Neˬhaˬmiˇ 6:14 - Akha

¹⁴ Kʼoeˇ ngeh, ngaˇ heu loꞈ-ehˇ guiˬ lahˬ shaˇ-euˬ ma. “Miˬyehˇ-oˇ, Tawˇbyaˬ hawˇ-eu Sahˬbaˬlaˆ aˬ nyaꞈ neh ngaˬ-ahˇ mˇ nehˬ laꞈ-euˬ gaˇ maˬ ngehˇ ni aˬ yawꞈ nyaꞈ-ahˇ kʼehˬ nehˬ-awˬ. Nawˇ diˇ lehˇ myahˇ-euˬ zaˬ miˬ zaˬ kʼoeˇ gʼaˬ hawˇ-eu ngaˬ-ahˇ guˆ ciˬ nyehꞈ-eu lehˇ kʼaˇ leh jeh-euˬ nawˬ-euˬ gʼaˇ duˬ ngehˬ dah-eu kʼoeˇ deuˬ-ahˇ kʼawꞈ maˬ kʼehˬ nehˬ ni taˬ byehˇ nehˬ laꞈ.”

Neˬhaˬmiˇ 6:14 Iomraidhean Croise

Neˬhaˬmiˇ 13:29

Miˬyehˇ-oˇ, piˇ ma-euˬ aˇ yaˬ-ahˇ maˬ ehˇ, piˇ ma deuˬ hawˇ-eu Leˬbiˇ tsawˇ haˬ deuˬ-ahˇ nawˬ neh jaˇ taˬ-euˬ saˇ jaˇ-ahˇ maˬ ehˇ, tsawˇ haˬ kʼoeˇ deuˬ yawˬ ha-euˬ aˇ yaˬ-ahˇ yehˬ bawˬ sehˇ lu-ehˇ gʼeh-euˬ gaˇ taˬ ngehˇ nehˬ.

Neˬhaˬmiˇ 5:19

Miˬyehˇ-oˇ, tsawˇ haˬ heu deuˬ gʼaˇ duˬ ngaˬ neh mˇ-euˬ yawˬ jeˬ na luꞈ-ahˇ maˬ ngehˇ ni noeˬ keuˆ nehˬ laꞈ lehˇ nawˬ-ahˇ ngaˇ shaˇ-eu ma.

Jaceuq 137:7

Yeˬluˇsaˬlehˬ meuˬ-ahˇ deuˆ gʼaˬ ngeh nah, Eˬdoˬ tsawˇ haˬ deuˬ neh jahˇ nehˬ laꞈ-euˬ jeˬ-ahˇ taˬ ngehˇ. “Meuˬ teu meuˬ miˇ tsa tuˆ ni laˆ meuˇ nehˬ-awˬ” lehˇ, aˬ yawꞈ maꞈ ehˇ nawˆ nawˆ-euˬ gaˇ taˬ ngehˇ.

Jaceuq 22:1

Ngaˬ-euˬ Miˬyehˇ-oˇ, Ngaˬ-euˬ Miˬyehˇ-oˇ. Aˬjeˬmiˇneh byehˇdzeh laꞈte. Caw ba laꞈlehˇguˇsehꞈleꞈkʼawꞈ, aˬjeˬmiˇneh maˬluˆle te.

Jaceuq 63:1

Miˬyehˇ-oˇ, nawˇ-aˬ ngaˬ-euˬ Miˬyehˇ pyeuꞈ-awˇ, nawˬ-ahˇ ngaˇ noeˬ tmˬ luꞈ-eu ma. Ngaˬ-euˬ nui ma gʼawˇ mawˇ dawˬ tawˆ luꞈ nawˬ-ahˇ noeˬ tmˬ luꞈ-eu ma. Iˇ cuꞈ maˬ jaˆ ehˇ koˆ kaˆ ni tsawˬ paˆ-iˇ taˬ-euˬ miˇ tsaˬ tiˬ tsahˇ iˇ cuꞈ mehꞈ-eu loꞈ-ehˇ, ngaˬ-euˬ saꞈ laˇ nawˬ-ahˇ noeˬ tmˬ luꞈ-eu ma.

Doˆ-iˇ 15:20

Miˬyehˇ gʼaˇ duˬ ngehˬ dah-eu tsawˇ haˬ pyeuꞈ-eu Aˬloˬ-euˬ dmˇ ma Miˇliˬyaˬ bawˬ tsahˬ baꞈ-awˇ doˆ le ngeh, zaˬ miˬ zaˬ dawˬ tawˆ luꞈ bawˬ tsahˬ baꞈ-awˇ, aˬ yawꞈ nehˬ-ehˇ gaˇ nyeh nyeh-euˬ meh.

