Panmaeq 1:5 - Akha

⁵ Saˇ jaˇ ziꞈ-eu tsawˇ haˬ pyeuꞈ-awˇ, shiˇ-euˬ laꞈ kʼoeˇ Miˬyehˇ neh bi gʼoꞈ dehꞈ beh beh laˇ-awˇ, miˇ kʼahˬ sahˬ paˬ sahˬ ma dawˬ tawˆ luꞈ koeˇ taˆ uˆ lahˇ-eu gʼaˬ pyeuꞈ-eu Yeˬsuˇ Ka li jawˇ gaˇ neh doˆ le-euˬ guiˬ lahˬ yaw dzahˇ hawˇ-eu nui saˇ oꞈ-eu jeˬ, naw maꞈ kʼoeˇ taˆ jaˆ luꞈ-uˇ. Aˬ yawꞈ aˬ dui-ahˇ gaˬ-awˇ gʼawˇ mawˇ shiˇ dah-eu laꞈ kʼoeˇ, iˬ baˇ laꞈ kʼoeˇ bi buˬ-iˇ laꞈ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Shir-euq tsawrhaq deuq-anr nae ghofdaef baebae lar-euq ghaq pyeuf-awr, mirtsaq-euq sanqpaq deuq-euq khoertav uvlanr-eu ghaq pyeuf-eu uqtaf, sarjax zif-eu lafkhoer sarkir kamq-eu Yeqsur Kali-euq guiqlanq yawdzanr hawr-eu nuisar of-eu jeq, nawmaf-euq khoertav jav luf-ur. Aqdui-anr gaq-awr aqyawf-euq shiq nae, aqdui-euq iqbax tsiqshawr naeqlaf-euq mae.

Panmaeq 1:5 Iomraidhean Croise

Jaceuq 51:2

Ngaˬ-euˬ laꞈ kʼoeˇ ahˇ-eu yaw haiˬ jeˬ dawˬ tawˆ luꞈ-ahˇ tsiˬ shawˇ nehˬ laꞈ-awˇ, iˬ baˇ laꞈ kʼoeˇ ngaˬ-ahˇ bi shawˇ-iˇ laꞈ-awˬ.

Jaceuq 72:11

Sahˬ paˬ dawˬ tawˆ luꞈ aˬ yawꞈ mehˬ shi ya awˆ byaˆ-awˇ, tsawˇ jeuˬ dawˬ tawˆ luꞈ aˬ yawꞈ zaˬ kʼaˆ ya geuꞈ tehꞈ-a.

Jaceuq 89:27

Aˬ yawꞈ-ahˇ ngaˬ-euˬ aˬ li aˬ yuiꞈ yuiꞈ saˬ gʼaˬ bi geuꞈ-awˇ, sahˬ paˬ dawˬ tawˆ kʼoeˇ taˆ huiˬ dzehˬ-eu gʼaˬ bi geuꞈ ma.

Dawqdaq 14:5

Saˇ jaˇ jawˇ-eu tsawˇ kaˬ jaˬ myawꞈ maˬ myawꞈ-a. Saˇ jaˇ maˬ jawˇ-eu tsawˇ kaˬ saꞈ gʼawˇ gaˇ jaˬ myawꞈ ahˇ-eu meh.

Iˇsaˬyaˇ 55:4

Miˇ kʼahˬ tsawˇ jeuˬ deuˬ-ahˇ sheuˬ gʼeh-eu baoˬ aˬ yawꞈ-ahˇ ngaˇ biꞈ-awˇ, aˬ yawꞈ-ahˇ gʼoe-awˇ tsawˇ jeuˬ kʼoeˇ deuˬ-ahˇ, ngaˬ-euˬ baoˬ ngaˇ bi mawˇ-euˬ ma.

