Neˬhaˬmiˇ 6:16 - Akha

¹⁶ Nga maꞈ-euˬ jawˬ jawˬ-ehˇ jawˇ-eu nga maꞈ-ahˇ muiˇ-eu aˬ cawˬ tsawˇ jeuˬ deuˬ gaˇ kawˆ kʼoeˇ ya gaˬ ngeh, aˬ yawꞈ maꞈ-euˬ myaˆ pyawˬ naˇ mehˇ maˬ jaˆ-ehˇ pyeuꞈ-iˇ-euˬ meh. Aˬ jeˬ miˇ neh ehˇ naˇ, Miˬyehˇ caw ba-eu miˇ neh gaˇ kʼoeˇ mˇ pyeuꞈ nya-euˬ gaˇ kawˆ, yawˬ gʼaˬ na luꞈ siˬ duˬ-eu meh.

Neˬhaˬmiˇ 6:16 Iomraidhean Croise

Neˬhaˬmiˇ 2:10

Ehˇ kʼawꞈ, Iˇsaˬleˬlaˆ tsawˇ jeuˬ huiˬ laˇ mahˇ laˇ ni mˇ-eu gʼaˇ duˬ tsawˇ haˬ laˇ taˬ-euˬ gaˇ kawˆ-ahˇ, Behˬhawˇleuˬ meuˬ-ahˇ jawˇ-eu Sahˬbaˬlaˆ hawˇ-eu Aˬmoˬ miˇ kʼahˬ-ahˇ yaw huiˬ yaw mahˇ geuꞈ luꞈ-eu Tawˇbyaˬ aˬ nyaꞈ ya gaˬ ngeh, nui ma maˬ tsaˬ-a.

Neˬhaˬmiˇ 4:1

Yuˇdaˆ tsawˇ haˬ deuˬ meuˬ meuˬ lahˇ gawˬ muiˬ luꞈ-eu gaˇ kawˆ-ahˇ Sahˬbaˬlaˆ ya gaˬ ngeh, aˬ yawꞈ nui ma pehˇ dui dui-awˇ, nga maꞈ-ahˇ ja bu ja doeˇ-eu meh.

Neˬhaˬmiˇ 4:7

Sahˬbaˬlaˆ, Tawˇbyaˬ aˬ nyaꞈ hawˇ-eu, Aˬleˬbyaˇ miˇ kʼahˬ, Aˬmoˬ miˇ kʼahˬ hawˇ-eu Aˬshaˬdoˇ miˇ kʼahˬ-ahˇ jawˇ-eu tsawˇ haˬ deuˬ, nga maꞈ meuˬ lahˇ gawˬ daˆ leꞈ luꞈ-eu gaˇ kawˆ hawˇ-eu yaw pehꞈ-ehˇ jaˆ-eu meuˬ lahˇ gawˬ gʼoeˬ jiˇ-euˬ gaˇ kawˆ ya gaˬ-awˇ, nui ma pehˇ dui dui-eu meh.

Neˬhaˬmiˇ 6:17

Aˇ nah aˇ yamˬ kʼoeˇ laꞈ kʼoeˇ, Yuˇdaˆ tsawˇ haˬ aˬ yuiꞈ aˬ tsu gʼawˬ mya gʼaˬ Tawˇbyaˬ nehˬ-ehˇ sahˬ boꞈ boꞈ taꞈ boꞈ taꞈ-ehˇ jawˇ-euˬ meh.

Jaceuq 109:27

Nawˇ ngaˬ-ahˇ ka kʼoꞈ-eu gʼaˬ pyeuꞈ-eu gaˇ kawˆ, ngaˬ-ahˇ muiˇ-eu deuˬ-ahˇ bi siˬ leˇ-awˬ.

Jaceuq 126:2

Aˬ dui laˬ kʼaˬ cehˇ dui dui-awˇ uiˇ-euˬ laꞈ kʼoeˇ, laˬ kʼaˬ cehˇ-eu caˇ dawˬ caˇ dui dui-euˬ ma. Kʼoeˇ ngeh, aˬ dui gʼaˇ duˬ Sahˬpaˬ Miˬyehˇ, huiˬ-eu jeˬ mˇ-euˬ gaˇ kawˆ-ahˇ, miˇ kʼahˬ tsawˇ jeuˬ deu ja-eu meh.

Jaceuq 129:5

Ziˇoˬ meuˬ-ahˇ kʼaˇ bye-eu tsawˇ haˬ deuˬ, guiˇ bi deuˆ gʼaˬ-awˇ bi teh dzeh luꞈ-uˇ.

Jaceuq 147:2

Yeˬluˇsaˬlehˬ meuˬ-ahˇ Sahˬpaˬ Miˬyehˇ tsoˆ muiˬ luꞈ-awˇ, aˬ cawˬ miˇ kʼahˬ-ahˇ bi nyehꞈ gʼeh-euˬ deuˬ-ahˇ sheuˬ kʼoꞈ leꞈ-eu lehˇ gʼeh-eu meh.

