Piˇleˇmoˬ 1:10 - Akha

¹⁰ Kʼoeˇ miˇ neh, Ka li laꞈ kʼoeˇ ngaˬ-euˬ aˬ li pyeuꞈ-eu Awˬneˬsiˬmuˇ gʼaˇ duˬ nawˬ-ahˇ heu loꞈ-ehˇ shaˇ-eu ma. Ngaˇ tawˬ-ahˇ uˇ luꞈ ngeh guiˬ lahˬ saꞈ laˇ paw aˬ yawꞈ-euˬ aˬ da pyeuꞈ laˇ-euˬ ma lehˇ ehˇ nya ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Ngar kuv-anr urluf ngae, saflar paw ngaq-euq zaqyo pyeuflar-euq Awqneqsiqmur-euq gharduq nawq-anr heulof-aer sharmawf mir-a.

Piˇleˇmoˬ 1:10 Iomraidhean Croise

2 Saˬmeuˬlaˆ 18:5

Yoˇbaˬ, Aˬbiˇshaiˇ hawˇ-eu Iˇtehˇ aˬ ha smˇ gʼaˬ-ahˇ, “Ngaˬ-euˬ myaˆ pyawˬ-ahˇ haw-eu laꞈ kʼoeˇ, aˬ li zaˬ guˬ Aˬbaˇsaˬloˬ-ahˇ maˬ sehꞈ ni taˬ nehˬ de” lehˇ dawˬ biꞈ-euˬ meh. Aˬ yawꞈ-euˬ gaˇ mˇ-eu yaw huiˬ yaw mahˇ kʼoeˇ deuˬ-ahˇ Daˬbiˇ kʼoeˇ loꞈ-ehˇ ehˇ nehˬ gaˇ, yehˇ dawˬ tawˆ luꞈ ya gaˬ-euˬ meh.

Maˬkuˆ 9:17

Tsawˇ haˬ aˇ maꞈ maꞈ ma laꞈ kʼoeˇ tiˬ gʼaˬ ehˇ-eu, “Saˬ laˬ-oˇ, ngaˬ li nehꞈ uˇ-awˇ dawˬ maˬ ngehˬ nya-eu miˇ neh, nawˇ jawˇ gaˇ sheuˬ laꞈ-euˬ ma.

Lormav 12:1

Kʼoeˇ miˇ neh aˬ yuiꞈ aˬ nyiˇ Ka li zaˬ deuˬ-oˇ, Miˬyehˇ-euˬ huiˬ dui myaˬ dui dui-eu gʼawˬ shaˬ gaˬ-eu jeˬ baˬ da neh naw maꞈ-ahˇ ngaˇ heu loꞈ-ehˇ shaˇ-eu ma. Dehꞈ luꞈ-eu lawˇ-eu jeˬ loꞈ-ehˇ, naw maꞈ-euˬ gʼawˇ mawˇ Miˬyehˇ-ahˇ damˬ nehˬ-awˬ. Aˬ yawꞈ-euˬ gaˇ mˇ-eu gʼaˇ duˬ a nehˬ-awˇ, aˬ yawꞈ nui ma tsaˬ ni dehꞈ-awˬ. Heu-aˬ, naw maꞈ mˇ paˬ-ehˇ gʼeh-eu maˇ maˇ ni gʼeh-eu uˬ duˬ tahˬ-eu jeˬ pyeuꞈ-eu meh.

1 Gawˇliˬtu 4:14

Naw maꞈ bi shaꞈ dawˇ-iˇ-eu lehˇ sahˬ boꞈ heu taꞈ ngaˇ boꞈ-eu maˬ ngeuˇ. Ngaˇ gaˬ dui dui-eu zaˬ deuˬ loꞈ-ehˇ naw maꞈ-ahˇ ngaˇ mehˬ-eu tsoˆ-eu jeˬ pyeuꞈ-eu ma.

1 Gawˇliˬtu 4:15

Aˬ jeˬ miˇ neh ehˇ naˇ, zaˬ yaw nyiˇ-ahˇ bo saˆ-eu tsawˇ haˬ loꞈ-ehˇ naw maꞈ-ahˇ sheuˬ gʼeh-eu saˬ laˬ deuˬ maˬ gui jiˇ coeˇ ni jawˇ kʼawꞈ, naw maꞈ-euˬ aˬ da tiˬ gʼaˬ tehꞈ meh. Ngaˇ-aˬ, naw maꞈ jawˇ gaˇ Laˬ kʼaˬ cehˇ-eu Guiˬ lahˬ dawˬ hehˇ keuˆ laꞈ-euˬ gʼaˬ pyeuꞈ-eu miˇ neh, ka li laꞈ kʼoeˇ naw maꞈ-euˬ aˬ da pyeuꞈ laˇ-euˬ ma.

