Neˬhaˬmiˇ 6:11 - Akha

¹¹ Ngaˇ aˬ yawꞈ-ahˇ heu loꞈ-ehˇ ehˇ kʼoꞈ nehˬ-euˬ ma. “Ngaˇ loꞈ-ehˇ gʼeh-eu tsawˇ haˬ tiˬ gʼaˬ cehˆ zaꞈ-eu tsaˬ tehꞈ-a loˇ. Yawˬ ha-euˬ tsawˇ shiˇ uˬ kʼawˇ ya buˬ-iˇ ni Uˬ duˬ tahˬ nymˇ nymˇ ma laꞈ kʼoeˇ ngaˇ cehˆ yaꞈ-iˇ tehꞈ-a lehˇ nawˇ noeˬ te loˇ. Ngaˇ maˬ cehˆ zaꞈ-iˇ.”

Neˬhaˬmiˇ 6:11 Iomraidhean Croise

Neˬhaˬmiˇ 6:12

Ngaˇ paˇ saˇ sawˇ haw ngeh, Miˬyehˇ neh Sheˬmaˇyaˬ-ahˇ dawˬ ngehˬ cawˬ-euˬ maˬ ngeuˇ-ehˇ, Sheˬmaˇyaˬ ngaˬ-ahˇ kʼoeˇ loꞈ-ehˇ ehˇ ni Tawˇbyaˬ hawˇ-eu Sahˬbaˬlaˆ aˬ nyaꞈ laꞈ nmꞈ nmꞈ-euˬ nga lehˇ siˬ duˬ-euˬ ma.

Neˬhaˬmiˇ 6:3

Aˬ yawꞈ nyaꞈ jawˇ gaˇ ngaˇ tsawˇ haˬ pyehˬ gʼeh-awˇ, “Ngaˇ huiˬ dui dui-eu gaˇ mˇ luꞈ-eu miˇ neh oe-eu maˬ dah-eu uˬ taꞈ, naw nyaꞈ-ahˇ tahˬ puˬ le-eu gʼaˇ duˬ gaˇ heu-ahˇ maˬ byehˇ coeˇ nya” lehˇ bi tsaꞈ gaˬ-iˇ-euˬ ma.

Neˬhaˬmiˇ 6:9

Aˬ yawꞈ maꞈ-aˬ, nga maꞈ-ahˇ ja guˆ-awˇ gaˇ maˬ mˇ ni bi byehˇ-eu lehˇ leh jeh luꞈ-eu meh. “Miˬyehˇ-oˇ, nymˬ-mˇ ngaˬ-ahˇ gʼaˬ biꞈ lahˬ laꞈ-awˬ” lehˇ, ngaˇ guiˬ lahˬ shaˇ-euˬ ma.

Jaceuq 112:6

Muiˬ-eu jaˬ-eu tsawˇ haˬ maˬ ya cawˆ-iˇ-a. Aˬ yawꞈ-ahˇ Miˬ yehˇ maˬ ngehˇ-a.

Jaceuq 112:8

Aˬ yawꞈ guˆ-eu nui ma tiˬ pawꞈ-iˬ maˬ ahˇ-ehˇ, aˬ yawꞈ-ahˇ muiˇ-eu deuˬ smˬ-iˇ tehꞈ-a lehˇ siˬ duˬ-eu meh.

Dawqdaq 28:1

Maˬ sui maˬ dawˇ-eu tsawˇ haˬ deuˬ-aˬ, aˬ cawˬ maˬ caw teh gaˇ guˆ guˆ-ehˇ cehˆ-eu meh. Ehˇ kʼawꞈ, yaw sui yaw dawˇ tsawˇ haˬ aˇ laˬ jaˬ shiˇ loꞈ-ehˇ kʼaˬ duˬ ni dehꞈ-eu meh.

Dawˬ tsoˆ 10:1

Puˬ saˆ yaw shiˇ tiˬ mawˇ baˬ da neh, tsiˇ yaw saw tiˬ tsaꞈ tsaꞈ lah ni buꞈ-iˇ nya-awˇ, aˬ dzawˬ aˇ gah ui cuiˆ tehꞈ-ehˇ gah-euˬ ba da neh, huiˬ dui dui-eu tsawˇ gahˇ deuˬ cawˆ-iˇ nya-eu meh.

Iˇsaˬyaˇ 10:18

Naˇ gawˇ yaw kʼaˆ tsawˇ haˬ zaˬ-ahˇ kʼehˬ-eu loꞈ-ehˇ, aˇ bawˇ sahˬ kʼaˆ hawˇ-eu deh ga deh yaˇ dawˬ tawˆ luꞈ, ya cawˆ-iˇ jiˇ tehꞈ-a.

Bawˇtsahˬ 3:10

Aˬloˬ hawˇ-eu aˬ yawꞈ-euˬ aˬ li deuˬ-ahˇ piˇ ma-euˬ gaˇ deuˬ nawˇ bi mˇ-awˬ. Gaˇ kʼoeˇ deuˬ mˇ-eu lehˇ kʼaˇ leh jeh-eu tsawˇ haˬ nui gʼaˬ aˬ geu gʼaˬ maˬ kaˬ, sehꞈ gaˇ ya daˬ tehꞈ-a.”

