Neˬhaˬmiˇ 8:9 - Akha

⁹ Zahˇ dawˬ kʼoꞈ dawˬ-ahˇ tsawˇ haˬ kʼoeˇ deuˬ gʼoˆ siˬ gʼaˬ ngeh, nui ma-ahˇ zaw dui dui leˇ-awˇ ngoeˇ-euˬ meh. Kʼoeˇ ngeh, Yuˇdaˆ miˇ kʼahˬ-ahˇ uˆ lahˇ-eu gʼaˬ pyeuꞈ-eu Neˬhaˬmiˇ, piˇ ma hawˇ-eu zahˇ dawˬ kʼoꞈ dawˬ siˬ nya-eu zahˇ dzoeˬ miˬ ma pyeuꞈ-eu Eˇzaˬlaˬ hawˇ-eu, zahˇ dawˬ kʼoꞈ dawˬ-euˬ dawˬ tsuiꞈ mehˬ nehˬ-eu Leˬbiˇ tsawˇ haˬ deuˬ aˬ yawꞈ maꞈ-ahˇ heu loꞈ-ehˇ ehˇ nehˬ-euˬ meh. “Iˬ nah-aˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ gʼaˇ duˬ muiˬ-eu shawˇ-eu aˇ nah meh. Kʼoeˇ miˇ neh naw maꞈ taˬ ngoeˇ.

Neˬhaˬmiˇ 8:9 Iomraidhean Croise

2 Sahˬpaˬ 22:11

Zahˇ dawˬ kʼoꞈ dawˬ sahˬ boꞈ gui mehˬ nehˬ gaˇ sahˬ paˬ ya gaˬ ngeh, nui ma-ahˇ zaw leˇ-awˇ, aˬ yawꞈ dm luꞈ-eu mehˬ tsoeˬ cehˬ pyaˬ-euˬ meh.

2 Sahˬpaˬ 22:19

Yeˬluˇsaˬlehˬ meuˬ hawˇ-eu kʼoeˇ gaˇ jawˇ-eu tsawˇ haˬ deuˬ-ahˇ ngaˇ kʼehˬ nehˬ ma lehˇ ehˇ taˬ-euˬ gaˇ nawˇ ya gaˬ ngeh, nawˬ-euˬ nui ma noeˬ paˇ-awˇ, mehˬ tsoeˬ cehˬ pyaˬ-eu laꞈ kʼoeˇ, ngaˬ-euˬ mehˬ shiˬ nawˇ nui ma nahˬ yu ni taˬ-euˬ meh. Jawˇ duˬ kʼoeˇ tsahˇ-ahˇ, maˬ haw peuˬ ni guˆ laˇ paˬ-ehˇ gʼeh-eu jawˇ duˬ bi pyeuꞈ laˇ-awˇ, tsawˇ haˬ zaˬ deuˬ yaˬ kʼehˇ yaˬ ngeh, jawˇ duˬ kʼoeˇ tsahˇ-euˬ tsawˇ myahˇ kuˇ-awˇ yaˬ tehꞈ-a. Ehˇ kʼawꞈ, nawˬ-euˬ shaˇ dawˬ ngaˇ naˇ haˬ nehˬ ma.

2 Laˬsaˬbaˬ 15:3

Aˇ yamˬ gʼawˬ myahˇ ni, Iˇsaˬleˬlaˆ tsawˇ haˬ laꞈ kʼoeˇ, aˬ diˇ aˬ maˇ Miˬyehˇ pyeuꞈ-eu Sahˬpaˬ Miˬyehˇ maˬ jawˇ-ehˇ, aˬ yawꞈ maꞈ-ahˇ mehˬ nehˬ tsoˆ nehˬ-eu piˇ ma deuˬ maˬ jawˇ-eu uˬ taꞈ, zahˇ dawˬ kʼoꞈ dawˬ kʼawꞈ maˬ jaˆ ni dehꞈ-euˬ meh.

2 Laˬsaˬbaˬ 30:22

Sahˬpaˬ Miˬyehˇ-ahˇ uˬ duˬ tahˬ ngeh sheuˬ gʼeh-eu nya dui dui-eu miˇ neh, Leˬbiˇ tsawˇ haˬ deuˬ-ahˇ Heˬsaˬgiˇ ja ceuˬ nehˬ-euˬ meh. Shiꞈ nah keuˆ ni, aˬ yawꞈ maꞈ-ahˇ oꞈ-eu shaˬ bymˇ deuˬ dzaˬ-eu laꞈ kʼoeˇ cawˬ cawˬ taꞈ-eu lawˇ-eu jeˬ lawˇ-awˇ, aˬ yawꞈ maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ aˬ yawꞈ maꞈ ja ceuˬ-euˬ meh.