Daˬyeˬlaˇ 2:2

Kʼoeˇ miˇ neh, ja maw mah loˬ nya-eu deuˬ hawˇ-eu, nyiˇ paˬ shaˆ ma deuˬ-ahˇ aˬ yawꞈ bi kuˇ laˬ-iˇ-awˇ, yuꞈ maˆ dawˬ tsuiꞈ bi yuˇ doˆ-euˬ meh. Tsawˇ haˬ kʼoeˇ deuˬ laˇ keuˆ-awˇ, sahˬ paˬ-euˬ mehˬ shi yawꞈ luꞈ-eu meh.

Daˬyeˬlaˇ 7:14

Miˇ tsaˬ tsawˇ jeuˬ tsawˇ ca dawˬ tawˆ luꞈ hawˇ-eu, miˇ kʼahˬ dawˬ tawˆ luꞈ aˬ yawꞈ-euˬ laꞈ oˆ bi jawˇ-eu gʼaˇ duˬ, uˆ lahˇ-eu baoˬ hawˇ-eu miˇ kʼahˬ dawˬ tawˆ luꞈ maˬ ehˇ, taˬ huiˬ taˬ mahˇ-eu jeˬ hawˇ-eu yaw shehꞈ kʼahˬ sehˇ dawˬ tawˆ luꞈ maˬ ehˇ, aˬ yawꞈ-ahˇ biꞈ-euˬ meh. Aˬ yawꞈ uˆ lahˇ-eu jeˬ mˬ maˬ maˬ byaˆ zaˇ ziˇ ziꞈ-awˇ, aˬ yawꞈ-euˬ miˇ kʼahˬ tiˬ jawˇ-iˬ maˬ cawˆ-iˇ-a.

Uˬ duˬ 13:58

Yaw sahˇ gʼaˬ saˬ paˇ kʼoeˇ lehˬ tsiˬ-awˇ, maˇ naˇ kʼoeˇ byoˆ tsehˆ naˇ, tiˬ poˆ paˇ lehˬ tsiˬ-awˇ, saˬ paˇ kʼoeˇ shawˇ-eu saˬ paˇ pyeuꞈ laˇ-eu meh,

Zaˬkaˬliˇ 13:1

Baoˬ huiˬ-eu Sahˬpaˬ Miˬyehˇ ehˇ-eu, “Aˇ nah aˇ yamˬ kʼoeˇ keuˆ laˇ ngeh, Daˬbiˇ-euˬ zaˬ deuˬ uˆ deuˬ hawˇ-eu Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-euˬ iˬ baˇ yaw jawꞈ yaw laꞈ tsiˬ shawˇ-eu gʼaˇ duˬ, iˇ cuꞈ lawˇ kʼawꞈ tiˬ gawˆ pah tehꞈ-a.

Maꞈtehˬ 20:28

Tsawˇhaˬ-euˬ Zaˬmaˇ kʼawꞈ, aˬ cawˬ neh bi mˇ cu-eu gʼaˇ duˬ oe-euˬ maˬ ngeuˇ-a. Aˬ cawˬ gʼaˇ duˬ mˇ le-euˬ uˬ taꞈ, tsawˇ haˬ gʼawˬ mya ni-ahˇ ka kʼoꞈ-eu gʼaˇ duˬ shiˇ dah le-eu lehˇ oe-euˬ meh.”

Maꞈtehˬ 28:18

Yeˬsuˇ aˬ yawꞈ maꞈ-euˬ dawˬ peh jiˆ le-awˇ, heu loꞈ-ehˇ ehˇ nehˬ-euˬ meh. “Mˬ hawˇ-eu miˇ tsaˬ kʼoeˇ taˆ kʼaˇ jaˆ-eu baoˬ dawˬ tawˆ luꞈ, ngaˬ-ahˇ biꞈ jiˇ laꞈ-euˬ meh.

Yoˇhaˬ 13:1

Baˬsaˬkaˬ Bawˬ-iˬ keuˆ le-eu mehˬ hu ngeh nah, aˬ yawꞈ miˇ tsaˬ heu-ahˇ gʼawˬ-iˇ-awˇ, Aˬda jawˇ gaˇ ya gʼoꞈ leˇ-eu aˇ yamˬ tsaˬ laˇ-euˬ gaˇ kawˆ Yeˬsuˇ siˬ nya-eu meh. Miˇtsaˬ kʼoeˇ taˆ jawˇ-eu aˬ yawꞈ-ahˇ jah-eu tsawˇ haˬ deuˬ-ahˇ aˬ yawꞈ gaˬ-awˇ, aˇ saˬ saˬ ngeh keuˆ ni gaˬ-euˬ meh.

