawˬ-ahˇngaˇ mawˇ mawꞈ dui dui-eu ma. Nawˬ-ahˇ mawˇ naˇ, ngaˇ laˬ kʼaˬ ya cehˇ dui dui tehꞈ-a.

Piˇleˇmoˬ 1:20

Kʼoeˇ miˇ neh, ngaˬ-euˬ aˬ nyiˇ-oˇ, Sahˬpaˬ Yeˬsuˇ-euˬ myaˆ pyawˬ-ahˇ haw-awˇ, ngaˇ nui ma saˇ ni tiˬ poˆ mˇ nehˬ laꞈ sheˇ.

2 Yoˇhaˬ 1:4

Aˬda Miˬyehˇ neh dawˬ kʼaˇ biꞈ taˬ-euˬ loꞈ-ehˇ, nawˬ-euˬ zaˬ tiˬ paˆ na deuˬ yaw tsaˬ yaw dawˇ jeˬ laꞈ kʼoeˇ jawˇ luꞈ gaˇ ya siˬ ya mawˇ-euˬ miˇ neh ngaˇ laˬ kʼaˬ cehˇ dui dui-eu ma.

3 Yoˇhaˬ 1:4

Ngaˬ-euˬ zaˬ deuˬ yaw tsaˬ yaw dawˇ jeˬ laꞈ kʼoeˇ dehꞈ luꞈ meh lehˇ ya gaˬ-eu naˆ maˬ tseˇ, ngaˇ laˬ kʼaˬ cehˇ-eu nui jeˬ maˬ paˇ jaˆ ma.