Piˇliˇpiˆ 2:15 - Akha

¹⁵ Kʼoeˇ loꞈ-ehˇ mˇ naˇ, iˬ baˇ mˇ-awˇ bahˬ-eu muˆ-eu tsawˇ haˬ deuˬ jawˇ-eu miˇ tsaˬ heu kʼoeˇ taˆ, naw maꞈ-aˬ, iˬ baˇ taˬ kʼaˇ maˬ za ni muiˬ dui dui-eu Miˬyehˇ-euˬ zaˬ deuˬ pyeuꞈ laˇ tehꞈ-a. Mˬ kʼoeˇ taˆ tsehˬ-eu aˬ guiˇ loꞈ-ehˇ aˬ yawꞈ maꞈ-ahˇ yaw shehꞈ bya nehˬ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁵ Khoerlof-aer mr nar-aq, nawmaf iqbax taqkhar maqza-aer, aqcawq-anr maqcoeq maqciv-eu tsawrhaq pyeuf taef-a. Khoeruqtaf, nuighof anr-awr, nanrpov-aer daefluf-eu heuzir-euq tsawrhaq hawr-eu mirtsaqzaq-euq ghanrcae, nawmaf-aq, yawlaeq maqanr-eu yawshaef lof-aer bya’naeq luf-eu Miqyaer-euq zaq pyeuf taef-a.

Piˇliˇpiˆ 2:15 Iomraidhean Croise

Jaceuq 122:5

Iˇsaˬleˬlaˆ sahˬ paˬ deuˬ heu gaˇ nuiˇ-awˇ, aˬ yawꞈ-euˬ tsawˇ haˬ deuˬ-ahˇ yaˇ kʼaˬ daˇ-eu meh.

Doˆ-iˇ 34:35

Kʼoeˇ ngeh, a yawꞈ-euˬ myaˆ pyawˬ yaw shehꞈ bya gaˇ aˬ yawꞈ maꞈ ya mawˇ-euˬ meh. Kʼoeˇ naˇ, Sahˬpaˬ Miˬyehˇ-ahˇ yawˬ poˆ yawˬ maˬ ngehˬ cawˬ leˇ kʼoeˇ keuˆ ni, aˬ yawꞈ-euˬ myaˆ pyawˬ-ahˇ dehˬ kaˬ taˬ-euˬ meh.

Dawqdaq 4:18

Yaw tsaˬ yaw dawˇ tsawˇ haˬ-euˬ gaˇ ma-aˬ, uˬ shawˬ paw bya-eu nahˇ ma yaw shehꞈ-ahˇ duˇ-awˇ, nah loˆ ceh laˇ ngeh keuˆ ni, ngehˬ jawˇ ngehˬ bya-eu meh.

Dawqdaq 8:8

Ngaˇ kʼaˇ ehˇ-eu jeˬ tsaˬ dui dawˇ dui dui-awˇ, yaw lehˬ yaw ca maˬ ahˇ-eu miˇ neh,

Iˇsaˬyaˇ 60:1

Yeˬluˇsaˬlehˬ meuˬ-oˇ, tuˇ-awˬ. Nawˬ-euˬ yaw shehꞈ keuˆ le-euˬ meh. Sahˬpaˬ Miˬyehˇ-euˬ yaw shehꞈ kʼahˬ sehˇ, nawˬ-euˬ kʼoeˇ taˆ doˆ laˇ luꞈ meh.

Daˬyeˬlaˇ 6:4

Daˬyeˬlaˇ nehˬ-ehˇ miˇ kʼahˬ-ahˇ haw pyaˆ uˆ lahˇ luꞈ-eu sahˬ paˬ sahˬ ma kʼoeˇ deuˬ, Daˬyeˬlaˇ miˇ kʼahˬ gaˇ mˇ gaˇ yaw lehˬ yaw ca doˆ laˇ ni poˆ tseˇ kʼawꞈ, maˬ poˆ mawˇ nya-a. Aˬ jeˬ miˇ neh ehˇ naˇ, Daˬyeˬlaˇ-aˬ, saˇ jaˇ ziꞈ-awˇ, nui ma dawˇ-eu uˬ taꞈ, yaw lehˬ maˬ mˇ-a.

