Piˇliˇpiˆ 1:13 - Akha

¹³ Kʼoeˇ loꞈ-ehˇ pyeuꞈ laˇ-euˬ miˇ neh, sahˬ paˬ-euˬ hawˇ nymˇ-ahˇ loꞈ piˇ-eu yehˇ dawˬ tawˆ luꞈ hawˇ-eu heu gaˇ kʼaˇ jawˇ-eu tsawˇ haˬ dawˬ tawˆ luꞈ, ngaˇ Ka li-euˬ zaˬ kʼaˆ geuꞈ-eu miˇ neh tawˬ-ahˇ ya uˇ luꞈ-eu meh lehˇ siˬ nya meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Khoerlof-aer pyeuflar-euq mirnae, ngar, Kali-euq gharduq shmrcav daqluf-eu mae laer, sanqpaq-euq nymr-anr lofpir-eu deuq hawr-eu, nuideuq dawqtawvluf byacaevni siqnya-eu mae.

Piˇliˇpiˆ 1:13 Iomraidhean Croise

Gʼaˬkʼehˇ 26:29

Pawˇluˆ ehˇ-eu, “Aˇ yamˬ yaw nymˇ yaw myahˇ taˬ ehˇ. Nawˇ hawˇ-eu iˬ nah ngaˇ ehˇ gaˇ kʼaˇ naˇ haˬ luꞈ-eu tsawˇ haˬ heu deuˬ dawˬ tawˆ luꞈ, ngaˇ shmˇ caˆ daˬ luꞈ-eu heu tiˬ hmˬ maˬ ngeuˇ naˇ, ngaˬ loꞈ-ehˇ jah-eu tsawˇ haˬ pyeuꞈ laˇ ni, Miˬyehˇ-ahˇ ngaˇ guiˬ lahˬ shaˇ luꞈ ma.”

Gʼaˬkʼehˇ 26:31

Aˬ yawꞈ maꞈ gʼoꞈ doˆ le-awˇ tiˬ gʼaˬ tiˇ gʼaˬ ehˇ-eu, “Tsawˇ haˬ heu gʼaˬ-ahˇ sehꞈ paˬ-ehˇ, maˬ ngeuˇ naˇ tawˬ-ahˇ dawˆ paˬ-ehˇ mˇ lehˬ taˬ-euˬ tiˬ jeˬ-iˬ maˬ jaˆ law hawˇ ngaˬ laˬ.”

Gʼaˬkʼehˇ 28:17

Smˬ nah byah laˇ ngeh, kʼoeˇ gaˇ jawˇ-eu Yuˇdaˆ tsawˇ haˬ aˬ yuiꞈ aˬ tsu deuˬ-ahˇ Pawˇluˆ kuˇ uiˬ-euˬ meh. Aˬ yawꞈ maꞈ uiˬ laˇ ngeh, Pawˇluˆ heu loꞈ-ehˇ ehˇ nehˬ-euˬ meh. “Aˬ yuiꞈ aˬ nyiˇ Iˇsaˬleˬlaˇ tsawˇ haˬ deuˬ-oˇ, aˬ duiˬ-euˬ tsawˇ jeuˬ-ahˇ maˬ ehˇ, aˬ dui-euˬ aˬ poeˬ aˬ bawˇ ziˇ neh tawˬ ka leꞈ-euˬ zahˇ sahˇ kʼoꞈ deuˬ-ahˇ maˬ ehˇ, ngaˬ neh mˇ bahˬ-euˬ tiˬ jeˬ-iˬ maˬ jaˆ gaˇ, Yeˬluˇsaˬlehˬ meuˬ-ahˇ ngaˬ-ahˇ paꞈ-awˇ, Loˇmaˆ tsawˇ haˬ deuˬ-euˬ aˬ laꞈ laꞈ kʼoeˇ a ahˇ nehˬ laꞈ-euˬ meh.

Gʼaˬkʼehˇ 28:20

Kʼoeˇ miˇ neh, naw maꞈ-ahˇ ngaˇ tahˬ puˬ-awˇ ja cawˬ mawꞈ-eu ma. Dawˇ coe ni ya ehˇ naˇ, Iˇsaˬleˬlaˇ tsawˇ haˬ deuˬ noeˬ tmˬ luꞈ-eu gʼaˬ-euˬ gʼaˇ duˬ ngaˇ heu loꞈ-ehˇ shmˇ caˆ daˬ-awˇ jawˇ luꞈ-eu ma.”

Gʼaˬkʼehˇ 28:30

Pawˇluˆ-aˬ, aˬ yawꞈ neh ngaˬ taˬ-euˬ nymˇ-ahˇ nyiˬ kʼoꞈ byah ni jawˇ-awˇ, aˬ yawꞈ jawˇ gaˇ kʼaˇ laˇ-eu tsawˇ haˬ deuˬ-ahˇ yaw muiˬ paˬ-ehˇ ha-euˬ meh.

