Neˬhaˬmiˇ 5:8 - Akha

⁸ heu loꞈ-ehˇ ehˇ nehˬ-euˬ ma. “Maˬ gʼeh nya-ehˇ pyeuꞈ laˇ-awˇ aˬ cawˬ tsawˇ jeuˬ-euˬ laꞈ-ahˇ ahˬ ahˇ nehˬ-eu lehˇ gʼeh-eu Yuˇdaˆ tsawˇ haˬ deuˬ-ahˇ aˬ dui kʼaˇ gʼeh nya-eu loꞈ-ehˇ zeuˇ kʼoꞈ nehˬ-euˬ ma. Nymˬ-mˇ poˆ jawˇ-aˬ, yawˬ ha tsawˇ jeuˬ pyeuꞈ-eu Yuˇdaˆ tsawˇ haˬ-ahˇ yawˬ ha paˇ zeuˇ geuꞈ-eu lehˇ naw maꞈ leh jeh luꞈ-eu nga laˬ.” Aˬ yuiꞈ aˬ tsu kʼoeˇ deuˬ ciˬ cuˇ ni jawˇ-awˇ tiˬ jeˬ-iˬ maˬ ngehˬ maˬ tmˇ nya ni pyeuꞈ-iˇ-euˬ meh.

Neˬhaˬmiˇ 5:8 Iomraidhean Croise

Neˬhaˬmiˇ 5:9

Kʼoeˇ naˇ, ngaˇ heu loꞈ-ehˇ ehˇ-euˬ ma. “Naw maꞈ mˇ luꞈ-eu teu maˬ tsaˬ-a. Naw maꞈ Miˬyehˇ-ahˇ guˆ-awˇ yaw tsaˬ jeˬ mˇ-eu laꞈ kʼoeˇ, aˬ dui-ahˇ muiˇ-eu lawˇ ciꞈ zaˬ deuˬ neh bi ja doeˇ kʼaˇ maˬ za ni dehꞈ-eu tsaˬ meh.

Yawˇbaˆ 29:10

huiˬ dui mahˇ dui dui-eu deuˬ kʼawꞈ ciˬ cuˇ ni jawˇ-eu meh.

Yawˇbaˆ 32:15

Yawˇbaˆ-oˇ, aˬ yawꞈ maꞈ ngehˬ-euˬ dawˬ jiˇ-awˇ, nawˬ-ahˇ maˬ paˇ teh ngehˬ laˇ nya meh.

Doˆ-iˇ 21:16

“Ahˬ dzaˬ-eu gʼaˇ duˬ maˬ ehˇ, yawˬ ha-euˬ zaˬ kʼaˆ bi geuꞈ-eu gʼaˇ duˬ maˬ ehˇ, tsawˇ haˬ-ahˇ kʼoeˬ-eu tsawˇ haˬ aˬ geu gʼaˬ maˬ kaˬ, sehꞈ nehˬ gaˇ ya daˬ tehꞈ-a.

Maꞈtehˬ 22:12

‘Cawˬ-oˇ, oeˇ mˇ baˇ gaˇ kʼaˇ laˇ-eu tsawˇ haˬ deuˬ ya dm-eu mehˬ tsoeˬ maˬ dm ni, nawˇ heu gaˇ aˬ joˆ-ehˇ laˇ uˇ-awˇ jawˇ te’ lehˇ sahˬ paˬ aˬ yawꞈ-ahˇ naˇ haˬ kʼawꞈ, tsawˇ haˬ kʼoeˇ gʼaˬ dawˬ maˬ tmˇ-a.

Maꞈtehˬ 25:15

Yawˬ gʼaˬ na luꞈ-ahˇ, yawˬ ha-ahˇ kʼaˇ geuˇ-eu myaˆ ni a nehˬ yaꞈ-awˇ bi haw-euˬ meh. Tiˬ gʼaˬ-ahˇ-aˬ, shuiˇ maˇ byaˆ ngaˬ heˇ byaˆ, tiˬ gʼaˬ-ahˇ-aˬ, nyiˬ heˇ byaˆ, tiˬ gʼaˬ-ahˇ-aˬ, tiˬ heˇ byaˆ lehˇ a nehˬ yaꞈ-awˇ, gaˇ ma doˆ-iˇ-euˬ meh.

