Piˇliˇpiˆ 1:6 - Akha

⁶ Muiˬ-eu gaˇ heu hmˬ-ahˇ naw maꞈ laꞈ kʼoeˇ aˇ dahˬ beh le-euˬ gʼaˬ pyeuꞈ-eu Miˬyehˇ-aˬ, gaˇ heu hmˬ mˇ jiˇ-eu aˇ nah pyeuꞈ-eu Yeˬsuˇ Ka li zaꞈ le-eu Aˇ nah-ahˇ keuˆ ni mˇ daˆ gʼeh leꞈ tehꞈ-a lehˇ ngaˇ jah duˬ taˬ-euˬ ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Nawmaf-euq lafkhoer gar yawmuiq jeq mrdanq bae-euq ghaq, Yeqsur Kali-euq arnan-anr keuvni, gar heu mrluivjir taef-a laer ngar yawduq baw-eu ma.

Piˇliˇpiˆ 1:6 Iomraidhean Croise

Jaceuq 138:8

Sahˬpaˬ Miˬyehˇ-oˇ, nawˬ neh saˇ jaˇ kʼaˇ dzaˬ taˬ-euˬ jeˬ-ahˇ nawˇ mˇ byah tehꞈ-a. Nawˬ-euˬ gʼoeˇ-eu gaˬ-eu jeˬ mˬ maˬ maˬ byaˆ zaˇ ziˇ ziꞈ-eu meh. Nawˬ neh dahˬ beh-euˬ jeˬ maˬ mˇ byah ni taˬ byehˇ nehˬ laꞈ.

Yoˇhaˬ 6:29

Yeˬsuˇ ehˇ-eu, “Miˬyehˇ-euˬ gaˇ-aˬ, aˬ yawꞈ neh kʼehˇ gʼeh leꞈ-euˬ gʼaˬ-ahˇ naw maꞈ jah-eu kʼoeˇ meh.”

Gʼaˬkʼehˇ 11:18

Kʼoeˇ loꞈ-ehˇ dzawˇ mehˬ nehˬ gaˇ aˬ yawꞈ maꞈ ya gaˬ ngeh, Beˬtuˆluˆ-ahˇ iˬ baˇ maˬ taˬ ni byehˇ-awˇ, heu loꞈ-ehˇ ehˇ-eu meh. “Miˬyehˇ-aˬ, Yuˇdaˆ tsawˇ haˬ maˬ ngeuˇ-eu aˬ cawˬ tsawˇ jeuˬ deuˬ-ahˇ kʼawꞈ, iˬ baˇ noeˬ poˆ-awˇ dehꞈ nya ni aˬ kawˬ-aˬ biꞈ-euˬ nga.”

Gʼaˬkʼehˇ 16:14

Saˬdiˬlehˇ meuˬ-ahˇ jawˇ-awˇ aˇ poeˬ kʼaˆ dui dui-eu neˇ naˆ naˆ-eu saˬ paˇ gaꞈ-eu Lu diˇ lehˇ myahˇ-euˬ zaˬ miˬ zaˬ tiˬ gʼaˬ kʼawꞈ, nga maꞈ mehˬ gaˇ naˇ haˬ-euˬ meh. Aˬ yawꞈ-aˬ, Miˬyehˇ-ahˇ uˬ duˬ tahˬ-eu zaˬ miˬ zaˬ tiˬ gʼaˬ pyeuꞈ-awˇ, Pawˇluˆ dawˬ mehˬ mehˬ gaˇ yaw muiˬ paˬ-ehˇ naˇ haˬ ni, SahˬpaˬMiˬyehˇ neh aˬ yawꞈ-euˬ nui ma laˇ gʼoˆ pah nehˬ-euˬ meh.

1 Gawˇliˬtu 1:8

Aˬ dui-euˬ Sahˬpaˬ Yeˬsuˇ Ka li gʼoꞈ le ngeh Nah naw maꞈ-ahˇ iˬ baˇ taˬ kʼaˇ maˬ bi za-eu gʼaˇ duˬ, aˇ saˬ saˬ ngeh keuˆ ni aˬ yawꞈ naw maꞈ-ahˇ jah-eu laꞈ kʼoeˇ bi ziꞈ laꞈ tehꞈ-a.

2 Gawˇliˬtu 1:15

Nga maꞈ gʼaˇ duˬ naw maꞈ kʼahˬ sehˇ jehˆ kʼaˇ za meh lehˇ ngaˇ siˬ duˬ-eu miˇ neh, naw maꞈ laˬ kʼaˬ nyiˬ poˆ bi cehˇ-eu gʼaˇ duˬ, naw maꞈ jawˇ gaˇ oe ma lehˇ yaw beh ngaˇ lehˬ hmˬ taˬ-euˬ ma.