2 Laˬsaˬbaˬ 34:19

Zahˇ dawˬ kʼoꞈ dawˬ sahˬ boꞈ kʼoeˇ gui gaˇ sahˬ paˬ ya gaˬ ngeh, yawˬ ha dm luꞈ-eu mehˬ tsoeˬ cehˬ pyaˬ-euˬ meh.

2 Laˬsaˬbaˬ 34:21

“Sahˬpaˬ Miˬyehˇ jawˇ gaˇ le-awˇ, ngaˬ-euˬ gaˇ kawˆ maˬ ehˇ, Iˇsaˬleˬlaˆ miˇ kʼahˬ hawˇ-eu Yuˇdaˆ miˇ kʼahˬ laꞈ kʼoeˇ kʼaˇ jawˇ-eu tsawˇ haˬ deuˬ-euˬ gaˇ kawˆ maˬ ehˇ, naˇ haˬ-iˇ-awˬ. Sahˬ boꞈ heu dmˬ laꞈ kʼoeˇ aˬ joˆ-ehˇ mehˬ taˬ tsoˆ taˬ-euˬ nga lehˇ pyehˆ tseˇ duˬ-awˬ. Aˬ dui-euˬ aˬ poeˬ aˬ bawˇ deuˬ Sahˬpaˬ Miˬyehˇ-euˬ dawˬ-ahˇ maˬ naˇ haˬ-ehˇ, sahˬ boꞈ heu dmˬ laꞈ kʼoeˇ ehˇ taˬ-euˬ loꞈ-ehˇ maˬ mˇ-euˬ miˇ neh, aˬ dui-ahˇ Sahˬpaˬ Miˬyehˇ nui ma pehˇ luꞈ meh.”

2 Laˬsaˬbaˬ 35:3

Iˇsaˬleˬlaˆ tsawˇ haˬ deuˬ-ahˇ mehˬ nehˬ tsoˆ nehˬ-eu deuˬ pyeuꞈ-eu Sahˬpaˬ Miˬyehˇ-ahˇ gʼawˇ mawˇ a nehˬ taˬ-euˬ Leˬbiˇ tsawˇ haˬ deuˬ-ahˇ kʼawꞈ, aˬ yawꞈ heu loꞈ-ehˇ mehˬ nehˬ tsoˆ nehˬ-euˬ meh. “Muiˬ-eu shawˇ-eu Dawˬ ma saˇ jaˇ Bahˬ keuˆ-ahˇ, Daˬbiˇ-euˬ aˬ li sahˬ paˬ Sawˇlaˬmoˬ neh tsoˆ-euˬ Uˬ duˬ tahˬ nymˇ nymˇ ma laꞈ kʼoeˇ baꞈ taˬ-euˬ meh. Naw maꞈ-aˬ, bahˬ keuˆ kʼoeˇ-ahˇ doe doe-ehˇ baꞈ baꞈ-ehˇ maˬ paˇ ya cah ni, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ hawˇ-eu aˬ yawꞈ-euˬ tsawˇ jeuˬ pyeuꞈ-eu Iˇsaˬleˬlaˆ tsawˇ haˬ deuˬ gʼaˇ duˬ gaˇ ya mˇ meh.

Eˇzaˬlaˬ 2:63

Uˇleˬ hawˇ-eu Duˇmeˬ ahˇ-eu piˇ ma tiˬ gʼaˬ maˬ doˆ laˇ kʼoeˇ keuˆ ni, Miˬyehˇ-ahˇ damˬ nehˬ lawˇ nehˬ gʼaˬ-euˬ dzaˬ dzaˬ dawˇ dawˇ-ahˇ aˬ yawꞈ maꞈ maˬ ya dzaˬ-a lehˇ, Yuˇdaˆ tsawˇ jeuˬ-ahˇ uˆ lahˇ-eu gʼaˬ aˬ yawꞈ maꞈ-ahˇ ehˇ nehˬ-euˬ meh.

