Piˇliˇpiˆ 1:5 - Akha

⁵ Aˬ jeˬ miˇ neh ehˇ naˇ, Laˬ kʼaˬ cehˇ-eu Guiˬ lahˬ dawˬ mehˬ-eu gaˇ laꞈ kʼoeˇ, aˇ dahˬ beh ngeh neh iˬ nah keuˆ ni naw maꞈ ngaˬ-ahˇ caw ba nehˬ laꞈ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Aqjeq mirnae aernar-aq, ardanqbae ngae nan-anr nae iqnan keuvni, nawmaf khawf guiqlanq dawq-anr tafler-awr nae gar cawmr luf-eu mae.

Piˇliˇpiˆ 1:5 Iomraidhean Croise

Gʼaˬkʼehˇ 2:42

Aˬ yawꞈ maꞈ-aˬ, gʼaˬ kʼehˇ deuˬ neh mehˬ nehˬ-euˬ jeˬ-ahˇ yaw muiˬ paˬ-ehˇ dzaw geuꞈ-awˇ, tiˬ gʼaˬ tiˇ gʼaˬ cawˬ yaw muiˬ-ehˇ cawˬ taꞈ-eu laꞈ kʼoeˇ, tiˬ kawˆ loꞈ-ehˇ dzaˬ taꞈ dawˇ taꞈ-awˇ guiˬ lahˬ shaˇ taꞈ-euˬ meh.

Lormav 11:17

Tsawˇ haˬ zaˬ neh ka taˬ-euˬ saˬ loˬ aˇ bawˇ-euˬ uˬ laꞈ tiˬ paˆ na deuˬ deuˆ tsehˆ dzeh-awˇ, bawˇ tsahˬ-ahˇ dehꞈ-eu saˬ loˬ aˇ bawˇ-euˬ uˬ laꞈ yuˇ-awˇ paˇ tsaꞈ nehˬ-euˬ meh. Naw maꞈ Yuˇdaˆ tsawˇ haˬ maˬ ngeuˇ-eu deuˬ-aˬ, bawˇ tsahˬ-ahˇ dehꞈ-eu saˬ loˬ aˇ bawˇ-ahˇ duˇ-eu meh. Ehˇ kʼawꞈ, Yuˇdaˆ tsawˇ haˬ-euˬ guiˬ lahˬ saꞈ laˇ paw gʼaˬ kʼaˆ dui dui-eu jeˬ-ahˇ nymˬ-mˇ naw maꞈ za luꞈ-eu meh.

Lormav 12:13

Nawˇ kʼaˇ jaˆ-eu jeˬ nawˬ-euˬ cawˬ Ka li zaˬ deuˬ-ahˇ caw ba nehˬ-awˇ, daˬ yah-ahˇ yaw muiˬ-ehˇ ha-awˬ.

Lormav 15:26

Aˬ jeˬ miˇ neh ehˇ naˇ, Yeˬluˇsaˬlehˬ meuˬ-ahˇjawˇ-eu Miˬyehˇ-euˬ tsawˇ haˬ deuˬ laꞈ kʼoeˇ shaˬ-eu zahˬ-eu deuˬ-ahˇ caw ba nehˬ-eu gʼaˇ duˬ, Maˬgeˬdawˇniˆˆ miˇ kʼahˬ hawˇ-eu Aˬgaˬyaˇ miˇ kʼahˬ-ahˇ jawˇ-eu Ka li zaˬ aˇ muˇ deuˬ pyuˇ daˬ biꞈ nehˬ-eu lehˇ noeˬ tsehˆ taˬ-euˬ meh.

1 Gawˇliˬtu 1:9

Aˬ dui-euˬ Sahˬpaˬ pyeuꞈ-eu aˬ yawꞈ-euˬ Zaˬmaˇ Yeˬsuˇ Ka li-ahˇ taꞈ leˇ nya ni naw maꞈ-ahˇ kuˇ doˆ-euˬ Miˬyehˇ-aˬ, saˇ jaˇ ziꞈ-eu Miˬyehˇ pyeuꞈ-eu meh.

2 Gawˇliˬtu 8:1

Aˬ yuiꞈ aˬ nyiˇ Ka li zaˬ deuˬ-oˇ, Maˬgeˬdawˇniˆ miˇ kʼahˬ-ahˇ jawˇ-eu Ka li zaˬ aˇ muˇ deuˬ kʼoeˇ taˆ Miˬyehˇ guiˬ lahˬ keuˆ le-euˬ gaˇ kawˆ naw maꞈ-ahˇ bi siꞈ mawꞈ miˇ-a.

