Piˇliˇpiˆ 1:10 - Akha

¹⁰ Dawˬ tawˆ luꞈ laꞈ kʼoeˇ muiˬ dzehˬ-eu jeˬ-ahˇ naw maꞈ tseˇ geuꞈ nya laˇ ni shaˇ luꞈ-eu ma. Kʼoeˇ miˇ neh, Ka li zaꞈ le-eu Aˇ nah-ahˇ naw maꞈ laꞈ kʼoeˇ maˬ muiˬ-eu jeˬ maˬ paˇ ahˇ-ehˇ, iˬ baˇ taˬ kʼaˇ maˬ za ni pyeuꞈ laˇ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ nawmaf yawmuiq jeq-anr tserpav nya’ni, nawmaf, Kali-euq arnan-anr keuvni, shawrjaevni ghae-awr sanqtif tifkhar maqza-eu tsawrhaq pyeuf-eu uqtaf,

Piˇliˇpiˆ 1:10 Iomraidhean Croise

Aˇ dahˬ 20:5

Aˬbyaˬhaˬ maˬ ehˇ, Saˬlaˇ maˬ ehˇ, Saˬlaˇ-aˬ Aˬbyaˬhaˬ-euˬ dmˇ ma pyeuꞈ-eu ma lehˇ ehˇ-eu miˇ neh, nui ma shawˇ jehˆ ni gʼeh-eu laꞈ kʼoeˇ aˬ yawꞈ-ahˇ ngaˇ sheuˬ-euˬ ma. Ngaˬ-euˬ yaw lehˬ tiˬ jeˬ-iˬ maˬ jaˆ.”

Yawˇbaˆ 12:11

Nawˬ-euˬ mehˬ laˇ dzaˇ kuiˇ dzaˇ myehˇ siˬ nya-eu loꞈ-ehˇ, nawˬ-euˬ naˬ bawˇ kʼawꞈ teˇ saˇ gaˬ nya-eu meh.

Yawˇbaˆ 34:3

Naw maꞈ kʼaˬ meh-ahˇ dzaˬ-eu dzaˇ, kuiˇ-eu maˬ kuiˇ-eu siˬ nya kʼawꞈ, naw maꞈ-euˬ naˬ bawˇ-ahˇ gaˬ laˇ-eu dawˬ, tsawˇ gahˇ ahˇ maˬ ahˇ-eu naw maꞈ maˬ siˬ nya nga.

Miˇkaˬ 3:2

Ehˇ kʼawꞈ, yaw muiˬ yaw jaˬ jeˬ-ahˇ naw maꞈ bye-awˇ, maˬ muiˬ maˬ jaˬ-eu jeˬ-ahˇ naw maꞈ gaˬ-eu meh. Ngaˬ-euˬ tsawˇ haˬ deuˬ-ahˇ naw maꞈ yaw dehꞈ-ehˇ baˆ kʼoˆ gʼeu yawˆ nehˬ-awˇ, aˬ yawꞈ maꞈ-euˬ shaˬ yoeˬ-ahˇ shaˬ jiˇ kaˇ doˆ-euˬ meh.

Maꞈtehˬ 16:23

Yeˬsuˇ Beˬtuˆluˇ jawˇ paw ciˬ pyawˇ-awˇ ehˇ nehˬ-eu, “Saˬdaˬ-oˇ, ngaˇ jawˇ gaˇ neh doˆ-iˇ-awˬ. Nawˇ-aˬ, ngaˬ-ahˇ laˆ tsoeˬ-eu gʼaˬ meh. Nawˇ teu loꞈ-ehˇ ehˇ-eu teu, Miˬyehˇ neh bi noeˬ doˆ-euˬ jeˬ maˬ ngeuˇ-a. Tsawˇ haˬ neh bi noeˬ doˆ-euˬ jeˬ meh.”

Maꞈtehˬ 26:33

Beˬtuˆluˆ Yeˬsuˇ-ahˇ ehˇ-eu, “Aˬ cawˬ nawˬ-ahˇ byehˇ dzeh-awˇ cehˆ jiˇ kʼawꞈ, ngaˇ nawˬ-ahˇ maˬ byehˇ dzeh.”

