Neˬhaˬmiˇ 9:25 - Akha

²⁵ Ziꞈ-eu meuˬ deuˬ hawˇ-eu muiˬ-eu miˇ tsaˬ maˬ ehˇ, pyuˇ shuiˇ byah-eu nymˇ deuˬ hawˇ-eu duˬ gʼaˬ taˬ-euˬ lah duˬ maˬ ehˇ, Saˬloˬ aˇ bawˇ, aˇ siˬ aˇ bawˇ, aˬ gaꞈ yaˇ kmˇ maˬ ehˇ, nawˬ-euˬ tsawˇ jeuˬ deuˆ za-euˬ meh. Aˬ yawꞈ maꞈ kʼaˇ dzaˬ mawꞈ-eu jeˬ dzaˬ-awˇ tsuˇ laˇ-euˬ meh. Nawˬ neh biꞈ-euˬ muiˬ-eu guiˬ lahˬ deuˬ-ahˇ, aˬ yawꞈ maꞈ laˬ kʼaˬ cehˇ dui dui-euˬ meh.

Neˬhaˬmiˇ 9:25 Iomraidhean Croise

1 Sahˬpaˬ 14:9

Nawˬ-euˬ mehˬ hu sahˬ paˬ geuꞈ dzeuˇ yaꞈ-euˬ deuˬ neh mˇ-euˬ iˬ baˇ naˆ maˬ tseˇ, huiˬ dui dui-eu iˬ baˇ nawˇ mˇ-euˬ meh. Nawˇ ngaˬ-ahˇ byehˇ dzeh-awˇ, miˬ yehˇ nui deuˬ hawˇ-eu tahˬ pahˬ aˬ ma mawˇ kawˇ deuˬ tehˆ-awˇ uˬ duˬ tahˬ-eu laꞈ kʼoeˇ, ngaˇ nui ma pehˇ ni mˇ-euˬ meh.

1 Sahˬpaˬ 8:66

Yehꞈ nah tiˬ nah keuˆ laˇ ngeh, tsawˇ haˬ kʼoeˇ deuˬ-ahˇ Sawˇlaˬmoˬ bi gʼoꞈ-iˇ-euˬ meh. Sahˬpaˬ Miˬyehˇ-euˬ zaˬ kʼaˆ Daˬbiˇ hawˇ-eu aˬ yawꞈ-euˬ tsawˇ jeuˬ Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ neh biꞈ-euˬ guiˬ lahˬ yaw dzahˇ deuˬ baˬ da neh, sahˬ paˬ Sawˇlaˬmoˬ-ahˇ aˬ yawꞈ maꞈ ja ceuˬ-euˬ meh.

Neˬhaˬmiˇ 9:35

Nawˬ-euˬ guiˬ lahˬ baˬ da neh aˬ yawꞈ maꞈ sahˬ paˬ baw laˇ-awˇ, aˬ cawˬ miˇ kʼahˬ-ahˇ jawˇ luꞈ ngeh muiˬ-eu miˇ tsaˬ aˬ yawꞈ maꞈ-ahˇ nawˇ biꞈ-euˬ kʼawꞈ, haiˬ-eu jeˬ-ahˇ aˬ yawꞈ maꞈ maˬ byehˇ-ehˇ, nawˇ nui ma tsaˬ-eu jeˬ maˬ mˇ-a.

Jaceuq 105:44

Aˬ cawˬ tsawˇ jeuˬ-euˬ miˇ kʼahˬ aˬ yawꞈ maꞈ-ahˇ biꞈ-awˇ, aˬ cawˬ-euˬ deh yaˇ bi yuˇ geuꞈ-euˬ meh.

Jaceuq 65:11

Dzaˬ la gʼo cehˇ za dui dui le ni nawˇ jahˇ-awˇ nawˇ kʼaˇ iˇ keuˆ gaˇ baw le za le-eu meh.

Dawqdaq 30:9

Ngaˇ aˇ dzehˬ jaˆ laˇ naˇ, nawˬ-ahˇ maˬ loˬ lehˇ ngaˇ ehˇ tehꞈ-a. Ehˇ kʼawꞈ, ngaˇ iˇ shaˬ shaˬ naˇ, smˇ kʼoeˬ kʼoeˬ-awˇ ngaˬ-euˬ Miˬ yehˇ nui ma maˬ saˇ-eu jeˬ mˇ gaˇ guˆ nya.

Iˇsaˬyaˇ 6:10

Tsawˇ haˬ heu deuˬ nui ma bi gʼahˇ-awˇ, naˬ bawˇ bi tuˇ-eu uˬ taꞈ, myaˆ nuiˆ laˆ behꞈ nehˬ-awˬ. Toˆ-ehˇ maˬ ngeuˇ naˇ, aˬ yawꞈ maꞈ myaˆ nuiˆ haw mawˇ nya-awˇ, naˬ bawˇ gaˬ leˇ-eu uˬ taꞈ, aˬ yawꞈ maꞈ-euˬ nui ma gʼoˆ shaw geuꞈ nya-eu miˇ neh, ngaˇ jawˇ gaˇ gʼoꞈ kʼoꞈ laˇ-awˇ, naˇ gawˇ taˬ leˇ tehꞈ-a.”