Yoˇhaˬ 13:34

Nymˬ-mˇ ngaˇ naw maꞈ-ahˇ zahˇ dawˬ kʼoꞈ dawˬ yaw shuiꞈ biꞈ yaꞈ-eu ma. Tiˬ gʼaˬ tiˇ gʼaˬ gaˬ-awˬ. Ngaˇ naw maꞈ-ahˇ gaˬ gaˇ duˇ ni, naw maꞈ tiˬ gʼaˬ tiˇ gʼaˬ ya gaˬ meh.

Yoˇhaˬ 15:9

Aˬda ngaˬ-ahˇ gaˬ-eu loꞈ-ehˇ, naw maꞈ-ahˇ ngaˇ gaˬ-eu ma. Ngaˬ-euˬ gʼoeˇ-eu gaˬ-eu jeˬ laꞈ kʼoeˇ jawˇ-awˬ.

Yoˇhaˬ 18:37

Kʼoeˇ ngeh, sahˬ paˬ Piˇlaˆ aˬ yawꞈ-ahˇ naˇ haˬ-eu, “Nawˇ sahˬ paˬ ngeuˇ ma loˇ.” Yeˬsuˇ ehˇ-eu, “Ngaˇ sahˬ paˬ nga lehˇ ehˇ-euˬ-aˬ, naw maꞈ meh. Ngaˇ miˇ tsaˬ heu kʼoeˇ taˆ zaꞈ le-awˇ dehꞈ le-euˬ-aˬ, yaw tsaˬ yaw dawˇ jeˬ ngehˬ le tmˇ le-euˬ tehꞈ ma. Yaw tsaˬ yaw dawˇ jeˬ-ahˇ kʼaˇ taꞈ-eu tsawˇ haˬ-aˬ, ngaˬ-euˬ dawˬ naˇ haˬ geuꞈ-eu meh.”

Yoˇhaˬ 3:11

Ngaˇ nawˬ-ahˇ aˬ diˇ aˬ maˇ ngeuˇ-eu jeˬ ehˇ nehˬ luꞈ-eu ma. Nga maꞈ ya siˬ-euˬ jeˬ ja mehˬ-awˇ, nga maꞈ ya mawˇ-euˬ jeˬ dzawˇ mehˬ-eu kʼawꞈ, naw maꞈ tiˬ gʼaˬ-iˬ nga maꞈ neh ehˇ-euˬ jeˬ-ahˇ maˬ ha geuꞈ mawꞈ-a.

Yoˇhaˬ 3:16

Miˬyehˇ miˇ tsaˬ zaˬ-ahˇ gaˬ dui dui-eu miˇ neh, aˬ yawꞈ-euˬ Zaˬmaˇ tiˬ gʼaˬ tehꞈ kʼawꞈ biꞈ nehˬ leꞈ-euˬ meh. Zaˬmaˇ-ahˇ kʼaˇ jah-eu tsawˇ haˬ maˬ ya cawˆ-iˇ-eu uˬ taꞈ, mˬ maˬ maˬ byaˆ zaˇ ziˇ dehꞈ-eu jeˬ za-eu meh.

Yoˇhaˬ 3:32

Aˬ yawꞈ neh ya gaˬ ya mawˇ-euˬ jeˬ aˬ yawꞈ ja mehˬ-eu meh. Ehˇ kʼawꞈ, aˬ yawꞈ ehˇ gaˇ tiˬ gʼaˬ-iˬ maˬ jah-a.

