Neˬhaˬmiˇ 9:5 - Akha

⁵ Kʼoeˇ naˇ, Leˬbiˇ tsawˇ haˬ deuˬ pyeuꞈ-eu Yeˬshah, Kaˬdaˬmeˬlaˇ, Baˬniˬ, Haˬshaˬbaˬniˇ, Sheˬleˬbiˇ, Hawˇdiˇyaˆ, Sheˬbaˬniˇ, Peˬdaˬhiˇ aˬ ha maꞈ heu loꞈ-ehˇ ehˇ-eu meh. “Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ tuˇ-awˇ ja ceuˬ-awˬ. Mˬ maˬ maˬ byaˆ zaˇ ziˇ aˬ yawꞈ-ahˇ ja ceuˬ-awˬ. Tsawˇ haˬ zaˬ neh maˬ ja ceuˬ jiˇ coeˇ kʼawꞈ, Baoˬ kʼahˬ sehˇ huiˬ-eu aˬ yawꞈ-euˬ tsawˇ myahˇ-ahˇ, yawˬ gʼaˬ na luꞈ ja ceuˬ-awˬ.”

Neˬhaˬmiˇ 9:5 Iomraidhean Croise

1 Sahˬpaˬ 8:14

Kʼoeˇ gaˇ yawꞈ luꞈ-eu Iˇsaˬleˬlaˆ tsawˇ haˬ deuˬ jawˇ paw sahˬ paˬ Sawˇlaˬmoˬ ciˬ pyawˇ-awˇ, Miˬyehˇ guiˬ lahˬ aˬ yawꞈ maꞈ kʼoeˇ taˆ bi keuˆ le-eu gʼaˇ duˬ, aˬ yawꞈ maꞈ-ahˇ dawˬ ngehˬ gʼeh nehˬ-euˬ meh.

1 Sahˬpaˬ 8:15

Aˬ yawꞈ ehˇ-eu, “Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ja ceuˬ-awˬ. Ngaˬ da Daˬbiˇ nehˬ-ehˇ saˇ jaˇ dzaˬ taˬ-euˬ dawˬ-ahˇ aˬ yawꞈ ziꞈ-eu meh. Daˬbiˇ-ahˇ aˬ yawꞈ neh heu loꞈ-ehˇ ehˇ taˬ-euˬ jaˆ-eu meh.

1 Sahˬpaˬ 8:22

Kʼoeˇ naˇ, Iˇsaˬleˬlaˆ tsawˇ haˬ deuˬ-euˬ mehˬ shi, lawˇ duˬ dawˬ peh Sawˇlaˬmoˬ yawꞈ leˇ-awˇ, aˬ laꞈ baꞈ diˇ-awˇ,

1 Sahˬpaˬ 8:27

“Ehˇ kʼawꞈ, Miˬyehˇ-oˇ, miˇ tsaˬ kʼoeˇ taˆ nawˇ aˬ diˇ jawˇ nya ma loˇ. Mˬ siˬ lah-ehˇ nawˇ jawˇ kʼaˇ maˬ deˇ-eu-aˬ, ngaˬ neh tsoˆ taˬ-euˬ Uˬ duˬ tahˬ nymˇ nymˇ ma heu nymˇ laꞈ kʼoeˇ aˬ joˆ-ehˇ jawˇ kʼaˇ deˇ nmˇ.

1 Laˬsaˬbaˬ 16:36

Iˇsaˬleˬlaˆ Miˬyehˇ pyeuꞈ-eu Sahˬpaˬ Miˬyehˇ-ahˇ ja ceuˬ yawˬ. Mˬ maˬ maˬ byaˆ zaˇ ziˇ jiˇ ni yawꞈ-ahˇ maˬ byehˇ ni ja ceuˬ yawˬ. Kʼoeˇ naˇ, tsawˇ haˬ dawˬ tawˆ luꞈ “Aˬmiˬ” lehˇ ehˇ-awˇ, Sahˬpaˬ Miˬyehˇ-ahˇ ja ceuˬ-euˬ meh.

1 Laˬsaˬbaˬ 29:11

Baoˬ maˬ ehˇ, yaw shehꞈ kʼahˬ sehˇ maˬ ehˇ, huiˬ dui mahˇ dui dui-eu jeˬ maˬ ehˇ, gʼaˬ leˇ-eu jeˬ maˬ ehˇ, zahˬ dui dui leˇ paˬ-ehˇ gʼeh-eu jeˬ maˬ ehˇ, dawˬ tawˆ luꞈ nawˬ-euˬ laꞈ kʼoeˇ byah luꞈ meh. Mˬ hawˇ-eu miˇ kʼoeˇ taˆ kʼaˇ jaˆ-eu yawˬ jeˬ na luꞈ nawˬ-euˬ pyeuꞈ-awˇ, dawˬ tawˆ kʼoeˇ taˆ uˆ lahˇ-eu huiˬ dzehˬ-eu sahˬ paˬ nawˇ meh.

