Piˇliˇpiˆ 1:25 - Akha

²⁵ Ngaˇ kʼoeˇ loꞈ-ehˇ jah duˬ taˬ-euˬ miˇ neh, ngaˇ ya dehꞈ meh lehˇ ngaˇ siˬ nya ma. Naw maꞈ huiˬ laˇ mahˇ laˇ luꞈ-eu jeˬ gʼaˬ bi kʼaˆ dzehˬ laˇ-awˇ, jah-eu jeˬ laꞈ kʼoeˇ laˬ kʼaˬ ya cehˇ ni, naw maꞈ dawˬ tawˆ luꞈ nehˬ-ehˇ ngaˇ dehꞈ daˆ leꞈ ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁵ Nawmaf huiqlar manrlar-awr, jan-eu jeq-euq lafkhoer laqkhaq yacaerni, ngar, nawmaf dawqtawvluf naeq-aer jawr-awr daefdav lef-eu tsaq taef-a laer, siqnya-awr yawduq baw-eu ma.

Piˇliˇpiˆ 1:25 Iomraidhean Croise

Jaceuq 60:6

Aˬ yawꞈ-euˬ muiˬ-eu shawˇ-eu jawˇ duˬ-ahˇ jawˇ-awˇ, Miˬyehˇ heu loꞈ-ehˇ ehˇ-eu meh. “Sheˬkmˬ meuˬ-ahˇ ngaˇ nui kʼahˇ tiˬ shiˇ deuˆ biˇ-awˇ, ngaˬ-euˬ tsawˇ haˬ deuˬ-ahˇ Suˇkoˆ deh ga biˇ nehˬ ma.

Luˇkaꞈ 22:32

Ehˇ kʼawꞈ, Siˇmoˬ nawˇ jah-eu jeˬ-ahˇ maˬ ya byehˇ dzeh ni ngaˇ guiˬ lahˬ shaˇ luꞈ-eu ma. Nawˇ noeˬ poˆ-awˇ gʼoꞈ kʼoꞈ laˇ ngeh, nawˬ-euˬ cawˬ zaˬ lahˇ deuˬ-ahˇ gʼaˬ biꞈ nehˬ-awˬ.”

Gʼaˬkʼehˇ 11:23

Aˬ yawꞈ kʼoeˇ gaˇ le keuˆ-awˇ, Miˬyehˇ neh tsawˇ haˬ kʼoeˇ deuˬ-ahˇ guiˬ lahˬ biꞈ-euˬ gaˇ ya mawˇ ngeh, laˬ kʼaˬ cehˇ dui dui-eu laꞈ kʼoeˇ, Sahˬ paˬ Yeˬsuˇ-ahˇ nui ma laꞈ kʼoeˇ keuˆ ni saˇ jaˇ ziꞈ-eu gʼaˇ duˬ aˬ yawꞈ maꞈ dawˬ tawˆ luꞈ-ahˇ gʼaˬ biꞈ nehˬ-euˬ meh.

Gʼaˬkʼehˇ 14:22

Jah-eu jeˬ laꞈ kʼoeˇ ziꞈ ni, jah-eu tsawˇ haˬ deuˬ-ahˇ aˬ yawꞈ nyaꞈ gʼaˬ biꞈ yaꞈ-euˬ meh. “Miˬyehˇ miˇ kʼahˬ-ahˇ uˇ leˇ-eu gʼaˇ duˬ, shaˬ zahˬ gʼawˬ mya jeˬ-ahˇ aˬ dui ya tahˬ puˬ tehꞈ-a” lehˇ mehˬ nehˬ tsoˆ nehˬ yaꞈ-euˬ meh.

Gʼaˬkʼehˇ 20:25

“Naw maꞈ dawˬ tawˆ luꞈ jawˇ gaˇ ngaˇ cah doe-awˇ, Miˬyehˇ Miˇkʼahˬ gaˇ kawˆ mehˬ yaꞈ-euˬ ma. Aˬ kaˇ naˇ, naw maꞈ ngaˬ-ahˇ tiˬ jawˇ-iˬ maˬ paˇ ya mawˇ-aˇ lehˇ ngaˇ siˬ duˬ-eu ma.

Lormav 15:13

Muiˬ-eu Shawˇ-eu Yaw sahˇ Miˬyehˇ-euˬ baoˬ baˬ da neh naw maꞈ-euˬ noeˬ tmˬ-eu jeˬ huiˬ laˇ mahˇ laˇ nya ni, naw maꞈ Miˬyehˇ-ahˇ jah-eu jeˬ-ahˇ gʼoe-awˇ, noeˬ tmˬ-eu jeˬ-euˬ dawˬ pehˬ duˬ puˇ pyeuꞈ-eu Miˬyehˇ naw maꞈ-ahˇ laˬ kʼaˬ cehˇ nui saˇ za-eu jeˬ bi byah laˇ luꞈ-uˇ.

