Neˬhaˬmiˇ 6:6 - Akha

⁶ Sahˬ boꞈ kʼoeˇ taꞈ laꞈ kʼoeˇ boꞈ taˬ-euˬ-aˬ, Nawˇ hawˇ-eu Yuˇdaˆ tsawˇ haˬ deuˬ sahˬpaˬ-ahˇ puiˬ mawꞈ-eu miˇ neh meuˬ lahˇ paˇ gawˬ muiˬ luꞈ-eu meh lehˇ naw maꞈ dawˬ peh jawˇ-eu tsawˇ jeuˬ deuˬ ja luꞈ-eu gaˇ kawˆ Geˬsheˬ ngaˬ-ahˇ dzawˇ nehˬ laꞈ-euˬ meh. Kʼoeˇ uˬ taꞈ, nawˇ yawˬ haˇ yawˬ ha sahˬpaˬ geuꞈ mawꞈ-awˇ,

Neˬhaˬmiˇ 6:6 Iomraidhean Croise

Eˇzaˬlaˬ 4:12

“Sahˬ paˬ-oˇ, nawˇ jawˇ gaˇ neh laˇ-euˬ Yuˇdaˆ tsawˇ haˬ kʼoeˇ deuˬ Yeˬluˇsaˬlehˬ meuˬ-ahˇ jawˇ uˇ leˇ-awˇ, nawˬ-ahˇ puiˬ-eu meuˬ pyeuꞈ-eu haiˬ-eu meuˬ kʼoeˇ meuˬ-ahˇ paˇ tsoˆ muiˬ luꞈ-eu gaˇ kawˆ nawˬ-ahˇ bi siˬ-eu ma. Aˬ yawꞈ maꞈ meuˬ meuˬ lahˇ paˇ gawˬ muiˬ luꞈ-awˇ, gawˬ gʼaˬ-eu keuˆ laˇ-euˬ meh.

Eˇzaˬlaˬ 4:15

Nawˬ-euˬ aˬ poeˬ aˬ bawˇ deuˬ neh boꞈ ahˇ taˬ yaꞈ-euˬ gaˇ kawˆ deuˬ laꞈ kʼoeˇ bi poˆ haw naˇ, Yeˬluˇsaˬlehˬ meuˬ-aˬ, aˇ hu ba neh sahˬ paˬ sahˬ ma deuˬ-ahˇ bahˬ-eu muˆ-eu meuˬ pyeuꞈ-awˇ, kʼoeˇ gaˇ jawˇ-eu tsawˇ haˬ deuˬ-ahˇ uˆ lahˇ-eu shaˬ dui dui-eu miˇ neh, meuˬ kʼoeˇ meuˬ-ahˇ laˆ luˬ laˆ seˇ nehˬ-euˬ gaˇ kawˆ boꞈ taˬ-euˬ gaˇ ya mawˇ tehꞈ-a.

Neˬhaˬmiˇ 2:19

Nga maꞈ kʼoeˇ loꞈ-ehˇ mˇ-eu lehˇ lehˬ hmˬ luꞈ-eu gaˇ kawˆ-ahˇ, Sahˬbaˬlaˆ, Tawˇbyaˬ hawˇ-eu Aˬlaˆ tsawˇ haˬ Geˬsheˬ lehˇ myahˇ-euˬ aˬ ha smˇ gʼaˬ ya gaˬ ngeh, nga maꞈ-ahˇ naˬ gʼa-eu laꞈ kʼoeˇ ehˇ-eu, “Naw maꞈ aˬ jeˬ mˇ-eu gʼeh te. Sahˬ paˬ-ahˇ puiˬ-eu lehˇ gʼeh te loˇ.”

