Piˇliˇpiˆ 2:11 - Akha

¹¹ Aˬda Miˬyehˇ kʼahˬ sehˇ jaˆ ni, Yeˬsuˇ Ka li Sahˬpaˬ meh lehˇ, mehˬ luˬ kʼaˇ tsoꞈ-eu guˇ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Khoeruqtaf, Aqda Miqyaer-euq yawshaef khanqsaer za’ni, maeqlar yawqlar navluf, Yeqsur Kali-aq, Sanqpaq Miqyaer mae laer ya aerdov taef-a.

Piˇliˇpiˆ 2:11 Iomraidhean Croise

Jaceuq 110:1

Ngaˬ-euˬ sahˬ paˬ-ahˇ Sahˬpaˬ Miˬyehˇ ehˇ nehˬ-eu, “Nawˬ-ahˇ muiˇ-eu deuˬ-ahˇ nawˇ aˬ kuiˇ neh nawˬ tehˬ nya ni ngaˇ jahˇ gʼaˬ ngeh keuˆ ni, ngaˬ-euˬ aˇ maˇ paw nuiˇ tawˬ-awˬ.”

Jaceuq 18:49

Kʼoeˇmiˇneh nawˬ-ahˇja ceuˬma. Miˇkʼahˬtsawˇjeuˬdawˬtawˆgʼahˇceh, nawˬ-ahˇcaˇ-awˇja ceuˬ-eu ma.

Yeˬlaˬmiˇ 23:6

Aˬ yawꞈ sahˬ paˬ pyeuꞈ laˇ ngeh, Yuˇdaˆ tsawˇ haˬ deuˬ guˆ kʼaˇ maˬ za-ehˇ, Iˇsaˬleˬlaˆ tsawˇ haˬ deuˬ kʼawꞈ nui saˇ oꞈ tehꞈ-a. Aˬ yawꞈ-ahˇ, ‘Nga maꞈ-ahˇ ka kʼoꞈ-eu Sahˬpaˬ Miˬyehˇ’ lehˇ kuˇ tehꞈ-a.”

Maꞈtehˬ 10:32

“Tsawˇ haˬ tiˬ gʼaˬ na ngaˬ-ahˇ ha geuꞈ-eu ma lehˇ tsawˇ haˬ zaˬ deuˬ-euˬ mehˬ shi ehˇ naˇ, tsawˇ haˬ kʼoeˇ gʼaˬ ngaˬ-ahˇ ha geuꞈ-euˬ meh lehˇ, mˬ kʼoeˇ taˆ ngaˬ Da-euˬ mehˬ shi ngaˇ ehˇ ma.

Luˇkaꞈ 2:11

Iˬ nah, Daˬbiˇ-euˬ meuˬ laꞈ kʼoeˇ, naw maꞈ-ahˇ Ka kʼoꞈ-eu gʼaˬ pyeuꞈ-eu Sahˬpaˬ Ka li dehꞈ le-euˬ meh.

Yoˇhaˬ 12:42

Yuˇdaˆ tsawˇ haˬ aˬ yuiꞈ aˬ tsu deuˬ laꞈ kʼoeˇ kʼawꞈ, Yeˬsuˇ-ahˇ jah-eu gʼawˬ mya ni jawˇ-eu meh. Ehˇ kʼawꞈ, Yuˇdaˆ tsawˇ haˬ-euˬ uˬ duˬ tahˬ nymˇ-ahˇ maˬ bi taꞈ ni Paˬliˬsehˇ deuˬ teh dzeh laˇ gaˇ guˆ-eu miˇneh, bya cehˆ ni maˬ ehˇ doˆ peuˬ-a.

Yoˇhaˬ 13:13

Naw maꞈ ngaˬ-ahˇ ‘Saˬ laˬ-oˇ’, ‘Sahˬpaˬ-oˇ’ lehˇ kuˇ-eu meh. Naw maꞈ kʼoeˇ loꞈ-ehˇ kuˇ-eu tsaˬ meh. Aˬ jeˬ miˇ neh ehˇ naˇ, ngaˇ-aˬ, naw maꞈ kuˇ-eu loꞈ-ehˇ naw maꞈ-euˬ saˬ laˬ hawˇ-eu Sahˬpaˬ pyeuꞈ-eu ma.