Maꞈtehˬ 25:29

Aˬ jeˬ miˇ neh ehˇ naˇ, jaˆ-eu tsawˇ haˬ-ahˇ paˇ biꞈ lahˬ nehˬ-awˇ, paˇ bi jaˆ dzehˬ laˇ tehꞈ-a. Maˬ jaˆ-eu tsawˇ haˬ-aˬ, maˬ jaˆ kʼaˇ jaˆ-eu dawˬ tawˆ luꞈ bi yuˇ jiˇ tehꞈ-a.

Lormav 14:15

Nawˬ neh dzaˬ-euˬ dzaˇ tiˬ jeˬ paˬ baˬ da neh nawˬ-euˬ cawˬ Ka li zaˬ tiˬ gʼaˬ na nui ma maˬ saˇ duˬ jaˆ naˇ, nawˇ gʼoeˇ-eu gaˬ-eu laꞈ kʼoeˇ dehꞈ-eu maˬ paˇ ngeuˇ meh. Ka li shiˇ dah-awˇ ka kʼoꞈ nehˬ-euˬ tsawˇ haˬ-ahˇ nawˬ neh dzaˬ-euˬ dzaˬ dzaˬ dawˇ dawˇ neh maˬ ya laˆ cawˆ-a.

Lormav 3:19

Zahˇ dawˬ kʼoꞈ dawˬ laꞈ kʼoeˇ kʼaˇ boꞈ taˬ-euˬ jeˬ-aˬ, Zahˇ dawˬ kʼoꞈ dawˬ mehˬ nah kʼaˇ caw teh-eu tsawˇ haˬ deuˬ-ahˇ taꞈ-eu dawˬ meh lehˇ aˬ dui siˬ nya-eu ma. Tsawˇ haˬ zaˬ dawˬ tawˆ luꞈ dehˬ lehꞈ kʼaˇ maˬ bi za ni Miˬyehˇ yaˇ kʼaˬ daˇ gaˇ bi keuˆ leˇ-eu gʼaˇ duˬ boꞈ taˬ-euˬ jeˬ pyeuꞈ-eu meh.

1 Gawˇliˬtu 8:11

Kʼoeˇ loꞈ-ehˇ ngeuˇ naˇ, naw maꞈ-euˬ “zaˬ siˬ tsawˇ gahˇ” baˬ da neh gʼaˬ baˬ-eu Ka li zaˬ kʼoeˇ gʼaˬ cawˆ-iˇ tehꞈ-a. Aˬ yawꞈ-euˬ gʼaˇ duˬ Ka li shiˇ dah taˬ-euˬ maˬ ngeuˇ-a loˇ.

2 Gawˇliˬtu 8:12

Damˬ mawꞈ-eu nui ma ahˇ naˇ, naw maꞈ kʼaˇ gʼeh nya-eu loꞈ-ehˇ damˬ-euˬ gaˇ Miˬyehˇ ha geuꞈ nehˬ laꞈ tehꞈ-a. Maˬ gʼeh nya gaˇ keuˆ ni damˬ-awˬ lehˇ maˬ ehˇ-a.

Gaˬlaˬtiˆ 6:10

Kʼoeˇ miˇ neh, kʼaˇ yehꞈ laˇ ngeh tsawˇ haˬ yawˬ gʼaˬ na luꞈ-ahˇ yaw muiˬ jeˬ mˇ nehˬ kaˇ-euˇ. Jah-eu jeˬ laꞈ kʼoeˇ aˬ dui-euˬ aˬ yuiꞈ aˬ nyiˇ pyeuꞈ-eu deuˬ-ahˇ, aˬ cawˬ-ahˇ naˆ maˬ tseˇ yaw muiˬ jeˬ mˇ nehˬ kaˇ-euˇ.

Dawˬmehˬ 24:7

“Tsawˇ haˬ aˬ geu gʼaˬ maˬ kaˬ, yawˬ ha-euˬ tsawˇ jeuˬ pyeuꞈ-eu Iˇsaˬleˬlaˆ tsawˇ haˬ tiˬ gʼaˬ na-ahˇ kʼoeˬ-awˇ, yawˬ ha-euˬ zaˬ kʼaˆ bi geuꞈ-eu maˬ ehˇ, aˬ cawˬ zaˬ kʼaˆ bi geuꞈ-eu gʼaˇ duˬ ahˬ dzaˬ-eu maˬ ehˇ, mˇ naˇ, sehꞈ gaˇ ya daˬ tehꞈ-a, Kʼoeˇ loꞈ-ehˇ gʼeh-eu yaw haiˬ jeˬ maˬ ya bi doˆ laˇ ni, kʼoeˇ loꞈ-ehˇ ya sehꞈ meh.