Neˬhaˬmiˇ 6:4 - Akha

⁴ Aˬ yawꞈ nyaꞈ oeˬ poˆ keuˆ ni ngaˬ-ahˇ kʼoeˇ loꞈ-ehˇ bi kuˇ laˇ-awˇ, ngaˇ gʼeh, yawˬ poˆ na luꞈ aˬ yawꞈ tiˬ dawˬ tehꞈ-ehˇ bi gaˬ kʼoꞈ-iˇ-euˬ ma.

Neˬhaˬmiˇ 6:4 Iomraidhean Croise

Neˬhaˬmiˇ 6:3

Aˬ yawꞈ nyaꞈ jawˇ gaˇ ngaˇ tsawˇ haˬ pyehˬ gʼeh-awˇ, “Ngaˇ huiˬ dui dui-eu gaˇ mˇ luꞈ-eu miˇ neh oe-eu maˬ dah-eu uˬ taꞈ, naw nyaꞈ-ahˇ tahˬ puˬ le-eu gʼaˇ duˬ gaˇ heu-ahˇ maˬ byehˇ coeˇ nya” lehˇ bi tsaꞈ gaˬ-iˇ-euˬ ma.

Neˬhaˬmiˇ 6:5

Kʼoeˇ naˇ, Sahˬbaˬlaˆ gʼaˬ aˬ yawꞈ-euˬ zaˬ kʼaˆ pyehˬ gʼeh laꞈ-awˇ, ngaˬ poˆ tiˬ poˆ dawˬ tsaꞈ paˇ bi tsaꞈ laˇ-euˬ meh. Kʼoeˇ ngeh poˆ-aˬ, jmˬ maˬ diˬ taˬ-euˬ sahˬ boꞈ tiˬ taꞈ bi hehˇ laꞈ-euˬ meh.

Dawqdaq 14:15

Dawˇ ga deuˬ kʼaˇ ehˇ kʼaˇ jah jah-awˇ, yaw gahˇ deuˬ kuiˇ toꞈ shaˇ noeˬ-awˇ ciˬ-eu meh.

Dawqdaq 7:21

Dawˬ nahˬ jawˆ ni ngehˬ-awˇ muˇ juˇ juˇ-eu laꞈ kʼoeˇ, aˬ yawꞈ tawˆ leˇ ni mehˇ shuiˇ shuiˇ-euˬ meh.

Luˇkaꞈ 18:5

aˬ yawꞈ ngaˇ jawˇ gaˇ laˇ laˇ-ehˇ bahˬ gʼa-eu miˇneh, aˬ yawꞈ-euˬ gaˇ kawˆ daˇ tsehˆ nehˬ shaw-iˬ ma. Maˬ ngeuˇ naˇ, aˬ yawꞈ laˇ laˇ-ehˇ bahˬ gʼa-eu miˇ neh tehꞈ-ehˇ kʼawꞈ, maˬ paˇ dehꞈ-iˇ-eu miˇ-a.”’

1 Gawˇliˬtu 15:58

Kʼoeˇ miˇ neh aˬ yuiꞈ aˬ nyiˇ Ka li zaˬ deuˬ-oˇ, gʼaˬ byehˆ maˬ byehˆ-ehˇ ziꞈ dah ni yawꞈ tehˬ taˬ-eu laꞈ kʼoeˇ, Sahˬpaˬ Yeˬsuˇ-euˬ gaˇ mˇ-eu yawꞈ ngehꞈ maˬ ngeuˇ-a lehˇ siˬ nya-awˇ, Sahˬpaˬ Yeˬsuˇ-euˬ gaˇ mˇ-eu leh jeh dui dui-awˬ.

Gaˬlaˬtiˆ 2:5

Ehˇ kʼawꞈ, Laˬ kʼaˬ cehˇ-eu Guiˬ lahˬ dawˬ-euˬ yaw tsaˬ yaw dawˇ jeˬ naw maꞈ nehˬ-ehˇ ziꞈ dah ni jaˆ nya ni, aˬ yawꞈ maꞈ-euˬ ehˇ dawˬ nga maꞈ tiˬ pawꞈ-iˬ maˬ geuꞈ nehˬ-aˬ.

Yaˇ kʼaˬ daˇ 16:10

Saˬsoˬ-ahˇ Deˬliˇlaˆ ehˇ nehˬ-eu,“ Nawˇ ngaˬ-ahˇ kʼaˇ ngeuˇ-eu loꞈ-ehˇ maˬ ehˇ nehˬ laꞈ ni, tsawˇ uˬ laˆ uˬ nehˬ laꞈ-eu nga. Aˬ cawˬ nawˬ-ahˇ aˬ joˆ-ehˇ jahˇ-awˇ paꞈ tawꞈ nya nmˇ lehˇ ngaˬ-ahˇ tiˬ poˆ paˇ ehˇ nehˬ laꞈ sheˇ.”

Yaˇ kʼaˬ daˇ 16:6

Kʼoeˇ naˇ, Deˬliˇlaˆ Saˬsoˬ-ahˇ ehˇ nehˬ-eu, “Aˬ jeˬ baˬ da neh nawˇ teu naˆ naˆ-ehˇ gʼaˬ kʼaˆ-eu gaˇ kawˆ ngaˬ-ahˇ ehˇ nehˬ laꞈ sheˇ, Aˬ cawˬ nawˬ-ahˇ paꞈ tawꞈ-awˇ kʼehˬ nehˬ kʼaˆ nehˬ mawꞈ naˇ aˬ joˆ-ehˇ ya jahˇ nmˇ lehˇ ehˇ haw sheˇ.”