Panmaeq 12:12 - Akha

¹² Kʼoeˇ miˇ neh, mˬ hawˇ-eu mˬ kʼoeˇ taˆ kʼaˇ jawˇ kʼaˇ deuˬ laˬ kʼaˬ cehˇ-awˬ. Ehˇ kʼawꞈ, miˇ tsaˬ hawˇ-eu iˬ ma laˆ shaˆ naw nyaꞈ aˇ naˆ ni noeˬ shaˬ paˬ-ehˇ gʼeh-eu nga. Aˬ jeˬ miˇ neh ehˇ naˇ, Nehꞈ sahˬ paˬ naw nyaꞈ jawˇ gaˇ zaꞈ ka keuˆ le-awˇ, aˬ yawꞈ gʼaˇ duˬ aˇ yamˬ ui cuiˆ maˬ ngeuˇ naˇ maˬ paˇ jaˆ meh lehˇ siˬ nya-eu miˇ neh, nui ma pehˇ dui dui-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Khoermirnae, mq hawr-eu mq-euq khoertav kharjawr-eu deuq-or! Nawmaf laqkhaq caer-awq. Aerkhawf, mirtsaq-euq khoertav hawr-eu iqmalavshav-euq lafkhoer jawr-eu deuq-aq, ghawqshar shaq-aer ya ghaesaef taef-a. Aqjeq mirnae aernar-aq, naef sanqpaq-aq, aqyawf-euq aryamq ghawqmyanrni maqpar jav-eu mae laer siqnya-eu mirnae, nuima paer duidui-eu lafkhoer nawmaf jawr-eu gar oeka-euq mae.”

Panmaeq 12:12 Iomraidhean Croise

Panmaeq 8:13

Kʼoeˇ naˇ, ngaˇ haw gʼeh ngeh, yaw goˇ-ahˇ zaw luꞈ-eu kʼaˬ dzeˇ dzeˇ ma tiˬ mawˇ yaw kʼaˆ-ehˇ guˇ-awˇ heu loꞈ-ehˇ ehˇ-eu teˇ saˇ ya gaˬ-euˬ ma. “Aˇ loˇ. Guˆ-eu gaˆ-eu jeˬ, guˆ-eu gaˆ-eu jeˬ. Dzeˇ-eu mˬ taˆ gʼaˬ kʼehˇ kʼoeˇ smˇ gʼaˬ daˇ heh paˇ baw laˇ naˇ, miˇ tsaˬ kʼoeˇ taˆ kʼaˇ jawˇ-eu deuˬ aˇ naˆ ni ya guˆ ya gaˆ, ya shaˬ ya zahˬ-eu maˬ paˇ ehˇ jiˇ coeˇ ngaˇ.”

Iˇsaˬyaˇ 49:13

Mˬ-oˇ, caˇ-awˇ ja ceuˬ-awˬ. Miˇ-oˇ, laˬ kʼaˬ cehˇ-awˇ guˇ-awˬ. Gawˬ jawˬ deuˬ kʼawꞈ yaw kʼaˆ-ehˇ caˇ-awˇ ja ceuˬ-awˬ. Aˬ yawꞈ-euˬ tsawˇ jeuˬ-ahˇ Sahˬpaˬ Miˬyehˇ nui saˇ bi oꞈ tehꞈ-a. Kʼehˬ-eu kʼaˆ-eu gaˇ ya daˬ-euˬ aˬ yawꞈ-euˬ tsawˇ haˬ-ahˇ, aˬ yawꞈ gʼawˬ shaˬ gaˬ nehˬ tehꞈ-a.

Panmaeq 18:20

Aˬ yawꞈ luˬ-iˇ seˇ-iˇ-euˬ gaˇ, Mˬ-oˇ laˬ kʼaˬ cehˇ-awˬ. Miˬyehˇ-euˬ tsawˇ haˬ deuˬ, Miˬyehˇ-euˬ gʼaˬ kʼehˇ deuˬ hawˇ-eu, bawˇ lawˇ peh deuˬ laˬ kʼaˬ cehˇ-awˬ. Naw maꞈ gʼaˇ duˬ meuˬ kʼoeˇ meuˬ-ahˇ, Miˬyehˇ yaˇ kʼaˬ daˇ nehˬ-euˬ meh.”

Panmaeq 10:6

Kʼoeˇ naˇ, mˬ maˬ maˬ byaˆ zaˇ ziˇ dehꞈ-eu gʼaˬ pyeuꞈ-eu, mˬ, miˇ, iˬ ma laˆ shaˆ hawˇ-eu kʼoeˇ deuˬ-euˬ laꞈ kʼoeˇ kʼaˇ dehꞈ kʼaˇ jawˇ-eu jeˬ dawˬ tawˆ luꞈ-ahˇ beh-euˬ Miˬyehˇ-euˬ tsawˇ myahˇ uˬ moˆ heu loꞈ-ehˇ kamˬ-eu meh. “Aˇ yamˬ maˬ paˇ jiˆ nya meh.

Panmaeq 11:10

Aˬ yawꞈ nyaꞈ shiˇ-euˬ baˬ da neh miˇ tsaˬ zaˬ deuˬ laˬ kʼaˬ cehˇ tehꞈ-a. Aˬ yawꞈ maꞈ bawˬ-iˬ gʼeh-awˇ, tiˬ gʼaˬ tiˇ gʼaˬ laꞈ sawˬ biꞈ ha tehꞈ-a. Aˬ jeˬ miˇ neh ehˇ naˇ, Miˬyehˇ gʼaˇ duˬ ngehˬ dah-eu kʼoeˇ nyiˬ gʼaˬ neh miˇ tsaˬ zaˬ deuˬ kʼoeˇ taˆ shaˬ dui zahˬ dui dui-eu jeˬ bi keuˆ le-euˬ meh.