Neˬhaˬmiˇ 6:13

Ngaˇ kʼoeˇ loꞈ-ehˇ mˇ-eu baˬ da neh iˬ baˇ doˆ laˇ-awˇ, ngaˬ-euˬ tsawˇ myahˇ cawˆ-iˇ-eu uˬ taꞈ shaꞈ dawˇ dui dui paˬ-ehˇ gʼeh-eu daˬ ga-eu jeˬ ngaˬ-euˬ kʼoeˇ taˆ keuˆ le ni, ngaˬ-ahˇ mehˇ shuiˇ bi shuiˇ-eu gʼaˇ duˬ, Sheˬmaˇyaˬ-ahˇ aˬ yawꞈ nyaꞈ kʼehˇ-euˬ meh.

Neˬhaˬmiˇ 6:5

Kʼoeˇ naˇ, Sahˬbaˬlaˆ gʼaˬ aˬ yawꞈ-euˬ zaˬ kʼaˆ pyehˬ gʼeh laꞈ-awˇ, ngaˬ poˆ tiˬ poˆ dawˬ tsaꞈ paˇ bi tsaꞈ laˇ-euˬ meh. Kʼoeˇ ngeh poˆ-aˬ, jmˬ maˬ diˬ taˬ-euˬ sahˬ boꞈ tiˬ taꞈ bi hehˇ laꞈ-euˬ meh.

Neˬhaˬmiˇ 6:7

nawˇ Yuˇdaˆ sahˬpaˬ pyeuꞈ-eu meh lehˇ Yeˬluˇsaˬlehˬ meuˬ laꞈ kʼoeˇ bi ehˇ gaˬ-eu gʼaˇ duˬ Miˬyehˇ gʼaˇ duˬ ngehˬ dah-eu deuˬ kʼawꞈ tseˇ doˆ gʼaˬ-euˬ meh lehˇ aˬ yawꞈ ehˇ-eu meh. Gaˇ kawˆ heu sahˬpaˬ jawˇ gaˇ aˬ diˇ aˬ maˇ gaˬ keuˆ-iˇ tehꞈ-a. Kʼoeˇ miˇ neh, gaˇ kawˆ heu bawˬ dzaˬ-eu gʼaˇ duˬ aˇ nyaꞈ tahˬ dzoeˇ kaˇ-euˇ lehˇ ngaˇ nawˬ-ahˇ kuˇ-eu ma.

Yeˬlaˬmiˇ 20:10

“Yawˬ gaˇ na luꞈ guˆ-eu gaˆ-eu jeˬ keuˆ le-euˬ gaˆ kawˆ, Sahˬ paˬ sahˬ ma deuˬ-ahˇ tsaꞈ gaˬ-iˇ kaˇ-euˇ” lehˇ, yawˬ gʼaˬ na luꞈ dawˬ saˆ saˆ kʼoeˬ luꞈ-eu ngaˇ gaˬ-euˬ ma. Ngaˇ gʼoeˇ dui dui-eu cawˬ deuˬ-ahˇ keuˆ ni, ngaˇ coˬ-iˇ gaˇ dawˬ luꞈ-eu meh. “Aˬ dui maꞈ aˬ yawꞈ-ahˇ tsawˇ gahˇ gahˇ-awˇ, aˬ yawꞈ-ahˇ kʼmˇ paꞈ-awˇ laꞈ poˆ poˆ kaˇ-euˇ” lehˇ, aˬ yawꞈ maꞈ ngaˬ-euˬ gaˇ kawˆ ja luꞈ meh.

Maꞈtehˬ 5:11

“Naw maꞈ ngaˬ-euˬ mehˬ nah caw teh-eu baˬ da neh, aˬ cawˬ yehˬ bawˬ sehˇ lu-ehˇ ehˇ-eu, kʼehˬ-eu kʼaˆ-eu, maˬ ngeuˇ gaˇ keuˆ ni gʼawˬ mya jeˬ ja bu ja doeˇ-eu, heu deuˬ-ahˇ naw maꞈ ya daˬ ngeh, guiˬ lahˬ huiˬ-eu meh.

