Neˬhaˬmiˇ 8:7 - Akha

⁷ Kʼoeˇ naˇ, aˬ yawꞈ maꞈ yawˬ ha jawˇ duˬ-ahˇ yawˬ ha tuˇ-awˇ, Leˬbiˇ tsawˇ haˬ deuˬ pyeuꞈ-eu Yeˬshah, Baˬniˬ, Sheˬleˬbiˇ, Yaˬmeˬ, Aˬkuˇ, Shaˬbaˬdehˇ, Hawˇdiˇyaˆ, Maˬseˬyaˇ, Geˬliˇtaˬ, Aˬzaˬliˇ, Yawˇzaˬbaˆ, Haˬnaˬ, Peˬlaˇyaˬ aˬ ha maꞈ neh aˬ yawꞈ maꞈ-ahˇ Zahˇ dawˬ kʼoꞈ dawˬ-euˬ dawˬ tsuiꞈ ja mehˬ nehˬ-euˬ meh.

Neˬhaˬmiˇ 8:7 Iomraidhean Croise

1 Sahˬpaˬ 8:14

Kʼoeˇ gaˇ yawꞈ luꞈ-eu Iˇsaˬleˬlaˆ tsawˇ haˬ deuˬ jawˇ paw sahˬ paˬ Sawˇlaˬmoˬ ciˬ pyawˇ-awˇ, Miˬyehˇ guiˬ lahˬ aˬ yawꞈ maꞈ kʼoeˇ taˆ bi keuˆ le-eu gʼaˇ duˬ, aˬ yawꞈ maꞈ-ahˇ dawˬ ngehˬ gʼeh nehˬ-euˬ meh.

2 Laˬsaˬbaˬ 30:22

Sahˬpaˬ Miˬyehˇ-ahˇ uˬ duˬ tahˬ ngeh sheuˬ gʼeh-eu nya dui dui-eu miˇ neh, Leˬbiˇ tsawˇ haˬ deuˬ-ahˇ Heˬsaˬgiˇ ja ceuˬ nehˬ-euˬ meh. Shiꞈ nah keuˆ ni, aˬ yawꞈ maꞈ-ahˇ oꞈ-eu shaˬ bymˇ deuˬ dzaˬ-eu laꞈ kʼoeˇ cawˬ cawˬ taꞈ-eu lawˇ-eu jeˬ lawˇ-awˇ, aˬ yawꞈ maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ aˬ yawꞈ maꞈ ja ceuˬ-euˬ meh.

2 Laˬsaˬbaˬ 35:3

Iˇsaˬleˬlaˆ tsawˇ haˬ deuˬ-ahˇ mehˬ nehˬ tsoˆ nehˬ-eu deuˬ pyeuꞈ-eu Sahˬpaˬ Miˬyehˇ-ahˇ gʼawˇ mawˇ a nehˬ taˬ-euˬ Leˬbiˇ tsawˇ haˬ deuˬ-ahˇ kʼawꞈ, aˬ yawꞈ heu loꞈ-ehˇ mehˬ nehˬ tsoˆ nehˬ-euˬ meh. “Muiˬ-eu shawˇ-eu Dawˬ ma saˇ jaˇ Bahˬ keuˆ-ahˇ, Daˬbiˇ-euˬ aˬ li sahˬ paˬ Sawˇlaˬmoˬ neh tsoˆ-euˬ Uˬ duˬ tahˬ nymˇ nymˇ ma laꞈ kʼoeˇ baꞈ taˬ-euˬ meh. Naw maꞈ-aˬ, bahˬ keuˆ kʼoeˇ-ahˇ doe doe-ehˇ baꞈ baꞈ-ehˇ maˬ paˇ ya cah ni, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ hawˇ-eu aˬ yawꞈ-euˬ tsawˇ jeuˬ pyeuꞈ-eu Iˇsaˬleˬlaˆ tsawˇ haˬ deuˬ gʼaˇ duˬ gaˇ ya mˇ meh.

Eˇzaˬlaˬ 8:18

Miˬyehˇ-euˬ guiˬ lahˬ baˬ da neh, Maˬhaˬliˬ aˇ jeuˬ pyeuꞈ-eu Sheˬleˬbiˇ lehˇ myahˇ-euˬ nui noeˬ kʼoˆ tsehˆ-eu Leˬbiˇ tsawˇ haˬ tiˬ gʼaˬ aˬ yawꞈ maꞈ pyehˬ gʼeh laꞈ-awˇ, aˬ yawꞈ nehˬ-ehˇ aˬ yawꞈ-euˬ aˬ li deuˬ hawˇ-eu mehˇ nmˇ deuˬ tseˇ yehꞈ gʼaˬ caw teh laꞈ-euˬ meh.