Maꞈtehˬ 10:16

“Naˇ haˬ sheˇ. Kʼaˬ yehˇ yehˇ maꞈ jawˇ gaˇ yawˇ-ahˇ pyehˬ uˇ gʼeh-eu loꞈ-ehˇ, naw maꞈ-ahˇ ngaˇ pyehˬ gʼeh-eu ma. Aˇ lawˇ loꞈ-ehˇ yaw gahˇ gahˇ-ehˇ dehꞈ-awˇ, kʼaˬ kʼoeˬ loꞈ-ehˇ aˬ cawˬ-ahˇ maˬ coeˬ maˬ ciˆ ni yahˇ yahˇ-ehˇ jawˇ-awˬ.

Maꞈtehˬ 17:17

Yeˬsuˇ ehˇ-eu, “Jah-eu nui ma maˬ ahˇ-eu naˬ lehˬ lehˬ-eu ziˇ heu ziˇ-ahˇ dehꞈ luꞈ-eu tsawˇ haˬ deuˬ-oˇ, naw maꞈ nehˬ-ehˇ aˇ myah keuˆ ni ngaˇ pa ya jawˇ ta. Aˇ myah keuˆ ni paˇ ya oˇ ta. Aˬ li kʼoeˇ li-ahˇ heu gaˇ sheuˬ laꞈ-awˬ.”

Maꞈtehˬ 5:45

Kʼoeˇ loꞈ-ehˇ jahˇ naˇ, naw maꞈ-aˬ, mˬ kʼoeˇ taˆ jawˇ-eu naw maꞈ-euˬ Aˬ da-euˬ zaˬ pyeuꞈ laˇ tehꞈ-a. Aˬ jeˬ miˇ neh ehˇ naˇ, aˬ yawꞈ-aˬ, tsawˇ muiˬ tsawˇ doeˇ maˬ tseˇ ni, dawˬ tawˆ luꞈ kʼoeˇ taˆ aˬ yawꞈ-euˬ nahˇ ma bi doˆ laˇ-awˇ, yaw tsaˬ yaw dawˇ tsawˇ haˬ hawˇ-eu maˬ tsaˬ maˬ dawˇ-eu tsawˇ haˬ maˬ tseˇ paˆ ni, dawˬ tawˆ luꞈ kʼoeˇ taˆ uˬ yehˇ bi yehˇ le-eu meh.

Maꞈtehˬ 5:48

Kʼoeˇ miˇ neh, mˬ kʼoeˇ taˆ jawˇ-eu naw maꞈ-euˬ Aˬ da byah-eu loꞈ-ehˇ, naw maꞈ kʼawꞈ bi byah laˇ-awˬ.

Luˇkaꞈ 1:6

Nyiˬ dzeˇ zaˬ luꞈ Miˬyehˇ mehˬ shi dawˇ coe ni dehꞈ-awˇ, SahˬpaˬMiˬyehˇ-euˬ zahˇ dawˬ kʼoꞈ dawˬ hawˇ-eu zahˇ sahˇ kʼoꞈ dawˬ tawˆ luꞈ-ahˇ caw teh-eu meh.

Luˇkaꞈ 6:35

Ehˇ kʼawꞈ, naw maꞈ-ahˇ muiˇ-eu deuˬ-ahˇ gaˬ-awˬ. Yaw muiˬ jeˬ mˇ-awˬ. Biꞈ kʼoꞈ nehˬ laꞈ gaˇ maˬ noeˬ tmˬ ni ngaˬ nehˬ paˇ nehˬ-awˬ. Kʼoeˇ loꞈ-ehˇ jahˇ naˇ, naw maꞈ gʼaˇ duˬ laꞈ sawˬ huiˬ dui dui-awˇ, Huiˬ dui Mahˇ dui dui-eu Gʼaˬ-euˬ zaˬ naw maꞈ pyeuꞈ laˇ tehꞈ-a. Aˬ jeˬ miˇ neh ehˇ naˇ, guiˬ lahˬ-ahˇ maˬ noeˬ mawˇ nya-eu tsawˇ haˬ hawˇ-eu haiˬ-eu tsawˇ haˬ deuˬ-ahˇ, aˬ yawꞈ gʼawˬ shaˬ gaˬ-eu meh.