Luˇkaꞈ 23:2

Aˬ yawꞈ maꞈ Yeˬsuˇ-ahˇ iˬ baˇ poˆ-awˇ ehˇ-eu, “Tsawˇ haˬ heu gʼaˬ nga maꞈ-euˬ tsawˇ jeuˬ-ahˇ gaˇ ma sheuˬ bahˬ-awˇ, sahˬ paˬ Gehˇsaˬ-ahˇ kawˬ taˬ doˆ nehˬ lehˇ nga maꞈ-ahˇ laˆ tsoeˬ-eu uˬ taꞈ, yawˬ haˇ yawˬ ha Ka li lehˇ kuˇ-eu sahˬ paˬ ma lehˇ ehˇ-eu nga maꞈ mawˇ-euˬ ma.”

Yoˇhaˬ 19:13

Dawˬ kʼoeˇ dawˬ-ahˇ sahˬ paˬ Piˇlaˆ ya gaˬ ngeh, Yeˬsuˇ-ahˇ laꞈ nyiˇ sheuˬ doˆ leꞈ-awˇ, “Kʼaˬ lo kʼawˬ taˬ-euˬ jawˇ duˬ” lehˇ kuˇ gaˇ jaˆ-eu yaˇ kʼaˬ daˇ-eu nuiˇ mahˬ-ahˇ nuiˇ le-euˬ meh. Kʼaˬ lo kʼawˬ taˬ-euˬ jawˇ duˬ-ahˇ, Heˬbyeˇ dawˬ “Gaˬbaˬdaˬ” lehˇ ehˇ-eu meh.

Lormav 3:8

Toˆ-ehˇ ngeuˇ naˇ, “Yaw muiˬ jeˬ doˆ laˇ ni maˬ muiˬ-eu jeˬ mˇ kaˇ-euˇ” lehˇ ehˇ-eu maˬ tsaˬ-a loˇ. Tsawˇ haˬ tiˬ paˆ na deuˬ ngaˇ kʼoeˇ loꞈ-ehˇ ehˇ-eu meh lehˇ ehˇ-awˇ, ngaˬ-euˬ yaw lehˬ poˆ poˆ-ehˇ ngaˬ-ahˇ ja doeˇ-eu meh. Kʼoeˇ loꞈ-ehˇ ehˇ-eu tsawˇ haˬ deuˬ-aˬ, kʼehˬ-eu kʼaˆ-eu jeˬ-ahˇ ya daˬ tehꞈ-a.

2 Gawˇliˬtu 6:8

Yaw zeu baw nehˬ laꞈ-euˬ jeˬ-ahˇ maˬ ehˇ, daˬ laˆ ga nehˬ laꞈ-euˬ jeˬ-ahˇ maˬ ehˇ, yehˬ bawˬ sehˇ lu-ehˇ ehˇ nehˬ laꞈ-euˬ jeˬ-ahˇ maˬ ehˇ, ja ceuˬ nehˬ laꞈ-euˬ jeˬ-ahˇ maˬ ehˇ, nga maꞈ ya daˬ-euˬ ma. Nga maꞈ yaw tsaˬ yaw dawˇ jeˬ ngehˬ-euˬ kʼawꞈ, jaˬ myawꞈ myawꞈ-eu tsawˇ haˬ ngaˇ lehˇ ehˇ laˇ gaˇ ya daˬ-euˬ ma.

1 Beˬtuˆluˆ 3:16

Ehˇ kʼawꞈ, kʼoeˇ loꞈ-ehˇ ja mehˬ nehˬ ngeh, nui ma nahˬ yu ni taˬ-awˇ yaw zeu baw-eu laꞈ kʼoeˇ ja mehˬ nehˬ-awˬ. Aˬ cawˬ yehˬ bawˬ sehˇ lu-ehˇ ehˇ laˇ gaˇ naw maꞈ ya daˬ ngeh, Ka li laꞈ kʼoeˇ naw maꞈ yaw muiˬ jeˬ mˇ luꞈ gaˇ ja doeˇ-eu tsawˇ haˬ deuˬ yawˬ ha-euˬ dawˬ-ahˇ yawˬ ha ya shaꞈ dawˇ-iˇ ni, naw maꞈ-euˬ siˬ nya-eu nui ma shawˇ jehˆ ni taˬ-awˬ.