Iˇsaˬyaˇ 63:7

Sahˬpaˬ Miˬyehˇ-euˬ gʼoeˇ-eu gaˬ-eu jeˬ, maˬ poˆ maˬ paˇ laˇ-eu gaˇ kawˆ ngaˇ ja gaˬ ma. Aˬ dui kʼoeˇ taˆ aˬ yawꞈ neh kʼaˇ mˇ taˬ-euˬ jeˬ gʼaˇ duˬ, aˬ yawꞈ-euˬ guiˬ lahˬ-ahˇ ngaˇ ja ceuˬ ma. Aˬ yawꞈ-euˬ gʼawˬ shaˬ gaˬ-eu jeˬ hawˇ-eu, maˬ tsehˆ leˇ nya-eu gʼoeˇ-eu gaˬ-eu jeˬ baˬ da, aˬ yawꞈ-euˬ Iˇsaˬleˬlaˆ tsawˇ jeuˬ-ahˇ, muiˬ-eu guiˬ lahˬ tiˬ byah biꞈ nehˬ-euˬ meh.

Yeˬlaˬmiˇ 2:7

Dzaˬ la gʼo cehˇ mˇ za-awˇ baw le za le ni, miˇ tsaˬ miˇ muiˬ muiˬ-eu miˇ kʼahˬ laꞈ kʼoeˇ, aˬ yawꞈ maꞈ-ahˇ ngaˇ sheuˬ uˇ nehˬ-euˬ kʼawꞈ, ngaˬ-euˬ miˇ kʼahˬ aˬ yawꞈ maꞈ laˆ cawˆ-awˇ, ngaˬ neh biꞈ-euˬ jeˬ biˇ laˆ jawꞈ-euˬ meh.

Yeˬlaˬmiˇ 31:14

Piˇ ma deuˬ-ahˇ dzaˇ muiˬ oꞈ-awˇ, nui kʼahˇ tiˬ shiˇ bi dzaˬ dehˆ ma. Ngaˬ-euˬ tsawˇ haˬ deuˬ dzaˬ tuiˆ dawˇ tuiˆ jaˆ le tehꞈ-a lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 32:23

Ehˇ kʼawꞈ, miˇ kʼahˬ heu kʼahˬ aˬ yawꞈ maꞈ za-awˇ jawˇ luꞈ ngeh, nawˬ-euˬ dawˬ-ahˇ aˬ yawꞈ maꞈ maˬ naˇ haˬ geuꞈ-ehˇ, nawˬ neh mehˬ nehˬ tsoˆ nehˬ-euˬ loꞈ-ehˇ maˬ dehꞈ ni, nawˬ neh bi mˇ-euˬ jeˬ-ahˇ aˬ yawꞈ maꞈ maˬ mˇ-a. Kʼoeˇ miˇ neh heu loꞈ-ehˇ gʼeh-eu luˬ-iˇ seˇ-iˇ-eu jeˬ, aˬ yawꞈ maꞈ kʼoeˇ taˆ nawˇ bi keuˆ le-euˬ meh.

Yeˬsaˬgeˬlaˇ 20:6

Kʼoeˇ ngeh jawˇ, aˬ yawꞈ maꞈ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ nehˬ-awˇ, aˬ yawꞈ maꞈ gʼaˇ duˬ ngaˬ neh tseˇ doˆ taˬ-euˬ miˇ kʼahˬ-ahˇ sheuˬ gʼeh nehˬ ma lehˇ, ngaˇ saˇ jaˇ dzaˬ-euˬ ma. Miˇ kʼahˬ kʼoeˇ kʼahˬ-aˬ, miˇ tsaˬ miˇ muiˬ muiˬ dui dui-awˇ, baw le za le-eu miˇ kʼahˬ pyeuꞈ-eu miˇ neh, miˇ kʼahˬ dawˬ tawˆ luꞈ naˆ maˬ tseˇ muiˬ dzehˬ-eu meh.

Daˬyeˬlaˇ 11:24

Smˇ muiˬ muiˬ-eu miˇ kʼahˬ deuˬ maˬ noeˬ maˬ duˇ-ehˇ jawˇ luꞈ gaˇ aˬ yawꞈ guiˇ deuˆ-awˇ, aˬ yawꞈ-euˬ aˬ poeˬ aˬ bawˇ deuˬ tiˬ jawˇ-iˬ maˬ mˇ haw-euˬ jeˬ aˬ yawꞈ mˇ tehꞈ-a. Kʼoeˇ naˇ, guiˇ deuˆ za-euˬ pyuˇ shuiˇ myawˬ gahˬ deuˬ-ahˇ, aˬ yawꞈ mehˬ nah caw teh-eu tsawˇ haˬ deuˬ nehˬ-ehˇ tiˬ kawˆ loꞈ-ehˇ biˇ geuꞈ tehꞈ-a. Aˬ cawˬ taˆ tsoˆ gaˇ guiˇ deuˆ-iˇ-eu gʼaˇ duˬ aˬ yawꞈ aˇ kawˆ kawˆ-awˇ lehˬ hmˬ tehꞈ-a. Ehˇ kʼawꞈ, aˬ yawꞈ-euˬ aˇ nah aˇ yamˬ jiˇ le tehˇ tehˬ tehꞈ-a.

