Panmaeq 7:1 - Akha

¹ Kʼoeˇ naˇ, miˇ ma oeˬ coeˇ oeˬ pyawˬ-ahˇ mˬ taˆ gʼaˬ kʼehˇ oeˬ gʼaˬ yawꞈ luꞈ gaˇ ngaˇ ya mawˇ-euˬ ma. Miˇ tsaˬ kʼoeˇ taˆ maˬ ehˇ, iˬ ma laˆ shaˆ kʼoeˇ taˆ maˬ ehˇ, aˇ bawˇ-ahˇ maˬ ehˇ, jaˬ lehˇ maˬ bi baw ni, miˇ ma oeˬ coeˇ oeˬ pyawˬ-euˬ jaˬ lehˇ-ahˇ aˬ yawꞈ maꞈ nyehꞈ tehˬ taˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Khoernar-aq, ngar, mirma oeqcoer oeqbawq-anr mqtav ghaqkhaer oeq ghaq yawfluf-eu gar ya’mawr-euq ma. Aqyawfmaf, mirtsaq-euq khoertav, iqmalavshav-euq khoertav hawr-eu arbawr dawqtawv luf-anr jaqlaer maqbi bawzawni, mirma oeqcoer oeqbawq-euq jaqlaer-anr nyaeftaeq taq-euq mae.

Panmaeq 7:1 Iomraidhean Croise

Iˇsaˬyaˇ 11:12

Tsawˇ jeuˬ dawˬ tawˆ luꞈ-ahˇ aˬ yawꞈ paˇ loˬ paˇ lehˇ ka tuˇ mehˬ nehˬ-awˇ, byehˇ dzeh taˬ-eu Iˇsaˬleˬlaˆ tsawˇ haˬ deuˬ hawˇ-eu, iˇ byoˆ taˬ-euˬ Yuˇdaˆ tsawˇ haˬ deuˬ-ahˇ, miˇ ma oeˬ coeˇ oeˬ pyawˬ doe ni, kuˇ kʼoꞈ uiˬ laꞈ tehꞈ-a.

Iˇsaˬyaˇ 27:3

“Sahˬpaˬ Miˬyehˇ pyeuꞈ-eu ngaˇ, yaˇ kmˇ kʼoeˇ kmˇ-ahˇ bo saˆ-eu ma. Maˬ tsehˆ leˇ ni iˇ cuꞈ shehˬ-awˇ, aˬ cawˬ maˬ bi laˆ cawˆ laˇ-eu gʼaˇ duˬ, uˬ ciꞈ nah gʼahˇ maˬ ehˇ haw piˇ-eu ma.

Iˇsaˬyaˇ 27:8

Aˬ cawˬ-euˬ miˇ kʼahˬ-ahˇ bi nyehꞈ gʼeh-eu laꞈ kʼoeˇ, aˬ yawꞈ-euˬ tsawˇ jeuˬ-ahˇ Sahˬpaˬ Miˬyehˇ kʼehˬ nehˬ-euˬ meh. Guˆ laˇ paˬ-ehˇ gʼeh-eu nahˇ ma doˆ kʼehˬ jaˬ lehˇ kʼoeˇ neh, aˬ yawꞈ maꞈ-ahˇ bi hehˇ dzaˬ gʼeh-euˬ meh.

Yeˬlaˬmiˇ 49:36

Yawˬ paw yawˬ coeˇ na luꞈ neh Eˇlamˬ miˇ kʼahˬ laꞈ kʼoeˇ jaˬ lehˇ bi baw ahˇ leꞈ-awˇ, Eˇlamˬ miˇ kʼahˬ zaˬ deuˬ maˬ cehˆ jawˇ-iˇ-euˬ miˇ kʼahˬ maˬ jaˆ ni bi pyeuꞈ-iˇ ma.

Yeˬsaˬgeˬlaˇ 37:9

Miˬyehˇ ngaˬ-ahˇ ehˇ-eu, “Tsawˇ haˬ zaˬ-oˇ, jaˬ lehˇ-ahˇ ngaˬ-euˬ gʼaˇ duˬ ngehˬ dah nehˬ-awˬ. Oeˬ paw oeˬ coeˇ luꞈ jaˬ lehˇ baw ahˇ laꞈ-awˇ, shiˇ taˬ-euˬ gʼawˇ mawˇ heu deuˬ bi dehꞈ laˇ-awˬ lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ dawˬ biꞈ-eu meh lehˇ jaˬ lehˇ-ahˇ ehˇ nehˬ-awˬ.”

