Neˬhaˬmiˇ 9:19 - Akha

¹⁹ Ehˇ kʼawꞈ nawˇ gʼawˬ shaˬ gaˬ-eu jeˬ myaˬ-eu miˇ neh, bawˇ tsahˬ bawˇ dahˇ kʼaˇ shuiꞈ deh-ahˇ, aˬ yawꞈ maꞈ-ahˇ nawˇ maˬ byehˇ dzeh-aˬ. Uˬ ciꞈ hawˇ-eu nah gʼahˇ aˬ yawꞈ maꞈ-ahˇ gaˇ ma mehˬ luꞈ-eu, miˬ dzaˬ hawˇ-eu mˬ dmˇ nawˇ maˬ yuˇ dzeh nehˬ-aˬ.

Neˬhaˬmiˇ 9:19 Iomraidhean Croise

Neˬhaˬmiˇ 9:12

Nah gʼahˇ paw mˬ dmˇ neh gaˇ ma mehˬ-awˇ, uˬ ciꞈ paw miˬ dzaˬ bya nehˬ-eu laꞈ kʼoeˇ, aˬ yawꞈ maꞈ-ahˇ nawˇ sheuˬ gʼeh-euˬ meh.

Neˬhaˬmiˇ 9:27

Kʼoeˇ miˇ neh, aˬ yawꞈ maꞈ-ahˇ muiˇ-eu deuˬ neh, aˬ yawꞈ maꞈ-ahˇ nawˇ bi deuˆ gʼaˬ-awˇ, bi uˆ lahˇ-euˬ meh. Aˬ yawꞈ maꞈ shaˬ-eu zahˬ-eu laꞈ kʼoeˇ, caw ba le-awˬ lehˇ nawˬ-ahˇ kuˇ ngeh, nawˇ mˬ kʼoeˇ taˆ jawˇ-awˇ naˇ haˬ nehˬ-euˬ meh. Aˬ yawꞈ maꞈ-ahˇ nawˇ gʼawˬ shaˬ gaˬ dui dui-eu laꞈ kʼoeˇ, muiˇ-eu deuˬ-euˬ laꞈ-ahˇ neh bi ka kʼoꞈ-eu gʼaˇ duˬ, aˬ yuiꞈ aˬ tsu deuˬ nawˇ pyehˬ gʼeh-euˬ meh.

Neˬhaˬmiˇ 9:31

Ehˇ kʼawꞈ nawˇ gʼawˬ shaˬ gaˬ-eu jeˬ myaˬ-eu miˇ neh, aˬ yawꞈ maꞈ-ahˇ nawˇ maˬ byehˇ dzeh-ehˇ, maˬ laˆ luˬ maˬ laˆ seˇ nehˬ-aˬ. Nawˇ-aˬ, gʼawˬ shaˬ gaˬ mya dui dui-eu Miˬyehˇ meh.

Jaceuq 106:45

Aˬ yawꞈ maꞈ-euˬ gʼaˇ duˬ dawˬ ma saˇ jaˇ-ahˇ noeˬ keuˆ nehˬ-awˇ, aˬ yawꞈ-euˬ huiˬ-eu gʼoeˇ-eu gaˬ-eu jeˬ baˬ da neh, aˬ yawꞈ nui ma juˆ-iˇ-eu laꞈ kʼoeˇ,

Jaceuq 136:16

Aˬ yawꞈ-euˬ tsawˇ haˬ deuˬ-ahˇ kʼaˇ shuiꞈ deh ga miˇ kʼahˬ laꞈ kʼoeˇ aˬ yawꞈ sheuˬ gʼeh-euˬ meh. Aˬ yawꞈ gʼoeˇ-eu gaˬ-eu jeˬ mˬ maˬ maˬ byaˆ zaˇ ziˇ ziꞈ-eu meh.

Doˆ-iˇ 40:36

Mˬ dmˇ kʼoeˇ Sehˬ gʼawˆ-ahˇ gʼawˬ-iˇ ngeh hawˇ-eu, Iˇsaˬleˬlaˆ tsawˇ haˬ deuˬ mehˬ hu paw gaˇ ma doˆ-iˇ-euˬ meh.