Yoˇhaˬ 13:14

Naw maꞈ-euˬ Sahˬpaˬ hawˇ-eu naw maꞈ-euˬ saˬ laˬ pyeuꞈ-eu ngaˇ-aˬ, naw maꞈ-euˬ aˬ kuiˇ dzuiꞈ nehˬ gʼaˬ-euˬ ma. Kʼoeˇ miˇ neh, naw maꞈ kʼawꞈ tiˬ gʼaˬ tiˇ gʼaˬ aˬ kuiˇ dzuiꞈ nehˬ-eu tsaˬ meh.

Yoˇhaˬ 14:13

Zaˬmaˇ laꞈ kʼoeˇ Aˬda-euˬ yaw shehꞈ kʼahˬ sehˇ ya mawˇ ni, naw maꞈ ngaˬ-euˬ tsawˇ myahˇ laꞈ kʼoeˇ kʼaˇ shaˇ-eu yawˬ jeˬ na luꞈ ngaˇ mˇ byah nehˬ ma.

Yoˇhaˬ 14:23

Yeˬsuˇ ehˇ-eu, “Ngaˬ-ahˇ gaˬ-eu tsawˇ haˬ-aˬ, ngaˬ neh mehˬ nehˬ tsoˆ nehˬ-euˬ dawˬ-ahˇ naˇ haˬ geuꞈ tehꞈ-a. Kʼoeˇ loꞈ-ehˇ naˇ haˬ geuꞈ-eu tsawˇ haˬ-ahˇ ngaˬ Da gaˬ-awˇ, ngaˬ Da nga nyaꞈ aˬ yawꞈ-euˬ nui ma laꞈ kʼoeˇ jawˇ le ma.

Yoˇhaˬ 17:1

Yeˬsuˇ kʼoeˇ loꞈ-ehˇ ngehˬ gʼaˬ tmˇ gʼaˬ ngeh, mˬ paw gʼawˇ leuˇ-awˇ heu loꞈ-ehˇ ehˇ-eu meh. “Aˬda-oˇ, aˇ yamˬ keuˆ le-euˬ meh. Zaˬ maˇ baˬ da neh nawˬ-euˬ yaw shehꞈ kʼahˬ sehˇ-ahˇ aˬ cawˬ mawˇ nya ni, nawˬ-euˬ Zaˬmaˇ-ahˇ yaw shehꞈ kʼahˬ sehˇ biꞈ laꞈ-awˬ.

Yoˇhaˬ 20:28

Toˇmaˆ ehˇ-eu, “Nawˇ-aˬ, ngaˬ-euˬ Sahˬpaˬ hawˇ-eu ngaˬ-euˬ Miˬyehˇ meh.”

Yoˇhaˬ 5:23

Kʼoeˇ miˇ neh, tsawˇ haˬ dawˬ tawˆ luꞈ Aˬda-ahˇ taˬ huiˬ taˬ mahˇ-eu loꞈ-ehˇ, Zaˬmaˇ-ahˇ taˬ huiˬ taˬ mahˇ tehꞈ-a. Zaˬ maˇ-ahˇ maˬ taˬ huiˬ-eu tsawˇ haˬ-aˬ, aˬ yawꞈ-ahˇ kʼehˇ gʼeh leꞈ-euˬ Aˬda-ahˇ maˬ taˬ huiˬ gaˇ duˇ-eu meh.

Yoˇhaˬ 9:22

Aˬ da aˬ ma kʼoeˇ nyiˬ gʼaˬ Yuˇdaˆ tsawˇ haˬ aˬ yuiꞈ aˬ tsu deuˬ-ahˇ guˆ-eu miˇ neh kʼoeˇ loꞈ-ehˇ ehˇ-eu meh. Aˬ jeˬ miˇ neh ehˇ naˇ, Yeˬsuˇ-ahˇ Meˬsiˇya meh lehˇ kʼaˇ jah-eu tsawˇ haˬ deuˬ-ahˇ, Yuˇdaˆ tsawˇ haˬ-euˬ uˬ duˬ tahˬ nymˇ-ahˇ maˬ bi taꞈ ni teh dzeh-eu gʼaˇ duˬ, Yuˇdaˆ tsawˇ haˬ aˬ yuiꞈ aˬ tsu deuˬ neh bawˬ tsehˆ taˬ-euˬ meh.