Eˇzaˬlaˬ 7:11

Piˇ ma hawˇ-eu zahˇ dzoeˬ miˬ ma kʼawꞈ pyeuꞈ-awˇ, Iˇsaˬleˬlaˆ tsawˇ jeuˬ-ahˇ Sahˬpaˬ Miˬyehˇ neh boꞈ-euˬ zahˇ dawˬ kʼoꞈ dawˬ deuˬ hawˇ-eu zahˇ sahˇ kʼoꞈ deuˬ-ahˇ yaw muiˬ paˬ-ehˇ siˬ duˬ-eu gʼaˬ pyeuꞈ-eu Eˇzaˬlaˬ-ahˇ sahˬ paˬ Aˬtaˬdzeuˬsehˆ neh boꞈ nehˬ-euˬ sahˬ boꞈ-aˬ, heu loꞈ-ehˇ meh.

Neˬhaˬmiˇ 10:1

Laꞈ ma dehˬ beh beh-euˬ gʼaˬ-aˬ, Haˬkaˬliˇ-euˬ aˬ li Yuˇdaˆ miˇ kʼahˬ-ahˇ uˆ lahˇ-eu gʼaˬ pyeuꞈ-eu Neˬhaˬmiˇ meh. Nyiˬ gʼaˬ tiˬ gʼaˬ-aˬ, Zeˬdaˬkiˇ meh. Aˬ nyaꞈ-euˬ mehˬ nah laꞈ ma dehˬ-euˬ deuˬ-aˬ, heu deuˬ meh.

Neˬhaˬmiˇ 12:26

Tsawˇ haˬ heu deuˬ-aˬ, Yeˬhawˇzaˬdaˆ-euˬ aˬ li Yawˇshuˆ-euˬ aˬ li Yawˇyaˬkmˬ-euˬ ziˇ, Yuˇdaˆ miˇ kʼahˬ-ahˇ uˆ lahˇ-euˬ Neˬhaˬmiˇ-euˬ ziˇ hawˇ-eu, zahˇ dawˬ kʼoꞈ dawˬ siˬ nya dui dui-eu zahˇ dzoeˬ miˬ ma pyeuꞈ-eu piˇ ma Eˇzaˬlaˬ-euˬ ziˇ-ahˇ gaˇ mˇ-euˬ tsawˇ haˬ deuˬ pyeuꞈ-eu meh.

Neˬhaˬmiˇ 7:65

Uˇleˬ hawˇ-eu Duˇmeˬ ahˇ-eu piˇ ma tiˬ gʼaˬ maˬ doˆ laˇ kʼoeˇ keuˆ ni, Miˬyehˇ-ahˇ damˬ nehˬ lawˇ nehˬ gʼaˬ-euˬ dzaˬ dzaˬ dawˇ dawˇ-ahˇ aˬ yawꞈ maꞈ maˬ ya dzaˬ-a lehˇ, Yuˇdaˆ miˇ kʼahˬ-ahˇ uˆ lahˇ-eu gʼaˬ aˬ yawꞈ maꞈ-ahˇ ehˇ nehˬ-euˬ meh.

Neˬhaˬmiˇ 7:70

Uˬ duˬ tahˬ nymˇ nymˇ ma paˇ tsoˆ muiˬ gaˇ bi zmˬ-eu gʼaˇ duˬ tsawˇ haˬ gʼawˬ mya gʼaˬ pyuˇ shuiˇ myawˬ gahˬ damˬ-euˬ meh. Yuˇdaˆ miˇ kʼahˬ-ahˇ uˆ lahˇ-eu gʼaˬ-aˬ, shuiˇ 5 jawꞈ-i, naˬ bo 50 bo hawˇ-eu piˇ ma deuˬ bi dm-eu pehˇ kʼahˬ pehˇ mahˇ 530 kahˇ damˬ-euˬ meh.

Neˬhaˬmiˇ 8:2

Kʼoeˇ miˇ neh, ba la shiꞈ siˬ tiˬ siˬ yaw beh nah-ahˇ, noeˬ siˬ nya laˇ-euˬ kʼaˬ dzeˇ zaˬ deuˬ, zaˬ miˬ zaˬ deuˬ hawˇ-eu zaˬ deuˬ uiˬ leˇ taˬ-euˬ mehˬ shi, zahˇ dawˬ kʼoꞈ dawˬ sahˬ boꞈ kʼoeˇ dmˬ Eˇzaˬlaˬ yuˇ doˆ laꞈ-euˬ meh.

