Panmaeq 3:4 - Akha

⁴ Ehˇ kʼawꞈ, Saˬdiˇ meuˬ-ahˇ jawˇ-eu naw maꞈ heu myaˆ gʼaˬ-aˬ, mehˬ tsoeˬ maˬ jawꞈ-iˇ-aˬ siˬ. Naw maꞈ ngaˬ nehˬ-ehˇ cah-awˇ, mehˬ tsoeˬ yaw pyuˇ ya dm tehꞈ-a. Aˬ jeˬ miˇ neh ehˇ naˇ, naw maꞈ kʼoeˇ loꞈ-ehˇ mˇ geuˇ-eu tsawˇ haˬ pyeuꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Aerkhawf, Saqdir-euq lafkhoer, yawqha-euq maeqtsoeq maq lavjawfni daef-euq tsawrhaq tiqpavnav deuq jawr-a siq. Aqyawfmaf geux-eu mirnae, maeqtsoeq yawpyur dm-awr, ngaq naeq-aer tiqkawv lof-aer yacan taef-a.

Panmaeq 3:4 Iomraidhean Croise

1 Sahˬpaˬ 19:18

Ehˇ kʼawꞈ, ngaˬ-ahˇ saˇ jaˇ ziꞈ-awˇ, Baˬlaˇ miˬ yehˇ mehˬ shi maˬ awˆ byaˆ-ehˇ, Baˬlaˇ miˬ yehˇ-euˬ tahˬ pahˬ aˬ ma mawˇ kawˇ-ahˇ mehˬ cuˇ maˬ cuˇ-euˬ tsawˇ haˬ shiꞈ heˇ gʼaˬ-ahˇ, Iˇsaˬleˬlaˆ miˇ kʼahˬ laꞈ kʼoeˇ ngaˇ bi dehꞈ yaꞈ ma.”

Iˇsaˬtaˆ 8:15

Mawˬdaˬkehˇ-aˬ, paˇ puiˇ hawˇ-eu paˇ pyuˇ keuˬ taˬ-euˬ sahˬ paˬ sahˬ ma deuˬ dm-eu pehˇ kʼahˬ dm-awˇ, shawˇ jehˆ ni gʼeh-eu saˬ paˇ neh guꞈ taˬ-euˬ neˇ tseuˆ ni gʼeh-eu pehˇ kʼahˬ pehˇ mahˇ dm daˆ-awˇ, muiˬ dui jaˬ dui dui-eu shuiˇ uˬ kʼoˆ kʼoˆ-awˇ, sahˬ paˬ-euˬ nymˇ-ahˇ neh doˆ-iˇ ngeh, Suˇsaˬ meuˬ-euˬ gaˇ ma doe ni laˬ kʼaˬ cehˇ-awˇ guˇ-eu lawꞈ lawꞈ-ehˇ jaˆ-eu meh.

Jaceuq 68:14

Zaˬlaˬmoˬ gawˬ jawˬ-ahˇ jawˇ-eu sahˬ paˬ deuˬ-ahˇ, Baoˬ huiˬ-eu Miˬyehˇ teh byaˆ nehˬ ngeh, kʼoeˇ gaˇ neh bi ga le-euˬ meh.

Dawˬ tsoˆ 9:8

Aˬ myah luꞈ laˬ kʼaˬ tiˬ cehˇ dehꞈ-awˬ jawˇ-awˬ.

Iˇsaˬyaˇ 1:9

Baoˬ huiˬ-eu Sahˬpaˬ Miˬyehˇ neh, aˬ dui tiˬ paˆ na deuˬ-ahˇ maˬ bi dzeuˇ-iˇ law nmˇ-aˬ, Sawˇdoˬ meuˬ hawˇ-eu Gawˇmawˇlaˆ meuˬ loꞈ-ehˇ, ya shiˇ cuˆ jiˇ-eu yaw duˬ baw law hawˇ nga.