Gʼaˬkʼehˇ 20:28

Kʼoeˇ miˇ neh, naw maꞈ-euˬ gʼawˇ mawˇ yaw muiˬ paˬ-ehˇ yahˇ-awˇ dehꞈ-eu uˬ taꞈ, Muiˬ-eu shawˇ-eu Yaw sahˇ Miˬyehˇ neh naw maꞈ-ahˇ a nehˬ-awˇ bi haw bi pyaˆ-euˬ yawˇ yawˇ maꞈ-ahˇ yaw muiˬ paˬ-ehˇ bo saˆ haw piˇ-awˬ. Miˬyehˇ neh aˬ yawꞈ-euˬ Zaˬmaˇ bi shiˇ dah-awˇ zeuˇ tsehˆ taˬ-euˬ aˬ yawꞈ-euˬ Ka li zaˬ aˇ muˇ-ahˇ yawˇ bo-eu loꞈ-ehˇ bo-awˬ.

Gʼaˬkʼehˇ 26:23

Ka li-aˬ, shiˇ-euˬ jeˬ-ahˇ ya daˬ-awˇ, gʼoꞈ dehꞈ beh beh laˇ-euˬ gʼaˬ pyeuꞈ-awˇ Yuˇ daˆ tsawˇ haˬ-ahˇ maˬ ehˇ, aˬ cawˬ tsawˇ jeuˬ deuˬ-ahˇ maˬ ehˇ, ka kʼoꞈ-eu yaw shehꞈ gaˇ kawˆ tahˇ kʼawˬ tehꞈ-a lehˇ ehˇ-eu gaˇ kawˆ kʼoeˇ hmˬ meh.”

Lormav 3:25

Aˬ yawꞈ shiˇ dah-euˬ baˬ da neh tsawˇ haˬ zaˬ deuˬ aˬ yawꞈ-ahˇ jah-eu laꞈ kʼoeˇ Miˬyehˇ iˬ baˇ pyehˬ nehˬ-eu jeˬ-ahˇ za nya ni, Miˬyehˇ neh aˬ yawꞈ-ahˇ tsawˇ haˬ zaˬ deuˬ gʼaˇ duˬ biꞈ leꞈ-euˬ meh. Kʼoeˇ-aˬ, Miˬyehˇ-euˬ yaw tsaˬ yaw dawˇ jeˬ bi mawˇ ni mˇ-euˬ jeˬ pyeuꞈ-eu meh. Dzeuˇ laˇ ngeh aˬ yawꞈ nui ma gʼawˬ mahˇ ni taˬ-awˇ, tsawˇ haˬ zaˬ-euˬ iˬ baˇ-ahˇ haw dzeuˇ nehˬ-euˬ meh.

Lormav 8:37

Maˬ ngeuˇ. Aˬ dui-ahˇ gaˬ-eu gʼaˬ baˬ da neh kʼoeˇ deuˬ dawˬ tawˆ luꞈ-ahˇ aˬ dui yaw muiˬ paˬ-ehˇ gʼaˬ leˇ-euˬ ma.

1 Gawˇliˬtu 6:11

Naw maꞈ laꞈ kʼoeˇ tiˬ paˆ na deuˬ kʼoeˇ loꞈ-ehˇ dehꞈ dzeuˇ yaꞈ-euˬ meh. Ehˇ kʼawꞈ, naw maꞈ-ahˇ iˬ baˇ tsiˬ shawˇ nehˬ gʼaˬ-euˬ meh. Naw maꞈ-ahˇ Miˬyehˇ-euˬ aˬ laꞈ laꞈ kʼoeˇ a nehˬ gʼaˬ-euˬ meh. Naw maꞈ Miˬyehˇ-ahˇ tsaˬ leˇ tsahˇ leˇ ni, Sahˬpaˬ Yeˬsuˇ ka li hawˇ-eu Miˬyehˇ-euˬ Yaw sahˇ neh mˇ gʼaˬ-euˬ meh.

