Neˬhaˬmiˇ 5:9 - Akha

⁹ Kʼoeˇ naˇ, ngaˇ heu loꞈ-ehˇ ehˇ-euˬ ma. “Naw maꞈ mˇ luꞈ-eu teu maˬ tsaˬ-a. Naw maꞈ Miˬyehˇ-ahˇ guˆ-awˇ yaw tsaˬ jeˬ mˇ-eu laꞈ kʼoeˇ, aˬ dui-ahˇ muiˇ-eu lawˇ ciꞈ zaˬ deuˬ neh bi ja doeˇ kʼaˇ maˬ za ni dehꞈ-eu tsaˬ meh.

Neˬhaˬmiˇ 5:9 Iomraidhean Croise

Aˇ dahˬ 20:11

Aˬbyaˬhaˬ ehˇ-eu, “Heu gaˇ jawˇ-eu tsawˇ haˬ tiˬ gʼaˬ-iˬ Miˬyehˇ-ahˇ maˬ guˆ-eu miˇ neh, aˬ cawˬ ngaˬ-ahˇ sehꞈ-awˇ ngaˬ-euˬ miˬ zaˬ-ahˇ sheuˬ geuꞈ-eu baw le lehˇ ngaˇ noeˬ-euˬ ma.

Aˇ dahˬ 42:18

Smˬ nah byah laˇ ngeh, aˬ ha mehˇ nmˇ-ahˇ Yoˇsehˆ heu loꞈ-ehˇ ehˇ nehˬ-euˬ meh. “Ngaˇ-aˬ, Miˬyehˇ-ahˇ guˆ-eu tsawˇ haˬ ma. Teu miˇ neh, ngaˬ neh kʼaˇ ehˇ-euˬ loꞈ-ehˇ naw maꞈ jahˇ naˇ, shiˇ gaˇ maˬ keuˆ ni bi dzeuˇ-iˇ ma.

2 Saˬmeuˬlaˆ 12:14

Ehˇ kʼawꞈ, kʼoeˇ loꞈ-ehˇ mˇ-eu laꞈ kʼoeˇ Sahˬpaˬ Miˬyehˇ-ahˇ nawˇ yaw zeu maˬ baw-euˬ miˇ neh, nawˬ-euˬ aˬ li ya shiˇ tehꞈ-a.”

Neˬhaˬmiˇ 4:4

Kʼoeˇ ngeh, ngaˇ heu loꞈ-ehˇ guiˬ lahˬ shaˇ-euˬ ma. “Miˬyehˇ-oˇ, aˬ yawꞈ maꞈ nga maꞈ-ahˇ yehˬ bawˬ sehˇ lu-ehˇ ehˇ niˇ gʼa luꞈ gaˇ naˇ haˬ sheˇ. Aˬ yawꞈ maꞈ neh ja bu ja doeˇ-euˬ jeˬ aˬ yawꞈ maꞈ kʼoeˇ taˆ bi keuˆ le-awˬ. Aˬ yawꞈ maꞈ kʼaˇ jaˆ-eu jeˬ aˬ cawˬ neh bi deh dzaˬ jiˇ-awˇ, aˬ yawꞈ maꞈ-ahˇ aˬ cawˬ-euˬ miˇ kʼahˬ-ahˇ bi nyehꞈ byoˆ jiˇ gʼeh-awˬ.

Neˬhaˬmiˇ 5:10

Ngaˇ maˬ ehˇ, ngaˬ-euˬ cawˬ deuˬ maˬ ehˇ, ngaˬ-euˬ gaˇ mˇ luꞈ-eu deuˬ maˬ ehˇ, miˇ kʼahˬ zaˬ deuˬ-ahˇ pyuˇ hawˇ-eu cehˇ biꞈ paˇ nehˬ taˬ-euˬ jaˆ-eu ma. Ehˇ kʼawꞈ, aˬ dui za jeˬ maˬ paˇ yuˇ kʼoꞈ ni byehˇ kaˇ-euˇ.