Iˇsaˬyaˇ 52:1

Yeˬluˇsaˬlehˬ meuˬ-oˇ, noeˬ laˇ-awˬ. Beuˇ laˇ-awˬ. Gʼaˬ ziꞈ dah ni paˇ ahˇ laˇ-awˬ. Miˬyehˇ-euˬ muiˬ-eu shawˇ-eu meuˬ-oˇ, yaw shehꞈ kʼahˬ sehˇ dm-awˬ. Lawˇ ciꞈ zaˬ deuˬ meuˬ lahˇ laꞈ kʼoeˇ maˬ paˇ ya uˇ laˇ meh.

Iˇsaˬyaˇ 59:6

Naw maꞈ-euˬ aˬ oˬ loˬ ma aˇ kahˇ kʼoeˇ saˬ nmˇ maˬ zaꞈ nya-a. Yawˬ ha neh mˇ-euˬ jeˬ yawˬ ha-ahˇ maˬ sheu lahˇ nya-a. Naw maꞈ gaˇ kawˆ yaw haiˬ tehꞈ-ehˇ jaˆ-awˇ, naw maꞈ-euˬ aˬ laꞈ-ahˇ yaw cawˆ jeˬ tuˆ tehˬ taˬ-euˬ meh.

Iˇsaˬyaˇ 61:10

Sahˬpaˬ Miˬyehˇ mˇ-euˬ gaˇ-ahˇ, Yeˬluˇsaˬlehˬ meuˬ laˬ kʼaˬ cehˇ-eu meh. Yeˬluˇsaˬlehˬ meuˬ-euˬ muiˬ-eu aˇ gʼehˇ, oeˇ mˇ baˇ-eu mehˬ tsoeˬ dm-euˬ zaˬ miˬ-ahˇ duˇ-eu meh. Ka kʼoꞈ-eu jeˬ hawˇ-eu gʼaˬ leˇ-eu jeˬ, Miˬyehˇ aˬ yawꞈ-ahˇ bi dm taˬ-euˬ meh.

Iˇsaˬyaˇ 61:3

Ziˇoˬ meuˬ-ahˇ ngoeˇ luꞈ-eu tsawˇ haˬ deuˬ, nui noeˬ shaˬ-eu dah zaˇ laˬ kʼaˬ cehˇ laˇ nya ni, shaˬ zahˬ mˇ-eu dah zaˇ ja ceuˬ-eu caˇ dawˬ caˇ nya ni, aˬ yawꞈ ngaˬ-ahˇ pyehˬ leꞈ-euˬ meh. Aˬ yawꞈ maꞈ Sahˬpaˬ Miˬyehˇ neh ka-euˬ aˇ bawˇ-ahˇ duˇ tehꞈ-a. Aˬ yawꞈ maꞈ dawˬ tawˆ yaw tsaˬ yaw dawˇ jeˬ mˇ-eu miˇ neh, Miˬyehˇ-ahˇ aˬ cawˬ ya ja ceuˬ tehꞈ-a.

Iˇsaˬyaˇ 64:6

Aˬ dui dawˬ tawˆ luꞈ iˬ baˇ ahˇ-eu ma. Aˬ dui mˇ-euˬ muiˬ dui dui-eu jeˬ-aˬ, jawꞈ dui dui-eu pehˇ kʼahˬ-ahˇ duˇ-eu meh. Aˬ dui-euˬ iˬ baˇ baˬ da neh aˬ dui yaw dehꞈ dehꞈ-eu, aˇ paꞈ nyoeˬ-iˇ koˆ-iˇ jiˇ-awˇ, jaˬ lehˇ bi baw byoˆ gaˇ duˇ leˇ-eu meh.