Eˇpeˇsu 3:1

Kʼoeˇ baˬ da neh, naw maꞈ-euˬ gʼaˇ duˬ Yeˬsuˇ Ka li-euˬ gaˇ mˇ-euˬ miˇ neh tawˬ-ahˇ ya uˇ-euˬ gʼaˬ pyeuꞈ-eu ngaˇ Pawˇluˆ, Miˬyehˇ-ahˇ guiˬ lahˬ shaˇ-eu ma.

Eˇpeˇsu 4:1

Sahˬpaˬ Yeˬsuˇ-euˬ gaˇ mˇ-eu miˇ neh tawˬ-ahˇ ya uˇ-euˬ tsawˇ haˬ pyeuꞈ-eu ngaˇ, naw maꞈ-ahˇ heu loꞈ-ehˇ shaˇ-eu ma. Miˬyehˇ naw maꞈ-ahˇ kuˇ ngeh aˬ yawꞈ neh noeˬ taˬ-euˬ aˇ tiˆ kʼoeˇ tiˆ-ahˇ dehꞈ keuˆ-awˬ.

Eˇpeˇsu 6:20

Nymˬ-mˇ ngaˇ tawˬ-ahˇ uˇ luꞈ-eu kʼawꞈ, Laˬ kʼaˬ cehˇ-eu Guiˬ lahˬ dawˬ heu-euˬ gʼaˇ duˬ Sahˬpaˬ Yeˬsuˇ-euˬ dah zaˇ ngehˬ zaˬ tmˇ zaˬ pyeuꞈ-eu ma. Laˬ kʼaˬ cehˇ-eu Guiˬ lahˬ dawˬ gʼaˇ duˬ ngehˬ paˬ tmˇ paˬ-ehˇ gʼeh-eu jeˬ-ahˇ ngaˇ kʼaˬ duˬ ni ngehˬ nya tmˇ nya ni guiˬ lahˬ shaˇ nehˬ laꞈ-awˬ.

Piˇliˇpiˆ 1:30

Nymˬ-mˇ naw maꞈ ngaˬ nehˬ-ehˇ tiˬ kawˆ loꞈ-ehˇ guiˇ deuˆ leˇ nya meh. Guiˇ heu-aˬ, dzeuˇ laˇ ngeh ngaˇ deuˆ luꞈ-eu naw maꞈ mawˇ-euˬ kʼoeˇ meh. Nymˬ-mˇ kʼawꞈ, naw maꞈ ya gaˬ-euˬ loꞈ-ehˇ, guiˇ kʼoeˇ ngaˇ deuˆ luꞈ te siˬ. TBS CATP 15-06-00

Piˇliˇpiˆ 1:7

Ngaˬ-euˬ nui ma laꞈ kʼoeˇ naw maꞈ-ahˇ aˬ myah luꞈ noeˬ keuˆ luꞈ-eu ma. Naw maꞈ-euˬ gaˇ kawˆ ngaˬ-euˬ nui ma laꞈ kʼoeˇ heu loꞈ-ehˇ noeˬ mawˇ luꞈ-eu heu-aˬ, tsaˬ dui dui-eu ma. Aˬ jeˬ miˇ neh ehˇ naˇ, nymˬ-mˇ ngaˇ tawˬ-ahˇ uˇ luꞈ ngeh maˬ ehˇ, maˬ ya uˇ leˇ mi naˆ-ehˇ, Laˬ kʼaˬ cehˇ-eu Guiˬ lahˬ dawˬ heu ziꞈ dah ni bi pyeuꞈ laˇ-eu gʼaˇ duˬ yaˇ kʼaˬ daˇ-eu deuˬ mehˬ shi ja leˇ ngeh maˬ ehˇ, Miˬyehˇ neh ngaˬ-ahˇ bi mˇ laꞈ-euˬ muiˬ-eu gaˇ heu hmˬ laꞈ kʼoeˇ naw maꞈ ngaˬ-ahˇ aˬ myah luꞈ caw ba nehˬ laꞈ-euˬ meh.

Piˇliˇpiˆ 4:22

Heu gaˇ kʼaˇ jawˇ-eu Miˬyehˇ-euˬ tsawˇ haˬ deuˬ naw maꞈ-ahˇ dawˬ cawˬ puˬ ahˇ laꞈ-euˬ meh. Kʼoeˇ naˆ maˬ tseˇ, sahˬ paˬ Gehˇsaˬ-euˬ hawˇ nymˇ-ahˇ gaˇ mˇ luꞈ-eu deuˬ kawꞈ, naw maꞈ-ahˇ dawˬ cawˬ puˬ ahˇ laꞈ-euˬ meh.

2 Tiˆmoˇseˬ 2:9

Laˬ kʼaˬ cehˇ-eu Guiˬ lahˬ dawˬ mehˬ-eu baˬ da neh, kʼehˬ-eu kʼaˆ-eu jeˬ-ahˇ ngaˇ ya daˬ-awˇ, smˇ kʼoeˬ tahˇ joe loꞈ-ehˇ shmˇ caˆ neh bi paꞈ gaˇ keuˆ-euˬ ma. Ehˇ kʼawꞈ, Miˬyehˇ-euˬ dawˬ-ahˇ shmˇ caˆ neh maˬ paꞈ tawꞈ nya-a.