Neˬhaˬmiˇ 5:15

Ngaˬ-euˬ mehˬ hu Yuˇdaˆ miˇ kʼahˬ-ahˇ uˆ lahˇ-eu gaˇ mˇ yaꞈ-euˬ deuˬ-aˬ, miˇ kʼahˬ zaˬ deuˬ-ahˇ kʼaˆ behˆ yaw kah ciˬ pi-awˇ, tiˬ nah dzaˬ-eu dzaˬ dzaˬ dawˇ dawˇ, aˬ gaꞈ dzaˇ uiˇ hawˇ-eu pyuˇ maˇ byaˆ oeˬ tseˇ byaˆ taꞈ-euˬ meh. Aˬ yawꞈ maꞈ-euˬ zaˬ kʼaˆ deuˬ kʼawꞈ miˇ kʼahˬ zaˬ kʼoeˇ taˆ kʼaˆ dzaˬ-euˬ meh. Ehˇ kʼawꞈ, ngaˇ-aˬ, Miˬyehˇ-ahˇ guˆ-eu miˇ neh kʼoeˇ loꞈ-ehˇ maˬ jahˇ-aˬ.

Jaceuq 90:11

Nawˇ nui ma pehˇ-eu baoˬ aˇ naˆ ni kʼaˆ-eu aˬ suˇ gʼaˬ yaw duˬ duˬ-ehˇ tahˬ puˬ haw-awˇ, nawˬ-euˬ nui pehˇ aˇ naˆ ni guˆ paˬ-ehˇ gʼeh-eu aˬ suˇ gʼaˬ siˬ duˬ ta.

Dawqdaq 16:29

Haiˬ-eu tsawˇ haˬ deuˬ yawˬ ha-euˬ cawˬ-ahˇ mehˇ shuiˇ shuiˇ-awˇ, cawˆ-iˇ-eu gaˇ ma-ahˇ sheuˬ gʼeh-eu meh.

Dawqdaq 17:26

Maˬ lehˬ maˬ ca gaˇ guiˇ oꞈ tiꞈ-eu jeˬ lehˬ dui dui-awˇ, tsawˇ muiˬ-ahˇ kʼehˬ-eu jeˬ doeˇ dui dui meh.

Dawqdaq 18:5

Haiˬ-eu tsawˇ haˬ-euˬ myaˆ pyawˬ-ahˇ haw-awˇ, tsaˬ-eu tsawˇ haˬ-ahˇ guiˇ oꞈ tiꞈ-eu maˬ muiˬ-a.

Dawqdaq 19:2

Tsawˇ gahˇ maˬ ahˇ naˇ, nui ma keuˆ kʼawꞈ lawˇ baˬ kaˬ-awˇ, kuiˇ toꞈ ciˬ kawˇ naˇ gaˇ bahˬ bahˬ iˇ nya-eu meh.

Dawqdaq 24:23

Zaˬ siˬ tsawˇ gahˇ ahˇ-eu tsawˇ haˬ deuˬ neh heu loꞈ-ehˇ daˬ taˬ yaꞈ-euˬ dawˬ daˬ deuˬ kʼawꞈ jaˆ-eu meh. Yaˇ kʼaˬ daˇ-eu tsawˇ haˬ myaˆ pyawˬ huiˬ nyiˇ tseˇ-eu maˬ tsaˬ-a.

Yeˬsaˬgeˬlaˇ 36:20

Aˬ yawꞈ maꞈ kʼaˇ iˇ kʼaˇ laˇ keuˆ gaˇ, ngaˬ-euˬ muiˬ-eu shawˇ-eu tsawˇ myahˇ laˆ cawˆ-euˬ meh. Aˬ jeˬ miˇ neh ehˇ naˇ, ‘Tsawˇ haˬ heu deuˬ Sahˬpaˬ Miˬyehˇ-euˬ tsawˇ haˬ pyeuꞈ kʼawꞈ, aˬ yawꞈ-euˬ miˇ kʼahˬ-ahˇ maˬ ya jawˇ nga’ lehˇ, aˬ cawˬ ehˇ-eu meh.

Uˬ duˬ 25:36

Aˬ yawꞈ kʼoeˇ taˆ jiˇ jeuˬ taˬ yuˇ dzaˬ. Ehˇ kʼawꞈ, Miˬyehˇ-ahˇ guˆ-awˇ, nawˬ-euˬ tsawˇ jeuˬ Iˇsaˬleˬlaˆ tsawˇ haˬ kʼoeˇ gʼaˬ-ahˇ, nawˬ-euˬ dawˬ peh bi jawˇ-awˬ.