Uˬ duˬ 13:48

shawˇ jehˆ ni gʼeh-eu saˬ paˇ paˇ dzeh maˬ ehˇ, shaˬ kʼoˆ maˬ ehˇ, shaˬ kʼoˆ neh jahˇ taˬ-euˬ myawˬ deuˬ maˬ ehˇ,

Maꞈtehˬ 10:11

“Naw maꞈ meuˬ tiˬ meuˬ na-ahˇ iˇ keuˆ ngeh maˬ ehˇ, pu tiˬ pu na-ahˇ iˇ keuˆ ngeh maˬ ehˇ, naw maꞈ-ahˇ ha geuꞈ mawꞈ-eu tsawˇ haˬ poˆ mawˇ-awˇ, kʼoeˇ gaˇ kʼaˇ jawˇ kʼoeˇ keuˆ ni, tsawˇ haˬ kʼoeˇ gʼaˬ-euˬ nymˇ-ahˇ jawˇ-awˬ.

Maˬkuˆ 16:5

Kʼoeˇ naˇ, aˬ yawꞈ maꞈ lmˬ bymˇ laꞈ kʼoeˇ uˇ leˇ ngeh, mehˬ tsoeˬ pyuˇ deuˬ ni dm taˬ-euˬ kʼaˬ dzeˇ zaˬ zaˬ guˬ tiˬ gʼaˬ aˇ maˇ paw pyawˬ-ahˇ nuiˇ luꞈ gaˇ ya mawˇ-awˇ, tsawˬ guˆ-iˇ-euˬ meh.

Luˇkaꞈ 20:35

Ehˇ kʼawꞈ, gʼoꞈ dehꞈ laˇ-eu geuˇ-awˇ, aˬ kaˇ kaˇ ziˇ laꞈ kʼoeˇ ya dehꞈ ya jawˇ-eu tsawˇ haˬ deuˬ-aˬ, sheuˬ dahˬ dzaˬ taꞈ-eu maˬ paˇ baw meh.

Luˇkaꞈ 21:36

Keuˆ le teuˇ le-eu gaˇ kawˆ kʼoeˇ deuˬ dawˬ tawˆ luꞈ-ahˇ, naw maꞈ dehꞈ dzeuˇ jawˇ dzeuˇ nya ni gʼaˬ tiˬ byah ahˇ-awˇ, Tsawˇhaˬ-euˬ Zaˬmaˇ mehˬ shi ya yawꞈ gaˇ dehꞈ keuˆ nya ni, aˬ myah luꞈ yaw beuˇ beuˇ-ehˇ jawˇ-awˇ guiˬ lahˬ shaˇ-awˬ.”

Gʼaˬkʼehˇ 1:15

Gʼawˬ myahˇ maˬ gʼeh-ehˇ, jah-eu tsawˇ haˬ deuˬ tiˬ yaˇ nyiˬ tseˇ gʼaˬ uiˬ leˇ-awˇ jawˇ gaˇ, Beˬtuˆluˆ tuˇ laˇ-awˇ, heu loꞈ-ehˇ ehˇ-eu meh.

2 Teˇsaˬloˇni 1:5

Miˬyehˇ-aˬ, dawˇ coe ni yaˇ kʼaˬ daˇ-awˇ, naw maꞈ kʼoeˇ loꞈ-ehˇ ya daˬ-eu ba da neh aˬ yawꞈ-euˬ miˇ kʼahˬ-ahˇ geuˇ-eu tsawˇ haˬ pyeuꞈ laˇ-eu gaˇ kawˆ, naw maꞈ daˬ luꞈ-eu kʼoeˇ saˇ kiˇ pyeuꞈ-eu meh. Aˬ jeˬ miˇ neh ehˇ naˇ, Miˬyehˇ Miˇkʼahˬ-ahˇ geuˇ-eu tsawˇ ha pyeuꞈ laˇ ni naw maꞈ daˬ luꞈ-eu meh.

Yuˇdaˆ 1:23

Tiˬ paˆ na deuˬ-ahˇ-aˬ, miˬ dzaˬ laꞈ kʼoeˇ neh gʼeu doˆ-awˇ ka kʼoꞈ nehˬ-awˬ. Tiˬ paˆ na deuˬ-ahˇ-aˬ, guˆ-eu nui ma ahˇ-eu laꞈ kʼoeˇ gʼawˬ shaˬ gaˬ nehˬ-awˬ. Ehˇ kʼawꞈ, shiˬ shaˬ jiˇ-euˬ nui kʼahˇ mˇ-eu jeˬ laˆ lehꞈ taˬ-euˬ aˬ yawꞈ maꞈ-euˬ mehˬ tsoeˬ-ahˇ nui daˆ daˆ-awˬ.