Panmaeq 9:12

Guˆ dui dui laˇ paˬ-ehˇ gʼeh-eu yaw beh jeˬ dzeuˇ-iˇ-euˬ meh. Kʼoeˇ jiˇ naˇ, guˆ dui dui laˇ paˬ-ehˇ gʼeh-eu nyiˬ jeˬ keuˆ le-eu jaˆ-a siˬ.

Luˇkaꞈ 15:10

Kʼoeˇ gaˇ duˇ ni, iˬ baˇ zaˬ tiˬ gʼaˬ iˬ baˇ noeˬ poˆ-euˬ gaˇ, Miˬyehˇ-euˬ mˬ taˆ gʼaˬ kʼehˇ deuˬ laˬ kʼaˬ cehˇ-eu meh lehˇ, naw maꞈ-ahˇ ngaˇ ehˇ-eu ma.”

Panmaeq 11:14

Guˆ dui dui laˇ paˬ-ehˇ gʼeh-eu nyiˬ jeˬ tiˬ jeˬ dzeuˇ-iˇ-euˬ meh. Ehˇ kʼawꞈ, guˆ dui dui laˇ paˬ-ehˇ gʼeh-eu smˇ jeˬ tiˬ jeˬ keuˆ le-eu lehˇ lehˬ hmˬ taˬ-euˬ meh.

2 Beˬtuˆluˆ 3:8

Ehˇ kʼawꞈ, ngaˇ gaˬ dui dui-eu cawˬ deuˬ-oˇ, naw maꞈ maˬ ngehˇ kʼmˬ-eu gaˇ kawˆ tiˬ hmˬ heu loꞈ-ehˇ jaˆ meh. Sahˬpaˬ Miˬyehˇ-euˬ mehˬ shi, tiˬ nah hawˇ-eu tiˬ heˇ kʼoꞈ beu gaˇ duˬ maˬ jaˆ-a. Aˬ yawꞈ tiˬ kawˆ meh.

HeˬByehˇ 10:37

Aˬ jeˬ miˇ neh ehˇ naˇ, Jaˇliꞈ laꞈ kʼoeˇ heu loꞈ-ehˇ ehˇ taˬ-euˬ meh. “Aˇ yamˬ tiˬ kʼehˇ laˇ kʼehˬ dzeuˇ naˇ, oe-eu lehˇ gʼeh luꞈ-eu kʼoeˇ gʼaˬ, maˬ nyi naˬ ni oe keuˆ tehꞈ-a.

Luˇkaꞈ 2:14

“Mˬ taˆ yaw goˇ jawˇ-eu Miˬyehˇ, baoˬ yaw shehꞈ kʼahˬ sehˇ huiˬ luꞈ-uˇ. Miˇ tsaˬ tsawˇ haˬ zaˬ deuˬ laꞈ kʼoeˇ, aˬ yawꞈ nui kʼahˇ shiˇ-eu deuˬ-ahˇ, nui saˇ za-eu jeˬ oꞈ luꞈ-uˇ.”

Iˇsaˬyaˇ 44:23

Mˬ-oˇ, laˬ kʼaˬ cehˇ-awˇ guˇ-awˬ. Miˇ tsaˬ yaw naꞈ tsahˇ-oˇ, guˇ-awˬ. Gawˬ jawˬ deuˬ laˬ kʼaˬ cehˇ-awˇ yaw kʼaˆ-ehˇ guˇ-awˬ. Sahˬ kʼaˆ-ahˇ kʼaˇ dehꞈ-eu aˇ bawˇ yawˬ bawˇ na luꞈ guˇ-awˬ. Iˇsaˬleˬlaˆ tsawˇ jeuˬ-ahˇ Sahˬpaˬ Miˬyehˇ ka kʼoꞈ-eu laꞈ kʼoeˇ, aˬ yawꞈ huiˬ-eu mahˇ-eu gaˇ kawˆ bi mawˇ-euˬ meh.

Panmaeq 12:9

Aˇ hu ba-euˬ aˇ lawˇ kʼoeˇ mawˇ pyeuꞈ-eu, Nehꞈ sahˬ paˬ hawˇ-eu nehꞈ Saˬ daˬ lehˇ kuˇ-eu, miˇ tsaˬ zaˬ dawˬ tawˆ luꞈ-ahˇ sheuˬ bahˬ-euˬ byaˆ yahˬ yahˬ ma kʼoeˇ mawˇ miˇ tsaˬ kʼoeˇ taˆ bi biˬ ka leꞈ-awˇ, aˬ yawꞈ-euˬ mˬ taˆ gʼaˬ kʼehˇ dawˬ tawˆ luꞈ kʼawꞈ, aˬ yawꞈ nehˬ-ehˇ bi biˬ ka leꞈ-euˬ meh.

Panmaeq 13:6

Miˬyehˇ-ahˇ maˬ ehˇ, Miˬyehˇ-euˬ tsawˇ myahˇ-ahˇ maˬ ehˇ, Miˬyehˇ-euˬ jawˇ duˬ-ahˇ maˬ ehˇ, mˬ kʼoeˇ taˆ jawˇ-eu deuˬ dawˬ tawˆ luꞈ-ahˇ maˬ ehˇ, aˬ yawꞈ yaˬ kʼehˇ yaˬ-eu meh.