Doˆ-iˇ 40:38

Aˬ yawꞈ maꞈ doe doe-ehˇ jawˇ jawˇ-ehˇ cah-euˬ aˇ nah aˇ yamˬ laꞈ kʼoeˇ, Sahˬpaˬ Miˬyehˇ jawˇ-eu saˇ kiˇ pyeuꞈ-eu mˬ dmˇ kʼoeˇ, nah gʼahˇ paw Sehˬ gʼawˆ kʼoeˇ taˆ jaˆ-awˇ, uˬ ciꞈ paw mˬ dmˇ laꞈ kʼoeˇ miˬ dzaˬ doꞈ luꞈ-eu meh.

Iˇsaˬyaˇ 44:21

Sahˬpaˬ Miˬyehˇ heu loꞈ-ehˇ ehˇ-eu meh. “Iˇsaˬleˬlaˆ-oˇ, gaˇ kawˆ heu-ahˇ nawˇ taˬ ngehˇ. Nawˇ ngaˬ-euˬ zaˬ kʼaˆ pyeuꞈ-eu gaˇ kawˆ-ahˇ taˬ ngehˇ. Ngaˬ-euˬ zaˬ kʼaˆ bi geuꞈ-eu lehˇ nawˬ-ahˇ ngaˬ neh beh-awˇ, nawˬ-ahˇ ngaˇ tiˬ jawˇ-iˬ maˬ byehˇ dzeh ma.

Ngoeˇ dawˬ 3:22

Sahˬpaˬ Miˬyehˇ gʼoeˇ-eu gaˬ-eu, tiˬ jawˇ-iˬ maˬ tsehˆ leˇ nya-ehˇ, aˬ yawꞈ-euˬ gʼawˬ shaˬ gaˬ-eu jeˬ, tiˬ jawˇ-iˬ maˬ tsiˇ leˇ nya-ehˇ,

Yeˬsaˬgeˬlaˇ 20:14

Ehˇ kʼawꞈ, kʼoeˇ loꞈ-ehˇ maˬ jahˇ nehˬ-aˬ. Aˬ jeˬ miˇ neh ehˇ naˇ, kʼoeˇ loꞈ-ehˇ jahˇ-eu baˬ da neh, ngaˬ neh Iˇsaˬleˬlaˆ tsawˇ jeuˬ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ nehˬ-euˬ gaˇ kʼaˇ ya mawˇ-euˬ tsawˇ jeuˬ deuˬ mehˬ shi, ngaˬ-euˬ tsawˇ myahˇ cawˆ laˇ gaˇ ngaˇ yahˇ-euˬ ma.

Yeˬsaˬgeˬlaˇ 20:17

“Ehˇ kʼawꞈ, aˬ yawꞈ maꞈ-ahˇ gʼawˬ shaˬ gaˬ-eu laꞈ kʼoeˇ, bawˇ tsahˬ bawˇ dahˇ laꞈ kʼoeˇ aˬ yawꞈ maꞈ-ahˇ maˬ sehꞈ lehˇ noeˬ tsehˆ-euˬ ma.

Yeˬsaˬgeˬlaˇ 20:22

Ehˇ kʼawꞈ, Iˇsaˬleˬlaˆ tsawˇ jeuˬ-ahˇ Iˇjiˇtuˆ miˇ kʼahˬ laꞈ kʼoeˇ neh ngaˇ sheuˬ doˆ nehˬ-euˬ gaˇ ya mawˇ-euˬ tsawˇ jeuˬ deuˬ-euˬ mehˬ shi, ngaˬ-euˬ tsawˇ myahˇ cawˆ laˇ gaˇ yahˇ-eu miˇ neh, ngaˇ kʼoeˇ loꞈ-ehˇ maˬ jahˇ-aˬ.