Gʼaˬkʼehˇ 10:36

Dawˬ tawˆ kʼoeˇ taˆ sahˬ paˬ pyeuꞈ-eu Yeˬsuˇ Ka li baˬ da neh nui saˇ oꞈ-eu jeˬ za-eu gaˇ kawˆ Laˬ kʼaˬ cehˇ-eu Guiˬ lahˬ dawˬ heu-ahˇ, Iˇsaˬleˬlaˆ tsawˇ haˬ deuˬ jawˇ gaˇ bi mehˬ-iˇ-euˬ naw maꞈ siˬ nya meh.

Gʼaˬkʼehˇ 2:36

“Kʼoeˇ miˇ neh, Iˇsaˬleˬlaˆ tsawˇ haˬ dawˬ tawˆ luꞈ heu loꞈ-ehˇ ya siˬ duˬ meh. Naw maꞈ neh laꞈ yaꞈ kʼoeˇ taˆ taꞈ sehꞈ-euˬ Yeˬsuˇ heu gʼaˬ-aˬ, Miˬyehˇ neh Sahˬpaˬ hawˇ-eu Ka li bi pyeuꞈ laˇ-euˬ gʼaˬ meh.”

Lormav 14:11

Jaˇliꞈ laꞈ kʼoeˇ ehˇ taˬ-euˬ, “Sahˬpaˬ Miˬyehˇ ehˇ-eu, Dehꞈ-eu Miˬyehˇ pyeuꞈ-eu ngaˬ-ahˇ, yawˬ gʼaˬ na luꞈ pawˬ dmˬ dmˬ-awˇ, ngaˇ maˇ maˇ ni Miˬyehˇ meh lehˇ, saˇ kiˇ kamˬ-eu dawˬ ngehˬ tehꞈ-a.”

Lormav 14:9

Aˬ jeˬ miˇ neh ehˇ naˇ, dehꞈ luꞈ-eu deuˬ hawˇ-eu shiˇ-euˬ deuˬ dawˬ tawˆ luꞈ kʼoeˇ taˆ Sahˬpaˬ geuꞈ-awˇ uˆ lahˇ-eu gʼaˇ duˬ, Ka li shiˇ-awˇ gʼoꞈ dehꞈ laˇ gʼaˬ-euˬ meh.

Lormav 15:9

Kʼoeˇ tehꞈ-ehˇ maˬ ngeuˇ ni, Miˬyehˇ gʼawˬ shaˬ gaˬ-eu jeˬ baˬ da neh Yuˇdaˆ tsawˇ haˬ maˬ ngeuˇ-eu deuˬ kʼawꞈ Miˬyehˇ-ahˇ ja ceuˬ nya laˇ ni mˇ le-euˬ jeˬ kʼawꞈ pyeuꞈ-eu meh. Jaˇliꞈ laꞈ kʼoeˇ heu loꞈ-ehˇ ehˇ taˬ-euˬ meh. “Kʼoeˇ miˇ neh nawˬ-euˬ tsawˇ myahˇ-ahˇ, aˬ cawˬ tsawˇ jeuˬ tsahˬ-ahˇ jawˇ-awˇ, ja ceuˬ-eu caˇ dawˬ ngaˇ caˇ ma.”

1 Gawˇliˬtu 12:3

Miˬyehˇ-euˬ Yaw sahˇ sheuˬ gʼeh-eu uˬ moˆ jawˇ-eu tsawˇ haˬ tiˬ gʼaˬ-iˬ “Yeˬsuˇ-ahˇ yaˬ kʼehˇ yaˬ luꞈ-uˇ” lehˇ maˬ ehˇ-aˇ lehˇ naw maꞈ bi siˬ duˬ mawꞈ miˇ-a. Kʼoeˇ loꞈ-ehˇ duˇ ni, Muiˬ-eu Shawˇ-eu Yaw sahˇ Miˬyehˇ sheuˬ gʼeh-eu uˬ moˆ maˬ jawˇ naˇ, tsawˇ haˬ tiˬ gʼaˬ-iˬ “Yeˬsuˇ-aˬ Sahˬpaˬ meh” lehˇ maˬ ehˇ nya-aˇ.

1 Gawˇliˬtu 15:47

Aˬdaˬ yaw beh gʼaˬ-aˬ, miˇ tsaˬ neh tehˆ-awˇ, miˇ tsaˬ-ahˇ neh doˆ laˇ-euˬ jeˬ pyeuꞈ-eu meh. Aˬdaˬ nyiˬ gʼaˬ tiˬ gʼaˬ-aˬ, mˬ-ahˇ neh oe-euˬ meh.