Gaˬlaˬtiˆ 4:19

Ngaˇ gaˬ-eu ngaˬ-euˬ zaˬ deuˬ-oˇ, Ka li-euˬ aˇ gʼehˇ naw maꞈ laꞈ kʼoeˇ ahˇ laˇ ni, zaˬ baw luꞈ-eu aˬ ma tiˬ gʼaˬ uˬ maˆ naˇ-eu shaˬ-eu loꞈ-ehˇ naw maꞈ gʼaˇ duˬ ngaˇ shaˬ zahˬ mˇ-eu maˬ tsehˆ leˇ nya.

Gawˇlawˇsehˇ 4:9

Nga maꞈ gaˬ dui dui-awˇ jah coeˇ-eu naw maꞈ-euˬ aˇ muˇ zaˬ tiˬ gʼaˬ pyeuꞈ-eu aˬ nyiˇ Awˬneˬsiˬmuˇ-ahˇ kʼawꞈ, aˬ yawꞈ nehˬ-ehˇ bi laˇ caw-eu ma. Heu gaˇ kʼaˇ pyeuꞈ luꞈ-eu yawˬ jeˬ na luꞈ aˬ nyaꞈ dzawˇ nehˬ laꞈ tehˬ-a.

1 Tiˆmoˇseˬ 1:2

Jah-eu jeˬ laꞈ kʼoeˇ maˇ maˇ ni ngaˬ li-ahˇ duˇ-eu Tiˆmoˇseˬ jawˇ gaˇ sahˬ boꞈ boꞈ ahˇ laꞈ-eu ma. Aˬ da Miˬyehˇ hawˇ-eu aˬ dui-euˬ Sahˬpaˬ Yeˬsuˇ Ka li-euˬ guiˬ lahˬ yaw dzahˇ maˬ ehˇ, gʼawˬ shaˬ gaˬ-eu jeˬ maˬ ehˇ, nui saˇ oꞈ-eu jeˬ maˬ ehˇ, nawˬ-euˬ kʼoeˇ taˆ jaˆ luꞈ-uˇ.

Tiˇtuˆ 1:4

Jah-eu jeˬ laꞈ kʼoeˇ ngaˬ nehˬ-ehˇ tiˬ gaˇ taꞈ-eu ngaˬ li-ahˇ duˇ-eu Tiˇtuˆ jawˇ gaˇ sahˬ boꞈ boꞈ ahˇ laꞈ-eu ma. Aˬ da Miˬyehˇ hawˇ-eu aˬ dui-euˬ Ka kʼoꞈ-eu gʼaˬ pyeuꞈ-eu Yeˬsuˇ Ka li-euˬ guiˬ lahˬ yaw dzahˇ hawˇ-eu nui saˇ oꞈ-eu jeˬ, nawˬ-euˬ kʼoeˇ taˆ jaˆ luꞈ-uˇ.

Piˇleˇmoˬ 1:11

Dzeuˇ laˇ ngeh, aˬ yawꞈ nawˬ-euˬ gʼaˇ duˬ gaˇ dahˇ maˬ tsoeˬ-a. Ehˇ kʼawꞈ nymˬ-mˇ-aˬ, nawˬ-euˬ gʼaˇ duˬ maˬ ehˇ, ngaˬ-euˬ gʼaˇ duˬ maˬ ehˇ, gaˇ dahˇ tsoeˬ-eu tsawˇ haˬ tiˬ gʼaˬ pyeuꞈ laˇ-euˬ meh.

Piˇleˇmoˬ 1:13

Laˬ kʼaˬ cehˇ-eu Guiˬ lahˬ dawˬ gʼaˇ duˬ ngaˇ tawˬ-ahˇ uˇ luꞈ ngeh nawˬ-euˬ dah zaˇ ngaˬ-ahˇ bi caw ba-eu gʼaˇ duˬ, aˬ yawꞈ-ahˇ ngaˬ nehˬ-ehˇ bi jawˇ mawꞈ dui dui ya.

3 Yoˇhaˬ 1:4

Ngaˬ-euˬ zaˬ deuˬ yaw tsaˬ yaw dawˇ jeˬ laꞈ kʼoeˇ dehꞈ luꞈ meh lehˇ ya gaˬ-eu naˆ maˬ tseˇ, ngaˇ laˬ kʼaˬ cehˇ-eu nui jeˬ maˬ paˇ jaˆ ma.