2 Gawˇliˬtu 2:3

Ngaˇ laˬ kʼaˬ cehˇ ni jahˇ nehˬ laꞈ paˬ-ehˇ gʼeh-eu tsawˇ haˬ deuˬ neh ngaˇ ya noeˬ shaˬ ni paˇ bi jahˇ-eu lehˇ naw maꞈ jawˇ gaˇ ngaˇ maˬ paˇ oe mawꞈ miˇ-a. Aˬ jeˬ miˇ neh ehˇ naˇ, ngaˇ laˬ kʼaˬ cehˇ naˇ, naw maꞈ dawˬ tawˆ luꞈ kʼawꞈ laˬ kʼaˬ cehˇ meh lehˇ ngaˇ jah-eu ma.

2 Gawˇliˬtu 7:16

Ngaˇ naw maꞈ-ahˇ nui ma taˬ coeˇ-eu miˇ neh laˬ kʼaˬ cehˇ dui dui nya.

2 Gawˇliˬtu 9:4

Ehˇ kʼawꞈ, Maˬgeˬdawˇniˆˆ miˇ kʼahˬ-ahˇ jawˇ-eu tsawˇ haˬ deuˬ ngaˬ nehˬ-ehˇ oe ngeh, naw maꞈ maˬ lehˬ hmˬ taˬ ni jawˇ gaˇ ya mawˇ naˇ, naw maꞈ daˬ ga-eu gaˇ kawˆ ngaˇ maˬ paˇ ehˇ nahˇ miˇ-a. Naw maꞈ-ahˇ jah jah-ehˇ kʼahˬ sehˇ jehˆ-euˬ nga maꞈ kʼawꞈ aˇ naˆ ni daˬ ga nmˇ.

Gaˬlaˬtiˆ 5:10

Ehˇ kʼawꞈ, naw maꞈ-ahˇ ngaˇ jah coeˇ-eu nui ma ahˇ te siˬ. Aˬ dui-aˬ, Sahˬpaˬ Yeˬsuˇ laꞈ kʼoeˇ jawˇ luꞈ-eu miˇ neh, ngaˇ jah-eu jeˬ-ahˇ naw maꞈ maˬ jah ni yawˬ paw yawˬ maˬ iˇ pyawˇ-aˇ lehˇ ngaˇ siˬ nya ma. Ehˇ kʼawꞈ, naw maꞈ-ahˇ laˆ shaˬ-eu tsawˇ haˬ aˬ geu gʼaˬ maˬ kaˬ, Miˬyehˇ neh kʼehˬ nehˬ kʼaˆ nehˬ-euˬ jeˬ-ahˇ ya daˬ tehꞈ-a.

Eˇpeˇsu 4:12

Ka li-euˬ gʼawˇ mawˇ huiˬ laˇ mahˇ laˇ ni Miˬyehˇ-euˬ gaˇ bi mˇ-eu gʼaˇ duˬ, Miˬyehˇ-euˬ tsawˇ haˬ dawˬ tawˆ luꞈ-ahˇ lehˬ hmˬ laˆ saˆ dah nehˬ-eu lehˇ aˬ yawꞈ kʼoeˇ loꞈ-ehˇ laꞈ sawˬ biꞈ-euˬ meh.

Piˇliˇpiˆ 1:10

Dawˬ tawˆ luꞈ laꞈ kʼoeˇ muiˬ dzehˬ-eu jeˬ-ahˇ naw maꞈ tseˇ geuꞈ nya laˇ ni shaˇ luꞈ-eu ma. Kʼoeˇ miˇ neh, Ka li zaꞈ le-eu Aˇ nah-ahˇ naw maꞈ laꞈ kʼoeˇ maˬ muiˬ-eu jeˬ maˬ paˇ ahˇ-ehˇ, iˬ baˇ taˬ kʼaˇ maˬ za ni pyeuꞈ laˇ tehꞈ-a.

Piˇliˇpiˆ 1:29

Aˬ jeˬ miˇ neh ehˇ naˇ, Ka li neh naw maꞈ-ahˇ biꞈ taˬ-euˬ muiˬ dui dui-eu guiˬ lahˬ kʼoeˇ-aˬ, aˬ yawꞈ-ahˇ jah-eu jeˬ tehꞈ-ehˇ maˬ ngeuˇ-ehˇ, aˬ yawꞈ gʼaˇ duˬ shaˬ zahˬ ya mˇ-eu jeˬ kʼawꞈ ahˇ-eu meh.

