Piˇleˇmoˬ 1:17 - Akha

¹⁷ Kʼoeˇ miˇ neh, nawˇ ngaˬ-ahˇ nawˬ-euˬ gaˇ mˇ cawˬ ma lehˇ sawˇ naˇ, ngaˬ-ahˇ ha geuꞈ-eu loꞈ-ehˇ aˬ yawꞈ-ahˇ ha geuꞈ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁷ Khoermirnae, ngar-aq, nawq-euq gar mrcawq ma laer nawr sawxluf-eu ngeur nar-aq, ngaq-anr hageuf-eu lof-aer aqyawf-anr hageuf-awq.

Piˇleˇmoˬ 1:17 Iomraidhean Croise

Maꞈtehˬ 10:40

“Naw maꞈ-ahˇ kʼaˇ ha geuꞈ-eu tsawˇ haˬ-aˬ, ngaˬ-ahˇ ha geuꞈ gaˇ duˇ-awˇ, ngaˬ-ahˇ kʼaˇ ha geuꞈ-eu tsawˇ haˬ-aˬ, ngaˬ-ahˇ kʼehˇ gʼeh leꞈ-euˬ gʼaˬ-ahˇ ha geuꞈ gaˇ duˇ-eu meh.

Maꞈtehˬ 18:5

Ngaˬ-euˬ tsawˇ myahˇ uˬ moˆ heu loꞈ-ehˇ gʼeh-eu zaˬ yaw nyiˇ tiˬ gʼaˬ-ahˇ ha-eu tsawˇ haˬ-aˬ, ngaˬ-ahˇ ha gaˇ duˇ-eu meh.

Maꞈtehˬ 25:40

Kʼoeˇ ngeh, aˬ yawꞈ maꞈ-ahˇ Sahˬ paˬ heu loꞈ-ehˇ ehˇ nehˬ tehꞈ-a. ‘Ngaˬ-euˬ aˬ yuiꞈ aˬ nyiˇ heu deuˬ laꞈ kʼoeˇ, aˬ cawˬ naˆ maˬ tseˇ nyiˇ teˬ-eu gʼaˬ-ahˇ naw maꞈ neh ngehˬ gʼeh nehˬ-euˬ jeˬ-aˬ, ngaˬ-ahˇ ngehˬ gʼeh nehˬ laꞈ gaˇ duˇ-eu meh lehˇ, ngaˇ naw maꞈ-ahˇ maˇ jawˆ ni ehˇ-eu ma.’

Gʼaˬkʼehˇ 16:15

Aˬ yawꞈ hawˇ-eu aˬ yawꞈ-euˬ nymˇ kʼahˬ zaˬ dawˬ tawˆ luꞈ iˇ cuꞈ shawˇ gʼaˬ ngeh jawˇ, “Ngaˇ-aˬ, Sahˬpaˬ Miˬyehˇ-ahˇ aˬ diˇ jah-eu tsawˇ haˬ pyeuꞈ-eu ngaˇ lehˇ naw maꞈ noeˬ tsehˆ gʼaˬ-euˬ ngeuˇ naˇ, ngaˬ-euˬ nymˇ-ahˇ yaꞈ laˇ-awˬ” lehˇ ehˇ-awˇ, nga maꞈ-ahˇ aˬ yawꞈ-euˬ nymˇ-ahˇ sheuˬ daˆ gʼeh-euˬ meh.

2 Gawˇliˬtu 8:23

Tiˇtuˆ gʼaˬ-aˬ, ngaˬ-euˬ gaˇ mˇ cawˬ pyeuꞈ-eu loꞈ-ehˇ, ngaˬ nehˬ-ehˇ tiˬ kawˆ loꞈ-ehˇ naw maꞈ-ahˇ caw ba-eu gaˇ mˇ luꞈ meh. Aˬ yawꞈ nehˬ-ehˇ oe caw-euˬ aˬ yuiꞈ aˬ nyiˇ nui deuˬ-aˬ, Ka li-euˬ yaw shehꞈ kʼahˬ sehˇ bi doˆ laˇ-eu gʼaˇ duˬ Ka li zaˬ aˇ muˇ deuˬ-euˬ dah zaˇ oe-euˬ meh.

