Piˇliˇpiˆ 1:21 - Akha

²¹ Tsawˇ haˬ zaˬ yaw dehꞈ dehꞈ-eu aˬ jeˬ gʼaˇ duˬ-a. Ngaˇ dehꞈ luꞈ-eu-aˬ, Ka li gʼaˇ duˬ ma. Shiˇ naˇ, ngaˬ-euˬ gʼaˇ duˬ jiˇ jeuˬ ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²¹ Aqjeq mirnae aernar-aq, ngaq-euq gharduq ngar daefluf-eu-aq, Kali mae. Ngar shir nar-aq, ngaq-euq gharduq jirjeuq ma.

Piˇliˇpiˆ 1:21 Iomraidhean Croise

1 Gawˇliˬtu 1:30

Ehˇ kʼawꞈ, naw maꞈ-ahˇ-aˬ, Yeˬsuˇ Ka li-ahˇ bi tsoꞈ taꞈ-eu gʼaˇ duˬ Miˬyehˇ mˇ-awˇ, Ka li-aˬ aˬ dui-euˬ zaˬ siˬ tsawˇ gahˇ pyeuꞈ ni Miˬyehˇ jahˇ-euˬ meh. Ka li baˬ da neh Miˬyehˇ-ahˇ aˬ dui tsaˬ leˇ tsahˇ leˇ-awˇ, Miˬyehˇ-euˬ muiˬ-eu shawˇ-eu tsawˇ haˬ pyeuꞈ laˇ-awˇ, iˬ baˇ-ahˇ buˬ-iˇ law-iˇ gʼaˬ-euˬ ma.

1 Gawˇliˬtu 3:22

Pawˇluˆ maˬ ehˇ, Aˬpawˇluˆ maˬ ehˇ, Beˬtuˆluˆ maˬ ehˇ, miˇ tsaˬ tahˬ kʼawˇ maˬ ehˇ, dehꞈ-eu hawˇ-eu shiˇ-eu maˬ ehˇ, heu ziˇ hawˇ-eu aˬ kaˇ kaˇ ziˇ maˬ ehˇ, dawˬ tawˆ luꞈ naw maꞈ-ahˇ oꞈ-eu meh.

2 Gawˇliˬtu 5:1

Aˬ jeˬ miˇ neh ehˇ naˇ, miˇ tsaˬ heu kʼoeˇ taˆ aˬ dui jawˇ luꞈ-eu yaˇ cmˇ pyeuꞈ-eu aˬ dui-euˬ gʼawˇ mawˇ heu cawˆ-iˇ ngeh, aˬ dui bi jawˇ-eu gʼaˇ duˬ Miˬyehˇ neh mˬ kʼoeˇ taˆ tsoˆ taˬ-euˬ mˬ maˬ maˬ byaˆ zaˇ ziˇ ziꞈ-eu nymˇ jaˆ ma lehˇ aˬ dui siˬ nya ma.

2 Gawˇliˬtu 5:6

Kʼoeˇ miˇ neh, nga maꞈ aˬ myah luꞈ nui ma kʼaˬ duˬ ni jaˆ ma. Miˇ tsaˬ shiˬ shaˬ jiˇ gʼawˇ mawˇ heu laꞈ kʼoeˇ kʼaˇ jawˇ luꞈ kʼoeˇ keuˆ ni, Sahˬpaˬ Yeˬsuˇ Ka li-ahˇ gaˇ mahˇ kaˬ-a siˬ lehˇ nga maꞈ siˬ nya ma.

2 Gawˇliˬtu 5:8

Nga maꞈ nui ma kʼaˬ duˬ ni jaˆ-eu laꞈ kʼoeˇ shiˬ shaˬ jiˇ gʼawˇ mawˇ heu-ahˇ byehˇ dzeh yaꞈ mawꞈ-awˇ, Sahˬpaˬ Miˬyehˇ jawˇ gaˇ gʼoꞈ leˇ mawꞈ-eu ma.

Gaˬlaˬtiˆ 2:20

Kʼoeˇ miˇ neh, ngaˇ dehꞈ luꞈ-eu heu-aˬ, ngaˇ maˬ paˇ ngeuˇ ma. Ka li ngaˬ-euˬ laꞈ kʼoeˇ dehꞈ luꞈ-eu jeˬ pyeuꞈ-eu ma. Nymˬ-mˇ ngaˇ yaw dehꞈ dehꞈ luꞈ-eu heu-aˬ, ngaˬ-ahˇ gaˬ-awˇ ngaˬ-euˬ gʼaˇ duˬ gʼawˇ mawˇ damˬ nehˬ le-euˬ Miˬyehˇ-euˬ Zaˬmaˇ-ahˇ jah-eu jeˬ laꞈ kʼoeˇ dehꞈ luꞈ-eu ma.