Piˇliˇpiˆ 2:12

Kʼoeˇ miˇ neh ngaˇ gaˬ-eu cawˬ deuˬ-oˇ, ngaˇ naw maꞈ nehˬ-ehˇ jawˇ ngeh ngaˬ-euˬ dawˬ-ahˇ naw maꞈ aˬ myah luꞈ naˇ haˬ geuꞈ-euˬ meh. Nymˬ-mˇ ngaˇ naw maꞈ nehˬ-ehˇ maˬ jawˇ ngeh kʼawꞈ, ngaˬ-euˬ dawˬ-ahˇ kʼoeˇ naˆ maˬ tseˇ naˇ haˬ geuꞈ-awˬ. Naw maꞈ ka kʼoꞈ-eu jeˬ-ahˇ za nya ni, Miˬyehˇ-ahˇ guˆ-awˇ yaw dzuˬ dzuˬ-eu laꞈ kʼoeˇ leh jeh dui dui-awˬ.

Piˇliˇpiˆ 2:13

Aˬ jeˬ miˇ neh ehˇ naˇ, naw maꞈ nui ma keuˆ ni maˬ ehˇ, Miˬyehˇ-euˬ nui kʼahˇ mˇ nya ni maˬ ehˇ, naw maꞈ laꞈ kʼoeˇ Miˬyehˇ aˬ myah luꞈ gaˇ mˇ luꞈ meh.

Piˇliˇpiˆ 2:16

Saꞈ laˇ bi dehꞈ-eu dawˬ aˬ yawꞈ maꞈ-ahˇ biꞈ-awˬ. Kʼoeˇ loꞈ-ehˇ mˇ naˇ, Ka li zaꞈ le-eu Aˇ nah-ahˇ naw maꞈ gʼaˇ duˬ ngaˇ kʼahˬ sehˇ jehˆ kʼaˇ za tehꞈ-a. Aˬ jeˬ miˇ neh ehˇ naˇ, kʼoeˇ-aˬ, ngaˬ neh leh jeh-awˇ mˇ-euˬ gaˇ heu yawꞈ ngehꞈ maˬ ngeuˇ-eu gaˇ kawˆ bya cehˆ ni bi doˆ laˇ tehꞈ-a.

Gawˇlawˇsehˇ 2:12

A jeˬ miˇ neh ehˇ naˇ, naw maꞈ iˇ cuꞈ shawˇ ngeh Ka li nehˬ-ehˇ tiˬ kawˆ loꞈ-ehˇ bi baꞈ pahˬ-awˇ, tiˬ kawˆ loꞈ-ehˇ paˇ gʼoꞈ dehꞈ laˇ-euˬ jeˬ pyeuꞈ-eu meh. Ka li-ahˇ bi gʼoꞈ dehꞈ laˇ-euˬ Miˬyehˇ-euˬ dehꞈ luꞈ-eu baoˬ-ahˇ naw maꞈ jah-eu laꞈ kʼoeˇ gʼoꞈ dehꞈ laˇ-euˬ jeˬ pyeuꞈ-eu meh.

1 Teˇsaˬloˇni 1:3

Aˬ jeˬ miˇ neh ehˇ naˇ, jah-eu baˬ da neh naw maꞈ aˬ joˆ-ehˇ mˇ doˆ shaˇ doˆ laꞈ luꞈ-eu gaˇ kawˆ maˬ ehˇ, gʼoeˇ-eu gaˬ-eu jeˬ baˬ da neh naw maꞈ aˇ naˆ ni leh jeh-awˇ mˇ luꞈ-eu gaˇ kawˆ maˬ ehˇ, aˬ dui-euˬ Sahˬpaˬ Yeˬsuˇ Ka li-ahˇ naw maꞈ noeˬ tmˬ taˬ-euˬ jeˬ aˇ naˆ ni ziꞈ luꞈ-eu gaˇ kawˆ maˬ ehˇ, aˬ dui-euˬ Aˬda pyeuꞈ-eu Miˬyehˇ mehˬ shi nga maꞈ noeˬ keuˆ luꞈ-eu ma.

2 Teˇsaˬloˇni 1:11

Kʼoeˇ miˇ neh, naw maꞈ gʼaˇ duˬ nga maꞈ aˬ myah luꞈ guiˬ lahˬ shaˇ-eu ma. Miˬyehˇ neh naw maꞈ-ahˇ bi dehꞈ bi jawˇ-eu lehˇ kuˇ taˬ-euˬ aˇ tiˆ-ahˇ naw maꞈ dehꞈ nya jawˇ nya ni, aˬ dui-euˬ Miˬyehˇ-ahˇ shaˇ-eu ma. Yaw muiˬ jeˬ mˇ mawꞈ-eu naw maꞈ-euˬ nui kʼahˇ dawˬ tawˆ luꞈ hawˇ-eu, naw maꞈ jah-eu miˇ neh mˇ luꞈ-eu gaˇ-ahˇ, aˬ yawꞈ-euˬ baoˬ-ahˇ gʼoe-awˇ aˬ yawꞈ bi byah laˇ luꞈ-uˇ.