Gaˬlaˬtiˆ 2:20

Kʼoeˇ miˇ neh, ngaˇ dehꞈ luꞈ-eu heu-aˬ, ngaˇ maˬ paˇ ngeuˇ ma. Ka li ngaˬ-euˬ laꞈ kʼoeˇ dehꞈ luꞈ-eu jeˬ pyeuꞈ-eu ma. Nymˬ-mˇ ngaˇ yaw dehꞈ dehꞈ luꞈ-eu heu-aˬ, ngaˬ-ahˇ gaˬ-awˇ ngaˬ-euˬ gʼaˇ duˬ gʼawˇ mawˇ damˬ nehˬ le-euˬ Miˬyehˇ-euˬ Zaˬmaˇ-ahˇ jah-eu jeˬ laꞈ kʼoeˇ dehꞈ luꞈ-eu ma.

Eˇpeˇsu 2:4

Ehˇ kʼawꞈ, Miˬyehˇ gʼawˬ shaˬ gaˬ-eu jeˬ myaˬ dui dui-awˇ, aˬ yawꞈ-euˬ gʼoeˇ-eu gaˬ-eu jeˬ huiˬ dui dui-eu meh.

Eˇpeˇsu 5:2

Ka li aˬ dui-ahˇ gaˬ-eu miˇ neh, Miˬyehˇ nui kʼahˇ shiˇ-eu saw dui dui-eu lawˇ-eu jeˬ loꞈ-ehˇ aˬ yawꞈ-euˬ gʼawˇ mawˇ aˬ dui gʼaˇ duˬ lawˇ nehˬ-euˬ gaˇ duˇ ni, gʼoeˇ-eu gaˬ-eu jeˬ laꞈ kʼoeˇ dehꞈ gʼeh-awˬ.

Dawˬmehˬ 18:2

Iˇsaˬleˬlaˆ tsawˇ jeuˬ nui deuˬ loꞈ-ehˇ, Leˬbiˇ tsawˇ haˬ tiˬ gʼaˬ-iˬ yawˬ ha-euˬ miˇ tsaˬ pehˇ tsahˇ maˬ ya bi baw-a. Sahˬpaˬ Miˬyehˇ neh aˬ yawꞈ maꞈ-ahˇ saˇ jaˇ dzaˬ taˬ-euˬ loꞈ-ehˇ, Sahˬpaˬ Miˬyehˇ-euˬ piˇ ma deuˬ ya geuꞈ-eu kʼoeˇ-aˬ, aˬ yawꞈ maꞈ-euˬ jeˬ biˇ meh.

Dawˬmehˬ 23:5

Ehˇ kʼawꞈ, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ nawˬ-ahˇ gaˬ-eu miˇ neh, Baˬlamˬ-euˬ ehˇ dawˬ-ahˇ maˬ naˇ haˬ ni, yaˬ kʼehˇ yaˬ-euˬ jeˬ-ahˇ guiˬ lahˬ bi pyeuꞈ laˇ-euˬ meh.

Dawˬmehˬ 7:8

Sahˬpaˬ Miˬyehˇ naw maꞈ-ahˇ gaˬ-awˇ, naw maꞈ-euˬ aˬ poeˬ aˬ bawˇ deuˬ nehˬ-ehˇ dzaˬ taˬ-euˬ saˇ jaˇ-ahˇ ziꞈ luꞈ-eu meh. Teu baˬ da neh, aˬ yawꞈ-euˬ huiˬ-eu baoˬ-ahˇ gʼoe-eu laꞈ kʼoeˇ, naw maꞈ-ahˇ aˬ yawꞈ ka kʼoꞈ-awˇ, Iˇjiˇtuˆ sahˬ paˬ-euˬ zaˬ kʼaˆ ya geuꞈ-eu laꞈ kʼoeˇ naw maꞈ-ahˇ bi buˬ-iˇ laꞈ-euˬ meh.

