Neˬhaˬmiˇ 6:9 - Akha

⁹ Aˬ yawꞈ maꞈ-aˬ, nga maꞈ-ahˇ ja guˆ-awˇ gaˇ maˬ mˇ ni bi byehˇ-eu lehˇ leh jeh luꞈ-eu meh. “Miˬyehˇ-oˇ, nymˬ-mˇ ngaˬ-ahˇ gʼaˬ biꞈ lahˬ laꞈ-awˬ” lehˇ, ngaˇ guiˬ lahˬ shaˇ-euˬ ma.

Neˬhaˬmiˇ 6:9 Iomraidhean Croise

2 Laˬsaˬbaˬ 15:7

Ehˇ kʼawꞈ, naw maꞈ gʼaˬ byehˆ maˬ byehˆ ni, nui ma kʼaˬ duˬ ni taˬ-awˬ. Naw maꞈ neh mˇ-euˬ gaˇ baˬ da neh guiˬ lahˬ za tehꞈ-a.”

2 Laˬsaˬbaˬ 32:18

Meuˬ meuˬ lahˇ kʼoeˇ taˆ daˆ luꞈ-eu Yeˬluˇsaˬlehˬ tsawˇ haˬ deuˬ bi guˆ-iˇ-awˇ, Yeˬluˇsaˬlehˬ meuˬ-ahˇ yaw awˇ laꞈ-ehˇ deuˆ gʼaˬ nya ni, Aˬshuˇliˆ tsawˇ haˬ yaw huiˬ yaw mahˇ kʼoeˇ deuˬ Aˬshuˇliˆ sahˬ paˬ neh boꞈ taˬ-euˬ dawˬ kʼoeˇ deuˬ-ahˇ Heˬbyehˇ dawˬ-ahˇ neh yaw kʼaˆ-ehˇ guˇ guˇ-ehˇ dzawˇ gaˬ nehˬ-euˬ meh.

Eˇzaˬlaˬ 1:6

Aˬ yawꞈ maꞈ dawˬ peh jawˇ-eu tsawˇ haˬ deuˬ aˬ yawꞈ maꞈ-ahˇ, pyuˇ myawˬ guˇ deuˬ, shuiˇ deuˬ, dzaˬ dzaˬ dawˇ dawˇ deuˬ, myawˬ tawˬ-eu jeˬ zaˬ deuˬ hawˇ-eu, gaˇ dahˇ tsoeˬ-eu mˇ myawˬ deuˬ uˬ taꞈ, Uˬ duˬ tahˬ nymˇ nymˇ ma-ahˇ lawˇ-eu gʼawˬ mya jeˬ biꞈ-euˬ meh.

Neˬhaˬmiˇ 6:14

Kʼoeˇ ngeh, ngaˇ heu loꞈ-ehˇ guiˬ lahˬ shaˇ-euˬ ma. “Miˬyehˇ-oˇ, Tawˇbyaˬ hawˇ-eu Sahˬbaˬlaˆ aˬ nyaꞈ neh ngaˬ-ahˇ mˇ nehˬ laꞈ-euˬ gaˇ maˬ ngehˇ ni aˬ yawꞈ nyaꞈ-ahˇ kʼehˬ nehˬ-awˬ. Nawˇ diˇ lehˇ myahˇ-euˬ zaˬ miˬ zaˬ kʼoeˇ gʼaˬ hawˇ-eu ngaˬ-ahˇ guˆ ciˬ nyehꞈ-eu lehˇ kʼaˇ leh jeh-euˬ nawˬ-euˬ gʼaˇ duˬ ngehˬ dah-eu kʼoeˇ deuˬ-ahˇ kʼawꞈ maˬ kʼehˬ nehˬ ni taˬ byehˇ nehˬ laꞈ.”

Jaceuq 138:3

Nawˬ-ahˇ ngaˇ kuˇ ngeh, ngaˬ-euˬ dawˬ-ahˇ naˇ haˬ nehˬ laꞈ-awˇ, nawˬ-euˬ gʼaˬ neh ngaˬ-ahˇ gʼaˬ lahˬ lahˬ nehˬ laꞈ-euˬ meh.

Jaceuq 56:3

Dawˬ tawˆ luꞈ mˇ nya-eu Sahˬpaˬ Miˬyehˇ-oˇ, guˆ-eu gaˆ-eu jeˬ ngaˬ-euˬ kʼoeˇ taˆ keuˆ le ngeh, nawˬ-ahˇ ngaˇ gʼoe-eu ma.