Gʼaˬkʼehˇ 9:31

Kʼoeˇ ngeh, Yuˇdaˆ miˇ kʼahˬ, Gaˬliˬlehˇ miˇ kʼahˬ hawˇ-eu, Saˬmaˬliˆ miˇ kʼahˬ doe ni jaˆ-eu Ka li zaˬ aˇ muˇ deuˬ, nui saˇ oꞈ-eu laꞈ kʼoeˇ coꞈ ngehˇ ni tiˬ kʼehˬ ya dehꞈ-euˬ meh. SahˬpaˬMiˬyehˇ-ahˇ yaw zeu baw-awˇ dehꞈ-eu loꞈ-ehˇ, Muiˬ-eu shawˇ-eu Yaw sahˇ Miˬyehˇ caw ba-eu laꞈ kʼoeˇ myaˬ laˇ behˇ laˇ luꞈ-eu meh.

Lormav 2:24

“Naw maꞈ Yuˇdaˆ tsawˇ haˬ deuˬ baˬ da neh, Yuˇdaˆ tsawˇ haˬ maˬ ngeuˇ-eu deuˬ Miˬyehˇ-euˬ tsawˇ myahˇ cawˆ ni ngehˬ luꞈ tmˇ luꞈ meh” lehˇ, Jaˇliꞈ laꞈ kʼoeˇ ehˇ taˬ-euˬ meh.

1 Tiˆmoˇseˬ 5:14

Kʼoeˇ miˇ neh, aˬ dui-ahˇ muiˇ-eu deuˬ aˬ dui-euˬ gaˇ kawˆ ja bu ja doeˇ kʼaˇ maˬ bi za ni, aˇ kʼoꞈ maˬ kʼawˆ laˇ-euˬ zaˬ miˬ zaˬ deuˬ bi dahˬ dzaˬ-iˇ-awˇ, zaˬ ciˬ zaˬ cu mˇ-eu laꞈ kʼoeˇ yawˬ ha-euˬ nymˇ jiˇ-ahˇ bo saˆ-eu jeˬ-ahˇ ngaˇ geuꞈ mawꞈ-eu ma.

Tiˇtuˆ 2:5

Aˇ kʼoꞈ maˬ kʼawˆ laˇ-euˬ zaˬ miˬ zaˬ kʼoeˇ deuˬ yawˬ ha-euˬ nui ma-ahˇ gʼaˬ leˇ-awˇ, muiˬ-eu nymˇ sahˇ aˬ ma deuˬ pyeuꞈ laˇ-eu laꞈ kʼoeˇ kʼaˬ dzeˇ zaˬ-euˬ laꞈ oꞈ awꞈ nya laˇ-eu miˇ neh, Miˬyehˇ-euˬ guiˬ lah dawˬ-ahˇ aˬ cawˬ ja bu ja doeˇ kʼaˇ maˬ za-ehˇ pyeuꞈ laˇ ni aˬ yawꞈ maꞈ ya mehˬ ya tsoˆ-eu meh.

1 Beˬtuˆluˆ 2:12

Miˬyehˇ-ahˇ maˬ jah-eu tsawˇ haˬ deuˬ-euˬ mehˬ shi naw maꞈ dehꞈ-eu jawˇ-eu gaˇ kawˆ muiˬ dui bi dui-awˬ. Kʼoeˇ loꞈ-ehˇ dehꞈ naˇ, naw maꞈ-ahˇ yaw haiˬ jeˬ mˇ-eu tsawˇ haˬ lehˇ aˬ yawꞈ maꞈ ja doeˇ kʼawꞈ, naw maꞈ yaw muiˬ jeˬ mˇ-euˬ meh lehˇ aˬ yawꞈ maꞈ ya ha geuꞈ-awˇ, Miˬyehˇ yaˇ kʼaˬ daˇ le ngeh Nah, aˬ yawꞈ maꞈ Miˬyehˇ-ahˇ ja ceuˬ tehꞈ-a.

1 Saˬmeuˬlaˆ 2:24

Ngaˬ-euˬ aˬ li deuˬ-oˇ, aˬ kaˇ naˇ kʼoeˇ loꞈ-ehˇ maˬ paˇ dehꞈ-eu gʼaˇ duˬ yaw kʼaˆ kʼaˆ-ehˇ yahˇ-awˬ. Sahˬpaˬ Miˬyehˇ-euˬ tsawˇ haˬ deuˬ ja luꞈ-eu gaˇ kawˆ heu hmˬ-aˬ, guˆ dui dui laˇ paˬ-ehˇ gʼeh-eu gaˇ kawˆ meh.