Gawˇlawˇsehˇ 1:18

Aˬ yawꞈ-aˬ, aˬ yawꞈ-euˬ gʼawˇ mawˇ pyeuꞈ-eu Ka li zaˬ aˇ muˇ-euˬ uˬ duˬ pyeuꞈ-awˇ, gʼawˇ mawˇ kʼoeˇ-ahˇ yaw dehꞈ bi dehꞈ-eu gʼaˬ pyeuꞈ-eu meh. Kʼaˇ jawˇ kʼaˇ jaˆ-eu jeˬ dawˬ tawˆ luꞈ kʼoeˇ taˆ aˬ yawꞈ huiˬ dzehˬ mahˇ dzeh ni, shiˇ-euˬ gaˇ gʼoꞈ dehꞈ laˇ-euˬ dehꞈ beh beh le-euˬ gʼaˬ pyeuꞈ-eu meh.

1 Tiˆmoˇseˬ 6:13

Yawˬ jeˬ na luꞈ-ahˇ dehꞈ-eu saꞈ laˇ biꞈ-euˬ gʼaˬ pyeuꞈ-eu Miˬyehˇ mehˬ shi hawˇ-eu, sahˬ paˬ Boˬtiˆ Piˇlaˆ-ahˇ jah-eu jeˬ ziꞈ dah ni mehˬ nehˬ-euˬ gʼaˬ pyeuꞈ-eu Yeˬsuˇ Ka li mehˬ shi, ngaˇ nawˬ-ahˇ dawˬ heu loꞈ-ehˇ biꞈ-eu ma.

1 Tiˆmoˇseˬ 6:15

Dawˬ tawˆ luꞈ kʼoeˇ taˆ tiˬ gʼaˬ tehꞈ-ehˇ uˆ lahˇ luꞈ-eu guiˬ lahˬ huiˬ-eu Uˆ lahˇ-eu gʼaˬ pyeuꞈ-awˇ, sahˬ paˬ kʼoeˇ taˆ Sahˬpaˬ, sahˬ ma kʼoeˇ taˆ Sahˬma pyeuꞈ-eu Miˬyehˇ-aˬ, aˬ yawꞈ-ahˇ aˇ yamˬ tsaˬ ngeh bi oe tehꞈ-a.

HeˬByehˇ 10:29

Toˆ-ehˇ ngeuˇ naˇ, Miˬyehˇ-euˬ Zaˬ maˇ-ahˇ nawˬ tehˬ taˬ-awˇ, yawˬ ha-euˬ iˬ baˇ-ahˇ shawˇ nehˬ-euˬ Miˬyehˇ-euˬ dawˬ ma saˇ jaˇ shiˬ-ahˇ poeˬ sawˇ lawˬ maˬ baw-eu loꞈ-ehˇ sawˇ-awˇ, Miˬyehˇ gʼawˬ shaˬ gaˬ-eu guiˬ lahˬ yaw dzahˇ mehˬ nehˬ laꞈ-euˬ Yaw sahˇ Miˬyehˇ-ahˇ yehˬ bawˬ sehˇ lu-ehˇ ehˇ-eu tsawˇ haˬ-aˬ, aˇ naˆ ni doeˇ dzehˬ-eu kʼehˬ-eu kʼaˆ-eu jeˬ-ahˇ ya daˬ nmˇ lehˇ shaˇ noeˬ haw-awˬ.

HeˬByehˇ 9:14

Kʼoeˇ loꞈ-ehˇ jahˇ-eu baˬ da neh shawˇ laˇ nya naˇ, Ka li-euˬ shiˬ baˬ da neh aˇ naˆ ni paˇ shawˇ dzehˬ laˇ nmˇ. Mˬ maˬ maˬ byaˆ zaˇ ziˇ dehꞈ-eu Yaw sahˇ Miˬyehˇ-ahˇ gʼoe-eu laꞈ kʼoeˇ, byah dui dui-eu lawˇ-eu jeˬ loꞈ-ehˇ aˬ yawꞈ-euˬ gʼawˇ mawˇ Miˬyehˇ-ahˇ damˬ nehˬ-euˬ meh. Dehꞈ luꞈ-eu Miˬyehˇ-euˬ nui kʼahˇ aˬ dui mˇ nya ni, gaˇ dahˇ maˬ tsoeˬ-eu zahˇ sahˇ kʼoꞈ kʼoeˇ deuˬ neh maˬ shawˇ nehˬ laꞈ nya-euˬ aˬ dui-euˬ nui ma-ahˇ aˬ yawꞈ shawˇ nehˬ laꞈ tehꞈ-a.