Eˇpeˇsu 3:6

Zaꞈ taˬ-euˬ kʼoeˇ-aˬ, heu loꞈ-ehˇ meh. Laˬ kʼaˬ cehˇ-eu guiˬ lahˬ dawˬ baˬ da neh, Yuˇdaˆ tsawˇ haˬ maˬ ngeuˇ-eu deuˬ kʼawꞈ Yuˇdaˆ tsawˇ haˬ deuˬ nehˬ-ehˇ tiˬ kawˆ loꞈ-ehˇ Miˬyehˇ-euˬ guiˬ lahˬ jeˬ biˇ oꞈ-eu meh. Nyiˬ deuˬ luꞈ gʼawˇ mawˇ tiˬ mawˇ-ahˇ tehꞈ-ehˇ taꞈ-eu aˇ sehˇ deuˬ pyeuꞈ-awˇ, Yeˬsuˇ Ka li-ahˇ gʼoe-awˇ Miˬyehˇ neh saˇ jaˇ dzaˬ taˬ-euˬ jeˬ tiˬ kawˆ loꞈ-ehˇ za-euˬ meh.

Piˇliˇpiˆ 1:7

Ngaˬ-euˬ nui ma laꞈ kʼoeˇ naw maꞈ-ahˇ aˬ myah luꞈ noeˬ keuˆ luꞈ-eu ma. Naw maꞈ-euˬ gaˇ kawˆ ngaˬ-euˬ nui ma laꞈ kʼoeˇ heu loꞈ-ehˇ noeˬ mawˇ luꞈ-eu heu-aˬ, tsaˬ dui dui-eu ma. Aˬ jeˬ miˇ neh ehˇ naˇ, nymˬ-mˇ ngaˇ tawˬ-ahˇ uˇ luꞈ ngeh maˬ ehˇ, maˬ ya uˇ leˇ mi naˆ-ehˇ, Laˬ kʼaˬ cehˇ-eu Guiˬ lahˬ dawˬ heu ziꞈ dah ni bi pyeuꞈ laˇ-eu gʼaˇ duˬ yaˇ kʼaˬ daˇ-eu deuˬ mehˬ shi ja leˇ ngeh maˬ ehˇ, Miˬyehˇ neh ngaˬ-ahˇ bi mˇ laꞈ-euˬ muiˬ-eu gaˇ heu hmˬ laꞈ kʼoeˇ naw maꞈ ngaˬ-ahˇ aˬ myah luꞈ caw ba nehˬ laꞈ-euˬ meh.

1 Tiˆmoˇseˬ 6:2

Ka li zaˬ pyeuꞈ-eu baw leˬ deuˬ-euˬ zaˬ kʼaˆ geuꞈ luꞈ-eu deuˬ-aˬ, yaw ha-euˬ baw leˬ-ahˇ yehˬ bawˬ sehˇ lu-ehˇ gʼeh-eu maˬ tsaˬ-a. Aˬ jeˬ miˇ neh ehˇ naˇ, aˬ yawꞈ maꞈ-aˬ, yawˬ ha baw leˬ-euˬ aˬ yuiꞈ aˬ nyiˇ pyeuꞈ laˇ-euˬ meh. Kʼoeˇ uˬ taꞈ, baw leˬ deuˬ-euˬ gaˇ-ahˇ aˬ cawˬ naˆ maˬ tseˇ leh jeh-awˇ mˇ nehˬ paˬ-ehˇ gʼeh-eu meh. Aˬ jeˬ miˇ neh ehˇ naˇ, aˬ yawꞈ maꞈ mˇ cu luꞈ-eu kʼoeˇ-aˬ, aˬ yawꞈ maꞈ gaˬ-eu Ka li-ahˇ jah-eu tsawˇ haˬ deuˬ-ahˇ mˇ cu-eu jeˬ pyeuꞈ-eu meh. Gaˇ kawˆ heu deuˬ nawˇ mehˬ nehˬ tsoˆ nehˬ-awˇ gʼaˬ biꞈ-awˬ.

Piˇleˇmoˬ 1:10

Kʼoeˇ miˇ neh, Ka li laꞈ kʼoeˇ ngaˬ-euˬ aˬ li pyeuꞈ-eu Awˬneˬsiˬmuˇ gʼaˇ duˬ nawˬ-ahˇ heu loꞈ-ehˇ shaˇ-eu ma. Ngaˇ tawˬ-ahˇ uˇ luꞈ ngeh guiˬ lahˬ saꞈ laˇ paw aˬ yawꞈ-euˬ aˬ da pyeuꞈ laˇ-euˬ ma lehˇ ehˇ nya ma.

Piˇleˇmoˬ 1:12

Nymˬ-mˇ ngaˇ aˬ yawꞈ-ahˇ nawˇ jawˇ gaˇ bi gʼoꞈ laˇ-eu ma. Aˬ yawꞈ-ahˇ ngaˇ gaˬ dui dui-eu ma.