Gaˬlaˬtiˆ 6:14

Ngaˇ tehꞈ law nmˇ-aˬ, aˬ dui-euˬ Sahˬpaˬ Yeˬsuˇ Ka li-euˬ laꞈ yaꞈ gaˇ kawˆ tehꞈ-ehˇ kʼahˬ sehˇ jehˆ ma. Laꞈ yaꞈ baˬ da neh, miˇ tsaˬ heu-ahˇ taꞈ-eu jeˬ ngaˬ-euˬ gʼaˇ duˬ yaw shiˇ-ahˇ duˇ-awˇ, ngaˇ kʼawꞈ miˇ tsaˬ-ahˇ taꞈ-eu jeˬ-euˬ gʼaˇ duˬ yaw shiˇ-ahˇ duˇ-eu ma.

Piˇliˇpiˆ 1:20

Ngaˇ geuꞈ mawꞈ dui dui-awˇ noeˬ tmˬ taˬ-euˬ jeˬ-aˬ, ngaˇ mˇ paˬ-ehˇ gʼeh-eu gaˇ deuˬ-ahˇ aˬ myah luꞈ mˇ-eu uˬ taꞈ, hehˬ nymˬ-mˇ ngaˇ dehꞈ-eu maˬ ehˇ, shiˇ-eu maˬ ehˇ, kʼaˇ mˇ kʼaˇ shaˇ-eu jeˬ dawˬ tawˆ luꞈ laꞈ kʼoeˇ Ka li-ahˇ aˬ cawˬ yaw zeu baw laˇ-eu gʼaˇ duˬ nui ma kʼaˬ duˬ ni taˬ nya-eu jeˬ-ahˇ geuꞈ mawꞈ-eu ma.

Piˇliˇpiˆ 1:22

Ehˇ kʼawꞈ, ngaˇ mehˬ hu paw ya dehꞈ daˆ leꞈ lawˬ naˇ, gaˇ dahˇ tsoeˬ-eu gaˇ gʼawˬ mya jeˬ mˇ nya-eu ma. Kʼoeˇ miˇ neh, dehꞈ-eu hawˇ-eu shiˇ-eu heu nyiˬ jeˬ-ahˇ ngaˇ tseˇ geuꞈ tsaˬ maˬ siˬ nya.

Piˇliˇpiˆ 1:23

Heu nyiˬ jeˬ luꞈ ngaˬ-ahˇ gʼeu taw taˬ-euˬ meh. Ngaˇ geuꞈ mawꞈ-eu-aˬ, miˇ tsaˬ kʼoeˇ taˆ dehꞈ-eu heu-ahˇ byehˇ dzeh yaꞈ-awˇ Ka li nehˬ-ehˇ jawˇ leˇ mawꞈ-eu kʼoeˇ hmˬ ma. Aˬ jeˬ miˇ neh ehˇ naˇ, kʼoeˇ-aˬ, ngaˬ-euˬ gʼaˇ duˬ muiˬ dzehˬ-eu meh.

Piˇliˇpiˆ 2:21

Yawˬ gʼaˬ na luꞈ yawˬ ha gʼaˇ duˬ shaˇ noeˬ-eu tehꞈ meh. Yeˬsuˇ Ka li gʼaˇ duˬ maˬ shaˇ noeˬ-a.

Gawˇlawˇsehˇ 3:4

Maˇ maˇ ni gʼeh-eu naw maꞈ-euˬ dehꞈ-eu jeˬ-aˬ, Ka li-euˬ gaˇ mˇ-eu gʼaˇ duˬ pyeuꞈ-awˇ, aˬ yawꞈ miˇ tsaˬ kʼoeˇ taˆ doˆ le ngeh naw maꞈ kʼawꞈ aˬ yawꞈ nehˬ-ehˇ doˆ le-awˇ, aˬ yawꞈ yaw shehꞈ kʼahˬ sehˇ ahˇ-eu loꞈ-ehˇ naw maꞈ kʼawꞈ yaw shehꞈ kʼahˬ sehˇ ahˇ tehꞈ-a.

Panmaeq 14:13

Kʼoeˇ naˇ, mˬ kʼoeˇ taˆ heu loꞈ-ehˇ ehˇ-eu teˇ saˇ ngaˇ ya gaˬ-euˬ ma. “Heu loꞈ-ehˇ boꞈ taˬ-awˬ. Nymˬ-mˇ neh dahˬ beh-awˇ, Sahˬpaˬ Miˬyehˇ-euˬ gaˇ laꞈ kʼoeˇ shiˇ-eu tsawˇhaˬ deuˬ guiˬ lahˬ huiˬ-eu meh.” Yaw sahˇ Miˬyehˇ ehˇ-eu, “Ngeuˇ meh. Aˬ yawꞈ maꞈ gaˇ yaw kʼaˆ-ehˇ mˇ-euˬ baˬ da neh gʼaˬ naˬ ya naˬ tehꞈ-a. Aˬ jeˬ miˇ neh ehˇ naˇ, aˬ yawꞈ maꞈ neh mˇ-euˬ jeˬ aˬ yawꞈ maꞈ-euˬ mehˬ nah caw teh gʼeh leꞈ tehꞈ-a.