Yoˇhaˬ 5:35

Yoˇhaˬ neh ehˇ-euˬ dawˬ-aˬ, bya cehˆ ni doꞈ luꞈ-eu tsiˇ kʼmˬ-ahˇ duˇ-awˇ, naw maꞈ-ahˇ laˬ kʼaˬ bi cehˇ-eu meh. Naw maꞈ-ahˇ laˬ kʼaˬ bi cehˇ-eu yaw shehꞈ-ahˇ duˇ-eu aˬ yawꞈ-euˬ dawˬ kʼoeˇ-ahˇ, naw maꞈ tiˬ kʼehˬ tiˬ yamˬ ha geuꞈ-euˬ meh.

Gʼaˬkʼehˇ 2:40

Beˬtuˆluˆ-aˬ, aˬ yawꞈ maꞈ-ahˇ gʼawˬ mya jeˬ ja ja-ehˇ mehˬ nehˬ-awˇ heu loꞈ ehˇ gʼaˬ biꞈ nehˬ-euˬ meh. “Ziˇ heu ziˇ-ahˇ dehꞈ-eu haiˬ-eu tsawˇ haˬ heu deuˬ kʼoeˇ taˆ keuˆ le-eu lehˇ gʼeh-eu kʼehˬ-eu kʼaˆ-eu jeˬ laꞈ kʼoeˇ, naw maꞈ ya buˬ-iˇ ni leh jeh-awˬ.”

Gʼaˬkʼehˇ 20:30

Naw maꞈ-euˬ laꞈ kʼoeˇ tsawˇ haˬ tiˬ paˆ na deuˬ doˆ laˇ-awˇ, jah-eu tsawˇ haˬ deuˬ-ahˇ mehˇ shuiˇ shuiˇ-eu laꞈ kʼoeˇ aˬ yawꞈ maꞈ jawˇ paw sheuˬ pyawˇ gʼeh tehꞈ-a.

Lormav 16:19

Naw maꞈ Laˬ kʼaˬ cehˇ-eu Guiˬ lahˬ dawˬ-ahˇ ziꞈ dah ni tuˆ tehˬ taˬ-euˬ gaˇ kawˆ aˬ cawˬ siˬ nya jiˇ meh. Kʼoeˇ miˇ neh, naw maꞈ gʼaˇ duˬ ngaˇ laˬ kʼaˬ cehˇ dui dui-eu ma. Naw maꞈ laꞈ kʼoeˇ yaw muiˬ jeˬ-ahˇ tseˇ paˆ geuꞈ nya-eu nui gahˇ bi ahˇ mawꞈ-awˇ, maˬ muiˬ-eu jeˬ-ahˇ maˬ mˇ-eu shawˇ jehˆ ni gʼeh-eu tsawˇ haˬ bi pyeuꞈ mawꞈ miˇ-a.

1 Gawˇliˬtu 1:8

Aˬ dui-euˬ Sahˬpaˬ Yeˬsuˇ Ka li gʼoꞈ le ngeh Nah naw maꞈ-ahˇ iˬ baˇ taˬ kʼaˇ maˬ bi za-eu gʼaˇ duˬ, aˇ saˬ saˬ ngeh keuˆ ni aˬ yawꞈ naw maꞈ-ahˇ jah-eu laꞈ kʼoeˇ bi ziꞈ laꞈ tehꞈ-a.

2 Gawˇliˬtu 6:17

“Aˬ yawꞈ maꞈ-ahˇ naw maꞈ gʼawˬ-awˇ, byehˇ dzeh yaꞈ-awˇ doˆ laˇ-awˬ” lehˇ, Sahˬpaˬ Miˬyehˇ ehˇ taˬ-euˬ meh. “Maˬ shawˇ-eu jeˬ-ahˇ taˬ toeˬ ciˆ. Naw maꞈ-ahˇ ngaˇ ha geuꞈ nehˬ ma.

Eˇpeˇsu 5:27

Iˇ cuꞈ neh tsiˬ shawˇ-euˬ kʼoeˇ-aˬ, maˇ byawꞈ maˇ naˇ maˬ baw-ehˇ, ehˇ kʼaˇ maˬ za-eu uˬ taꞈ, shawˇ jehˆ ni gʼeh-awˇ iˬ baˇ taˬ kʼaˇ maˬ za-eu aˇ gʼehˇ muiˬ dui dui-eu Ka li zaˬ aˇ muˇ-ahˇ, aˬ yawꞈ-euˬ bi pyeuꞈ laˇ-eu gʼaˇ duˬ mˇ-euˬ jeˬ pyeuꞈ-eu meh.