Yeˬsaˬgeˬlaˇ 7:2

“Tsawˇ haˬ zaˬ-oˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ, Iˇsaˬleˬlaˆ miˇ kʼahˬ-ahˇ heu loꞈ-ehˇ ehˇ nehˬ-eu lehˇ gʼeh-eu ma. Heu-aˬ, miˇ kʼahˬ heu kʼahˬ kʼahˬ lah ni gʼaˇ duˬ aˇ saˬ saˬ-eu aˇ nah aˇ yamˬ meh.

Daˬyeˬlaˇ 11:4

Ehˇ kʼawꞈ, aˬ yawꞈ baoˬ huiˬ dui dui luꞈ ngeh, aˬ yawꞈ-euˬ miˇ kʼahˬ kʼahˬ maˬ kʼoeˇ kʼahˬ, oeˬ paˆ paˆ-iˇ tehꞈ-a. Aˬ yawꞈ nehˬ-ehˇ aˇ jeuˬ aˇ ca maˬ taꞈ-eu deuˬ aˬ yawꞈ-euˬ jawˇ duˬ-ahˇ sahˬ paˬ geuꞈ tehꞈ-a. Ehˇ kʼawꞈ, aˬ yawꞈ maꞈ aˬ yawꞈ loꞈ-ehˇ baoˬ maˬ huiˬ-a.

Daˬyeˬlaˇ 7:2

Daˬyeˬlaˇ ehˇ-eu, “Mˬ-ahˇ neh oe-euˬ jaˬ lehˇ, miˇ ma oeˬ coeˇ oeˬ pyawˬ luꞈ baw gʼeh leꞈ-awˇ, iˬ ma laˆ shaˆ-ahˇ ciˬ tahˬ ciˬ tuˆ-euˬ meh.

Daˬyeˬlaˇ 8:8

Ciꞈ myehꞈ kʼoeˇ mawˇ tiˬ jawˇ saˇ-i tiˬ jawˇ nui ma huiˬ dui mahˇ dui dui laˇ-euˬ meh. Ehˇ kʼawꞈ, aˬ yawꞈ kʼaˇ kʼaˆ maˬ kʼaˆ kʼaˆ ngeh, aˬ yawꞈ-euˬ uˬ coeˇ kʼoeˇ kahˬ lehˆ iˇ-awˇ, ngaw law ni mawˇ laˇ-eu uˬ coeˇ oeˬ kahˬ paˇ doˆ laˇ-euˬ meh. Uˬ coeˇ kʼoeˇ oeˬ kahˬ-aˬ, tiˬ kahˬ tiˬ paw pyawˇ-eu meh.

Yawˇnaˆ 1:4

Ehˇ kʼawꞈ, Sahˬpaˬ Miˬyehˇ neh jaˬ lehˇ lehˇ ma bi baw laˇ-awˇ, jaˬ lehˇ baw gʼaˬ kʼaˆ dui dui-eu miˇ neh, saˇ baoˬ kʼoeˇ laˇ bi baw pyaˆ bi baw shaˆ jiˇ paˬ-ehˇ pyeuꞈ laˇ taˬ-euˬ meh.

Zaˬkaˬliˇ 6:1

Yaw sahˇ laꞈ kʼoeˇ, ngaˇ heu loꞈ-ehˇ paˇ ya mawˇ-euˬ ma. Guiˬ shuiˇ gawˬ jawˬ nyiˬ jawˬ yaw kaˬ-ahˇ mahˬ laˆ lawˬ oeˬ laˇ doˆ le gaˇ ngaˇ mawˇ-euˬ ma.

Zaˬkaˬliˇ 6:5

Mˬ taˆ gʼaˬ kʼehˇ kʼoeˇ gʼaˬ ehˇ-eu, “Heu-aˬ, jaˬ lehˇ oeˬ bahˬ-ahˇ ehˇ mawꞈ-eu meh. Aˬ yawꞈ maꞈ-aˬ, miˇ tsaˬ dawˬ tawˆ luꞈ-ahˇ uˆ lahˇ-eu gʼaˬ pyeuꞈ-eu Sahˬpaˬ Miˬyehˇ jawˇ gaˇ neh oe-euˬ meh.

Maꞈtehˬ 24:31

Daˇ heh baw-eu teˇ saˇ yaw kʼaˆ-ehˇ mahˇ doˆ laˇ-awˇ, aˬ yawꞈ-euˬ mˬ taˆ gʼaˬ kʼehˇ deuˬ-ahˇ miˇ ma oeˬ coeˇ oeˬ pyawˬ-ahˇ aˬ yawꞈ pyehˬ gʼeh-awˇ, mˬ dzeˇ miˇ dzeˇ heu coeˇ kʼoeˇ coeˇ doˆ ni jawˇ luꞈ-eu aˬ yawꞈ neh tseˇ doˆ-euˬ tsawˇ haˬ deuˬ bi sheuˬ uiˬ laꞈ tehꞈ-a.