Doˆ-iˇ 14:25

Aˬ yawꞈ maꞈ-euˬ mahˬ laˆ lawˬ aˇ beuˆ suꞈ-iˇ-awˇ, maˬ teh gahˇ nya ni bi pyeuꞈ-iˇ-euˬ meh. “Sahˬpaˬ Miˬyehˇ Iˇsaˬleˬlaˆ tsawˇ haˬ paw jawˇ-awˇ, aˬ dui-ahˇ guiˇ deuˆ luꞈ-eu nga. Aˬ dui maꞈ heu gaˇ neh doˆ-iˇ kaˇ-euˇ” lehˇ, Iˇjiˇtuˆ tsawˇ haˬ deuˬ ehˇ-eu meh.

Yeˬlaˬmiˇ 33:9

Yeˬluˇsaˬlehˬ meuˬ-aˬ, laˬ kʼaˬ cehˇ-eu jeˬ, taˬ huiˬ taˬ mahˇ nehˬ-eu jeˬ hawˇ-eu, yaw shehꞈ kʼahˇ sehˇ huiˬ-eu jawˇ duˬ pyeuꞈ laˇ tehꞈ-a. Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-ahˇ ngaˬ neh jahˇ nehˬ-euˬ yaw muiˬ jeˬ hawˇ-eu, Yeˬluˇsaˬlehˬ meuˬ-ahˇ ngaˬ neh biꞈ nehˬ-euˬ baw le za le-eu guiˬ lahˬ gaˇ kawˆ ya gaˬ ngeh, miˇ tsaˬ kʼoeˇ taˆ kʼaˇ jawˇ-eu tsawˇ jeuˬ dawˬ tawˆ luꞈ guˆ-awˇ yaw dzuˬ dzuˬ tehꞈ-a.”

Bawˇtsahˬ 23:23

Mah loˬ jaˬ nehꞈ zmˬ-awˇ, Iˇsaˬleˬlaˆ tsawˇ haˬ-ahˇ maˬ laˆ deuˬ nya-a. ‘Haw sheˇ. Iˇsaˬleˬlaˆ tsawˇ haˬ deuˬ-ahˇ Miˬyehˇ aˬ joˆ-ehˇ jahˇ nehˬ-eu nga’ lehˇ, aˬ cawˬ ya ehˇ gaˇ keuˆ tehꞈ-a.

Gʼaˬkʼehˇ 5:38

Kʼoeˇ miˇ neh, gaˇ kawˆ heu hmˬ-ahˇ taꞈ leˇ-awˇ, naw maꞈ-ahˇ ngaˇ heu loꞈ-ehˇ ehˇ mawꞈ miˇ-a. Tsawˇ haˬ heu deuˬ-ahˇ do maˬ yuˇ ni bi jawˇ-awˬ. Aˬ yawꞈ maꞈ neh mˇ-euˬ gaˇ heu, tsawˇ haˬ zaˬ neh noeˬ doˆ-awˇ mˇ-euˬ jeˬ ngeuˇ naˇ, aˬ yawˇ yawꞈ piˬ-iˇ byoˆ-iˇ tehꞈ-a.

Yawˇshuˆ 2:11

Gaˇ kawˆ kʼoeˇ ya gaˬ-euˬ nehˬ-ehˇ nga maꞈ guˆ guˆ-ehˇ jawˇ-euˬ ma. Naw maꞈ baˬ da neh nga maꞈ nui ma gʼaˬ baˬ dui dui luꞈ-eu ma. Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-aˬ, mˬ kʼoeˇ taˆ maˬ ehˇ, miˇ tsaˬ kʼoeˇ taˆ maˬ ehˇ, uˆ lahˇ-eu Miˬyehˇ pyeuꞈ-eu meh.

Yawˇshuˆ 2:9

aˬ yawꞈ nyaꞈ-ahˇ heu loꞈ-ehˇ ehˇ nehˬ-euˬ meh. “Miˇ kʼahˬ heu kʼahˬ Sahˬpaˬ Miˬyehˇ neh naw maꞈ-ahˇ biꞈ gʼaˬ-euˬ meh lehˇ ngaˇ siˬ nya ma. Miˇ kʼahˬ heu kʼahˬ laꞈ kʼoeˇ kʼaˇ jawˇ-eu tsawˇ haˬ yawˬ gʼaˬ na luꞈ naw maꞈ-ahˇ guˆ dui dui meh.

Yawˇshuˆ 5:1

Iˇsaˬleˬlaˆ tsawˇ haˬ deuˬ lawˇ baˬ tsehˆ doˆ gʼaˬ ngeh keuˆ ni, Yawˇdaˬ lawˇ baˬ-ahˇ Sahˬpaˬ Miˬyehˇ bi gui-iˇ-euˬ gaˇ kawˆ, Yawˇdaˬ lawˇ baˬ nahˇ ma ga kʼehˬ paw kʼaˇ jawˇ-eu Aˬmawˇliˆ sahˬ paˬ dawˬ tawˆ luꞈ hawˇ-eu Gʼahˇ ceh-euˬ Iˬ ma laˆ shaˆ caw caw-ehˇ jawˇ-eu Kaˬnaˬ sahˬ paˬ dawˬ tawˆ luꞈ ya gaˬ-euˬ meh. Iˇsaˬleˬlaˆ tsawˇ haˬ deuˬ baˬ da neh, aˬ yawꞈ maꞈ guˆ laˇ-awˇ, nui ma gʼaˬ baˬ dui dui laˇ taˬ-euˬ meh.