Dawˬmehˬ 32:5

Yawꞈ-euˬ mehˬ shi naw maꞈ dehꞈ-eu, yawꞈ-ahˇ saˇ jaˇ puiˬ-euˬ miˇ neh, yaw lehˬ yaw ca myaˬ-eu naw maꞈ, yawꞈ-euˬ zaˬ lehˇ maˬ kuˇ geuˇ-a.

Piˇliˇpiˆ 1:10

Dawˬ tawˆ luꞈ laꞈ kʼoeˇ muiˬ dzehˬ-eu jeˬ-ahˇ naw maꞈ tseˇ geuꞈ nya laˇ ni shaˇ luꞈ-eu ma. Kʼoeˇ miˇ neh, Ka li zaꞈ le-eu Aˇ nah-ahˇ naw maꞈ laꞈ kʼoeˇ maˬ muiˬ-eu jeˬ maˬ paˇ ahˇ-ehˇ, iˬ baˇ taˬ kʼaˇ maˬ za ni pyeuꞈ laˇ tehꞈ-a.

Piˇliˇpiˆ 3:6

Miˬyehˇ-euˬ nui kʼahˇ mˇ byah mawꞈ dui dui-eu miˇ neh Ka li zaˬ aˇ muˇ-ahˇ kʼehˬ nehˬ kʼaˆ nehˬ haw-euˬ tsawˇ haˬ ma. Zahˇ dawˬ kʼoꞈ dawˬ-ahˇ mˇ byah-eu baˬ da neh tsawˇ haˬ zaˬ Miˬyehˇ-ahˇ tsaˬ leˇ tsahˇ leˇ nya lawˬ naˇ, ngaˇ-aˬ, ehˇ kʼaˇ maˬ za ni mˇ byah-euˬ tsawˇ haˬ tiˬ gʼaˬ ma.

1 Teˇsaˬloˇni 5:23

Aˬ dui-ahˇ nui saˇ oꞈ-eu jeˬ biꞈ nehˬ laꞈ-eu Miˬyehˇ naw maꞈ-ahˇ tiˬ byah tiˬ loꞈ bi muiˬ bi shawˇ laˇ-awˇ, aˬ dui-euˬ Sahˬpaˬ Yeˬsuˇ Ka li zaꞈ le ngeh, naw maꞈ-euˬ nui ma, gʼawˇ mawˇ, saꞈ laˇ dawˬ tawˆ luꞈ, iˬ baˇ taˬ kʼaˇ maˬ bi za ni Miˬyehˇ bo saˆ luꞈ-uˇ.

1 Tiˆmoˇseˬ 3:10

Gaˇ maˬ bi mˇ mi naˆ-ehˇ jeˬ huˬ lawˬ haw-awˇ, geuˇ-eu deuˬ-ahˇ tehꞈ-ehˇ Ka li zaˬ aˇ muˇ-euˬ gaˇ-ahˇ caw ba-eu tsawˇ haˬ bi geuꞈ-eu tsaˬ meh.

1 Tiˆmoˇseˬ 3:2

Ka li zaˬ aˇ muˇ-ahˇ sheuˬ gʼeh-eu tsawˇ haˬ-aˬ, iˬ baˇ taˬ kʼaˇ maˬ za-eu, miˬ zaˬ tiˬ gʼaˬ tehꞈ-ehˇ baw-eu, noeˬ dahˇ doe-eu, yawˬ ha-euˬ nui ma-ahˇ gʼaˬ leˇ-eu, gaˇ yaw luiˆ luiˆ-ehˇ mˇ nya-eu, daˬ yah-ahˇ yaw muiˬ paˬ-ehˇ ha-eu, aˬ cawˬ-ahˇ mehˬ nehˬ tsoˆ nehˬ nya-eu tsawˇ haˬ ya bi pyeuꞈ meh.

1 Tiˆmoˇseˬ 5:14

Kʼoeˇ miˇ neh, aˬ dui-ahˇ muiˇ-eu deuˬ aˬ dui-euˬ gaˇ kawˆ ja bu ja doeˇ kʼaˇ maˬ bi za ni, aˇ kʼoꞈ maˬ kʼawˆ laˇ-euˬ zaˬ miˬ zaˬ deuˬ bi dahˬ dzaˬ-iˇ-awˇ, zaˬ ciˬ zaˬ cu mˇ-eu laꞈ kʼoeˇ yawˬ ha-euˬ nymˇ jiˇ-ahˇ bo saˆ-eu jeˬ-ahˇ ngaˇ geuꞈ mawꞈ-eu ma.