Dawˬ tsoˆ 3:4

Noeˬ shaˬ-eu yamˬ baw-eu loꞈ-ehˇ, laˬ kʼaˬ cehˇ-eu yamˬ baw-eu meh. Tsawˇ ngoeˇ ngoeˇ yamˬ baw-eu loꞈ-ehˇ, gaˇ nyeh nyeh-eu yamˬ baw-eu meh.

Iˇsaˬyaˇ 61:3

Ziˇoˬ meuˬ-ahˇ ngoeˇ luꞈ-eu tsawˇ haˬ deuˬ, nui noeˬ shaˬ-eu dah zaˇ laˬ kʼaˬ cehˇ laˇ nya ni, shaˬ zahˬ mˇ-eu dah zaˇ ja ceuˬ-eu caˇ dawˬ caˇ nya ni, aˬ yawꞈ ngaˬ-ahˇ pyehˬ leꞈ-euˬ meh. Aˬ yawꞈ maꞈ Sahˬpaˬ Miˬyehˇ neh ka-euˬ aˇ bawˇ-ahˇ duˇ tehꞈ-a. Aˬ yawꞈ maꞈ dawˬ tawˆ yaw tsaˬ yaw dawˇ jeˬ mˇ-eu miˇ neh, Miˬyehˇ-ahˇ aˬ cawˬ ya ja ceuˬ tehꞈ-a.

Hawˇseˬ 4:6

Ngaˬ-euˬ tsawˇ jeuˬ cawˆ-iˇ-euˬ-aˬ, ngaˬ-ahˇ siˬ nya gaˇ taꞈ leˇ-eu tsawˇ gahˇ teˬ-eu baˬ da neh meh. Naw maꞈ piˇ ma geuꞈ-eu deuˬ-aˬ, ngaˬ neh mehˬ-euˬ dawˬ deuˬ pyeuꞈ-eu, tsawˇ gahˇ-ahˇ byehˇ dzeh-euˬ miˇ neh, ngaˬ-euˬ piˇ ma maˬ paˇ ngeuˇ meh. Miˬyehˇ-euˬ zahˇ dawˬ kʼoꞈ dawˬ-ahˇ, naw maꞈ byehˇ dzeh-euˬ baˬ da neh, naw maꞈ-euˬ zaˬ deuˬ uˆ deuˬ-ahˇ, ngaˇ maˬ haw cawˬ ni byehˇ dzeh ma.

Uˬ duˬ 23:24

Iˇsaˬleˬlaˆ tsawˇ haˬ deuˬ-ahˇ heu loꞈ-ehˇ ehˇ nehˬ-awˬ. Ba la shiꞈ siˬ tiˬ siˬ aˇ nah yaw beh nah-ahˇ nah lah lah-awˇ, daˇ heh teˇ saˇ mahˇ doˆ laˇ ngeh, uˬ duˬ tahˬ-eu gʼaˇ duˬ ya uiˬ leˇ meh.

Maˬlaˬkiˇ 2:13

Naw maꞈ heu loꞈ-ehˇ paˇ ya shaˬ tehꞈ-a. Naw maꞈ neh lawˇ-euˬ shehˇ-euˬ jeˬ-ahˇ Sahˬpaˬ Miˬyehˇ maˬ paˇ ha geuꞈ-eu miˇ neh, naw maꞈ ngoeˇ dui ya dui-awˇ, naw maꞈ-euˬ myaˆ biˇ Sahˬpaˬ Miˬyehˇ-euˬ lawˇ duˬ-ahˇ dahˬ pymˬ tehꞈ-a.

Lormav 3:20

Aˬ jeˬ miˇ neh ehˇ naˇ, Zahˇ dawˬ kʼoꞈ dawˬ mehˬ nah caw teh-eu baˬ da neh Miˬyehˇ-ahˇ tsaˬ leˇ tsahˇ leˇ gʼaˬ-euˬ tsawˇ haˬ maˬ pyeuꞈ laˇ nya-a siˬ. Zahˇ dawˬ kʼo dawˬ-aˬ, tsawˇ haˬ zaˬ-ahˇ yawˬ ha iˬ baˇ mˇ-euˬ gaˇ kawˆ bi siˬ leˇ-eu gʼaˇ duˬ tehꞈ meh.