1 Laˬsaˬbaˬ 29:13

Nga maꞈ-eu Miˬyehˇ-oˇ, guiˬ lahˬ huiˬ dui dui miˇ-a. Yaw shehꞈ kʼahˬ sehˇ huiˬ dui dui-eu nawˬ-euˬ tsawˇ myahˇ-ahˇ nga maꞈ ja ceuˬ-eu ma.

1 Laˬsaˬbaˬ 29:20

Kʼoeˇ naˇ, “Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ja ceuˬ-awˬ” lehˇ, tsawˇ haˬ aˇ maꞈ-ahˇ Daˬbiˇ ehˇ nehˬ-euˬ meh. Tsawˇ haˬ aˇ maꞈ dawˬ tawˆ luꞈ, aˬ yawꞈ maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ja ceuˬ-euˬ meh. Kʼoeˇ naˇ, aˬ yawꞈ maꞈ awˆ byaˆ-awˇ, Sahˬpaˬ Miˬyehˇ hawˇ-eu aˬ yawꞈ-euˬ sahˬ paˬ-ahˇ yaw zeu baw nehˬ-euˬ meh.

2 Laˬsaˬbaˬ 20:13

Yuˇdaˆ tsawˇ haˬ dawˬ tawˆ luꞈ, aˬ yawꞈ maꞈ-euˬ miˬ sawˇ zaˬ deuˬ nehˬ-ehˇ Uˬ duˬ tahˬ nymˇ nymˇ ma mehˬ shi yawꞈ luꞈ-eu meh.

2 Laˬsaˬbaˬ 20:19

Leˬbiˇ tsawˇ jeuˬ pyeuꞈ-eu Kawˇhaˆ aˇ jeuˬ hawˇ-eu Kawˇlaˆ aˇ jeuˬ deuˬ tuˇ laˇ-awˇ, Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ yaw kʼaˆ-ehˇ guˇ-awˇ ja ceuˬ-euˬ meh.

Eˇzaˬlaˬ 3:11

Aˬ yawꞈ maꞈ ja ceuˬ-eu caˇ dawˬ caˇ ngeh, “Sahˬpaˬ Miˬyehˇ muiˬ dui dui meh. Iˇsaˬleˬlaˆ-ahˇ gaˬ-eu jeˬ, mˬ maˬ maˬ byaˆ zaˇ ziˇ ziꞈ meh” lehˇ ehˇ-eu kʼoeˇ tsahˇ-ahˇ caˇ poˆ caˇ poˆ-ehˇ caˇ-euˬ meh. Uˬ duˬ tahˬ nymˇ nymˇ ma-euˬ dawˬ pehˬ gawˬ dahˬ beh-eu dawꞈ leˇ-euˬ miˇ neh, yawˬ gʼaˬ na luꞈ gʼaˬ kʼaˇ jaˆ-eu shaˇ shaˇ-ehˇ guˇ-eu laꞈ kʼoeˇ Sahˬpaˬ Miˬyehˇ-ahˇ ja ceuˬ-euˬ meh.

Neˬhaˬmiˇ 9:4

Leˬbiˇ tsawˇ haˬ deuˬ gʼaˇ duˬ guiˇ ga tiˬ ga tsoˆ taˬ-awˇ, Leˬbiˇ tsawˇ haˬ deuˬ pyeuꞈ-eu Yeˬshah, Kaˬdaˬmeˬlaˇ, Sheˬbaˬniˇ, Baˬniˬ, Sheˬleˬbiˇ, Baˬniˬ, Sheˬnaˬniˇ aˬ ha maꞈ, kʼoeˇ-euˬ kʼoeˇ taˆ yawꞈ-awˇ, aˬ yawꞈ maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ yaw kʼaˆ-ehˇ guˇ-awˇ guiˬ lahˬ shaˇ-euˬ meh.

Neˬhaˬmiˇ 9:6

Kʼoeˇ naˇ, Iˇsaˬleˬlaˆ tsawˇ haˬ deuˬ heu loꞈ-ehˇ guiˬ lahˬ shaˇ-euˬ meh. “Sahˬpaˬ Miˬyehˇ-oˇ, nawˇ tiˬ gʼaˬ tehꞈ-ehˇ Sahˬpaˬ Miˬyehˇ pyeuꞈ-eu meh. Mˬ hawˇ-eu mˬ taˆ tsehˬ-eu aˬ guiˇ deuˬ, nawˬ neh beh taˬ-euˬ meh. Mˬ hawˇ-eu miˇ kʼoeˇ taˆ kʼaˇ jawˇ-eu jeˬ maˬ ehˇ, laˆ shaˆ hawˇ-eu kʼoeˇ gaˇ uˇ-eu boeˬ boeˬ luˆ luˆ maˬ ehˇ, dawˬ tawˆ luꞈ-ahˇ nawˇ beh taˬ-awˇ, dehꞈ-eu saꞈ laˇ nawˇ biꞈ-euˬ meh. Mˬ kʼoeˇ taˆ kʼaˇ jaˆ-eu baoˬ dawˬ tawˆ luꞈ nawˬ-ahˇ uˬ duˬ tahˬ-eu meh.