Eˇpeˇsu 3:6

Zaꞈ taˬ-euˬ kʼoeˇ-aˬ, heu loꞈ-ehˇ meh. Laˬ kʼaˬ cehˇ-eu guiˬ lahˬ dawˬ baˬ da neh, Yuˇdaˆ tsawˇ haˬ maˬ ngeuˇ-eu deuˬ kʼawꞈ Yuˇdaˆ tsawˇ haˬ deuˬ nehˬ-ehˇ tiˬ kawˆ loꞈ-ehˇ Miˬyehˇ-euˬ guiˬ lahˬ jeˬ biˇ oꞈ-eu meh. Nyiˬ deuˬ luꞈ gʼawˇ mawˇ tiˬ mawˇ-ahˇ tehꞈ-ehˇ taꞈ-eu aˇ sehˇ deuˬ pyeuꞈ-awˇ, Yeˬsuˇ Ka li-ahˇ gʼoe-awˇ Miˬyehˇ neh saˇ jaˇ dzaˬ taˬ-euˬ jeˬ tiˬ kawˆ loꞈ-ehˇ za-euˬ meh.

Piˇliˇpiˆ 1:12

Aˬ yuiꞈ aˬ nyiˇ Ka li zaˬ deuˬ-oˇ, ngaˇ ya daˬ luꞈ-eu heu-aˬ, Laˬ kʼaˬ cehˇ-eu Guiˬ lahˬ dawˬ bi gaˬ doe-iˇ-eu gʼaˇ duˬ gaˇ dahˇ tsoeˬ-eu gaˇ kawˆ naw maꞈ bi siˬ nya mawꞈ miˇ-a.

Piˇliˇpiˆ 1:16

Kʼoeˇ deuˬ-aˬ, gʼoeˇ-eu gaˬ-eu laꞈ kʼoeˇ mˇ-eu meh. Aˬ jeˬ miˇ neh ehˇ naˇ, Laˬ kʼaˬ cehˇ-eu Guiˬ lahˬ dawˬ mehˬ-eu heu maˇ maˇ ni tsaˬ-eu jeˬ pyeuꞈ-eu gaˇ kawˆ bi doˆ laˇ ni mˇ-eu gʼaˇ duˬ, Miˬyehˇ ngaˬ-ahˇ kʼehˇ-euˬ meh lehˇ aˬ yawꞈ maꞈ siˬ nya meh.

Piˇliˇpiˆ 1:27

Huiˬ-eu tiˬ jeˬ-aˬ, ngaˇ naw maꞈ-ahˇ haw keuˆ laˇ-eu maˬ kaˬ, maˬ haw keuˆ laˇ-eu maˬ kaˬ, naw maꞈ nui ma tiˬ siˬ tehꞈ-ehˇ taˬ-awˇ ziꞈ dah ni jawˇ luꞈ-eu gaˇ kawˆ hawˇ-eu, La kʼaˬ cehˇ-eu Guiˬ lahˬ dawˬ-ahˇ taꞈ-eu jah-eu jeˬ gʼaˇ duˬ naw maꞈ nui ma gm-awˇ deuˆ ceh ceh luꞈ-eu gaˇ kawˆ-ahˇ ngaˇ ya gaˬ ni, Ka li-euˬ Laˬ kʼaˬ cehˇ-eu Guiˬ lahˬ dawˬ-ahˇ tsaˬ ni dehꞈ gʼeh jawˇ gʼeh-awˬ.

Piˇliˇpiˆ 1:7

Ngaˬ-euˬ nui ma laꞈ kʼoeˇ naw maꞈ-ahˇ aˬ myah luꞈ noeˬ keuˆ luꞈ-eu ma. Naw maꞈ-euˬ gaˇ kawˆ ngaˬ-euˬ nui ma laꞈ kʼoeˇ heu loꞈ-ehˇ noeˬ mawˇ luꞈ-eu heu-aˬ, tsaˬ dui dui-eu ma. Aˬ jeˬ miˇ neh ehˇ naˇ, nymˬ-mˇ ngaˇ tawˬ-ahˇ uˇ luꞈ ngeh maˬ ehˇ, maˬ ya uˇ leˇ mi naˆ-ehˇ, Laˬ kʼaˬ cehˇ-eu Guiˬ lahˬ dawˬ heu ziꞈ dah ni bi pyeuꞈ laˇ-eu gʼaˇ duˬ yaˇ kʼaˬ daˇ-eu deuˬ mehˬ shi ja leˇ ngeh maˬ ehˇ, Miˬyehˇ neh ngaˬ-ahˇ bi mˇ laꞈ-euˬ muiˬ-eu gaˇ heu hmˬ laꞈ kʼoeˇ naw maꞈ ngaˬ-ahˇ aˬ myah luꞈ caw ba nehˬ laꞈ-euˬ meh.

Piˇliˇpiˆ 2:12

Kʼoeˇ miˇ neh ngaˇ gaˬ-eu cawˬ deuˬ-oˇ, ngaˇ naw maꞈ nehˬ-ehˇ jawˇ ngeh ngaˬ-euˬ dawˬ-ahˇ naw maꞈ aˬ myah luꞈ naˇ haˬ geuꞈ-euˬ meh. Nymˬ-mˇ ngaˇ naw maꞈ nehˬ-ehˇ maˬ jawˇ ngeh kʼawꞈ, ngaˬ-euˬ dawˬ-ahˇ kʼoeˇ naˆ maˬ tseˇ naˇ haˬ geuꞈ-awˬ. Naw maꞈ ka kʼoꞈ-eu jeˬ-ahˇ za nya ni, Miˬyehˇ-ahˇ guˆ-awˇ yaw dzuˬ dzuˬ-eu laꞈ kʼoeˇ leh jeh dui dui-awˬ.