Yeˬlaˬmiˇ 14:15

Ngaˬ neh pyehˬ gʼeh leꞈ-awˇ Miˬyehˇ gʼaˇ duˬ bi ngehˬ dah le-euˬ tsawˇ haˬ maˬ ngeuˇ gaˇ, ngaˬ-euˬ tsawˇ myahˇ-ahˇ dehˬ lehꞈ dehˬ lehꞈ-ehˇ, guiˇ deuˆ-eu jeˬ hawˇ-eu mehꞈ-eu shuꞈ-eu jeˬ miˇ kʼahˬ heu kʼahˬ kʼoeˇ taˆ maˬ keuˆ le-aˇ lehˇ ehˇ luꞈ-eu tsawˇ haˬ kʼoeˇ deuˬ-ahˇ, Sahˬpaˬ Miˬyehˇ pyeuꞈ-eu ngaˇ aˬ joˆ-ehˇ jahˇ nehˬ-eu lehˇ gʼeh-eu gaˇ kawˆ, nawˬ-ahˇ ehˇ nehˬ nyaˇ. Guiˇ deuˆ-eu jeˬ hawˇ-eu mehꞈ-eu shuꞈ-eu jeˬ laꞈ kʼoeˇ, aˬ yawꞈ maꞈ-ahˇ ngaˇ bi shiˇ ma.

Yeˬlaˬmiˇ 14:18

Deh ga-ahˇ ngaˇ iˇ doˆ haw ngeh, guiˇ deuˆ sehꞈ-euˬ tsawˇ shiˇ deuˬ ga gaˇ ya mawˇ-awˇ, meuˬ laꞈ kʼoeˇ ngaˇ uˇ leˇ haw ngeh, hawˬ mehꞈ mehꞈ sehꞈ-euˬ tsawˇ shiˇ deuˬ-ahˇ ya mawˇ-euˬ ma. Miˬyehˇ gʼaˇ duˬ ngehˬ dah-eu deuˬ hawˇ-eu piˇ ma deuˬ-aˬ, yawˬ ha-euˬ gaˇ yawˬ ha mˇ luꞈ-eu meh. Ehˇ kʼawꞈ yawˬ ha aˬ jeˬ mˇ luꞈ-eu yawˬ ha maˬ siˬ nya-a.”

Yeˬlaˬmiˇ 28:1

Zeˬdaˬkiˇ sahˬ paˬ geuꞈ luꞈ-eu oeˬ kʼoꞈ aˬ yawꞈ kʼoꞈ, ba la yaw beh siˬ-ahˇ, Giˇbyoˬ meuˬ-ahˇ jawˇ-eu Miˬyehˇ gʼaˇ duˬ ngehˬ dah-eu gʼaˬ pyeuꞈ-eu, Aˬzuˆ-euˬ aˬ li Haˬnaˬniˇyaˆ-aˬ, Uˬ duˬ tahˬ nymˇ nymˇ ma laꞈ kʼoeˇ ngaˬ-ahˇ dawˬ ngehˬ cawˬ laˇ-euˬ meh. Piˇ ma deuˬ hawˇ-eu tsawˇ haˬ gʼawˬ mya ni jawˇ-eu mehˬ shi aˬ yawꞈ ngaˬ-ahˇ heu loꞈ-ehˇ ehˇ-eu meh.

Yeˬlaˬmiˇ 28:10

Kʼoeˇ ngeh, ngaˬ-euˬ kawˬ lahˇ-ahˇ tawˬ luꞈ-eu kʼaˆ daˬ-ahˇ, Haˬnaˬniˇyaˆ neh yuˇ ka-awˇ, ngawˬ kʼehꞈ ngawˬ kʼoeˆ-euˬ meh.

Yeˬlaˬmiˇ 28:15

Kʼoeˇ naˇ, Haˬnaˬniˇyaˆ-ahˇ ngaˇ heu loꞈ-ehˇ paˇ ehˇ nehˬ-euˬ ma. “Haˬnaˬniˇyaˆ-oˇ, naˇ haˬ sheˇ. Sahˬpaˬ Miˬyehˇ neh nawˬ-ahˇ kʼehˇ gʼeh leꞈ-euˬ maˬ ngeuˇ gaˇ, nawˬ neh jaˬ myawꞈ myawꞈ-euˬ dawˬ-ahˇ tsawˇ haˬ heu deuˬ jah laˇ ni nawˇ jahˇ luꞈ-eu meh.

Maꞈtehˬ 24:11

Miˬyehˇ gʼaˇ duˬ ngehˬ dah-eu jaˬ myawꞈ deuˬ gʼawˬ mya ni doˆ le-awˇ, tsawˇ haˬ gʼawˬ mya ni-ahˇ gaˇ ma sheuˬ bahˬ gʼeh tehꞈ-a.