Yawˇbaˆ 1:21

Aˬ yawꞈ ehˇ-eu, “Ngaˇ ngaˬ ma-euˬ uˬ maˆ laꞈ kʼoeˇ dehꞈ doˆ le ngeh tiˬ jeˬ-iˬ maˬ yuˇ leꞈ-euˬ loꞈ-ehˇ, shiˇ ngeh kʼawꞈ tiˬ jeˬ-iˬ maˬ paˇ yuˇ gʼeh ma. Sahˬpaˬ Miˬyehˇ-aˬ, biꞈ-eu gʼaˬ pyeuꞈ-eu loꞈ-ehˇ, yuˇ kʼoꞈ-eu gʼaˬ kʼawꞈ pyeuꞈ luꞈ-uˇ. Aˬ yawꞈ-euˬ tsawˇ myahˇ-ahˇ ja ceuˬ-eu jeˬ oꞈ luꞈ-uˇ.”

Jaceuq 106:2

Aˬ yawꞈ neh mˇ-euˬ huiˬ dui dui-eu gaˇ deuˬ-ahˇ aˬ suˇ gʼaˬ ja jiˇ coeˇ ta. Aˬ suˇ gʼaˬ aˬ yawꞈ-ahˇ ja ceuˬ jiˇ coeˇ ta.

Jaceuq 134:1

Sahˬpaˬ Miˬyehˇ-euˬ zaˬ kʼaˆ dawˬ tawˆ luꞈ, aˬ yawꞈ-ahˇ ja ceuˬ laˇ-awˬ. Uˬ ciꞈ paw aˬ yawꞈ-euˬ Uˬ duˬ tahˬ nymˇ nymˇ ma laꞈ kʼoeˇ gaˇ kʼaˇ mˇ-eu deuˬ dawˬ tawˆ luꞈ, aˬ yawꞈ-ahˇ ja ceuˬ laˇ-awˬ.

Jaceuq 145:2

Yawˬ nah na luꞈ nawˬ-euˬ guiˬ lahˬ-ahˇ ngaˇ ja ceuˬ ma. Mˬ maˬ maˬ byaˆ zaˇ ziˇ nawˬ-ahˇ ngaˇ ja ceuˬ ma.

Jaceuq 145:5

Nawˬ-euˬ yaw shehꞈ kʼahˬ sehˇ gaˇ kawˆ aˬ yawꞈ maꞈ ja-awˇ, Nawˬ neh mˇ-euˬ zahˬ dui dui leˇ paˬ-ehˇ gʼeh-eu gaˇ deuˬ-ahˇ ngaˇ shaˇ noeˬ shaˇ sawˇ-eu ma.

Jaceuq 146:2

Ngaˇ yaw dehꞈ kʼaˇ dehꞈ kʼoeˇ keuˆ ni, Sahˬpaˬ Miˬyehˇ-ahˇ ja ceuˬ ma. Ngaˬ-euˬ Miˬyehˇ-ahˇ tiˬ ziˇ caˇ-awˇ ja ceuˬ ma.

Jaceuq 16:2

“Nawˇngaˬ-euˬSahˬpaˬMiˬyehˇma, nawˬ-ahˇdzeuˇnaˇ ngaˬ-euˬgʼaˇduˬ, yaw muiˬtiˬjeˬ-iˬ maˬjaˆ” lehˇ, SahˬpaˬMiˬyehˇ-ahˇehˇ-eu ma.

Jaceuq 66:2

Aˬ yawꞈ-euˬ tsawˇ myahˇ yaw shehꞈ kʼahˬ sehˇ huiˬ-eu gaˇ kawˆ caˇ-awˬ. Aˬ yawꞈ-euˬ yaw shehꞈ kʼahˬ sehˇ-ahˇ ja ceuˬ-awˬ.

Jaceuq 99:3

Baoˬ yaw shehꞈ kʼahˬ sehˇ huiˬ-eu aˬ yawꞈ-euˬ tsawˇ myahˇ-ahˇ, yawˬ gʼaˬ na luꞈ ja ceuˬ tehꞈ-a. Aˬ yawꞈ-aˬ, Muiˬ-eu shawˇ-eu gʼaˬ meh.