Yoˇhaˬ 1:47

Naˬdaˬneˬlaˇ aˬ yawꞈ jawˇ gaˇ laˇ luꞈ-eu ya mawˇ ngeh, Yeˬsuˇ ehˇ-eu, “Maˇ maˇ ni gʼeh-eu Iˇsaˬleˬlaˆ tsawˇ haˬ laˇ ngaˇ. Aˬ yawꞈ laꞈ kʼoeˇ jaˬ myawꞈ myawꞈ-eu jeˬ tiˬ pawꞈ-iˬ maˬ ahˇ-a.”

Yoˇhaˬ 3:20

Yaw haiˬ jeˬ mˇ-eu tsawˇ haˬ-aˬ, yaw shehꞈ-ahˇ bye-awˇ, yaw shehꞈ jaˆ gaˇ maˬ laˇ-a. Aˬ jeˬ miˇ neh ehˇ naˇ, aˬ yawꞈ neh mˇ-euˬ yaw haiˬ jeˬ-ahˇ aˬ cawˬ mawˇ gaˇ guˆ-eu meh.

Gʼaˬkʼehˇ 24:16

Miˬyehˇ mehˬ shi maˬ ehˇ, tsawˇ haˬ zaˬ mehˬ shi maˬ ehˇ, ngaˬ-euˬ nui ma aˬ myah luꞈ shawˇ jehˆ ni jaˆ ni leh jeh luꞈ-eu ma.

Lormav 12:2

Miˇ tsaˬ zaˬ deuˬ dehꞈ-eu loꞈ-ehˇ maˬ dehꞈ ni, naw maꞈ-euˬ nui ma poˆ laˆ laˆ doˆ-awˇ, naw maꞈ-euˬ laꞈ kʼoeˇ paw Miˬyehˇ neh yaw shuiꞈ bi jahˇ paˇ-awˬ. Kʼoeˇ loꞈ-ehˇ jahˇ naˇ, Miˬyehˇ-euˬ nui kʼahˇ-ahˇ naw maꞈ siˬ nya laˇ tehꞈ-a. Muiˬ-eu jeˬ, aˬ yawꞈ nui ma tsaˬ-eu jeˬ hawˇ-eu, byah dui dui-eu jeˬ-ahˇ naw maꞈ siˬ nya laˇ tehꞈ-a.

Lormav 12:9

Gʼoeˇ-eu gaˬ-eu jeˬ-aˬ, maˇ maˇ ni gaˬ-eu jeˬ ya bi pyeuꞈ meh. Maˬ muiˬ maˬ jaˬ-eu jeˬ-ahˇ muiˇ-awˇ, muiˬ-eu jaˬ-eu jeˬ-ahˇ ziꞈ dah ni tuˆ tehˬ taˬ-awˬ.

Lormav 16:17

Aˬ yuiꞈ aˬ nyiˇ Ka li zaˬ deuˬ-oˇ, ngaˇ naw maꞈ-ahˇ heu loꞈ-ehˇ shaˇ-eu ma. Aˇ maꞈ aˇ muˇ paˆ-iˇ ni jahˇ-awˇ, jah-eu tsawˇ haˬ deuˬ-ahˇ gaˇ ma sheuˬ bahˬ-eu laꞈ kʼoeˇ, naw maꞈ-ahˇ mehˬ taˬ tsoˆ taˬ-euˬ jeˬ-ahˇ maˬ duˇ-eu yawˬ jeˬ yawˬ mehˬ-eu tsoˆ-eu tsawˇ haˬ deuˬ-ahˇ yahˇ-awˬ.

Lormav 2:18

Miˬyehˇ bi mˇ mawꞈ-eu jeˬ-ahˇ nawˇ siˬ nya-awˇ, yaw muiˬ jeˬ-ahˇ aˬ joˆ-ehˇ ya tseˇ geuꞈ-eu gaˇ kawˆ Zahˇ dawˬ kʼoꞈ dawˬ laꞈ kʼoeˇ mehˬ taˬ-euˬ nawˇ siˬ nya meh.