1 Gawˇliˬtu 8:6

Ehˇ kʼawꞈ, aˬ dui-euˬ gʼaˇ duˬ-aˬ, Miˬyehˇ tiˬ gʼaˬ jawˇ-eu tehꞈ ma. Aˬ yawꞈ-aˬ, dawˬ tawˆ luꞈ-ahˇ Beh-euˬ yaw sahˇ Aˬda pyeuꞈ-awˇ, aˬ yawꞈ gʼaˇ duˬ aˬ dui dehꞈ luꞈ-eu ma.

1 Beˬtuˆluˆ 1:21

Aˬ yawꞈ-ahˇ shiˇ-euˬ gaˇ bi gʼoꞈ dehꞈ laˇ-awˇ yaw shehꞈ kʼahˬ sehˇ biꞈ nehˬ-euˬ gʼaˬ pyeuꞈ-eu Miˬyehˇ-ahˇ, aˬ yawꞈ baˬ da neh naw maꞈ jah laˇ-euˬ meh. Kʼoeˇ miˇ neh, naw maꞈ jah-awˇ noeˬ tmˬ-eu jeˬ-aˬ, Miˬyehˇ tiˬ gʼaˬ tehꞈ meh.

1 Yoˇhaˬ 4:15

Yeˬsuˇ-aˬ, Miˬyehˇ-euˬ Zaˬmaˇ meh lehˇ kʼaˇ ehˇ-eu tsawˇ haˬ-aˬ, Miˬyehˇ-euˬ laꞈ kʼoeˇ jawˇ-eu tsawˇ haˬ pyeuꞈ-awˇ, Miˬyehˇ kʼawꞈ, aˬ yawꞈ-euˬ laꞈ kʼoeˬ jawˇ-eu meh.

1 Yoˇhaˬ 4:2

Maˇ maˇ ni Miˬyehˇ-euˬ Yaw sahˇ ngeuˇ-eu maˬ ngeuˇ-eu naw maꞈ heu loꞈ-ehˇ siˬ duˬ nya tehꞈ-a. Yeˬsuˇ Ka li-aˬ, maˇ maˇ ni tsawˇ haˬ zaˬ-euˬ shiˬ shaˬ jiˇ pi-awˇ oe-euˬ meh lehˇ kʼaˇ ehˇ-eu tsawˇ haˬ-aˬ, Miˬyehˇ jawˇ gaˇ neh oe-euˬ Yaw sahˇ za taˬ-euˬ tsawˇ haˬ pyeuꞈ-eu meh.

2 Yoˇhaˬ 1:7

Yeˬsuˇ Ka li tsawˇ haˬ zaˬ-euˬ shiˬ shaˬ jiˇ pi-awˇ oe-euˬ meh lehˇ maˬ ha geuꞈ-eu jaˬ myawꞈ mehˇ shuiˇ shuiˇ-eu tsawˇ haˬ deuˬ gʼawˬ mya ni miˇ tsaˬ kʼoeˇ taˆ iˇ byah taˬ-euˬ meh. Kʼoeˇ loꞈ-ehˇ ehˇ-eu tsawˇ haˬ-aˬ, jaˬ myawꞈ mehˇ shuiˇ pyeuꞈ-awˇ, Ka li-ahˇ Muiˇ-eu tsawˇ haˬ meh.

Panmaeq 3:5

Gʼaˬ leˇ-euˬ tsawˇ ha deuˬ-aˬ, kʼoeˇ loꞈ-ehˇ mehˬ tsoeˬ yaw pyuˇ ya dm-awˇ, saꞈ laˇ dehꞈ-eu sahˬ boꞈ laꞈ kʼoeˇ, aˬ yawꞈ maꞈ-euˬ tsawˇ myahˇ ngaˇ maˬ siˆ byoˆ. Ngaˬ Da hawˇ-eu aˬ yawꞈ-euˬ mˬ taˆ gʼaˬ kʼehˇ deuˬ-euˬ mehˬ shi, aˬ yawꞈ maꞈ ngaˬ-euˬ tsawˇ haˬ ma lehˇ ngaˇ ehˇ ma.