1 Tiˆmoˇseˬ 5:20

Tsawˇ haˬ dawˬ tawˆ luꞈ noeˬ guˆ-awˇ yahˇ nya laˇ ni, iˬ baˇ mˇ-euˬ tsawˇ haˬ-ahˇ dawˬ tawˆ luꞈ-euˬ mehˬ shi dehˬ-awˬ.

1 Tiˆmoˇseˬ 5:7

Aˬ yawꞈ maꞈ-ahˇ aˬ cawˬ iˬ baˇ taˬ kʼaˇ maˬ za ni heu loꞈ-ehˇ mehˬ nehˬ tsoˆ nehˬ-awˬ.

Tiˇtuˆ 1:6

Ka li zaˬ aˇ muˇ-ahˇ sheuˬ gʼeh-eu tsawˇ haˬ-aˬ, iˬ baˇ taˬ kʼaˇ maˬ za-eu tsawˇ haˬ ya bi pyeuꞈ meh. Miˬ zaˬ tiˬ gʼaˬ tehꞈ-ehˇ ya bi baw-awˇ, aˬ yawꞈ-euˬ zaˬ deuˬ kʼawꞈ Ka li-ahˇ jah-eu tsawˇ haˬ ya bi pyeuꞈ meh. Ehˇ dawˬ maˬ naˇ haˬ-eu aˬ dzawˬ aˇ gah gah-eu zaˬ deuˬ maˬ ya bi pyeuꞈ-a.

Tiˇtuˆ 2:10

Kʼoeˇ uˬ taꞈ, baw leˬ deuˬ-euˬ myawˬ maˬ ya kʼoeˬ-eu uꞈ taꞈ, aˬ myah luꞈ muiˬ-awˇ saˇ jaˇ ziꞈ-eu gaˆ kawˆ ya dehꞈ mehˬ nehˬ meh lehˇ mehˬ nehˬ-awˬ. Aˬ yawꞈ maꞈ kʼaˇ mˇ kʼaˇ shaˇ-eu jeˬ laꞈ kʼoeˇ , aˬ dui-euˬ Ka kʼoꞈ-eu gʼaˬ pyeuꞈ-eu Miˬyehˇ-euˬ gaˇ kawˆ mehˬ-eu tsoˆ-eu heu aˇ naˆ ni muiˬ-eu jeˬ pyeuꞈ-eu gaˇ kawˆ aˬ cawˬ mawˇ nya ni, kʼoeˇ loꞈ-ehˇ mehˬ nehˬ tsoˆ nehˬ-awˬ.

Tiˇtuˆ 2:15

Gaˇ kawˆ heu deuˬ mehˬ nehˬ tsoˆ nehˬ-awˬ. Gʼaˬ biꞈ ngeh maˬ ehˇ, dehˬ dehˬ-ehˇ mehˬ paˇ tsoˆ paˇ ngeh maˬ ehˇ, baoˬ tiˬ byah ni zmˬ-awˬ. Aˬ cawˬ tiˬ gʼaˬ-iˬ nawˬ-ahˇ ta bi taˬ nyiˇ.

HeˬByehˇ 7:26

Kʼoeˇ baˬ da neh, Yeˬsuˇ-aˬ, aˬ dui kʼaˇ loˬ-eu jeˬ mˇ byah nehˬ nya-eu Piˇma Yaw huiˬ gʼaˬ pyeuꞈ-eu meh. Aˬ yawꞈ-aˬ, yaw muiˬ yaw shawˇ meh. Ehˇ kʼaˇ tiˬ pawꞈ-iˬ maˬ za-eu uˬ taꞈ, iˬ baˇ tiˬ pawꞈ-iˬ maˬ ahˇ-a. Iˬ baˇ zaˬ deuˬ nehˬ-ehˇ maˬ bi keuˬ ni aˬ yawꞈ-ahˇ Miˬyehˇ yuˇ doˆ taˬ-awˇ, mˬ naˆ maˬ tseˇ goˇ-eu tiˆ-ahˇ ciˬ huiˬ ciˬ mahˇ keuˆ nehˬ-euˬ meh.