Gʼaˬkʼehˇ 20:24

Ehˇ kʼawꞈ, ngaˬ-euˬ gʼawˇ mawˇ heu-aˬ, tiˬ jeˬ-iˬ maˬ poeˬ maˬ lawˬ-a lehˇ ngaˇ noeˬ jiˇ taˬ-euˬ ma. Ngaˇ ya mˇ-eu saˬ saˬ naˬ gaˇ heu mˇ jiˇ-awˇ, Sahˬpaˬ Yeˬsuˇ neh ngaˬ-ahˇ biꞈ taˬ-euˬ Miˬyehˇ gʼawˬ shaˬ gaˬ-eu jeˬ gaˇ kawˆ Laˬ kʼaˬ cehˇ-eu Guiˬ lahˬ dawˬ mehˬ-eu gaˇ heu mˇ luiˆ yaꞈ nya ni noeˬ tsoˆ taˬ-euˬ ma.

Gʼaˬkʼehˇ 21:13

Ehˇ kʼawꞈ, aˬ yawꞈ ehˇ-eu, “Aˬ jeˬ miˇ neh naw maꞈ ngoeˇ ngoeˇ-ehˇ ngaˬ-euˬ nui ma tsawˬ paˆ-iˇ ni jahˇ nehˬ laꞈ te. Yeˬluˇsaˬlehˬ meuˬ-ahˇ aˬ cawˬ neh bi paꞈ-eu tehꞈ-ehˇ maˬ ngeuˇ ni, Sahˬpaˬ Yeˬsuˇ-euˬ gʼaˇ duˬ kʼoeˇ gaˇ shiˇ dah gaˇ keuˆ ni ngaˇ leh hmˬ taˬ-euˬ ma.”

Gʼaˬkʼehˇ 8:1

Aˬ yawꞈ-ahˇ kʼoeˇ loꞈ-ehˇ sehꞈ gaˇ, Sawˇluˆ kʼawꞈ nui ma tsaˬ-euˬ meh. Kʼoeˇ ngeh nah, Yeˬluˇsaˬlehˬ meuˬ-ahˇ jawˇ-eu Ka li zaˬ aˇ muˇ, kʼehˬ-eu kʼaˆ-eu jeˬ-ahˇ yaw kʼaˆ-ehˇ ya daˬ-euˬ meh. Gʼaˬ kʼehˇ deuˬ maˬ ngeuˇ naˇ, jah-eu tsawˇ haˬ dawˬ tawˆ luꞈ Yuˇdaˆ miˇ kʼahˬ hawˇ-eu Saˬmaˬliˇ miˇ kʼahˬ doe ni cehˆ byaˆ jiˇ-euˬ meh.

Piˇliˇpiˆ 2:17

Naw maꞈ-euˬ jah-eu jeˬ Miˬyehˇ-ahˇ lawˇ nehˬ-euˬ kʼoeˇ taˆ, ngaˬ-euˬ shiˬ ya shehˆ daˆ nehˬ law hawˇ kʼawꞈ, ngaˇ nui kʼahˇ shiˇ-awˇ, naw maꞈ dawˬ tawˆ luꞈ nehˬ-ehˇ tiˬ kawˆ loꞈ-ehˇ laˬ kʼaˬ caw cehˇ-eu ma.

Piˇliˇpiˆ 2:30

Aˬ jeˬ miˇ neh ehˇ naˇ, naw maꞈ maˬ caw ba nehˬ laꞈ nya-eu jeˬ aˬ yawꞈ ngaˬ-ahˇ caw ba-eu gʼaˇ duˬ, Ka li-euˬ gaˇ mˇ-eu laꞈ kʼoeˇ shiˇ taw tehˬ ni aˬ yawꞈ leh jeh dui dui-euˬ meh.

HeˬByehˇ 11:27

Sahˬ paˬ nui ma pehˇ gaˇ maˬ yahˇ ni Iˇjiˇtuˆ miˇ kʼahˬ-ahˇ neh Moˇseˬ doˆ-iˇ-euˬ kʼoeˇ-aˬ, jah-eu jeˬ baˬ da neh meh. Maˬ mawˇ nya-eu Miˬyehˇ-ahˇ aˬ yawꞈ ya mawˇ haw-euˬ loꞈ-ehˇ, naˇ kʼah nahˇ gʼoꞈ maˬ gʼoꞈ haw ni aˬ yawꞈ nui ma ziꞈ-euˬ meh.

1 Saˬmeuˬlaˆ 19:5

Aˬ yawꞈ-euˬ gʼawˇ mawˇ ya shiˇ gaˇ aˬ yawꞈ maˬ guˆ ni, Gawˇliˇyaˆ-ahˇ aˬ yawꞈ sehꞈ-eu laꞈ kʼoeˇ, Iˇsaˬleˬlaˆ tsawˇ jeuˬ gʼaˇ duˬ Sahˬpaˬ Miˬyehˇ guiˇ deuˆ gʼaˬ-euˬ meh. Kʼoeˇ loꞈ-ehˇ jahˇ-euˬ gaˇ ya mawˇ ngeh, nawˇ laˬ kʼaˬ cehˇ-euˬ meh. Toˆ-ehˇ ngeuˇ naˇ, nymˬ-mˇ tiˬ jeˬ-iˬ gaˇ kawˆ maˬ jaˆ gaˇ Daˬbiˇ-ahˇ nawˇ sehꞈ-eu laꞈ kʼoeˇ, mˇ lehˬ taˬ-euˬ jeˬ maˬ jaˆ-eu tsawˇ haˬ-ahˇ aˬ jeˬ miˇ neh yaw haiˬ jeˬ jahˇ nehˬ mawꞈ te.”