Panmaeq 9:3 - Akha

³ Uˬ kʼoeˬ kʼoeˇ-euˬ laꞈ kʼoeˇ nyehˇ bahˇ doˆ le-awˇ, miˇ tsaˬ kʼoeˇ taˆ ga taˬ le-euˬ meh. Nyehˇ bahˇ kʼoeˇ deuˬ-ahˇ, boeˬ kaˬ laˬ ma loꞈ-ehˇ kʼaˆ-eu doꞈ biꞈ taˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Khoernar-aq, uqkhoeq-euq lafkhoer nae nyaevbanr dovlar-awr, mirtsaq-euq khoertav gataq le-euq mae. Nyaevbanr khoerdeuq-anr boeqkaqlaqma lof-aer dur-eu baoq biftaq-euq mae.

Panmaeq 9:3 Iomraidhean Croise

1 Sahˬpaˬ 12:11

Kah dui dui-eu kʼaˆ behˆ, ngaˬ da neh naw maꞈ-ahˇ ciˬ baꞈ ciˬ pi nehˬ-euˬ meh. Ngaˇ-aˬ, kʼoeˇ naˆ maˬ tseˇ kah-eu kʼaˆ behˆ naw maꞈ kʼoeˇ taˆ ciˬ pi nehˬ ma. Ngaˬ da-aˬ, naw maꞈ-ahˇ aˇ caˆ neh tehꞈ-ehˇ juiꞈ-euˬ meh. Ehˇ kʼawꞈ ngaˇ-aˬ, boeˬ kaˬ laˬ ma neh naw maꞈ-ahˇ nyehꞈ kawꞈ ma lehˇ ehˇ nehˬ-awˬ.”

2 Laˬsaˬbaˬ 10:11

‘Ngaˬ da-aˬ, kah dui dui-eu kʼaˆ behˆ naw maꞈ-ahˇ ciˬ pi-euˬ meh. Ngaˇ-aˬ, kʼoeˇ naˆ maˬ tseˇ kah-eu kʼaˆ behˆ naw maꞈ-ahˇ paˇ ciˬ pi nehˬ ma. Ngaˬ da naw maꞈ-ahˇ aˇ caˆ neh juiꞈ-euˬ meh. Ehˇ kʼawꞈ, ngaˇ naw maꞈ-ahˇ boeˬ kaˬ laˬ ma nyehꞈ kawꞈ ma’ lehˇ ehˇ nehˬ-awˬ.”

2 Laˬsaˬbaˬ 10:14

Zaˬ guˬ deuˬ neh biꞈ-euˬ nui noeˬ nui duˇ-ahˇ aˬ yawꞈ naˇ haˬ-awˇ, “Ngaˬ da-aˬ, naw maꞈ-ahˇ kʼaˆ behˆ yaw kah bi pi-euˬ meh. Kʼoeˇ naˆ maˬ tseˇ kah-eu kʼaˆ behˆ ngaˇ naw maꞈ-ahˇ paˇ ciˬ pi ma. Aˬ yawꞈ naw maꞈ-ahˇ aˇ caˆ neh juiꞈ-euˬ meh. Ngaˇ naw maꞈ-ahˇ boeˬ kaˬ laˬ ma neh nyehꞈ kawꞈ ma” lehˇ ehˇ nehˬ-euˬ meh.

Iˇsaˬyaˇ 33:4

Miˇ kʼahˬ tsawˇ jeuˬ deuˬ-oˇ, naw maꞈ-euˬ myawˬ gahˬ bi yaˆ uiˬ jiˇ-awˇ, nyehˇ bahˇ teuˆ-eu loꞈ-ehˇ tsawˬ nawˬ bi nawˬ tehꞈ-a.

Yeˬsaˬgeˬlaˇ 2:6

“Ehˇ kʼawꞈ, tsawˇ haˬ zaˬ-oˇ, aˬ yawꞈ maꞈ-ahˇ maˬ ehˇ, aˬ yawꞈ maꞈ-euˬ dawˬ-ahˇ maˬ ehˇ, nawˇ maˬ ya guˆ-a. Aˬ yawꞈ maꞈ nawˬ-ahˇ yaˬ kʼehˇ yaˬ yaˬ-ehˇ ja bu ja doeˇ tehꞈ-a. Nawˇ-aˬ, boeˬ kaˬ laˬ ma yaw kaˬ-ahˇ yaw dehꞈ ya dehꞈ gaˇ duˇ tehꞈ-a. Ehˇ kʼawꞈ, ngaˬ-ahˇ puiˬ-eu tsawˇ haˬ kʼoeˇ deuˬ-ahˇ maˬ kaˬ, aˬ yawꞈ maꞈ-euˬ dawˬ-ahˇ maˬ kaˬ, nawˇ taˬ guˆ.

Yawˇlaˆ 1:4

Myaˬ dui dui-eu nyehˇ bahˇ baˬ maꞈ, tiˬ maꞈ mehˬ nah tiˬ maꞈ oe-awˇ, tiˬ maꞈ neh maˬ dzaˬ jiˇ-euˬ jeˬ, tiˬ maꞈ paˇ teuꞈ byoˆ leꞈ-eu meh.

Yawˇlaˆ 2:25

Nyehˇ bahˇ baˬ maꞈ doˆ le ngeh kʼoꞈ, kʼaˇ dzaˬ cawˆ-euˬ jeˬ dawˬ tawˆ luꞈ, naw maꞈ-ahˇ ngaˇ tsoeˬ kʼoꞈ nehˬ ma. Nyehˇ bahˇ guiˇ maꞈ naw maꞈ jawˇ gaˇ pyehˬ leꞈ-euˬ yaw sahˇ gʼaˬ ngaˇ ma.

