Piˇleˇmoˬ 1:20 - Akha

²⁰ Kʼoeˇ miˇ neh, ngaˬ-euˬ aˬ nyiˇ-oˇ, Sahˬpaˬ Yeˬsuˇ-euˬ myaˆ pyawˬ-ahˇ haw-awˇ, ngaˇ nui ma saˇ ni tiˬ poˆ mˇ nehˬ laꞈ sheˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁰ Euq, maernmr-or! Nawr, Sanqpaq Yeqsur-euq lafkhoer ngaq-euq gharduq yawmuiq jeq janrnaeq laf-awq. Kali-euq lafkhoer ngaq-euq nuima-anr ghaqnaq biza naeqlaf-awq.

Piˇleˇmoˬ 1:20 Iomraidhean Croise

1 Gawˇliˬtu 16:18

Aˬ yawꞈ maꞈ naw maꞈ-euˬ nui ma-ahˇ laˆ saˆ nehˬ-euˬ loꞈ-ehˇ, ngaˬ-euˬ nui ma-ahˇ kʼawꞈ laˆ saˆ nehˬ laꞈ-euˬ meh. Heu loꞈ-ehˇ gʼeh-eu tsawˇ haˬ deuˬ-ahˇ taˬ huiˬ-eu tsaˬ meh.

2 Gawˇliˬtu 2:2

Ngaˇ laˬ kʼaˬ cehˇ ni jahˇ-eu deuˬ pyeuꞈ-eu naw maꞈ-ahˇ ngaˬ neh bi noeˬ shaˬ-euˬ ngeuˇ naˇ, ngaˬ-ahˇ laˬ kʼaˬ cehˇ ni jahˇ nehˬ laꞈ-eu aˬ suˇ gʼaˬ paˇ jawˇ nmˇ. Kʼoeˇ miˇ neh, ngaˇ naw maꞈ-ahˇ sahˬ boꞈ kʼoeˇ taꞈ boꞈ ahˇ leꞈ-euˬ jeˬ pyeuꞈ-eu ma.

2 Gawˇliˬtu 7:13

Kʼoeˇ baˬ da neh, nga maꞈ-euˬ nui ma gʼaˬ tiˬ tiˆ lahˬ laˇ-euˬ ma. Nga maꞈ-euˬ nui ma gʼaˬ tiˬ tiˆ lahˬ laˇ-euˬ tehꞈ maˬ ngeuˇ-a siˬ. Tiˇ tuˆ-euˬ nui ma gʼaˬ doeˇ dah kʼaˇ za ni naw maꞈ dawˬ tawˆ luꞈ caw ba nehˬ-euˬ miˇ neh Tiˇtuˆ laˬ kʼaˬ cehˇ-eu kʼoeˇ, nga maꞈ-ahˇ laˬ kʼaˬ cehˇ-eu jeˬ bi lahˬ laˇ gaˇ duˇ miˇ-a.

Piˇliˇpiˆ 1:8

Ngaˇ naw maꞈ-ahˇ gaˬ dui dui-eu heu-aˬ, Yeˬsuˇ Ka li-euˬ nui ma-ahˇ neh doˆ le-euˬ gʼoeˇ-eu gaˬ-eu jeˬ neh gaˬ-eu ma lehˇ ngaˇ ehˇ-eu heu tsaˬ-eu gaˇ kawˆ, Miˬyehˇ ngaˬ-euˬ gʼaˇ duˬ saˇ kiˇ pyeuꞈ-eu ma.

Piˇliˇpiˆ 4:1

Kʼoeˇ miˇ neh aˬ yuiꞈ aˬ nyiˇ Ka li zaˬ deuˬ-oˇ, ngaˇ naw maꞈ-ahˇ gaˬ dui dui-awˇ, noeˬ mawˇ dui dui luꞈ ma. Naw maꞈ baˬ da neh ngaˇ laˬ kʼaˬ cehˇ dui dui-awˇ, naw maꞈ gaˇ kawˆ ngaˇ kʼahˬ sehˇ jehˆ luꞈ ma. Ngaˇ gaˬ-eu aˬ yuiꞈ aˬ nyiˇ deuˬ-oˇ, Sahˬpaˬ Yeˬsuˇ laꞈ kʼoeˇ, kʼoeˇ loꞈ-ehˇ ziꞈ dah ni dehꞈ-awˬ.

Piˇleˇmoˬ 1:12

Nymˬ-mˇ ngaˇ aˬ yawꞈ-ahˇ nawˇ jawˇ gaˇ bi gʼoꞈ laˇ-eu ma. Aˬ yawꞈ-ahˇ ngaˇ gaˬ dui dui-eu ma.

Piˇleˇmoˬ 1:7

Gaˬ-eu aˬ nyiˇ Piˇleˇmoˬ-oˇ, nawˬ-euˬ gʼoeˇ-eu gaˬ-eu jeˬ baˬ da neh, ngaˇ laˬ kʼaˬ cehˇ dui dui-awˇ, nui ma laꞈkʼoeˇ gʼaˬ paˇ ahˇ dzehˬ laˇ-eu miˇ-a. Nawˇ baˬ da neh Miˬyehˇ-euˬ tsawˇ haˬ dawˬ tawˆ luꞈ laˬ kʼaˬ cehˇ-eu meh.

HeˬByehˇ 13:17

Naw maꞈ kʼoeˇ taˆ aˬ yuiꞈ aˬ tsu geuꞈ-eu deuˬ-euˬ ehˇ dawˬ yaw muiˬ paˬ-ehˇ naˇ haˬ geuꞈ-awˬ. Aˬ yawꞈ maꞈ neh mˇ-euˬ gaˇ deuˬ Miˬyehˇ mehˬ shi ya dzawˇ mehˬ leˇ-eu baˬ da neh, jawˇ naˬ maˬ mˇ ni naw maꞈ-euˬ saꞈ laˇ-ahˇ haw piˇ luꞈ-eu meh. Aˬ yawꞈ maꞈ-euˬ ehˇ dawˬ-ahˇ naw maꞈ naˇ haˬ geuꞈ naˇ, aˬ yawꞈ maꞈ-euˬ gaˇ-ahˇ aˬ yawꞈ maꞈ laˬ kʼaˬ cehˇ-eu laꞈ kʼoeˇ ya mˇ tehꞈ-a. Naw maꞈ maˬ naˇ haˬ geuꞈ naˇ, aˬ yawꞈ maꞈ noeˬ shaˬ-eu laꞈ kʼoeˇ ya mˇ-awˇ, naw maꞈ gʼaˇ duˬ gaˇ dahˇ maˬ tsoeˬ-a.

1 Yoˇhaˬ 3:17

Smˇ muiˬ smˇ baw tiˬ gʼaˬ-aˬ, shaˬ-eu zahˬ-eu aˬ yuiꞈ aˬ nyiˇ tiˬ gʼaˬ-ahˇ mawˇ luꞈ kʼawꞈ, gʼawˬ shaˬ gaˬ-eu nui ma maˬ ahˇ naˇ, Ka li zaˬ ma lehˇ aˬ joˆ-ehˇ ehˇ nya nmˇ.

3 Yoˇhaˬ 1:4

Ngaˬ-euˬ zaˬ deuˬ yaw tsaˬ yaw dawˇ jeˬ laꞈ kʼoeˇ dehꞈ luꞈ meh lehˇ ya gaˬ-eu naˆ maˬ tseˇ, ngaˇ laˬ kʼaˬ cehˇ-eu nui jeˬ maˬ paˇ jaˆ ma.