2 Teˇsaˬloˇni 3:4

Nga maꞈ naw maꞈ-ahˇ nui ma taˬ coeˇ ni Sahˬpaˬ Yeˬsuˇ caw ba nehˬ laꞈ-awˇ, nga maꞈ neh kʼaˇ ehˇ nehˬ-euˬ loꞈ-ehˇ naw maꞈ mˇ daˆ shaˇ daˆ leꞈ tehꞈ-a lehˇ jah-eu ma.

Piˇleˇmoˬ 1:21

Ngaˇ sahˬ boꞈ heu taꞈ boꞈ-awˇ shaˇ-eu loꞈ-ehˇ nawˇ mˇ nehˬ laꞈ tehꞈ-a lehˇ jah-eu ma. Kʼoeˇ naˆ maˬ tseˇ kʼawꞈ mˇ nehˬ laꞈ tehꞈ-a lehˇ ngaˇ siˬ nya ma.

HeˬByehˇ 10:35

Kʼoeˇ miˇ neh, naw maꞈ nui ma ziꞈ-eu jeˬ-ahˇ taˬ byehˇ dzeh. Aˬ jeˬ miˇ neh ehˇ naˇ, kʼoeˇ baˬ da neh huiˬ dui dui-eu laꞈ sawˬ naw maꞈ za tehꞈ-a.

HeˬByehˇ 12:2

Aˬ dui-euˬ myaˆ nuiˆ Yeˬsuˇ-ahˇ haw tsoˆ taˬ kaˇ-euˇ. Aˬ dui Miˬyehˇ-ahˇ aˇ dahˬ beh ngeh neh aˇ saˬ saˬ ngeh keuˆ ni jah-euˬ-aˬ, aˬ yawꞈ baˬ da neh ma. Laꞈ yaꞈ baˬ da neh aˬ yawꞈ nui ma maˬ cawˆ-a. Aˬ yawꞈ-euˬ mehˬ shi jaˆ luꞈ-eu laˬ kʼaˬ cehˇ-eu jeˬ baˬ da neh, laꞈ yaꞈ kʼoeˇ taˆ ya shiˇ-eu daˬ ga dui dui-eu jeˬ-ahˇ aˬ yawꞈ kʼahˬ maˬ lahˇ-a. Nymˬ-mˇ aˬ yawꞈ Miˬyehˇ-euˬ dzoeˬ dzaˬ nuiˇ mahˬ-euˬ aˇ maˇ paw nuiˇ luꞈ-eu meh.

1 Beˬtuˆluˆ 5:10

Ehˇ kʼawꞈ, naw maꞈ ti kʼehˬ tiˬ yamˬ kʼoeˇ loꞈ-ehˇ ya daˬ gʼaˬ ngeh jawˇ, Ka li laꞈ koeˇ aˬ yawꞈ-euˬ mˬ maˬ maˬ byaˆ zaˇ ziˇ ziꞈ-eu yaw shehꞈ kʼahˬ sehˇ bi za-eu gʼaˇ duˬ naw maꞈ-ahˇ kuˇ-euˬ gʼaˬ pyeuꞈ-eu aˬ dui-ahˇ gaˬ dui dui-eu Miˬyehˇ-aˬ, naw maꞈ-ahˇ bi byah laˇ tehꞈ-a. Aˬ yawꞈ naw maꞈ-ahˇ bi ziꞈ laˇ, bi kʼaˆ laˇ-eu uˬ taꞈ, Ka li-ahˇ jah-eu dawˬ pehˬ ziꞈ dah ni bi pyeuꞈ laˇ tehꞈ-a.

2 Beˬtuˆluˆ 3:10

Ehˇ kʼawꞈ, Miˬyehˇ-euˬ Aˇnah-aˬ,smˇ kʼoeˬ tahˇ joe oe-eu loꞈ-ehˇ keuˆ leh tehꞈ-a. Aˇ nah kʼoeˇ nah keuˆ le ngeh, teˇ saˇ yaw kʼaˆ-ehˇ mahˇ laˇ-awˇ, mˬ byoˆ-iˇ leꞈ tehꞈ-a. Nahˇ ma, ba la, aˬ guiˇ dawˬ tawˆ luꞈ puiˆ byoˆ guiˇ byoˆ jiˇ tehꞈ-a. Miˇ tsaˬ heu hawˇ-eu miˇ tsaˬ kʼoeˇ taˆ kʼaˇ jawˇ kʼaˇ jaˆ-eu jeˬ daw tawˆ luꞈ bi puiˆ dzaˬ jiˇ tehꞈ-a.