Lormav 7:16

Ngaˇ mˇ luꞈ-eu jeˬ-aˬ, ngaˇ maˬ mˇ mawꞈ-eu jeˬ pyeuꞈ-eu miˇ neh, Zahˇ dawˬ kʼoꞈ dawˬ tsaˬ meh lehˇ ngaˇ ehˇ luꞈ gaˇ duˇ-eu meh.

Lormav 7:22

Ngaˬ-euˬ gʼawˇ mawˇ laꞈ kʼoeˇ mawˇ-aˬ, Miˬyehˇ-euˬ zahˇ dawˬ kʼoꞈ dawˬ-ahˇ laˬ kʼaˬ cehˇ miˇ-a.

Lormav 8:7

Tsawˇ haˬ ti gʼaˬ yawˬ ha-euˬ shiˬ shaˬ jiˇ nui noeˬ neh bi uˆ lahˇ shaw naˇ, Miˬyehˇ-ahˇ muiˇ-eu tsawˇ haˬ pyeuꞈ laˇ-eu meh. Aˬ jeˬ miˇ neh ehˇ naˇ, Miˬyehˇ-euˬ zahˇ dawˬ kʼoꞈ dawˬ-ahˇ aˬ yawꞈ maˬ caw teh-a. Caw teh-eu gʼaˇ duˬ maˇ maˇ ni maˬ gʼeh nya-a.

1 Gawˇliˬtu 1:8

Aˬ dui-euˬ Sahˬpaˬ Yeˬsuˇ Ka li gʼoꞈ le ngeh Nah naw maꞈ-ahˇ iˬ baˇ taˬ kʼaˇ maˬ bi za-eu gʼaˇ duˬ, aˇ saˬ saˬ ngeh keuˆ ni aˬ yawꞈ naw maꞈ-ahˇ jah-eu laꞈ kʼoeˇ bi ziꞈ laꞈ tehꞈ-a.

1 Gawˇliˬtu 10:32

Yuˇdaˆ tsawˇ haˬ deuˬ-ahˇ maˬ ehˇ, Yuˇdaˆ tsawˇ haˬ maˬ ngeuˇ-eu deuˬ-ahˇ maˬ ehˇ, Miˬyehˇ-euˬ Ka li zaˬ aˇ muˇ-ahˇ maˬ ehˇ, coeˬ-eu ciˆ-eu jeˬ maˬ mˇ ni dehꞈ-awˬ.

1 Gawˇliˬtu 8:13

Kʼoeˇ miˇ neh, dzaˬ-eu dawˇ-eu jeˬ baˬ da neh aˬ yuiꞈ aˬ nyiˇ Ka li zaˬ iˬ baˇ mˇ doˆ laꞈ-eu ngeuˇ lawˬ naˇ, Ka li zaˬ tiˬ gʼaˬ iˬ baˇ laꞈ kʼoeˇ maˬ bi coˬ ahˇ-eu gʼaˇ duˬ, ngaˇ shaˬ jiˇ tiˬ jawˇ-iˬ maˬ paˇ dzaˬ ma.

2 Gawˇliˬtu 1:12

Miˇ tsaˬ heu kʼoeˇ taˆ nga maꞈ yaw dehꞈ dehꞈ luꞈ-eu heu hawˇ-eu, kʼaˆ kʼaˆ ni naw maꞈ nehˬ-ehˇ cawˬ ya cawˬ taꞈ luꞈ-eu heu-aˬ, Miˬyehˇ neh biꞈ leꞈ-euˬ myaˆ pyawˬ bya cehˆ ni taˬ nya-eu jeˬ hawˇ-eu, nui ma dawˇ coe ni gʼeh-eu jeˬ laꞈ kʼoeˇ ya dehꞈ luꞈ-eu baˬ da neh maˬ ehˇ, tsawˇ haˬ zaˬ-euˬ zaˬ siˬ tsawˇ gahˇ-ahˇ maˬ gʼoe-ehˇ Miˬyehˇ-euˬ guiˬ lahˬ yaw dzahˇ-euˬ baoˬ-ahˇ gʼoe-awˇ ya dehꞈ luꞈ-eu baˬ da neh maˬ ehˇ, nga maꞈ kʼahˬ sehˇ jehˆ kʼaˇ za-eu ma.