Hawˇseˬ 13:6

Ehˇ kʼawꞈ, miˇ muiˬ-ahˇ le uˇ-awˇ, ya dzaˬ ya dawˇ dehˆ laˇ ngeh nah, naw maꞈ nui ma huiˬ laˇ jiˇ-awˇ, ngaˬ-ahˇ ngehˇ byoˆ nehˬ laꞈ-euˬ meh.

Hawˇseˬ 3:5

Ehˇ kʼawꞈ, Iˇsaˬleˬlaˆ tsawˇ haˬ deuˬ aˬ yawꞈ maꞈ-euˬ Miˬyehˇ pyeuꞈ-eu Sahˬpaˬ Miˬyehˇ hawˇ-eu, aˬ yawꞈ maꞈ-euˬ sahˬ paˬ Daˬbiˇ-euˬ tsuiꞈ laꞈ oˆ dehꞈ le-euˬ tsawˇ haˬ tiˬ gʼaˬ jawˇ paw paˇ gʼoꞈ kʼoꞈ laˇ-eu aˇ nah tiˬ nah jaˆ tehꞈ-a. Kʼoeˇ ngeh jawˇ, aˬ yawꞈ maꞈ Sahˬpaˬ Miˬyehˇ-ahˇ guˆ-awˇ, aˬ yawꞈ neh biꞈ-euˬ muiˬ-eu guiˬ lahˬ deuˬ za tehꞈ-a.

Lormav 2:4

Maˬ ngeuˇ naˇ, aˬ yawꞈ-euˬ huiˬ dui dui-eu gʼawˬ shaˬ gaˬ-eu jeˬ, oˇ coeˇ-eu jeˬ, nui ma mahˇ-eu jeˬ, heu deuˬ-ahˇ nawˇ yehˬ bawˬ sehˇ lu-ehˇ gʼeh te loˇ. Miˬyehˇ gʼawˬ shaˬ gaˬ-eu jeˬ ahˇ meh lehˇ nawˇ siˬ duˬ meh. Aˬ jeˬ miˇ neh ehˇ naˇ, nawˇ iˬ baˇ noeˬ poˆ laˇ ni aˬ yawꞈ leh jeh luꞈ-eu meh.

Dawˬmehˬ 3:5

Meuˬ kʼoeˇ deuˬ dawˬ tawˆ luꞈ-ahˇ goˇ dui dui-eu meuˬ lahˇ gawˬ taˬ-awˇ, meuˬ lahˇ lahˇ kʼehˬ deuˬ ziꞈ dah ni jahˇ taˬ-euˬ meh. Kʼoeˇ uˬ taꞈ, meuˬ lahˇ maˬ baw-eu pu pu ma gʼawˬ mya ni jaˆ-eu meh.

Dawˬmehˬ 32:13

“Gawˬ jawˬ yaw goˇ bi uˆ lahˇ-awˇ, deh ga boeˬ nmˬ bi dzaˬ-euˬ meh. Lo guˇ byaˬ uiˇ bi cuˆ dawˇ-awˇ, lo gahˬ kʼoeˇ taˆ ka dehꞈ taˬ-euˬ saˬ loˬ tsiˇ bi dawˇ dehˆ-euˬ meh.

Dawˬmehˬ 32:14

Mawˇ neˇ, ciꞈ myehꞈ, aˬ coeˇ mehˇ-awˇ, yawˇ, ciꞈ myehꞈ, mawˇ neˇ loˆ-awˇ, dzaˬ la gʼo cehˇ muiˬ dui dui-awˇ, aˬ gaꞈ dzaˇ uiˇ kuiˇ dui dui-eu, yawꞈ maꞈ dehꞈ dzaˬ-euˬ gaˇ kawˆ meh.

Dawˬmehˬ 32:15

“Sahˬpaˬ Miˬyehˇ-euˬ tsawˇ haˬ deuˬ, mahˬ paˬ cu tsuˇ yawꞈ-ahˇ behˆ-awˇ, bi dzaˬ tsuˇ-euˬ Beh-euˬ yaw sahˇ, Miˬyehˇ-ahˇ myaˆ maˬ haw cawˬ ni, ka kʼoꞈ-eu gʼaˬ-ahˇ byehˇ-euˬ meh.