Lormav 7:9

Zahˇ dawˬ kʼoꞈ dawˬ kʼoeˇ dawˬ maˬ jaˆ law nmˇ-aˬ, iˬ baˇ ehˇ-eu jeˬ yaw shiˇ-ahˇ duˇ tehꞈ-a. Maˬ muiˬ-eu jeˬ maˬ ya mˇ ni zahˇ dawˬ kʼoꞈ dawˬ kʼoeˇ dawˬ ngaˬ-ahˇ maˬ laˆ tsoeˬ le kʼoeˇ keuˆ ni-aˬ, ngaˇ yaw dehꞈ ma. Ehˇ kʼawꞈ, zahˇ dawˬ kʼoꞈ dawˬ kʼoeˇ dawˬ oe keuˆ ngeh, iˬ baˇ dehꞈ doˆ laˇ-awˇ,

Dawˬmehˬ 12:12

Naw maꞈ-euˬ zaˬ deuˬ, naw maꞈ-euˬ zaˬ kʼaˆ deuˬ hawˇ-eu, naw maꞈ-euˬ meuˬ deuˬ-ahˇ jawˇ-eu Leˬbiˇ tsawˇ haˬ deuˬ nehˬ-ehˇ tiˬ kawˆ loꞈ-ehˇ, kʼoeˇ gaˇ Sahˬpaˬ Miˬyehˇ-euˬ mehˬ shi laˬ kʼaˬ cehˇ-awˬ. Leˬbiˇ tsawˇ haˬ deuˬ miˇ kʼahˬ maˬ baw-eu gaˇ noeˬ keuˆ-awˬ.

Dawˬmehˬ 12:7

Kʼoeˇ gaˇ, naw maꞈ-ahˇ guiˬ lahˬ biꞈ-eu gʼaˬ pyeuꞈ-eu naw maꞈ-euˬ Sahˬpaˬ Miˬyehˇ mehˬ shi, naw maꞈ hawˇ-eu naw maꞈ-euˬ miˬ sawˇ zaˬ deuˬ dzaˬ-awˇ dawˇ-awˇ, naw maꞈ neh mˇ-euˬ yaw muiˬ jeˬ gʼaˇ duˬ laˬ kʼaˬ ya cehˇ meh.

Dawˬmehˬ 16:11

Nawˬ-euˬ zaˬ deuˬ, nawˬ-euˬ zaˬ kʼaˆ deuˬ, naw maꞈ-euˬ meuˬ deuˬ-ahˇ jawˇ luꞈ-eu Leˬbiˇ tsawˇ haˬ deuˬ, boeˇ miˬ siˬ kʼaˬ deuˬ, muˇ coe aˬ nmˇ deuˬ hawˇ-eu miˬ coeˬ miˬ ma deuˬ nehˬ-ehˇ, uˬ duˬ tahˬ-eu jawˇ duˬ-ahˇ Sahˬpaˬ Miˬyehˇ-euˬ mehˬ shi laˬ kʼaˬ cehˇ-awˬ.

Dawˬmehˬ 26:14

Tsawˇ ngoeˇ ngoeˇ luꞈ-eu aˇ yamˬ laꞈ kʼoeˇ, tseˇ bymˇ tiˬ bymˇ ngaˇ maˬ dzaˬ haw-aˬ. Ngaˇ maˬ shawˇ-eu tsawˇ haˬ pyeuꞈ luꞈ ngeh, ngaˬ-euˬ nymˇ laꞈ nyiˇ paw tseˇ bymˇ tiˬ bymˇ maˬ yuˇ doˆ gʼeh haw-aˬ. Tseˇ bymˇ tiˬ bymˇ yuˇ-awˇ, shiˇ-euˬ tsawˇ haˬ gʼaˇ duˬ ngaˇ maˬ lawˇ haw-aˬ. Sahˬpaˬ Miˬyehˇ-oˇ, nawˬ-euˬ ehˇ dawˬ-ahˇ ngaˇ naˇ haˬ-euˬ ma. Tseˇ bymˇ tiˬ bymˇ-ahˇ taꞈ leˇ-awˇ, nawˬ neh dawˬ kʼaˇ biꞈ taˬ-eu loꞈ-ehˇ, yawˬ jeˬ na luꞈ ngaˇ mˇ-euˬ ma.

Yaˬkoˆ 4:9

Noeˬ shaˬ dui dui-awˇ ngoeˇ dui dui-awˬ. Naw maꞈ uiˇ-euˬ jeˬ-ahˇ ngoeˇ-eu jeˬ bi pyeuꞈ-iˇ-awˇ, laˬ kʼaˬ cehˇ-euˬ jeˬ-ahˇ noeˬ shaˬ-eu jeˬ bi pyeuꞈ-iˇ-awˬ.