Panmaeq 16:3 - Akha

³ Kʼoeˇ naˇ, mˬ taˆ gʼaˬ kʼehˇ nyiˬ gʼaˬ tiˬ gʼaˬ aˬ yawꞈ-euˬ naˬ bo iˬ ma laˆ shaˆ-ahˇ shehˆ ahˇ gʼeh-euˬ meh. Kʼoeˇ ngeh, iˬ ma laˆ shaˆ iˇ cuꞈ kʼoeˇ tsawˇ shiˇ-euˬ shiˬ loꞈ-ehˇ pyeuꞈ-iˇ-awˇ, iˬ ma laˆ shaˆ laꞈ kʼoeˇ kʼaˇ dehꞈ kʼaˇ jawˇ-eu jeˬ dawˬ tawˆ luꞈ shiˇ jiˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Khoernar-aq, mqtav ghaqkhaer nyiq ghaq tiqghaq, aqyawf-euq khmqmaq, iqmalavshav-anr shaevpufghae ngae, iqmalavshav, tsawrshir-euq shiq lof-aer pyeuflar-awr, iqmalavshav-euq lafkhoer khardaef kharjawr-eu jeq shirjir-euq mae.

Panmaeq 16:3 Iomraidhean Croise

Aˇ dahˬ 7:22

Miˇ tsaˬ kʼoeˇ taˆ jawˇ-eu saꞈ kʼaˇ gʼawˇ-eu jeˬ dawˬ tawˆ luꞈ shiˇ jiˇ-euˬ meh.

Jaceuq 105:29

Aˬ yawꞈ maꞈ-euˬ lawˇ baˬ deuˬ-ahˇ shiˬ bi pyeuꞈ-iˇ-awˇ, ngaˬ shaˬ dawˬ tawˆ luꞈ bi shiˇ jiˇ-euˬ meh.

Jaceuq 78:44

Lawˇ baˬ-ahˇ shiˬ bi pyeuꞈ tsehˆ-awˇ Iˇjiˇtuˆ tsawˇ haˬ deuˬ dawˇ-eu iˇ cuꞈ maˬ jaˆ ni bi shaˬ-euˬ meh.

Yeˬsaˬgeˬlaˇ 16:38

Aˬ cawˬ aˬ da nehˬ-ehˇ bahˬ-euˬ jeˬ hawˇ-eu meh maˬ laˇ geuꞈ-euˬ jeˬ aˇ poeˬ, ngaˇ nawˬ-ahˇ yaˇ kʼaˬ daˇ-awˇ, ngaˇ nui ma pehˇ dui dui-eu laꞈ kʼoeˇ, shiˇ gaˇ keuˆ ni nawˬ-ahˇ ngaˇ kʼehˬ ma.

Gʼaˬkʼehˇ 2:41

Aˬ yawꞈ dawˬ mehˬ mehˬ gaˇ tsawˇ haˬ gʼawˬ mya ni jah leˇ-awˇ, iˇ cuꞈ bi shawˇ-euˬ meh. Kʼoeˇ ngeh nah tehꞈ-ehˇ, aˬ yawꞈ maꞈ-euˬ aˇ muˇ-ahˇ tsawˇ haˬ smˬ heˇ gʼaˬ lahˬ laˇ-euˬ meh.

Panmaeq 10:2

Aˬ laꞈ-ahˇ sahˬ boꞈ paˇ yoˆ tiˬ yoˆ pah-awˇ tuˆ tehˬ taˬ-euˬ meh. Aˇ maˇ kuiˇ iˬ ma laˆ shaˆ-ahˇ nawˬ tehˬ taˬ-awˇ, aˇ caˇ kuiˇ miˇ tsaˬ-ahˇ nawˬ tehˬ taˬ-euˬ meh.

Panmaeq 11:6

Aˬ yawꞈ nyaꞈ Miˬyehˇ dawˬ kawˬ mehˬ luꞈ-eu aˇ yamˬ laꞈ kʼoeˇ, mˬ-ahˇ piˬ tehˬ taˬ nya-eu baoˬ, aˬ yawꞈ nyaꞈ-euˬ aˬ laꞈ laꞈ kʼoeˇ jaˆ-eu meh. Lawˇ gawˆ iˇ cuꞈ-ahˇ shiˬ bi pyeuꞈ-iˇ nya-eu baoˬ kʼawꞈ jaˆ-eu meh. Miˇ tsaˬ heu kʼoeˇ taˆ kʼawꞈ, aˬ yawꞈ nyaꞈ kʼaˇ bi keuˆ le mawꞈ-eu shaˬ zahˬ naˇ gawˇ gawˇ ma bi keuˆ le nya-eu baoˬ jaˆ-eu meh.

Panmaeq 13:1

Kʼoeˇ naˇ, iˬ ma laˆ shaˆ-ahˇ jeˬ zaˬ yaw haiˬ tiˬ mawˇ doˆ laˇ gaˇ ngaˇ ya mawˇ-euˬ ma. Jeˬ zaˬ kʼoeˇ mawˇ uˬ coeˇ tseˇ kahˬ tsoꞈ-awˇ, uˬ duˬ shiꞈ siˬ tsoꞈ-eu meh. Uˬ coeˇ aˬ yawꞈ kahˬ yawꞈ-ahˇ shuiˇ uˬ kʼoˆ kʼoˆ taˬ-awˇ, uˬ duˬ aˬ yawꞈ siˬ yawꞈ-ahˇ Miˬyehˇ-ahˇ yehˬ bawˬ sehˇ lu-ehˇ kuˇ niˇ gʼa-eu tsawˇ myahˇ tiˬ myahˇ boꞈ taˬ-euˬ meh.