Doˆ-iˇ 15:11

“Sahˬpaˬ Miˬyehˇ-oˇ, miˬyehˇ heu myaˆ ni gʼeh-eu laꞈ kʼoeˇ aˬ geu gʼaˬ nawˬ-ahˇ duˇ ta. Muiˬ-eu shawˇ-eu paw zahˬ leˇ paˬ-ehˇ gʼeh-eu, Nawˇ loꞈ-ehˇ aˬ suˇ gʼaˬ jawˇ ta. Zahˬ leˇ paˬ-ehˇ gʼeh-eu jeˬ hawˇ-eu baoˬ huiˬ-eu gaˇ mˇ nya-eu, nawˇ loꞈ-ehˇ aˬ suˇ gʼaˬ jawˇ ta.

Doˆ-iˇ 15:6

“Sahˬpaˬ Miˬyehˇ-oˇ, nawˬ-euˬ aˇ maˇ laꞈ zahˬ dui dui leˇ paˬ-ehˇ gʼeh-eu baoˬ ahˇ-awˇ, Nawˬ-ahˇ muiˇ-eu tsawˇ haˬ-ahˇ laˆ meuˇ laˆ loeˇ-euˬ meh.

Daˬyeˬlaˇ 2:20

“Baoˬ huiˬ tsawˇ gahˇ byah-eu Miˬyehˇ maˬ byaˆ zaˇ ziˇ ja ceuˬ-eu ma.

Maꞈtehˬ 11:25

Kʼoeˇ ngeh, Yeˬsuˇ heu loꞈ-ehˇ ehˇ-eu meh. “Mˬ hawˇ-eu miˇ-ahˇ uˆ lahˇ-eu Sahˬpaˬ pyeuꞈ-eu Aˬda-oˇ, zaˬ siˬ tsawˇ gahˇ ahˇ-eu tsawˇ haˬ deuˬ hawˇ-eu siˬ-eu nya-eu tsawˇ haˬ deuˬ-euˬ mehˬ shi neh zaꞈ taˬ-euˬ jeˬ, maˬ siˬ maˬ nya-eu tsawˇ haˬ deuˬ-ahˇ nawˇ pah mehˬ-euˬ miˇ neh, nawˬ-euˬ guiˬ lahˬ-ahˇ ngaˇ ja ceuˬ-eu ma.

2 Gawˇliˬtu 4:6

“Yaw zahˇ laꞈ kʼoeˇ yaw shehꞈ bya tehꞈ-a” lehˇ ehˇ-eu Miˬyehˇ hawˇ-eu Ka li-euˬ myaˆ pyawˬ kʼoeˇ taˆ bya doˆ le-euˬ Miˬyehˇ-euˬ yaw shehꞈ kʼahˬ sehˇ-ahˇ nga maꞈ siˬ nya laˇ ni nga maꞈ-euˬ nui ma laꞈ kʼoeˇ yaw shehꞈ bi bya laꞈ-euˬ Miˬyehˇ-aˬ, aˬ yawꞈ tiˬ gʼaˬ tehꞈ meh.

Dawˬmehˬ 28:58

“Sahˬ boꞈ heu taꞈ laꞈ kʼoeˇ boꞈ taˬ-euˬ Miˬyehˇ neh mehˬ nehˬ tsoˆ nehˬ-euˬ jeˬ dawˬ tawˆ luꞈ-ahˇ saˇ jaˇ ziꞈ-awˇ maˬ caw teh-ehˇ, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ zahˬ dui dui leˇ paˬ-ehˇ gʼeh-eu tsawˇ myahˇ-ahˇ yaw zeu maˬ baw naˇ,

1 Beˬtuˆluˆ 1:3

Sahˬpaˬ Yeˬsuˇ Ka li-euˬ Aˬda pyeuꞈ-eu Miˬyehˇ-euˬ guiˬ lahˬ-ahˇ ja ceuˬ kaˇ-euˇ. Aˬ yawꞈ-euˬ huiˬ dui dui-eu gʼawˬ shaˬ gaˬ-eu jeˬ baˬ da neh, Yeˬsuˇ Ka li-ahˇ shiˇ-euˬ gaˇ bi gʼoꞈ dehꞈ laˇ-eu laꞈ kʼoeˇ aˬ dui-ahˇ yaw shuiꞈ bi dehꞈ paˇ laꞈ-euˬ meh. Kʼoeˇ-aˬ, aˬ dui-euˬ laꞈ kʼoeˇ dehꞈ luꞈ-eu noeˬ tmˬ duˬ bi byah laˇ-euˬ meh.

Yaˇ kʼaˬ daˇ 13:18

Mˬ taˆ gʼaˬ kʼehˇ ehˇ-eu, “Aˬ jeˬ miˇ neh ngaˬ-euˬ tsawˇ myahˇ siˬ nya mawꞈ-eu nya. Kʼoeˇ-aˬ, zahˬ leˇ paˬ-ehˇ gʼeh-eu tsawˇ myahˇ meh.”