Piˇleˇmoˬ 1:18

Aˬ yawꞈ nawˬ-ahˇ tiˬ jeˬ paˬ mˇ lehˬ-euˬ maˬ kaˬ, tiˬ jeˬ paˬ yuˇ naꞈ taˬ-euˬ maˬ kaˬ, dawˬ tawˆ luꞈ ngaˇ pi jiˇ ma.

HeˬByehˇ 3:1

Aˬ cawˬ loꞈ-ehˇ Miˬyehˇ neh kuˆ-euˬ tsawˇ haˬ pyeuꞈ-eu ngaˬ-euˬ aˬ yuiꞈ aˬ nyiˇ deuˬ-oˇ, aˬ dui jah-eu jeˬ-euˬ Piˆma Yaw huiˬ gʼaˬ bi geuꞈ-eu gʼaˇ duˬ, Miˬyehˇ neh kʼehˇ gʼeh leꞈ-euˬ gʼaˬ pyeuꞈ-eu Yeˬsuˇ-euˬ gaˇ kawˆ shaˇ noeˬ haw sheˇ.

HeˬByehˇ 3:14

Aˬ jeˬ miˇ neh ehˇ naˇ, aˇ dahˬ beh ngeh neh aˬ dui ziꞈ dah ni jah-euˬ loꞈ-ehˇ, aˇ saˬ saˬ ngeh keuˆ ni ziꞈ naˇ, aˬ dui dawˬ tawˆ luꞈ Ka li-euˬ mˇ cawˬ shaˇ cawˬ deuˬ pyeuꞈ-eu ma.

Yaˬkoˆ 2:5

Ngaˇ gaˬ-euˬ aˬ yuiꞈ aˬ nyiˇ Ka li zaˬ deuˬ-oˇ, ngaˇ ehˇ gaˇ naˇ haˬ sheˇ. Jah-eu jeˬ laꞈ kʼoeˇ smˇ muiˬ muiˬ-eu tsawˇ haˬ pyeuꞈ laˇ-awˇ, Miˬyehˇ-ahˇ gaˬ-eu tsawˇ haˬ deuˬ-ahˇ biꞈ-eu gʼaˇ duˬ aˬ yawꞈ neh saˇ jaˇ dzaˬ taˬ-euˬ miˇ kʼahˬ-ahˇ bi uˇ leˇ-eu lehˇ, miˇ tsaˬ heu kʼoeˇ taˆ dehꞈ luꞈ-eu shaˬ-eu zahˬ-eu tsawˇ haˬ deuˬ-ahˇ Miˬyehˇ neh tseˇ doˆ taˬ-euˬ meh.

1 Beˬtuˆluˆ 5:1

Ka li zaˬ aˇ muˇ-euˬ tsawˇ mawˬ tsawˇ kʼaˆ tiˬ gʼaˬ pyeuꞈ-eu ngaˇ, naw maꞈ-euˬ Ka li zaˬ aˇ muˇ laꞈ kʼoeˇ jawˇ-eu tsawˇ mawˬ tsawˇ kʼaˆ deuˬ-ahˇ heu loꞈ-ehˇ shaˇ-eu ma. Ngaˇ-aˬ, kʼehˬ-eu kʼaˆ-eu jeˬ-ahˇ Ka li ya daˬ-euˬ gaˇ kawˆ saˇ kiˇ kamˬ-eu tsawˇ haˬ pyeuꞈ-eu loꞈ-ehˇ, Miˬyehˇ tsawˇ haˬ zaˬ-ahˇ Ka li-euˬ yaw shehꞈ kʼahˬ sehˇ pah mehˬ le ngeh, ngaˇ kʼawꞈ yaw shehꞈ kʼahˬ sehˇ kʼoeˇ za ma. Ngaˇ naw maꞈ-ahˇ heu loꞈ-ehˇ shaˇ-eu ma.

1 Yoˇhaˬ 1:3

Naw maꞈ kʼawꞈ, nga maꞈ nehˬ-ehˇ tiˬ kawˆ loꞈ-ehˇ Aˬda Miˬyehˇ hawˇ-eu aˬ yawꞈ-euˬ Zaˬmaˇ Yeˬsuˇ Ka li-ahˇ cawˬ cawˬ taꞈ nya laˇ ni, nga maꞈ neh kʼaˇ ya gaˬ kʼaˇ ya mawˇ-euˬ jeˬ naw maꞈ-ahˇ dzawˇ nehˬ-eu ma.