Panmaeq 4:1 - Akha

¹ Kʼoeˇ naˇ, mˬ kʼoeˇ taˆ laˇ gʼoˆ pah taˬ-euˬ gaˇ, Yaw sahˇ laꞈ kʼoeˇ ngaˇ paˇ ya mawˇ-euˬ ma. Yaw beh ngaˬ-ahˇ dawˬ ngehˬ cawˬ le-euˬ daˇ heh baw gaˇ duˇ-eu teˇ saˇ kʼoeˇ saˇ ngaˬ-ahˇ ehˇ-eu, “Heu gaˇ daˆ laˇ-awˬ. Mehˬ hu paw pyeuꞈ laˇ-eu lehˇ gʼeh-eu gaˇ kawˆ ngaˇ nawˬ-ahˇ mehˬ nehˬ nyaˇ.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Khoerdeuq dzeur-euq nar-aq, ngar hawghae ngae, mq-euq khoertav larghov pantaq-euq gar ya’mawr-euq ma. Yawbae ngaq-anr dawq ngaeqcawq-eu darhae baw-eu gar dur-eu tersar khoersar, ngaq-anr heulof-aer paraer-eu mae, “Nawr heugar davlar-awq. Aqkar ya pyeuflar-eu garkawv deuq ngar, nawq-anr bimawr nyar.”

Panmaeq 4:1 Iomraidhean Croise

Doˆ-iˇ 1:1

Yawˬ ha-euˬ miˬ sawˇ zaˬ deuˬ sheuˬ-awˇ, Yaˬkoˆ nehˬ-ehˇ,

Doˆ-iˇ 19:24

Sahˬpaˬ Miˬyehˇ ehˇ-eu, “Nawˇ zaꞈ ka-iˇ-awˇ, Aˬloˬ-ahˇ sheuˬ daˆ laꞈ-awˬ. Ehˇ kʼawꞈ, piˇ ma deuˬ hawˇ-eu tsawˇ haˬ kʼoeˇ deuˬ-aˬ, ngaˇ jawˇ gaˇ laˇ-eu gʼaˇ duˬ, kmˇ tuiˆ maˬ ya laˇ dzeuˇ-a. Laˇ dzeuˇ naˇ, aˬ yawꞈ maꞈ-ahˇ ngaˇ kʼehˬ ma.”

Doˆ-iˇ 24:12

Moˇseˬ-ahˇ Sahˬpaˬ Miˬyehˇ ehˇ nehˬ-eu, “Gawˬ jawˬ-ahˇ, ngaˇ jawˇ gaˇ daˆ laˇ-awˬ. Nawˇ heu gaˇ laˇ keuˆ-awˇ jawˇ ngeh, Iˇsaˬleˬlaˆ tsawˇ haˬ-ahˇ mehˬ nehˬ tsoˆ nehˬ-eu gʼaˇ duˬ, ngaˬ neh zahˇ dawˬ kʼoꞈ dawˬ boꞈ ahˇ taˬ-euˬ kʼaˬ lo teˇ byaꞈ nyiˬ byaꞈ nawˬ-ahˇ ngaˇ biꞈ ma.”

Dawqdaq 25:7

Huiˬ-eu gaˇ mˇ-awˬ lehˇ bi ehˇ-eu naˆ maˬ tseˇ, “Nawˇ mˇ luꞈ-eu gaˇ nawˇ naˆ maˬ tseˇ nya-eu gʼaˬ-ahˇ bi mˇ-awˬ” lehˇ bi ehˇ-eu yaˬ dzehˬ meh.

Yeˬsaˬgeˬlaˇ 1:1

Aˇ kʼoꞈ smˬ tseˇ kʼoꞈ tiˬ kʼoꞈ, ba la oeˬ siˬ tiˬ siˬ, aˇ nah ngaˬ nah tiˬ nah-ahˇ, Buˇziꞈ-euˬ aˬ li pyeuꞈ-eu ngaˇ piˇ ma Yeˬsaˬgeˬlaˇ-aˬ, Baˬbuˇloˬ miˇ kʼahˬ-ahˇ bi nyehꞈ daˆ gʼeh-euˬ Yuˇdaˆ tsawˇ haˬ deuˬ nehˬ-ehˇ, Baˬbuˇloˬ miˇ kʼahˬ-ahˇ jaˆ-eu Ceˬbaˬ lawˇ baˬ dawˬ peh jawˇ luꞈ-eu ma. Mˬ pah dzeh le-awˇ, yaw sahˇ laꞈ kʼoeˇ Miˬyehˇ-ahˇ ngaˇ ya mawˇ-euˬ ma.