Maꞈtehˬ 24:24

Aˬ jeˬ miˇ neh ehˇ naˇ, Ka li jaˬ myawꞈ deuˬ hawˇ-eu, Miˬyehˇ gʼaˇ duˬ ngehˬ dah-eu jaˬ myawꞈ deuˬ doˆ le tehꞈ-a. Aˬ yawꞈ maꞈ zahˬ dui dui leˇ paˬ-ehˇ gʼeh-eu jeˬ hawˇ-eu, kʼaˆ jeˬ-ehˇ gʼeh-eu jeˬ mˇ mehˬ-eu laꞈ kʼoeˇ, gʼeh nya naˇ, Miˬyehˇ neh tseˇ doˆ-euˬ tsawˇ haˬ deuˬ-ahˇ kʼawꞈ mehˇ shuiˇ shuiˇ tawˆ-awˇ, gaˇ ma sheuˬ bahˬ gʼeh tehꞈ-a.

Maꞈtehˬ 7:15

“Miˬyehˇ gʼaˇ duˬ ngehˬ dah-eu jaˬ myawꞈ deuˬ-ahˇ yahˇ-awˬ. Aˬ yawꞈ maꞈ-aˬ, laꞈ nyiˇ paw haw ngeh yawˇ zaˬ loꞈ-ehˇ nahˬ jawˆ ni gʼeh gaˇ duˇ kʼawꞈ, laꞈ kʼoeˇ paw haiˬ dui dui-eu kʼaˬ yehˇ pyeuꞈ-eu meh.

2 Tiˆmoˇseˬ 3:8

Yaˬneˬ hawˇ-eu Yaˬbeˬ aˬ nyaꞈ Moˇseˬ mehˬ gaˇ maˬ naˇ haˬ geuꞈ-euˬ loꞈ-ehˇ, tsawˇ haˬ kʼoeˇ deuˬ yaw tsaˬ yaw dawˇ jeˬ-ahˇ maˬ ha geuꞈ-a. Aˬ yawꞈ maꞈ-euˬ shaˇ noeˬ nya-eu nui ma gaˇ maˬ mˇ ni naˬ leˇ jiˇ-awˇ, jah-eu jeˬ-ahˇ smˬ-iˇ-euˬ tsawˇ haˬ pyeuꞈ-eu meh.

1 Yoˇhaˬ 5:16

Yawˬ ha-euˬ cawˬ Ka li zaˬ tiˬ gʼaˬ na shiˇ gaˇ maˬ keuˆ-eu iˬ baˇ mˇ-euˬ ya mawˇ naˇ, Miˬyehˇ-ahˇ guiˬ lahˬ shaˇ-eu tsaˬ meh. Miˬyehˇ aˬ yawꞈ-ahˇ dehꞈ-eu saꞈ laˇ biꞈ nehˬ tehꞈ-a. Heu-aˬ, shiˇ gaˇ maˬ keuˆ-eu iˬ baˇ mˇ-euˬ jeˬ-ahˇ ehˇ-eu ma. Shiˇ gaˇ keuˆ-eu iˬ baˇ mˇ-euˬ jeˬ kʼawꞈ jaˆ-eu meh. Kʼoeˇ-euˬ gʼaˇ duˬ naw maꞈ Miˬyehˇ-ahˇ guiˬ lahˬ shaˇ-awˬ lehˇ ngaˇ maˬ ehˇ.

Panmaeq 19:20

Jeˬ zaˬ yaw haiˬ kʼoeˇ mawˇ hawˇ-eu, aˬ yawꞈ mehˬ shi aˬ cawˬ-ahˇ zahˬ leˇ paˬ-ehˇ gʼeh-eu jeˬ mˇ mehˬ-euˬ maˬ ngeuˇ-eu Miˬyehˇ gʼaˇ duˬ ngeh dah-eu kʼoeˇ gʼaˬ-ahˇ bi nyehꞈ mi-euˬ meh. (Kʼoeˇ loꞈ-ehˇ zahˬ leˇ paˬ-ehˇ gʼeh-eu jeˬ mˇ mehˬ-eu laꞈ kʼoeˇ, jeˬ zaˬ yaw haiˬ kʼoeˇ mawˇ neh jmˬ diˬ taˬ-euˬ tsawˇ haˬ deuˬ hawˇ-eu, jeˬ zaˬ yaw haiˬ kʼoeˇ mawˇ-euˬ tahˬ pahˬ aˬ ma mawˇ kawˇ-ahˇ uˬ duˬ tahˬ-eu tsawˇ haˬ deuˬ-ahˇ mehˇ shuiˇ shuiˇ za taˬ-euˬ jeˬ pyeuꞈ-eu meh.) Jeˬ zaˬ yaw haiˬ kʼoeˇ mawˇ hawˇ-eu maˬ ngeuˇ-eu Miˬyehˇ gʼaˇ duˬ ngehˬ dah-eu kʼoeˇ gʼaˬ-ahˇ, miˬ dzaˇ dzaˇ shuiˇ doꞈ luꞈ-eu miˬ dzaˬ lah laꞈ kʼoeˇ yaw dehꞈ-ehˇ baꞈ puꞈ nehˬ-euˬ meh.