Panmaeq 1:11

Teˇ saˇ kʼoeˇ saˇ ehˇ-eu, “Nawˬ neh kʼaˇ ya mawˇ-euˬ jeˬ boꞈ taˬ-awˇ, Eˇpeˇsu meuˬ, Saˬmuˇlaˬnaˆ meuˬ, Beˬlaˬgaˬ meuˬ, Saˬdiˬlehˇ meuˬ, Saˬdiˇ meuˬ, Piˇlaˬdeˬpiˇ meuˬ, Lawˬdiˬciˆ meuˬ, heu shiꞈ meuˬ laꞈ kʼoeˇ jawˇ-eu Ka li zaˬ aˇ muˇ deuˬ-ahˇ sahˬ boꞈ kʼoeˇ dawˆ ahˇ gʼeh-awˬ.”

Panmaeq 11:13

Kʼoeˇ ngeh kʼaˆ tseuˆ ni, miˇ luˆ yaw kʼaˆ-ehˇ luˆ laˇ-euˬ baˬ da neh, meuˬ kʼoeˇ meuˬ-euˬ tseˇ bymˇ tiˬ bymˇ cawˆ-iˇ-awˇ, tsawˇ haˬ shiꞈ heˇ gʼaˬ shiˇ-euˬ meh. Dzeˇ-eu tsawˇ haˬ deuˬ guˆ dui dui-iˇ-awˇ, mˬ taˆ Miˬyehˇ huiˬ dui mahˇ dui dui gaˇ ja ceuˬ tehꞈ-a.

Panmaeq 14:4

Aˬ yawꞈ maꞈ-aˬ, zaˬ miˬ zaˬ nehˬ-ehˇ maˬ yuꞈ taꞈ-eu tsawˇ shawˇ deuˬ meh. Yawˇ zaˬ kʼaˇ iˇ-eu mehˬ nah aˬ yawꞈ maꞈ caw teh-eu meh. Tsawˇ haˬ zaˬ dawˬ tawˆ luꞈ laꞈ kʼoeˇ aˬ yawꞈ maꞈ-ahˇ ka kʼoꞈ-awˇ, Miˬyehˇ hawˇ-eu Yawˇzaˬ-ahˇ damˬ nehˬ beh beh-euˬ deuˬ pyeuꞈ-eu meh.

Panmaeq 19:14

Mˬ taˆ guiˇ maꞈ deuˬ mahˬ mahˬ pyuˇ dziˬ-awˇ, shawˇ jehˆ ni gʼeh-eu saˬ paˇ paˇ pyuˇ dm-awˇ, aˬ yawꞈ-euˬ mehˬ nah caw teh-eu meh.

Panmaeq 19:8

Dahˬ dzaˬ-iˇ-eu zaˬ miˬ gʼaˬ-ahˇ, yaw shehꞈ bya-eu paˇ pyuˇ paˇ shawˇ, bi dm-eu lehˇ jahˇ taˬ-euˬ meh.” (Paˇ pyuˇ paˇ shawˇ kʼoeˇ-aˬ, Miˬyehˇ-euˬ tsawˇ haˬ deuˬ neh mˇ-euˬ yaw tsaˬ yaw dawˇ jeˬ-euˬ dawˬ tsuiꞈ pyeuꞈ-eu meh.)

