Neˬhaˬmiˇ 9:7 - Akha

⁷ Aˬbyaˬ-ahˇ tseˇ doˆ-euˬ Miˬyehˇ, Sahˬpaˬ Miˬyehˇ nawˇ gʼaˬ pyeuꞈ-awˇ, Baˬbuˇloˬ miˇ kʼahˬ Uˇlaˆ meuˬ-ahˇ neh, aˬ yawꞈ-ahˇ nawˇ sheuˬ doˆ laꞈ-awˇ, aˬ yawꞈ tsawˇ myahˇ Aˬbyaˬhaˬ lehˇ, nawˇ myahˇ paˇ nehˬ-euˬ meh.

Neˬhaˬmiˇ 9:7 Iomraidhean Croise

Aˇ dahˬ 11:31

Teˬlah-aˬ, aˬ yawꞈ-euˬ aˬ li Aˬbyaˬ, Haˬlaˬ-euˬ aˬ li aˬ yawꞈ-euˬ oeˬ paˬ Lawˇtaˬ, Aˬbyaˬ-euˬ miˬ zaˬ pyeuꞈ-eu aˬ yawꞈ-euˬ kuiˬ ma Saˬlehˇ aˬ ha maꞈ-ahˇ sheuˬ-awˇ, Baˬbuˇloˬ miˇ kʼahˬ Uˇlaˆ meuˬ-ahˇ neh doˆ le-awˇ, Kaˬnaˬ miˇ kʼahˬ-ahˇ jawˇ-iˇ-euˬ meh. Haˬlaˬ meuˬ-ahˇ keuˆ ni aˬ yawꞈ maꞈ iˇ gʼeh-awˇ, kʼoeˇ gaˇ jawˇ duˬ dah-euˬ meh.

Aˇ dahˬ 15:7

“Ngaˇ-aˬ, miˇ kʼahˬ heu kʼahˬ nawˬ-ahˇ biꞈ-eu gʼaˇ duˬ, Baˬbuˇloˬ miˇ kʼahˬ Uˇlaˆ meuˬ-ahˇ neh nawˬ-ahˇ sheuˬ doˆ laꞈ-euˬ Sahˬpaˬ Miˬyehˇ ma” lehˇ, Aˬbyaˬ-ahˇ Sahˬpaˬ Miˬyehˇ ehˇ nehˬ-euˬ meh.

Aˇ dahˬ 17:5

Nawˬ-euˬ tsawˇ myahˇ-aˬ, Aˬbyaˬ lehˇ maˬ paˇ ngeuˇ-ehˇ, Aˬbyaˬhaˬ lehˇ nawˬ-ahˇ ya kuˇ meh. Aˬ jeˬ miˇ neh ehˇ naˇ, ngaˇ nawˬ-ahˇ tsawˇ jeuˬ gʼawˬ mya jeuˬ-euˬ aˬ da yaw dzahˇ bi pyeuꞈ laˇ ma.

Aˇ dahˬ 18:19

Aˬ yawꞈ-euˬ aˬ li deuˬ-ahˇ maˬ ehˇ, aˬ yawꞈ-euˬ zaˬ deuˬ uˆ deuˬ-ahˇ maˬ ehˇ, yaw tsaˬ yaw dawˇ jeˬ mˇ ni bi mehˬ nehˬ-eu gʼaˇ duˬ, ngaˇ aˬ yawꞈ-ahˇ tseˇ doˆ-eu ma. Aˬ yawꞈ maꞈ kʼoeˇ loꞈ-ehˇ mˇ naˇ, aˬ yawꞈ nehˬ-ehˇ ngaˇ saˇ jaˇ kʼaˇ dzaˬ taˬ-euˬ jeˬ dawˬ tawˆ luꞈ mˇ byah nehˬ ma.”

1 Laˬsaˬbaˬ 1:27

Aˬbyaˬ. (Aˬbyaˬ-ahˇ Aˬbyaˬhaˬ lehˇ kʼawꞈ kuˇ-eu meh.)

Iˇsaˬyaˇ 51:2

Naw maꞈ-euˬ aˬ da yaw dzahˇ Aˬbyaˬhaˬ-ahˇ shaˇ noeˬ-awˬ. Aˬ ma ma dzahˇ Saˬlaˇ-ahˇ noeˬ keuˆ-awˬ. Aˬbyaˬhaˬ-ahˇ ngaˇ kuˇ doˆ ngeh zaˬ maˬ jawˇ kʼawꞈ, ngaˇ guiˬ lahˬ biꞈ-awˇ zaˬ oeˬ sahˇ le ngeh, aˬ yawꞈ-euˬ zaˬ deuˬ uˆ deuˬ maˬ gui jiˇ coeˇ-a.

Dawˬmehˬ 10:15

Ehˇ kʼawꞈ, naw maꞈ-euˬ aˬ poeˬ aˬ bawˇ deuˬ-ahˇ Sahˬpaˬ Miˬyehˇ gaˬ dui dui-eu miˇ neh, tsawˇ jeuˬ heu myaˆ ni gʼeh-eu laꞈ kʼoeˇ, naw maꞈ-ahˇ aˬ yawꞈ tseˇ doˆ-euˬ meh. Naw maꞈ-aˬ, iˬ nah keuˆ ni aˬ yawꞈ neh tseˇ doˆ-euˬ tsawˇ haˬ pyeuꞈ luꞈ-eu meh.