Daˬyeˬlaˇ 9:18

Miˬyehˇ-oˇ, nga maꞈ-euˬ shaˇ dawˬ-ahˇ naˇ haˬ nehˬ laꞈ-awˇ, nga maꞈ hawˇ-eu nawˬ-euˬ tsawˇ myahˇ pi luꞈ-eu meuˬ-euˬ shaˬ zahˬ haw mawˇ nehˬ laꞈ. Nga maꞈ yaw tsaˬ yaw dawˇ miˇ neh heu loꞈ-ehˇ guiˬ lahˬ shaˇ-eu maˬ ngeuˇ. Nawˇ gʼawˬ shaˬ gaˬ nya-eu gʼaˬ pyeuꞈ-eu miˇ neh, heu loꞈ-ehˇ shaˇ-eu ma.

Daˬyeˬlaˇ 9:9

Nga maꞈ nawˬ-ahˇ puiˬ-euˬ kʼawꞈ, nawˇ gʼawˬ shaˬ gaˬ-awˇ iˬ baˇ pyehˬ nehˬ laꞈ-euˬ meh.

Maˬlaˬkiˇ 3:6

“Ngaˇ-aˬ, noeˬ poˆ noeˬ paˇ maˬ mˇ-eu Sahˬpaˬ Miˬyehˇ ma. Kʼoeˇ miˇ neh, naw maꞈ Yaˬkoˆ-euˬ zaˬ deuˬ byoˆ jiˇ laˆ jiˇ gaˇ maˬ keuˆ-a siˬ.

Bawˇtsahˬ 14:14

miˇ kʼahˬ heu kʼahˬ laꞈ kʼoeˇ jawˇ-eu tsawˇ haˬ kʼoeˇ deuˬ-ahˇ, gaˇ kawˆ kʼoeˇ aˬ yawꞈ maꞈ dzawˇ nehˬ tehꞈ-a. Sahˬpaˬ Miˬyehˇ nawˇ nga maꞈ nehˬ-ehˇ jawˇ-eu gaˇ kawˆ maˬ ehˇ, nawˬ-euˬ mˬ dmˇ nga maꞈ kʼoeˇ taˆ naˬ le ngeh nawˬ-ahˇ bya cehˆ ni ya mawˇ-euˬ gaˇ kawˆ maˬ ehˇ, nah gʼahˇ paw mˬ dmˇ kʼawˇ zeuˇ neh nga maꞈ-ahˇ nawˇ sheuˬ gʼeh-euˬ gaˇ kawˆ maˬ ehˇ, uˬ ciꞈ paw miˬ dzaˬ kʼawˇ zeuˇ neh sheuˬ gʼeh-euˬ gaˇ kawˆ maˬ ehˇ, tsawˇ haˬ kʼoeˇ deuˬ ya siˬ ya mawˇ gʼaˬ-euˬ meh.

Dawˬmehˬ 8:2

Naw maꞈ-euˬ nui ma-ahˇ ya mawˇ-awˇ, aˬ yawꞈ-euˬ zahˇ dawˬ kʼoꞈ dawˬ-ahˇ naw maꞈ caw teh-eu hawˇ-eu maˬ caw teh-eu ya siˬ-eu gʼaˇ duˬ, dzeuˇ laˇ-euˬ oeˬ tseˇ kʼoꞈ laꞈ kʼoeˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ naw maꞈ-ahˇ bawˇ tsahˬ bawˇ dahˇ laꞈ kʼoeˇ gʼawˬ myahˇ ni sheuˬ sheuˬ-ehˇ cah-awˇ, naw maꞈ kʼoeˇ taˆ shaˬ-eu zahˬ-eu jeˬ bi keuˆ le-eu laꞈ kʼoeˇ lawˬ haw-euˬ gaˇ noeˬ keuˆ-awˬ.

1 Saˬmeuˬlaˆ 12:22

Sahˬpaˬ Miˬyehˇ-aˬ, naꞈ dui dui-eu saˇ jaˇ dzaˬ taˬ-awˇ, naw maꞈ-ahˇ aˬ yawꞈ-euˬ tsawˇ jeuˬ bi pyeuꞈ laˇ ma lehˇ noeˬ tsehˆ taˬ-euˬ miˇ neh, naw maꞈ-ahˇ maˬ byehˇ dzeh nehˬ laꞈ-a.