Naˬhmˬ 3:15

Nawˇ aˇ naˆ ni teuˆ dui dui kʼawꞈ, miˬ dzaˬ neh maˬ bi puiˆ sehꞈ naˇ, guiˇ deuˆ gaˇ bi deuˆ sehꞈ tehꞈ-a. Nyehˇ bahˇ sahˬ lahˬ teuꞈ-eu loꞈ-ehˇ, nawˬ-ahˇ teuꞈ cuˬ byoˆ jiˇ tehꞈ-a. Nyehˇ bahˇ loꞈ-ehˇ nawˇ behˇ laˇ-awˇ,

Naˬhmˬ 3:17

Nawˬ-euˬ yaw huiˬ yaw mahˇ deuˬ-aˬ, yaw gaˆ gaˆ-eu aˇ nah tiˬ nah, kaˇ pyawˇ-ahˇ dawꞈ uiˬ laˇ taˬ-euˬ, nyehˇ bahˇ baˬ maꞈ-ahˇ duˇ-eu meh. Ehˇ kʼawꞈ nahˇ tsaˇ tsoꞈ laˇ ngeh nah, aˬ yawꞈ maꞈ zaw byoˆ jiˇ gʼeh-awˇ, iˇ zaˇ laˇ zaˇ maˬ paˇ siˬ meh.

Luˇkaꞈ 10:19

Naˇ haˬ sheˇ. Doꞈ kʼaˆ-eu aˇ lawˇ hawˇ-eu boeˬ kaˬ laˬ ma-ahˇ nawˬ tehˬ nya-eu uˬ taꞈ, muiˇ-eu deuˬ-euˬ baoˬ-ahˇ gʼaˬ leˇ nya ni, ngaˇ naw maꞈ-ahˇ baoˬ biꞈ-eu ma. Naw maꞈ-ahˇ laˆ coeˬ laˆ ciˆ nya-eu tiˬ jeˬ-iˬ maˬ jaˆ-a.

Dawˬmehˬ 8:15

Doꞈ kʼaˆ-eu aˇ lawˇ hawˇ-eu boeˬ kaˬ laˬ ma jawˇ-eu jeˇ dui dui-awˇ guˆ laˇ paˬ-ehˇ gʼeh-eu bawˇ tsahˬ bawˇ dahˇ laꞈ kʼoeˇ, naw maꞈ-ahˇ aˬ yawꞈ sheuˬ gʼeh-euˬ meh. Iˇ cuꞈ maˬ jaˆ-ehˇ gui coˇ ni gʼeh-eu miˇ kʼahˬ kʼoeˇ kʼahˬ laꞈ kʼoeˇ naw maꞈ cah luꞈ ngeh, maˇ jawˆ ni gʼeh-eu kʼaˬ lo-ahˇ, naw maꞈ gʼaˇ duˬ aˬ yawꞈ iˇ cuꞈ bi yoeˇ le-euˬ meh.

Panmaeq 9:5

Nyehˇ bahˇ kʼoeˇ deuˬ-aˬ, tsawˇ haˬ kʼoeˇ deuˬ-ahˇ kawꞈ sehꞈ-eu gʼaˇ duˬ maˬ ngeuˇ-ehˇ, ba la ngaˬ siˬ byah ni kʼehˬ-eu kʼaˆ-eu gʼaˇ duˬ pyeuꞈ-eu meh. Nyehˇ bahˇ kʼoeˇ deuˬ neh bi kʼehˬ-euˬ kʼoeˇ-aˬ, boeˬ kaˬ laˬ ma neh bi kawꞈ-euˬ loꞈ-ehˇ gawˇ-eu meh.

Panmaeq 9:7

Nyehˇ bahˇ kʼoeˇ deuˬ-euˬ mawˇ kawˇ aˇ gʼehˇ-aˬ, guiˇ deuˆ-eu keu ka tiˬ kuꞈ lehˬ hmˬ dah taˬ-euˬ mahˬ deuˬ-ahˇ duˇ-eu meh. Aˬ yawꞈ maꞈ-euˬ uˬ duˬ-aˬ, shuiˇ neh jahˇ taˬ-euˬ uˬ kʼoˆ kʼoˆ luꞈ gaˇ duˇ-awˇ, myaˆ pyawˬ hmˬ-aˬ, tsawˇ haˬ zaˬ-euˬ myaˆ pyawˬ-ahˇ duˇ-eu meh.

Yaˇ kʼaˬ daˇ 7:12

Miˇdiˬyaˬ tsawˇ haˬ, Aˬmaˬlehˇ tsawˇ haˬ hawˇ-eu, nahˇ ma doˆ kʼehˬ paw jawˇ-eu tsawˇ jeuˬ deuˬ, deh kʼawꞈ kʼawꞈ lah ni nyehˇ bahˇ baˬ maꞈ uiˬ leˇ taˬ-euˬ loꞈ-ehˇ jawˇ byah taˬ-awˇ, aˬ yawꞈ maꞈ-euˬ law taw deuˬ kʼawꞈ, iˬ ma laˆ shaˆ lawˇ deh-ahˇ jaˆ-eu kʼaˇ shuiꞈ loꞈ-ehˇ myaˬ-eu meh.