2 Gawˇliˬtu 2:17

Nga maꞈ-aˬ, aˬ cawˬ loꞈ-ehˇ yawˬ ha gʼaˇ duˬ jiˇ jeuˬ ahˇ ni Miˬyehˇ dawˬ kawˬ mehˬ-eu tsawˇ haˬ maˬ ngeuˇ. Ehˇ kʼawꞈ, Miˬyehˇ neh kʼehˇ gʼeh leꞈ-euˬ tsawˇ haˬ pyeuꞈ-eu miˇ neh, Ka li-euˬ zaˬ kʼaˆ loꞈ-ehˇ Miˬyehˇ mehˬ shi dawˇ coe ni ngehˬ-eu tmˇ-eu ma.

2 Gawˇliˬtu 6:3

Nga maꞈ Miˬyehˇ gaˇ mˇ-eu laꞈ kʼoeˇ aˬ cawˬ iˬ baˇ taˬ kʼaˇ maˬ bi za-eu gʼaˇ duˬ, aˬ cawˬ sahˬ tiꞈ tiꞈ ni gaˇ ma-ahˇ laˆ tsoeˬ-eu jeˬ nga maꞈ maˬ jahˇ.

2 Gawˇliˬtu 8:8

Maˬ mˇ-ehˇ maˬ gʼeh nya-a lehˇ naw maꞈ-ahˇ ciˬ pi nehˬ-eu maˬ ngeuˇ. Aˬ cawˬ caw ba mawꞈ-eu nui ma aˇ naˆ ni ahˇ-eu gaˇ kawˆ naw maꞈ-ahˇ bi siˬ bi mawˇ-eu laꞈ kʼoeˇ, naw maꞈ-euˬ gʼoeˇ-eu gaˬ-eu jeˬ aˇ naˆ ni duˬ-eu ciˇ-eu gaˇ kawˆ ngaˇ siˬ duˬ mawꞈ-eu ma.

Gaˬlaˬtiˆ 5:11

Ehˇ kʼawꞈ aˬ yuiꞈ aˬ nyiˇ Ka li zaˬ deuˬ-oˇ, baˆ kʼoˆ mehˬ dzaˬ ya yehˬ meh lehˇ ngaˇ mehˬ-euˬ law nmˇ-aˬ, kʼehˬ-eu kʼaˆ-eu jeˬ-ahˇ ya daˬ nmˇ loˇ. Ngaˇ kʼoeˇ loꞈ-ehˇ mehˬ-euˬ law nmˇ-aˬ, Ka li-euˬ laꞈ yaꞈ gaˇ kawˆ mehˬ-eu jeˬ-ahˇ taꞈ leˇ-awˇ aˬ cawˬ sahˬ tiꞈ tiꞈ paˬ-ehˇ gʼeh-eu jeˬ maˬ paˇ jaˆ-aˇ.

Eˇpeˇsu 4:15

Gʼoeˇ-eu gaˬ-eu nui ma ahˇ-eu laꞈ kʼoeˇ yaw tsaˬ yaw dawˇ jeˬ ngehˬ-awˇ, aˬ dui-euˬ uˬ duˬ pyeuꞈ-eu Ka li laꞈ kʼoeˇ yawˬ jeˬ na luꞈ ya bi huiˬ ya bi mahˇ laˇ tehꞈ-a.

Eˇpeˇsu 5:10

Sahˬpaˬ Yeˬsuˇ nui ma tsaˬ-eu jeˬ-ahˇ mˇ nya laˇ ni leh jeh-awˬ.