1 Beˬtuˆluˆ 2:12

Miˬyehˇ-ahˇ maˬ jah-eu tsawˇ haˬ deuˬ-euˬ mehˬ shi naw maꞈ dehꞈ-eu jawˇ-eu gaˇ kawˆ muiˬ dui bi dui-awˬ. Kʼoeˇ loꞈ-ehˇ dehꞈ naˇ, naw maꞈ-ahˇ yaw haiˬ jeˬ mˇ-eu tsawˇ haˬ lehˇ aˬ yawꞈ maꞈ ja doeˇ kʼawꞈ, naw maꞈ yaw muiˬ jeˬ mˇ-euˬ meh lehˇ aˬ yawꞈ maꞈ ya ha geuꞈ-awˇ, Miˬyehˇ yaˇ kʼaˬ daˇ le ngeh Nah, aˬ yawꞈ maꞈ Miˬyehˇ-ahˇ ja ceuˬ tehꞈ-a.

1 Beˬtuˆluˆ 2:9

Ehˇ kʼawꞈ, naw maꞈ-aˬ, tseˇ doˆ-euˬ tsawˇ haˬ pyeuꞈ-awˇ, Sahˬpaˬ-euˬ piˇ ma deuˬ pyeuꞈ-eu meh. Muiˬ-eu shawˇ-eu tsawˇ haˬ pyeuꞈ-awˇ, Miˬyehˇ-euˬ tsawˇ haˬ pyeuꞈ-eu meh. Miˬyehˇ neh mˇ-euˬ zahˬ leˇ paˬ-ehˇ gʼeh-eu gaˇ deuˬ aˬ cawˬ-ahˇ bi ja meh-eu gʼaˇ duˬ, naw maꞈ-ahˇ Miˬyehˇ tseˇ doˆ-euˬ meh. Aˬ yawꞈ-aˬ, yaw zahˇ laꞈ kʼoeˇ naw maꞈ-ahˇ kuˇ doˆ-awˇ, zahˬ leˇ paˬ-ehˇ gʼeh-eu aˬ yawꞈ-euˬ yaw shehꞈ laꞈ kʼoeˇ sheuˬ uˇ nehˬ laꞈ-euˬ meh.

2 Beˬtuˆluˆ 3:14

Kʼoeˇ miˇ neh cawˬ deuˬ-oˇ, Aˇnah kʼoeˇ nah-ahˇ naw maꞈ dawˬ luꞈ-eu loꞈ-ehˇ, Miˬyehˇ mehˬ shi iˬ baˇ taˬ kʼaˇ maˬ za-eu Miˬyehˇ-ahˇ tsaˬ leˇ tsahˇ leˇ gʼaˬ-euˬ muiˬ-eu shawˇ-eu tsawˇ haˬ pyeuꞈ ni leh jeh-awˬ.

Panmaeq 2:5

Nawˇ aˇ naˆ ni awˆ gaˇ ga keuˆ-iˇ taˬ-euˬ gaˇ kawˆ shaˇ noeˬ haw sheˇ. Iˬ baˇ-ahˇ byehˇ dzeh yaꞈ-awˇ, yaw beh nawˬ neh mˇ-euˬ jeˬ-ahˇ paˇ mˇ poˆ-awˬ. Nawˬ-euˬ iˬ baˇ-ahˇ nawˇ maˬ byehˇ dzeh naˇ, nawˇ jawˇ gaˇ ngaˇ oe-awˇ, nawˬ-euˬ tsiˇ kʼmˬ doꞈ taˬ duˬ yuˇ kʼoꞈ ma. Ehˇ kʼawꞈ, nawˇ yaw muiˬ tiˬ jeˬ mˇ luꞈ nga siˬ.

Panmaeq 3:9

Naˇ haˬ-awˬ. Yuˇdaˆ tsawˇ haˬ maˬ ngeuˇ gaˇ yawˬ haˇ yawˬ ha ngeuˇ ma lehˇ ehˇ-eu nehꞈ Saˬdaˬ-ahˇ taꞈ-eu aˇ muˇ kʼoeˇ muˇ-ahˇ, nawˬ-euˬ aˬ kuiˇ dawˬ peh uˬ duˬ bi shaˇ tahˬ laˇ ma. Ngaˇ nawˬ-ahˇ gaˬ-eu gaˇ kawˆ aˬ yawꞈ maꞈ dawˬ tawˆ luꞈ ya siˬ tehꞈ-a.