Maꞈtehˬ 3:16

Yeˬsuˇ iˇ cuꞈ shawˇ gʼaˬ-awˇ, iˇ cuꞈ laꞈ kʼoeˇ neh doˆ laˇ ngeh, mˬ pah le-awˇ, Miˬyehˇ-euˬ Yaw sahˇ kʼaˬ kʼoeˬ loꞈ-ehˇ zaꞈ le-awˇ, aˬ yawꞈ kʼoeˇ taˆ ga dawꞈ le gaˇ ya mawˇ-euˬ meh.

Maˬkuˆ 1:10

Yeˬsuˇ iˇ cuꞈ laꞈ kʼoeˇ neh doˆ laˇ-eu nehˬ-ehˇ, mˬ pah le-awˇ, Yaw sahˇ Miˬyehˇ kʼaˬ kʼoeˬ loꞈ-ehˇ aˬ yawꞈ kʼoeˇ taˆ zaꞈ le luꞈ gaˇ aˬ yawꞈ ya mawˇ-euˬ meh.

Luˇkaꞈ 3:21

Tsawˇ haˬ kʼoeˇ deuˬ dawˬ tawˆ luꞈ iˇ cuꞈ shawˇ gʼaˬ ngeh, Yeˬsuˇ iˇ cuꞈ shawˇ-euˬ meh. Aˬ yawꞈ guiˬ lahˬ shaˇ luꞈ ngeh, mˬ pah le-awˇ,

Yoˇhaˬ 16:13

Ehˇ kʼawꞈ, Miˬyehˇ gaˇ kawˆ yaw tsaˬ yaw dawˇ jeˬ pah mehˬ le-eu gʼaˬ pyeuꞈ-eu Yaw sahˇ Miˬyehˇ oe ngeh, yaw tsaˬ yaw dawˇ dawˬ tawˆ luꞈ-ahˇ naw maꞈ siˬ nya laˇ ni aˬ yawꞈ sheuˬ mehˬ laꞈ tehꞈ-a. Aˬ jeˬ miˇ neh ehˇ aˇ, aˬ yawꞈ-euˬ nui noeˬ nui loˆ maˬ ngehˬ maˬ tmˇ-ehˇ, Aˬda neh kʼaˇ ehˇ nehˬ-euˬ jeˬ naw maꞈ-ahˇ dzawˇ nehˬ-awˇ, mehˬ hu paw pyeuꞈ laˇ-eu lehˇ gʼeh-eu gaˇ kawˆ deuˬ ehˇ mehˬ laꞈ tehꞈ-a.

Gʼaˬkʼehˇ 10:11

Mˬ pah le-awˇ, aˇ bui bui ma loꞈ-ehˇ gʼeh-eu tiˬ hmˬ laꞈ coeˇ oeˬ coeˬ-ahˇ aˇ caˆ paꞈ-awˇ, miˇ tsaˬ kʼoeˇ taˆ aˬ za za-ehˇ pyehˬ ka leꞈ luꞈ gaˇ mawˇ-euˬ meh.

Gʼaˬkʼehˇ 7:56

“Haw sheˇ. Mˬ pah taˬ-awˇ, Tsawˇhaˬ-euˬ Zaˬmaˇ kʼoeˇ gʼaˬ Miˬyehˇ-euˬ aˇ maˇ paw yawꞈ luꞈ-eu mawˇ laˇ ngaˇ” lehˇ aˬ yawꞈ ehˇ-eu meh.

Panmaeq 1:10

Sahˬpaˬ Miˬyehˇ-euˬ aˇ nah -ahˇ, Yaw sahˇ Miˬyehˇ ngaˬ-ahˇ uˆ lahˇ le-awˇ, kʼaˆ dui dui-eu teˇ saˇ tiˬ saˇ-ahˇ ngaˇ ya gaˬ-euˬ ma. Teˇ saˇ kʼoeˇ-aˬ, daˇ heh baw-eu teˇ saˇ-ahˇ duˇ-awˇ, ngaˬ-euˬ naˇ kʼah paw dawˬ ngehˬ luꞈ-eu meh.

Panmaeq 1:12

Ngaˬ-ahˇ dawˬ ngehˬ cawˬ-eu gʼaˬ-ahˇ haw-eu lehˇ ngaˇ zeuˆ pyawˇ ngeh, shuiˇ neh jahˇ taˬ-euˬ tsiˇ kʼmˬ doꞈ taˬ duˬ shiꞈ hmˬ jaˆ gaˇ ya mawˇ-euˬ ma.