Piˇliˇpiˆ 2:22

Aˬ yawꞈ aˇ naˆ ni gaˇ dahˇ tsoeˬ-eu gaˇ kawˆ maˬ ehˇ, Laˬ kʼaˬ cehˇ-eu Guiˬ lahˬ dawˬ gʼaˇ duˬ aˬ yawꞈ ngaˬ nehˬ-ehˇ aˬ da hawˇ-eu zaˬ loꞈ-ehˇ mˇ daˆ shaˇ daˆ laꞈ-euˬ gaˇ kawˆ maˬ ehˇ, naw maꞈ siˬ nya meh.

Piˇliˇpiˆ 4:3

Saˇ jaˇ ziꞈ-eu ngaˬ-euˬ gaˇ mˇ cawˬ deuˬ kʼawꞈ, zaˬ miˬ zaˬ heu nyiˬ gʼaˬ-ahˇ ngehˬ bi gʼeh mawꞈ miˇ-a. Aˬ jeˬ miˇ neh ehˇ naˇ, zaˬ miˬ zaˬ heu nyiˬ gʼaˬ-aˬ, Laˬ kʼaˬ cehˇ-eu Guiˬ lahˬ dawˬ gaˬ doe-iˇ ni, ngaˬ-euˬ gaˇ mˇ cawˬ Gaˬleˬmeˬ hawˇ-eu ngaˬ nehˬ-ehˇ gaˇ kʼaˇ mˇ-euˬ deuˬ dawˬ tawˆ luꞈ nehˬ-ehˇ tiˬ kawˆ loꞈ-ehˇ leh jeh dui dui-euˬ meh. Miˬyehˇ-euˬ dehꞈ-eu sahˬ boꞈ laꞈ kʼoeˇ tsawˇ haˬ heu deuˬ-euˬ tsawˇ myahˇ ahˇ meh.

Piˇleˇmoˬ 1:17

Kʼoeˇ miˇ neh, nawˇ ngaˬ-ahˇ nawˬ-euˬ gaˇ mˇ cawˬ ma lehˇ sawˇ naˇ, ngaˬ-ahˇ ha geuꞈ-eu loꞈ-ehˇ aˬ yawꞈ-ahˇ ha geuꞈ-awˬ.

HeˬByehˇ 3:14

Aˬ jeˬ miˇ neh ehˇ naˇ, aˇ dahˬ beh ngeh neh aˬ dui ziꞈ dah ni jah-euˬ loꞈ-ehˇ, aˇ saˬ saˬ ngeh keuˆ ni ziꞈ naˇ, aˬ dui dawˬ tawˆ luꞈ Ka li-euˬ mˇ cawˬ shaˇ cawˬ deuˬ pyeuꞈ-eu ma.

2 Beˬtuˆluˆ 1:1

Yeˬsuˇ Ka li-euˬ zaˬ kʼaˆ hawˇ-eu gʼaˬ kʼehˇ pyeuꞈ-eu ngaˇ Siˇmoˬ Beˬtuˆluˆ, Miˬyehˇ hawˇ-eu Ka kʼoꞈ-eu gʼaˬ pyeuꞈ-eu Yeˬsuˇ Ka li-euˬ yaw tsaˬ yaw dawˇ jeˬ baˬ da neh nga maꞈ-euˬ jah-eu jeˬ-ahˇ duˇ-eu aˇ poeˬ kʼaˆ dui dui-eu jah-eu jeˬ za taˬ-euˬ deuˬ jawˇ gaˇ sahˬ boꞈ boꞈ ahˇ laꞈ-eu ma.

1 Yoˇhaˬ 1:3

Naw maꞈ kʼawꞈ, nga maꞈ nehˬ-ehˇ tiˬ kawˆ loꞈ-ehˇ Aˬda Miˬyehˇ hawˇ-eu aˬ yawꞈ-euˬ Zaˬmaˇ Yeˬsuˇ Ka li-ahˇ cawˬ cawˬ taꞈ nya laˇ ni, nga maꞈ neh kʼaˇ ya gaˬ kʼaˇ ya mawˇ-euˬ jeˬ naw maꞈ-ahˇ dzawˇ nehˬ-eu ma.

1 Yoˇhaˬ 1:7

Ehˇ kʼawꞈ, aˬ yawꞈ yaw shehꞈ laꞈ kʼoeˇ jawˇ-eu loꞈ-ehˇ, aˬ dui kʼawꞈ yaw shehꞈ laꞈ kʼoeˇ jawˇ naˇ, aˬ dui tiˬ gʼaˬ tiˇ gʼaˬ cawˬ cawˬ taꞈ-awˇ, Zaˬmaˇ Yeˬsuˇ-euˬ shiˬ aˬ dui-euˬ iˬ baˇ dawˬ tawˆ luꞈ-ahˇ tsiˬ shawˇ nehˬ laꞈ tehꞈ-a.