Eˇpeˇsu 5:27

Iˇ cuꞈ neh tsiˬ shawˇ-euˬ kʼoeˇ-aˬ, maˇ byawꞈ maˇ naˇ maˬ baw-ehˇ, ehˇ kʼaˇ maˬ za-eu uˬ taꞈ, shawˇ jehˆ ni gʼeh-awˇ iˬ baˇ taˬ kʼaˇ maˬ za-eu aˇ gʼehˇ muiˬ dui dui-eu Ka li zaˬ aˇ muˇ-ahˇ, aˬ yawꞈ-euˬ bi pyeuꞈ laˇ-eu gʼaˇ duˬ mˇ-euˬ jeˬ pyeuꞈ-eu meh.

Eˇpeˇsu 6:24

Aˬ dui-euˬ Sahˬpaˬ Yeˬsuˇ ka li-ahˇ tiˬ jawˇ-iˬ maˬ piˬ maˬ byoˆ-iˇ nya-eu gʼoeˇ-eu gaˬ-eu jeˬ neh kʼaˇ gaˬ-eu tsawˇ haˬ dawˬ tawˆ luꞈ kʼoeˇ taˆ, Miˬyehˇ gʼawˬ shaˬ gaˬ-eu guiˬ lahˬ yaw dzahˇ jaˆ luꞈ-uˇ.

Piˇliˇpiˆ 1:16

Kʼoeˇ deuˬ-aˬ, gʼoeˇ-eu gaˬ-eu laꞈ kʼoeˇ mˇ-eu meh. Aˬ jeˬ miˇ neh ehˇ naˇ, Laˬ kʼaˬ cehˇ-eu Guiˬ lahˬ dawˬ mehˬ-eu heu maˇ maˇ ni tsaˬ-eu jeˬ pyeuꞈ-eu gaˇ kawˆ bi doˆ laˇ ni mˇ-eu gʼaˇ duˬ, Miˬyehˇ ngaˬ-ahˇ kʼehˇ-euˬ meh lehˇ aˬ yawꞈ maꞈ siˬ nya meh.

Piˇliˇpiˆ 1:6

Muiˬ-eu gaˇ heu hmˬ-ahˇ naw maꞈ laꞈ kʼoeˇ aˇ dahˬ beh le-euˬ gʼaˬ pyeuꞈ-eu Miˬyehˇ-aˬ, gaˇ heu hmˬ mˇ jiˇ-eu aˇ nah pyeuꞈ-eu Yeˬsuˇ Ka li zaꞈ le-eu Aˇ nah-ahˇ keuˆ ni mˇ daˆ gʼeh leꞈ tehꞈ-a lehˇ ngaˇ jah duˬ taˬ-euˬ ma.

Piˇliˇpiˆ 2:16

Saꞈ laˇ bi dehꞈ-eu dawˬ aˬ yawꞈ maꞈ-ahˇ biꞈ-awˬ. Kʼoeˇ loꞈ-ehˇ mˇ naˇ, Ka li zaꞈ le-eu Aˇ nah-ahˇ naw maꞈ gʼaˇ duˬ ngaˇ kʼahˬ sehˇ jehˆ kʼaˇ za tehꞈ-a. Aˬ jeˬ miˇ neh ehˇ naˇ, kʼoeˇ-aˬ, ngaˬ neh leh jeh-awˇ mˇ-euˬ gaˇ heu yawꞈ ngehꞈ maˬ ngeuˇ-eu gaˇ kawˆ bya cehˆ ni bi doˆ laˇ tehꞈ-a.

1 Teˇsaˬloˇni 3:13

Aˬ dui-euˬ Sahˬpaˬ Yeˬsuˇ aˬ yawꞈ-euˬ tsawˇ haˬ dawˬ tawˆ luꞈ nehˬ-ehˇ oe ngeh, aˬ dui-euˬ Aˬda Miˬyehˇ mehˬ shi naw maꞈ iˬ baˇ taˬ kʼaˇ maˬ za-eu muiˬ-eu shawˇ-eu tsawˇ haˬ pyeuꞈ ni, aˬ yawꞈ naw maꞈ-ahˇ kʼoeˇ loꞈ-ehˇ gʼaˬ biꞈ lahˬ nehˬ luꞈ-uˇ.

1 Teˇsaˬloˇni 5:21

Dawˬ mehˬ kʼaˇ mehˬ nehˬ laꞈ-euˬ dawˬ tawˆ luꞈ-ahˇ pyehˆ tseˇ haw-awˬ.