Neˬhaˬmiˇ 10:18

Hawˇdiˇyaˆ, Haˬshuˬ, Beˬzaiˇ,

Neˬhaˬmiˇ 10:2

Piˇ ma deuˬ laꞈ kʼoeˇ Seˬlehˇyaˬ, Aˬzaˬliˇ, Yeˬlaˬmiˇ,

Neˬhaˬmiˇ 11:16

Uˬ duˬ tahˬ nymˇ nymˇ ma-euˬ laꞈ nyiˇ gaˇ mˇ gaˇ haw-eu pyaˆ-eu Leˬbiˇ tsawˇ haˬ nyiˬ gʼaˬ pyeuꞈ-eu Shaˬbaˬdehˇ hawˇ-eu Yawˇzaˬbaˆ.

Neˬhaˬmiˇ 11:19

Yeˬluˇsaˬlehˬ meuˬ-ahˇ jawˇ-euˬ Uˬ duˬ tahˬ nymˇ nymˇ ma-ahˇ loꞈ-eu deuˬ-aˬ, Aˬkuˇ, Taˬlaˬmoˬ hawˇ-eu aˬ yawꞈ nyaꞈ-euˬ aˬ yuiꞈ aˬ nyiˇ dawˬ tawˆ luꞈ tiˬ yaˇ shiꞈ tseˇ nyiꞈ gʼaˬ meh.

Neˬhaˬmiˇ 12:33

Daˇ heh baw-awˇ aˬ yawꞈ maꞈ-euˬ mehˬ nah caw teh luꞈ-eu piˇ ma deuˬ-aˬ, Aˬzaˬliˇ, Eˇzaˬlaˬ, Meˬshuˇlamˬ, Yuˇdaˆ, Beˬyaˬmiˬ, Sheˬmaˇyaˬ hawˇ-eu Yeˬlaˬmiˇ meh. Kʼoeˇ deuˬ-euˬ naˇ kʼah cah luꞈ-eu gʼaˬ-aˬ, Yawˇnaˆshaˬ-euˬ aˬ li Zaˬkaˬliˇ meh. (Zaˬkaˬliˇ-euˬ tsuiꞈ-aˬ, Aˬsaˆ, Zaˬkuˬlaˇ, Miˇkaˬyaˇ, Maˬtaˬniˇ, Sheˬmaˇyaˬ, Yawˇnaˆshaˬ, Zaˬkaˬliˇ lehˇ meh.)

Neˬhaˬmiˇ 3:17

Leˬbiˇ tsawˇ haˬ deuˬ neh meuˬ meuˬ lahˇ paˇ gawˬ tsaꞈ gʼeh-euˬ meh. Baˬniˬ-euˬ aˬ li Leˬhamˬ gʼaˬ neh tiˬ deuˆ gawˬ tsaꞈ gʼeh-awˇ, Kiˇlahˬ meuˬ tiˬ paˆ dzaˬ-eu Haˬshaˬbiˇ gʼaˬ aˬ yawꞈ uˆ lahˇ-eu meuˬ-euˬ dah zaˇ tiˬ deuˆ paˇ gawˬ tsaꞈ gʼeh-euˬ meh.

Neˬhaˬmiˇ 3:19

Miˇzaˬpaˬ meuˬ dzaˬ-eu Yeˬshah-euˬ aˬ li Eˇzaˬ gʼaˬ, guiˇ deuˆ-eu keu ka deuˬ taˬ-eu nymˇ-euˬ mehˬ shi jaˆ-eu kʼoeˇ deuˆ gawˬ tsaꞈ gʼeh-awˇ, meuˬ lahˇ laꞈ gʼoꞈ-ahˇ keuˆ ni gawˬ keuˆ-euˬ meh.

Neˬhaˬmiˇ 3:23

Beˬyaˬmiˬ hawˇ-eu Haˬshuˇbaˆ aˬ nyaꞈ neh aˬ yawꞈ nyaꞈ-euˬ nymˇ mehˬ shi jaˆ-eu deuˆ gawˬ tsaꞈ gʼeh-awˇ, Aˬnaˬniˇyaˆ-euˬ Maˬsaˬyaˇ-euˬ aˬ li Aˬzaˬliˇ gʼaˬ, aˬ yawꞈ-euˬ nymˇ mehˬ shi jaˆ-eu deuˆ gawˬ tsaꞈ gʼeh-euˬ meh.

Neˬhaˬmiˇ 8:12

Kʼoeˇ ngeh, tsawˇ haˬ kʼoeˇ deuˬ iˇ kahˇ-ahˇ gʼoꞈ-iˇ-awˇ, laˬ kʼaˬ cehˇ taˆ ni dzaˬ-awˇ dawˇ-awˇ, yawˬ ha kʼaˇ jaˆ-eu jeˬ aˬ cawˬ-ahˇ kʼawꞈ biˇ nehˬ-euˬ meh. Aˬ jeˬ miˇ neh ehˇ naˇ, aˬ yawꞈ maꞈ-ahˇ mehˬ nehˬ-euˬ jeˬ-ahˇ aˬ yawꞈ maꞈ gʼoˆ shaw-euˬ meh.