Panmaeq 1:19

Kʼoeˇ miˇ neh, nymˬ-mˇ-euˬ gaˇ kawˆ maˬ ehˇ, mehˬ hu paw-euˬ gaˇ kawˆ maˬ ehˇ, nawˬ neh kʼaˇ ya mawˇ-euˬ loꞈ-ehˇ boꞈ taˬ-awˬ.

Panmaeq 11:12

Kʼoeˇ naˇ, “Heu gaˇ laˇ daˆ-awˬ” lehˇ, mˬ-ahˇ neh ehˇ leꞈ-euˬ teˇ saˇ-ahˇ aˬ yawꞈ nyaꞈ ya gaˬ-euˬ meh. Aˬ yawꞈ nyaꞈ-ahˇ muiˇ-eu deuˬ haw haw-ehˇ jawˇ ngeh, mˬ dmˇ laꞈ kʼoeˇ aˬ yawꞈ nyaꞈ mˬ-ahˇ gʼoꞈ daˆ leˇ-euˬ meh.

Panmaeq 11:19

Mˬ taˆ jaˆ-eu Miˬyehˇ-euˬ uˬ duˬ tahˬ nymˇ nymˇ ma pah taˬ-awˇ, Dawˬ ma saˇ jaˇ Bahˬ keuˆ mawˇ laˇ-eu meh. Kʼoeˇ ngeh, mˬ myawꞈ myawꞈ-awˇ, teˇ saˇ gʼawˬ mya jeˬ hawˇ-eu mˬ jeˬ jeˬ-eu teˇ saˇ gaˬ le-eu uˬ taꞈ, miˇ luˆ yaw kʼaˆ-ehˇ luˆ-awˇ, uˬ yehˇ aˇ siˬ ga dui dui-eu meh.

Panmaeq 16:17

Kʼoeˇ naˇ, mˬ taˆ gʼaˬ kʼehˇ shiꞈ gʼaˬ tiˬ gʼaˬ aˬ yawꞈ-euˬ naˬ bo jaˬ lehˇ laꞈ kʼoeˇ shehˆ dzeh-euˬ meh. Kʼoeˇ ngeh, teˇ saˇ yaw kʼaˆ-ehˇ guˇ-awˇ, “Jiˇ-euˬ ma” lehˇ ehˇ-eu dawˬ, uˬ duˬ tahˬ nymˇ nymˇ ma laꞈ kʼoeˇ jaˆ-eu dzoeˬ dzaˬ nuiˇ mahˬ-ahˇ neh gaˬ doˆ laˇ-euˬ meh.

Panmaeq 19:11

Kʼoeˇ naˇ, mˬ pah le-awˇ, mahˬ mahˬ pyuˇ tiˬ mawˇ jawˇ gaˇ ngaˇ ya mawˇ-euˬ ma. Mahˬ dziˬ-eu gʼaˬ-ahˇ Saˇ jaˇ ziꞈ-eu Tsaˬ-eu dawˇ-eu gʼaˬ lehˇ kuˇ-eu meh. Aˬ yawꞈ-aˬ, yaw tsaˬ yaw dawˇ laꞈ kʼoeˇ yaˇ kʼaˬ daˇ-awˇ guiˇ deuˆ-eu gʼaˬ meh.

Panmaeq 22:6

Kʼoeˇ naˇ, mˬ taˆ gʼaˬ kʼehˇ kʼoeˇ gʼaˬ ngaˬ-ahˇ heu loꞈ-ehˇ ehˇ-eu meh. “Dawˬ heu deuˬ-aˬ, tsaˬ dui dawˇ dui dui-awˇ, jah dui dui paˬ-ehˇ gʼeh-eu dawˬ deuˬ meh. Kʼoeˇ naˇ, Miˬyehˇ gʼaˇ duˬ ngehˬ dah-eu deuˬ-ahˇ Yaw sahˇ Miˬyehˇ biꞈ-euˬ gʼaˬ pyeuꞈ-eu Sahˬpaˬ Miˬyehˇ-aˬ, aˬ yawꞈ-euˬ mˬ taˆ gʼaˬ kʼehˇ pyehˬ gʼeh-awˇ, gʼawˬ myahˇ maˬ gʼeh-ehˇ pyeuꞈ laˇ-eu gaˇ kawˆ aˬ yawꞈ-euˬ zaˬ kʼaˆ deuˬ-ahˇ bi mehˬ-iˇ-euˬ meh.”