1 Teˇsaˬloˇni 5:23

Aˬ dui-ahˇ nui saˇ oꞈ-eu jeˬ biꞈ nehˬ laꞈ-eu Miˬyehˇ naw maꞈ-ahˇ tiˬ byah tiˬ loꞈ bi muiˬ bi shawˇ laˇ-awˇ, aˬ dui-euˬ Sahˬpaˬ Yeˬsuˇ Ka li zaꞈ le ngeh, naw maꞈ-euˬ nui ma, gʼawˇ mawˇ, saꞈ laˇ dawˬ tawˆ luꞈ, iˬ baˇ taˬ kʼaˇ maˬ bi za ni Miˬyehˇ bo saˆ luꞈ-uˇ.

Yawˇshuˆ 24:14

Kʼoeˇ naˇ, Yawˇshuˆ paˇ ehˇ-eu, “Teu miˇ neh nymˬ-mˇ Sahˬpaˬ Miˬyehˇ-ahˇ taˬ huiˬ taˬ mahˇ-awˇ, yaw tsaˬ yaw dawˇ hawˇ-eu saˇ jaˇ ziꞈ-euˬ laꞈ kʼoeˇ aˬ yawꞈ-ahˇ uˬ duˬ tahˬ-awˬ. Maˬsoˬpoˬtaˬmiˇ miˇ kʼahˬ hawˇ-eu Iˇjiˇtuˆ miˇ kʼahˬ laꞈ kʼoeˇ naw maꞈ-euˬ aˬ poeˬ aˬ bawˇ deuˬ uˬ duˬ tahˬ-euˬ miˬ yehˇ kʼoeˇ deuˬ-ahˇ byehˇ dzeh-awˇ, Sahˬpaˬ Miˬyehˇ-ahˇ tehꞈ-ehˇ uˬ duˬ tahˬ-awˬ.

1 Yoˇhaˬ 4:1

Ngaˇ gaˬ dui dui-eu cawˬ deuˬ-oˇ, Yaw sahˇ Miˬyehˇ za-euˬ tsawˇ haˬ ma lehˇ kʼaˇ ehˇ laˇ gaˇ naw maꞈ maˬ jah ni, aˬ yawꞈ maꞈ za-euˬ yaw sahˇ kʼoeˇ Miˬyehˇ jawˇ gaˇ neh oe-euˬ nga loˇ lehˇ jeˬ huˬ lawˬ haw-awˬ. Aˬ jeˬ miˇ neh ehˇ naˇ, Miˬyehˇ gʼaˇ duˬ ngehˬ dah-eu maˬ ngeuˇ-eu tsawˇ haˬ deuˬ miˇ tsaˬ doe ni iˇ byah taˬ-euˬ meh.

Panmaeq 2:2

Nawˬ neh mˇ taˬ-euˬ gaˇ deuˬ ngaˇ siˬ nya ma. Nawˇ aˇ naˆ ni leh jeh-awˇ mˇ-euˬ gaˇ kawˆ maˬ ehˇ, aˇ naˆ ni oˇ-euˬ gaˇ kawˆ maˬ ehˇ, ngaˇ siˬ nya ma. Haiˬ-eu tsawˇ haˬ deuˬ-ahˇ nawˇ maˬ bi dzeuˇ-iˇ-euˬ gaˇ kawˆ maˬ ehˇ, Miˬyehˇ gaˇ mˇ-eu gʼaˬ kʼehˇ maˬ ngeuˇ gaˇ yawˬ haˇ yawˬ ha ngeuˇ ma lehˇ ehˇ-eu tsawˇ haˬ deuˬ-ahˇ nawˇ lawˬ haw-euˬ gaˇ kawˆ maˬ ehˇ, aˬ yawꞈ maꞈ jaˬ myawꞈ myawꞈ-eu tsawˇ haˬ meh lehˇ nawˇ caw duˬ-euˬ gaˇ kawˆ maˬ ehˇ, ngaˇ siˬ nya ma.