Jaceuq 68:35

Aˬ yawꞈ-euˬ muiˬ-eu shawˇ-eu jawˇ duˬ-ahˇ neh doˆ le-eu Miˬyehˇ, aˇ naˆ ni zahˬ leˇ paˬ-ehˇ gʼeh-eu nga. Iˇsaˬleˬlaˆ-euˬ Miˬyehˇ aˇ naˆ ni zahˬ leˇ paˬ-ehˇ gʼeh-eu nga. Aˬ yawꞈ-euˬ tsawˇ jeuˬ-ahˇ, gʼaˬ hawˇ-eu baoˬ aˬ yawꞈ biꞈ nehˬ-euˬ meh. Miˬyehˇ-ahˇ ja ceuˬ-awˬ.

Jaceuq 71:1

Sahˬpaˬ Miˬyehˇ-oˇ, nawˬ-ahˇ ngaˇ tahˬ shaˇ laˇ-euˬ ma. Ngaˬ-euˬ kʼoeˇ taˆ shaꞈ dawˇ-eu jeˬ taˬ bi keuˆ le laꞈ.

Iˇsaˬyaˇ 40:29

Gʼaˬ doeˇ doeˇ-awˇ gʼaˬ baˬ luꞈ-eu tsawˇ haˬ deuˬ-ahˇ, aˬ yawꞈ gʼaˬ biꞈ lahˬ nehˬ-eu meh.

Iˇsaˬyaˇ 41:10

Taˬ guˆ. Ngaˇ nawˬ nehˬ-ehˇ jawˇ ma. Ngaˇ naw maꞈ-euˬ Miˬyehˇ ngeuˇ ma. Tiˬ jeˬ-ahˇ-iˬ naw maꞈ guˆ-eu maˬ loˬ. Ngaˇ gʼaˬ biꞈ-awˇ caw ba nehˬ ma. Nawˬ maꞈ-ahˇ ngaˇ haw piˇ-awˇ ka kʼoꞈ ma.

Yeˬlaˬmiˇ 38:4

Kʼoeˇ naˇ, yaw huiˬ yaw mahˇ kʼoeˇ deuˬ sahˬ paˬ-ahˇ heu loꞈ-ehˇ ehˇ nehˬ leˇ-euˬ meh. “Tsawˇ haˬ heu gʼaˬ-ahˇ maˬ sehꞈ-ehˇ maˬ gʼeh nya luꞈ-a. Aˬ yawꞈ kʼoeˇ loꞈ-ehˇ ja ja-ehˇ cah-eu laꞈ kʼoeˇ, meuˬ laꞈ kʼoeˇ jawˇ-eu yehˇ deuˬ nui ma baˬ-iˇ ni jahˇ luꞈ-eu meh. Meuˬ laꞈ kʼoeˇ kʼaˇ jawˇ-eu tsawˇ haˬ deuˬ-ahˇ kʼawꞈ, aˬ yawꞈ kʼoeˇ loꞈ-ehˇ dzawˇ nehˬ-euˬ meh. Aˬ yawꞈ-aˬ, miˇ kʼahˬ zaˬ deuˬ gʼaˇ duˬ yaw muiˬ jeˬ mˇ-eu maˬ ngeuˇ nga. Yaw cawˆ jeˬ mˇ-eu nga.”

Yeˬsaˬgeˬlaˇ 30:24

Kʼoeˇ naˇ, Baˬbuˇloˬ sahˬ paˬ-euˬ laꞈ du bi deuˇ laˇ-awˇ, aˬ yawꞈ-euˬ aˬ laꞈ-ahˇ ngaˬ-euˬ mi cehˇ dawˆ ahˇ nehˬ ma. Ehˇ kʼawꞈ, Iˇjiˇtuˆ sahˬ paˬ-euˬ aˬ laꞈ ngaˇ ngawˬ kʼehꞈ-awˇ, aˬ yawꞈ-ahˇ muiˇ-eu deuˬ-euˬ mehˬ shi mahˇ mahˇ-ehˇ shiˇ leˇ tehꞈ-a.

Zaˬkaˬliˇ 10:12

Ngaˬ-euˬ tsawˇ jeuˬ gʼaˬ bi kʼaˆ ma. Ngaˬ-euˬ dawˬ-ahˇ naˇ haˬ geuꞈ-awˇ, ngaˬ-ahˇ uˬ duˬ tahˬ tehꞈ-a” lehˇ, Sahˬpaˬ Miˬyehˇ ehˇ taˬ-euˬ meh.