Neˬhaˬmiˇ 8:4

Kʼoeˇ loꞈ-ehˇ gui mehˬ ngeh bi zmˬ-eu gʼaˇ duˬ teˇ byaꞈ neh tsoˆ taˬ-euˬ guiˇ ga kʼoeˇ taˆ Eˇzaˬlaˬ yawꞈ-euˬ meh. Maˬtiˇdiˇ, Sheˬmaˬ, Aˬnaˬyaˆ, Uˇliˇyaˆ, Hiˇlaˬkiˇ, Maˬseˬyaˇ aˬ ha maꞈ aˬ yawꞈ-euˬ aˇ maˇ paw yawꞈ-awˇ, Peˬdehˇyaˬ, Miˇsheˬlaˇ, Maˬlaˬkiˇyaˬ, Haˬshuˬ, Haˬshaˬbaˬdaˬnaˬ, Zaˬkaˬliˇ, Meˬshuˇlamˬ aˬ ha maꞈ aˬ yawꞈ-euˬ aˇ caˇ paw yawꞈ-euˬ meh.

Neˬhaˬmiˇ 8:6

“Huiˬ dui mahˇ dui dui-eu Miˬyehˇ pyeuꞈ-eu Sahˬpaˬ Miˬyehˇ-ahˇ ja ceuˬ-awˬ” lehˇ Eˇzaˬlaˬ ehˇ ngeh, tsawˇ haˬ dawˬ tawˆ luꞈ aˬ laꞈ baꞈ diˇ-awˇ, “Aˬ miˬ, aˬ miˬ” lehˇ ehˇ-eu meh. Aˬ yawꞈ maꞈ baˬ ba miˇ tsa tuˆ ni pawˬ tsuiꞈ pawˬ dmˬ dmˬ-awˇ uˬ duˬ tahˬ-euˬ meh.

Neˬhaˬmiˇ 8:8

Miˇ kʼahˬ zaˬ deuˬ yaw muiˬ paˬ-ehˇ gʼoˆ shaw nya ni, Miˬyehˇ-euˬ zahˇ dawˬ kʼoꞈ dawˬ-ahˇ dawˬ tsuiꞈ yuˇ doˆ-awˇ yaw muiˬ paˬ-ehˇ ja sawˇ mehˬ nehˬ-euˬ meh.

Neˬhaˬmiˇ 9:3

Naˬ liˬ smˇ laꞈ byah ni aˬ yawꞈ maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ zahˇ dawˬ kʼoꞈ dawˬ gui gaˇ aˬ yawꞈ maꞈ naˇ haˬ-awˇ, dzaiˇ naˬ liˬ smˇ laꞈ byah ni aˬ yawꞈ maꞈ-euˬ iˬ baˇ shaˇ pyehˬ-awˇ, aˬ yawꞈ maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ uˬ duˬ tahˬ-euˬ meh.

Neˬhaˬmiˇ 9:4

Leˬbiˇ tsawˇ haˬ deuˬ gʼaˇ duˬ guiˇ ga tiˬ ga tsoˆ taˬ-awˇ, Leˬbiˇ tsawˇ haˬ deuˬ pyeuꞈ-eu Yeˬshah, Kaˬdaˬmeˬlaˇ, Sheˬbaˬniˇ, Baˬniˬ, Sheˬleˬbiˇ, Baˬniˬ, Sheˬnaˬniˇ aˬ ha maꞈ, kʼoeˇ-euˬ kʼoeˇ taˆ yawꞈ-awˇ, aˬ yawꞈ maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ yaw kʼaˆ-ehˇ guˇ-awˇ guiˬ lahˬ shaˇ-euˬ meh.

Uˬ duˬ 10:11

Ngaˬ neh Moˇseˬ-ahˇ biꞈ-awˇ naw maꞈ-ahˇ bi biꞈ-euˬ zahˇ dawˬ kʼoꞈ dawˬ dawˬ tawˆ luꞈ, Iˇsaˬleˬlaˆ tsawˇ haˬ deuˬ-ahˇ naw maꞈ ya mehˬ ya tsoˆ nehˬ meh.”

Maˬlaˬkiˇ 2:7

Miˬyehˇ-ahˇ siˬ nya-eu zaˬ siˬ tsawˇ gahˇ ahˇ laˇ ni mehˬ nehˬ tsoˆ nehˬ-eu jeˬ-aˬ, piˇ ma deuˬ-euˬ gaˇ meh. Aˬ yawꞈ maꞈ Baoˬ huiˬ-eu Sahˬpaˬ Miˬyehˇ-euˬ gʼaˬ kʼehˇ pyeuꞈ-eu miˇ neh, aˬ cawˬ aˬ yawꞈ maꞈ jawˇ gaˇ le-awˇ, ngaˇ nui ma tsaˬ-eu jeˬ gaˇ kawˆ ya dzaw geuꞈ leˇ-eu meh.

Dawˬmehˬ 33:10

Nawˬ-euˬ Zahˇ dawˬ kʼoꞈ dawˬ mehˬ nah, nawˬ-euˬ zaˬ deuˬ bi caw teh ni, yawꞈ maꞈ mehˬnehˬ tsoˆnehˬ tehꞈ-a. Yawꞈ maꞈ nawˬ-euˬ lawˇ duˬ kʼoeˇ taˆ, lawˇ-eu shehˇ-eu jeˬ mˇ tehꞈ-a.