1 Beˬtuˆluˆ 1:19

Maˇ byawꞈ maˇ naˇ tiˬ pawꞈ-iˬ maˬ baw-eu yawˇ zaˬ-ahˇ duˇ-eu Ka li aˬ yawꞈ-euˬ shiˬ lawˇ dah-euˬ miˇ neh, aˇ poeˬ kʼaˆ dui dui-eu jeˬ neh naw maꞈ-ahˇ zeuˇ kʼoꞈ taˬ-euˬ jeˬ pyeuꞈ-eu meh.

1 Yoˇhaˬ 1:7

Ehˇ kʼawꞈ, aˬ yawꞈ yaw shehꞈ laꞈ kʼoeˇ jawˇ-eu loꞈ-ehˇ, aˬ dui kʼawꞈ yaw shehꞈ laꞈ kʼoeˇ jawˇ naˇ, aˬ dui tiˬ gʼaˬ tiˇ gʼaˬ cawˬ cawˬ taꞈ-awˇ, Zaˬmaˇ Yeˬsuˇ-euˬ shiˬ aˬ dui-euˬ iˬ baˇ dawˬ tawˆ luꞈ-ahˇ tsiˬ shawˇ nehˬ laꞈ tehꞈ-a.

1 Yoˇhaˬ 4:10

Gʼoeˇ-eu gaˬ-eu jeˬ-aˬ, heu loꞈ-ehˇ meh. Aˬ dui Miˬyehˇ-ahˇ gaˬ-euˬ maˬ ngeuˇ. Aˬ yawꞈ aˬ dui-ahˇ gaˬ-awˇ, aˬ dui-euˬ iˬ baˇ bi pi dzeh le-eu gʼaˇ duˬ aˬ yawꞈ-euˬ Zaˬmaˇ-ahˇ kʼehˇ gʼeh leꞈ-euˬ meh.

Panmaeq 11:15

Kʼoeˇ naˇ, mˬ taˆ gʼaˬ kʼehˇ shiꞈ gʼaˬ tiˬ gʼaˬ daˇ heh baw ngeh, mˬ kʼoeˇ taˆ teˇ saˇ yaw kʼaˆ-ehˇ lawꞈ gʼa laˇ-awˇ ehˇ-eu, “Miˇ tsaˬ heu kʼoeˇ taˆ uˆ lahˇ-eu baoˬ, nymˬ-mˇ aˬ dui-euˬ Sahˬpaˬ Miˬyehˇ hawˇ-eu aˬ yawꞈ-euˬ Ka li-ahˇ oꞈ-awˇ, mˬ maˬ maˬ byaˆ zaˇ ziˇ aˬ yawꞈ uˆ lahˇ tehꞈ-a.”

Panmaeq 11:3

Guˬ daˇ pehˇ zeuˇ dm luꞈ-eu saˇ kiˇ kamˬ-eu ngaˬ-euˬ tsawˇ haˬ nyiˬ gʼaˬ-ahˇ ngaˇ pyehˬ gʼeh-awˇ, aˇ nah aˇ yamˬ kʼoeˇ tiˬ heˇ nyiˬ yaˇ koꞈ tseˇ nah laꞈ kʼoeˇ, aˬ yawꞈ nyaꞈ Miˬyehˇ dawˬ kawˬ mehˬ tehꞈ-a.”

Panmaeq 17:14

Aˬ yawꞈ maꞈ Yawˇzaˬ-ahˇ guiˇ deuˆ tehꞈ-a. Ehˇ kʼawꞈ, Yawˇzaˬ-aˬ, aˬ yawꞈ neh tseˇ doˆ-awˇ kuˇ-euˬ, saˇ jaˇ ziꞈ-eu laꞈ kʼoeˇ aˬ yawꞈ-euˬ mehˬ nah caw teh-eu tsawˇ haˬ deuˬ nehˬ-ehˇ tiˬ paw pyawˬ-awˇ, aˬ yawꞈ maꞈ-ahˇ deuˆ gʼaˬ tehꞈ-a. Aˬ jeˬ miˇ neh ehˇ naˇ, aˬ yawꞈ-aˬ, sahˬ paˬ kʼoeˇ taˆ Sahˬpaˬ pyeuꞈ-eu meh.”