2 Gawˇliˬtu 12:9

Ehˇ kʼawꞈ, aˬ yawꞈ ngaˬ-ahˇ ehˇ-eu, “Ngaˬ-euˬ guiˬ lahˬ yaw dzahˇ nawˬ-euˬ gʼaˇ duˬ loꞈ luꞈ meh. Aˬ jeˬ miˇ neh ehˇ naˇ, nawˇ gʼaˬ baˬ luꞈ ngeh, ngaˬ-euˬ baoˬ nawˬ-euˬ gʼaˇ duˬ byah dzehˬ-eu meh.” Ka li-euˬ baoˬ ngaˬ-ahˇ haw piˇ nehˬ laꞈ nya ni, ngaˇ gʼaˬ baˬ-eu gaˇ kawˆ laˬ kʼaˬ cehˇ cehˇ-ehˇ kʼahˬ sehˇ jehˆ ma.

Eˇpeˇsu 3:16

Naw maꞈ-euˬ nui ma laꞈ kʼoeˇ gʼaˬ bi ahˇ laˇ ni, Yaw sahˇ Miˬyehˇ-ahˇ gʼoe-eu laꞈ kʼoeˇ aˬ yawꞈ-euˬ byah dui kuꞈ dui dui-eu yaw shehꞈ kʼahˬ sehˇ-euˬ baoˬ naw maꞈ-ahˇ biꞈ-eu gʼaˇ duˬ Miˬyehˇ-ahˇ ngaˇ shaˇ-eu ma.

Eˇpeˇsu 6:10

Aˇ saˬ saˬ-eu dawˬ heu loꞈ-ehˇ ehˇ-eu ma. Sahˬpaˬ Yeˬsuˇ-euˬ huiˬ-eu baoˬ-ahˇ gʼoe-awˇ, aˬ yawꞈ laꞈ kʼoeˇ gʼaˬ ahˇ laˇ-awˬ.

Piˇliˇpiˆ 4:13

Aˬ geu jeˬ keuˆ le-eu maˬ kaˬ, Ka li neh ngaˬ-ahˇ biꞈ laꞈ-euˬ baoˬ-ahˇ gʼoe-awˇ ciˬ daˬ coeˇ ma.

HeˬByehˇ 12:12

Kʼoeˇ miˇ neh, laꞈ guˬ shiˇ laˇ-euˬ naw maꞈ-euˬ aˬ laꞈ paˇ cawˬ diˇ-awˇ, gʼaˬ juˬ laˇ-euˬ naw maꞈ-euˬ pawˬ tsuiꞈ gʼaˬ paˇ bi ahˇ kʼoꞈ laˇ-awˬ.

1 Beˬtuˆluˆ 5:10

Ehˇ kʼawꞈ, naw maꞈ ti kʼehˬ tiˬ yamˬ kʼoeˇ loꞈ-ehˇ ya daˬ gʼaˬ ngeh jawˇ, Ka li laꞈ koeˇ aˬ yawꞈ-euˬ mˬ maˬ maˬ byaˆ zaˇ ziˇ ziꞈ-eu yaw shehꞈ kʼahˬ sehˇ bi za-eu gʼaˇ duˬ naw maꞈ-ahˇ kuˇ-euˬ gʼaˬ pyeuꞈ-eu aˬ dui-ahˇ gaˬ dui dui-eu Miˬyehˇ-aˬ, naw maꞈ-ahˇ bi byah laˇ tehꞈ-a. Aˬ yawꞈ naw maꞈ-ahˇ bi ziꞈ laˇ, bi kʼaˆ laˇ-eu uˬ taꞈ, Ka li-ahˇ jah-eu dawˬ pehˬ ziꞈ dah ni bi pyeuꞈ laˇ tehꞈ-a.

1 Saˬmeuˬlaˆ 30:6

Kʼoeˇ ngeh jawˇ, Daˬbiˇ nui ma cawˆ dui dui-eu meh. Aˬ je ˬmiˇ neh ehˇ naˇ, aˬ yawꞈ maꞈ-euˬ miˬ sawˇ zaˬ deuˬ ya smˬ-iˇ jiˇ-euˬ baˬ da neh, aˬ yawꞈ-euˬ tsawˇ haˬ deuˬ nui ma naˇ dui dui-awˇ, aˬ yawꞈ-ahˇ kʼaˬ lo neh biˬ-eu lehˇ lmˬ luꞈ-eu meh. Ehˇ kʼawꞈ, aˬ yawꞈ-euˬ Miˬyehˇ pyeuꞈ-eu Sahˬpaˬ Miˬyehˇ aˬ yawꞈ-ahˇ gʼaˬ biꞈ-euˬ meh.