Lormav 15:18

Yuˇdaˆ tsawˇ haˬ maˬ ngeuˇ-eu deuˬ Miˬyehˇ-euˬ ehˇ dawˬ naˇ haˬ laˇ ni sheuˬ gʼeh-eu gʼaˇ duˬ, Ka li neh ngaˬ-ahˇ gʼoe-awˇ mˇ taˬ-euˬ gaˇ kawˆ heu-ahˇ tehꞈ-ehˇ kʼaˬ duˬ ni ngehˬ-eu tmˇ-eu ma. Aˬ yawꞈ kʼoeˇ loꞈ-ehˇ mˇ-euˬ kʼoeˇ-aˬ, ngehˬ-eu hawˇ-eu mˇ-eu nyiˬ jeˬ luꞈ-ahˇ gʼoe-awˇ mˇ-euˬ meh.

Lormav 15:29

Ngaˇ naw maꞈ jawˇ gaˇ laˇ ngeh, Ka li-euˬ guiˬ lahˬ yaw dzahˇ tiˬ byah ni ahˇ-eu laꞈ kʼoeˇ laˇ ma.

Lormav 5:2

Aˬ dui Ka li-ahˇ jah-eu miˇ neh, nymˬ-mˇ aˬ dui dehꞈ luꞈ jawˇ luꞈ-eu Miˬyehˇ-euˬ gʼawˬ shaˬ gaˬ-eu guiˬ lahˬ laꞈ kʼoeˇ, aˬ yawꞈ aˬ dui-ahˇ sheuˬ ahˇ nehˬ laꞈ-euˬ meh. Miˬyehˇ aˬ dui-ahˇ yaw shehꞈ kʼahˬ sehˇ biꞈ laꞈ gaˇ noeˬ tmˬ-awˇ, aˬ dui nui ma huiˬ kʼaˇ za-eu ma.

2 Gawˇliˬtu 1:24

Naw maꞈ-euˬ jah-eu jeˬ-ahˇ nga maꞈ tuˆ tehˬ-awˇ uˆ lahˇ-eu lehˇ maˬ ngeuˇ. Jah-eu jeˬ laꞈ kʼoeˇ naw maꞈ ziꞈ dah ni yawꞈ luꞈ meh lehˇ nga maꞈ siˬ nya ma. Nga maꞈ-aˬ, naw maꞈ laˬ kʼaˬ cehˇ ni mˇ luꞈ-eu naw maꞈ-euˬ gaˇ mˇ cawˬ deuˬ pyeuꞈ-eu ma.

Piˇliˇpiˆ 1:24

Ehˇ kʼawꞈ, naw maꞈ gʼaˇ duˬ shaˇ noeˬ leꞈ naˇ, ngaˇ dehꞈ-eu muiˬ dzehˬ meh.

Piˇliˇpiˆ 2:24

Sahˬpaˬ Yeˬsuˇ nui ma tsaˬ naˇ, gʼawˬ myahˇ maˬ gʼeh-ehˇ ngaˬ-euˬ gʼawˇ mawˇ kʼawꞈ naw maꞈ jawˇ gaˇ laˇ keuˆ nya-eu duˇ lehˇ jah-eu ma.

Piˇleˇmoˬ 1:22

Kʼoeˇ uˬ taꞈ, ngaˇ jawˇ-eu gʼaˇ duˬ kuˆ lawˆ tiˬ lawˆ lehˬ hmˬ nehˬ laꞈ-awˬ. Aˬ jeˬ miˇ neh ehˇ naˇ, naw maꞈ-euˬ guiˬ lahˬ shaˇ dawˬ-ahˇ naˇ haˬ-eu laꞈ kʼoeˇ, Miˬyehˇ ngaˬ-ahˇ naw maꞈ jawˇ gaˇ bi gʼoꞈ laˇ tehꞈ-a lehˇ ngaˇ noeˬ tmˬ-eu ma.

1 Beˬtuˆluˆ 1:8

Aˬ yawꞈ-ahˇ naw maꞈ maˬ mawˇ haw-euˬ kʼawꞈ, naw maꞈ aˬ yawꞈ-ahˇ gaˬ-awˇ, nymˬ-mˇ aˬ yawꞈ-ahˇ naw maꞈ maˬ ya mawˇ kʼawꞈ, naw maꞈ aˬ yawꞈ-ahˇ jah-eu meh. Kʼoeˇ miˇ neh, maˬ ehˇ jiˇ coeˇ gaˇ keuˆ ni laˬ kʼaˬ cehˇ-awˬ.