Panmaeq 19:11

Kʼoeˇ naˇ, mˬ pah le-awˇ, mahˬ mahˬ pyuˇ tiˬ mawˇ jawˇ gaˇ ngaˇ ya mawˇ-euˬ ma. Mahˬ dziˬ-eu gʼaˬ-ahˇ Saˇ jaˇ ziꞈ-eu Tsaˬ-eu dawˇ-eu gʼaˬ lehˇ kuˇ-eu meh. Aˬ yawꞈ-aˬ, yaw tsaˬ yaw dawˇ laꞈ kʼoeˇ yaˇ kʼaˬ daˇ-awˇ guiˇ deuˆ-eu gʼaˬ meh.

Panmaeq 19:16

Aˬ yawꞈ-euˬ pehˇ kʼahˬ pehˇ mahˇ hawˇ-eu shaˬ pyaˬ-ahˇ, “Sahˬ paˬ kʼoeˇ taˆ Sahˬpaˬ” lehˇ boꞈ taˬ-euˬ meh.

Panmaeq 2:13

Nawˇ aˬ gaˇ jawˇ-eu ngaˇ siˬ nya ma. Nehꞈ Saˬdaˬ-euˬ dzoeˬ dzaˬ nuiˇ mahˬ jaˆ gaˇ nawˇ jawˇ-eu meh. Nawˇ ngaˬ-ahˇ saˇ jaˇ ziꞈ-eu meh. Saˇ jaˇ ziꞈ-eu ngaˬ-euˬ gaˇ kawˆ saˇ kiˇ kamˬ-eu gʼaˬ pyeuꞈ-eu Aˬdiˇpaˆ-ahˇ nehꞈ Saˬdaˬ jawˇ gaˇ sehꞈ ngeh kʼawꞈ, ngaˬ-ahˇ jah-eu jeˬ-ahˇ nawˇ maˬ byehˇ dzeh-aˬ.

Panmaeq 3:14

“Lawˬdiˬciˆ Ka li zaˬ aˇ muˇ-euˬ mˬ taˆ gʼaˬ kʼehˇ-ahˇ heu loꞈ-ehˇ boꞈ nehˬ-awˬ. “Heu-aˬ, saˇ jaˇ ziꞈ-eu laꞈ kʼoeˇ dawˇ coe ni saˇ kiˇ kamˬ-eu gʼaˬ pyeuꞈ-awˇ, Miˬyehˇ neh kʼaˇ beh taˬ-eu jeˬ dawˬ tawˆ luꞈ kʼoeˇ taˆ uˆ lahˇ-eu, Aˬmiˬ lehˇ kuˇ-eu gʼaˬ-euˬ dawˬ meh.

Panmaeq 7:14

“Ngaˇ maˬ siˬ nya nya. Nawˇ siˬ nya meh” lehˇ ngaˇ ehˇ kʼoꞈ nehˬ-euˬ ma. Aˬ yawꞈ ngaˬ-ahˇ ehˇ-eu, “Tsawˇ haˬ heu deuˬ-aˬ, guˆ dui dui laˇ paˬ-ehˇ gʼeh-eu kʼehˬ-eu kʼaˆ-eu jeˬ-ahˇ daˬ dzeuˇ laꞈ-euˬ tsawˇ haˬ deuˬ meh. Aˬ yawꞈ maꞈ-euˬ pehˇ kʼahˬ pehˇ mahˇ-ahˇ Yawˇ zaˬ-euˬ shiˬ neh pyuˇ deuˬ ni tsiˬ shawˇ taˬ-euˬ meh.