Panmaeq 3:18

Kʼoeˇ miˇ neh, nawˇ smˇ muiˬ bi muiˬ laˇ-eu gʼaˇ duˬ, ngaˇ jawˇ gaˇ maˇ jawˆ ni gʼeh-eu shuiˇ zeuˇ laˇ-awˬ lehˇ nui noeˬ nui duˇ biꞈ-eu ma. Nawˇ dm-eu gʼaˇ duˬ mehˬ tsoeˬ yaw pyuˇ kʼawꞈ zeuˇ-awˇ, shaꞈ dawˇ dui dui paˬ-ehˇ neˇ myawˆ ni gʼeh-eu nawˬ-euˬ gʼawˇ mawˇ-ahˇ dm kaˬ-awˬ. Nawˬ-euˬ myaˆ nuiˆ mawˇ nya laˇ ni, myaˆ nuiˆ-ahˇ dawˆ-eu tsiˇ zeuˇ-awˬ.

Panmaeq 3:5

Gʼaˬ leˇ-euˬ tsawˇ ha deuˬ-aˬ, kʼoeˇ loꞈ-ehˇ mehˬ tsoeˬ yaw pyuˇ ya dm-awˇ, saꞈ laˇ dehꞈ-eu sahˬ boꞈ laꞈ kʼoeˇ, aˬ yawꞈ maꞈ-euˬ tsawˇ myahˇ ngaˇ maˬ siˆ byoˆ. Ngaˬ Da hawˇ-eu aˬ yawꞈ-euˬ mˬ taˆ gʼaˬ kʼehˇ deuˬ-euˬ mehˬ shi, aˬ yawꞈ maꞈ ngaˬ-euˬ tsawˇ haˬ ma lehˇ ngaˇ ehˇ ma.

Panmaeq 4:4

Dzoeˬ dzaˬ nuiˇ mahˬ kʼoeˇ-euˬ tiˬ jawˬ, dzoeˬ dzaˬ nuiˇ mahˬ nyiˬ tseˇ oeˬ mahˬ jaˆ-awˇ, mehˬ tsoeˬ yaw pyuˇ dm-awˇ shuiˇ uˬ kʼoˆ kʼoˆ luꞈ-eu aˬ yuiꞈ aˬ tsu nyiˬ tseˇ oeˬ gʼaˬ nuiˇ luꞈ-eu meh.

Panmaeq 6:11

Kʼoeˇ ngeh, aˬ yawꞈ maꞈ yawˬ gʼaˬ na luꞈ-ahˇ pehˇ kʼahˬ pehˇ mahˇ yaw pyuˇ bi dm awˇ, aˬ yawꞈ maꞈ-ahˇ sehꞈ-euˬ loꞈ-ehˇ, aˬ yawꞈ maꞈ nehˬ-ehˇ tiˬ kawˆ loꞈ-ehˇ gaˇ mˇ-euˬ deuˬ tsawˇ haˬ aˇ gʼaˬ noeˬ taˬ-euˬ loꞈ-ehˇ bi sehꞈ byah ngeh keuˆ ni, tiˬ kʼehˬ gʼaˬ naˬ naˬ tawˬ-eu gʼaˇ duˬ ehˇ nehˬ-euˬ meh.

Panmaeq 7:9

Kʼoeˇ naˇ, ngaˇ paˇ haw gʼeh ngeh, tsawˇ haˬ tiˬ gʼaˬ-iˬ maˬ gui jiˇ coeˇ ni myaˬ-eu tsawˇ haˬ aˇ maꞈ tiˬ maꞈ-ahˇ ya mawˇ-euˬ ma. Aˬ yawꞈ maꞈ-aˬ, miˇ tsaˬ tsawˇ jeuˬ tsawˇ ca dawˬ tawˆ luꞈ-ahˇ taꞈ-eu tsawˇ haˬ deuˬ pyeuꞈ-awˇ, pyuˇ deuˬ ni gʼeh-eu pehˇ kʼahˬ pehˇ mahˇ dm-awˇ aˬ laꞈ-ahˇ daoˇ uˬ pyaˬ yuˇ luꞈ-awˇ, dzoeˬ dzaˬ nuiˇ mahˬ hawˇ-eu Yawˇzaˬ-euˬ mehˬ shi yawꞈ luꞈ-eu meh.