Maˬkuˆ 13:27

Aˬ yawꞈ-euˬ mˬ taˆ gʼaˬ kʼehˇ deuˬ-ahˇ miˇ ma oeˬ coeˇ oeˬ pyawˬ-ahˇ aˬ yawꞈ pyehˬ gʼeh-awˇ, mˬ dzeˇ miˇ dzeˇ kʼoeˇ dzeˇ heu dzeˇ doˆ ni jawˇ luꞈ-eu, Miˬyehˇ neh tseˇ doˆ-euˬ tsawˇ haˬ deuˬ bi sheuˬ uiˬ laꞈ tehꞈ-a.

Panmaeq 20:8

Aˬ yawꞈ doˆ-iˇ-awˇ, miˇ ma oeˬ coeˇ oeˬ pyawˬ-ahˇ jawˇ-eu Gawˇgaˆ hawˇ-eu Maˬgawˇgaˆ tsawˇ jeuˬ deuˬ-ahˇ jaˬ myawꞈ mehˇ shuiˇ shuiˇ tehꞈ-a. Nehꞈ Saˬdaˬ-aˬ, iˬ ma laˆ shaˆ lawˇ deh-ahˇ jaˆ-eu kʼaˇ shuiꞈ loꞈ-ehˇ myaˬ-eu aˬ yawꞈ maꞈ-ahˇ guiˇ deuˆ-eu gʼaˇ duˬ sheuˬ uiˬ laꞈ tehꞈ-a.

Panmaeq 6:6

Dehꞈ luꞈ-eu jeˬ zaˬ oeˬ mawˇ jawˇ gaˇ neh doˆ le-euˬ teˇ saˇ-ahˇ duˇ-awˇ, heu loꞈ-ehˇ ehˇ-eu dawˬ-ahˇ ngaˇ ya gaˬ-euˬ ma. “Cehˇ tiˬ pehˬ-euˬ tiˬ nah gʼaˬ gaˇ poeˬ tsaˬ-awˇ, lawˬ loeˇ smˇ pehˬ-euˬ tiˬ nah gʼaˬ gaˇ poeˬ tsaˬ-eu meh. Ehˇ kʼawꞈ, saˬ loˬ aˇ bawˇ hawˇ-eu aˬ gaꞈ gaꞈ yaˇ-ahˇ taˬ laˆ cawˆ.”

Panmaeq 7:3

“Aˬ dui Miˬyehˇ-euˬ zaˬ kʼaˆ deuˬ-euˬ naˇ kʼawˇ-ahˇ aˬ dui jmˬ maˬ diˬ gʼaˬ kʼoeˇ keuˆ ni, miˇ tsaˬ-ahˇ maˬ ehˇ, iˬ ma laˆ shaˆ-ahˇ maˬ ehˇ, aˇ bawˇ deuˬ-ahˇ maˬ ehˇ, tiˬ jeˬ-iˬ taˬ gʼeh lawˬ siˬ” lehˇ mˬ taˆ gʼaˬ kʼehˇ kʼoeˇ gʼaˬ ehˇ-eu meh.

Panmaeq 8:7

Mˬ taˆ gʼaˬ kʼehˇ yaw beh gʼaˬ daˇ heh baw ngeh, shiˬ keuˬ-eu uˬ yehˇ aˇ siˬ miˇ tsaˬ kʼoeˇ taˆ ga le-awˇ, miˇ tsaˬ tahˬ kʼawˇ smˬ bymˇ tiˬ bymˇ, aˇ bawˇ smˬ bymˇ tiˬ bymˇ hawˇ-eu, buˬ nyoeˇ dawˬ tawˆ luꞈ puiˆ dzaˬ jiˇ-euˬ meh.

Panmaeq 9:14

“Uˇpaˬlaˇ lawˇ baˬ baˬ ma-ahˇ bi paꞈ taˬ-euˬ mˬ taˆ gʼaˬ kʼehˇ oeˬ gʼaˬ-ahˇ pyehˬ nehˬ-awˬ” lehˇ, teˇ saˇ kʼoeˇ saˇ mˬ taˆ gʼaˬ kʼehˇ koꞈ gʼaˬ tiˬ gʼaˬ-ahˇ ehˇ nehˬ-euˬ meh.

Panmaeq 9:4

Sahˬ lahˬ aˇ bawˇ deuˬ-ahˇ maˬ laˆ cawˆ-eu gʼaˇ duˬ, aˬ yawꞈ maꞈ-ahˇ ehˇ nehˬ taˬ-euˬ meh. Naˇ kʼawˇ-ahˇ Miˬyehˇ-euˬ jmˬ maˬ diˬ taˬ-euˬ tsawˇ haˬ deuˬ-ahˇ tehꞈ-ehˇ bi laˆ cawˆ-eu gʼaˇ duˬ pyeuꞈ-eu meh.