Neˬhaˬmiˇ 5:1 - Akha

¹ Aˇ nah aˇ yamˬ ui cuiˆ myahˇ laˇ ngeh jawˇ, kʼaˬ dzeˇ zaˬ maˬ ehˇ, zaˬ miˬ zaˬ maˬ ehˇ, tsawˇ haˬ gʼawˬ mya gʼaˬ Yuˇdaˆ tsawˇ haˬ cawˬ cawˬ iˬ baˇ taˬ-eu dawˬ ngehˬ laˇ-euˬ meh.

Neˬhaˬmiˇ 5:1 Iomraidhean Croise

Neˬhaˬmiˇ 4:23

Ngaˇ maˬ ehˇ, ngaˬ-euˬ cawˬ deuˬ maˬ ehˇ, ngaˬ-euˬ zaˬ kʼaˆ deuˬ maˬ ehˇ, ngaˬ-ahˇ loꞈ piˇ-eu deuˬ maˬ ehˇ, uˬ ciꞈ paw kʼawꞈ tiˬ gʼaˬ-iˬ mehˬ tsoeˬ maˬ lehˆ-ehˇ, yawˬ gʼaˬ na luꞈ guiˇ deuˆ-eu keu ka maˬ pyehˬ dzeh ni aˬ myah luꞈ tuˆ tehˬ-awˇ jawˇ-euˬ ma.

Yawˇbaˆ 34:28

Iˇ shaˬ zaˬ deuˬ Miˬyehˇ-ahˇ guˇ gaˇ keuˆ ni aˬ yawꞈ maꞈ kʼaˆ dzaˬ-awˇ, caw ba le-awˬ lehˇ iˇ shaˬ zaˬ deuˬ guˇ gaˇ Miˬyehˇ gaˬ-eu meh.

Doˆ-iˇ 3:7

Kʼoeˇ naˇ, Miˬyehˇ ehˇ-eu, “Iˇjiˇtuˆ miˇ kʼahˬ laꞈ kʼoeˇ, ngaˬ-euˬ tsawˇ haˬ deuˬ-ahˇ aˬ cawˬ aˇ naˆ ni kʼehˬ nehˬ kʼaˆ nehˬ luꞈ-eu ngaˇ ya mawˇ gʼaˬ-euˬ ma. Aˬ yawꞈ maꞈ-ahˇ kʼehˬ luꞈ-eu, zaˬ kʼaˆ-ahˇ gaˇ bi mˇ-eu tsawˇ haˬ deuˬ-euˬ aˬ laꞈ laꞈ kʼoeˇ, aˬ yawꞈ maꞈ-ahˇ ka kʼoꞈ nehˬ laꞈ-awˬ lehˇ ngoeˇ luꞈ-eu teˇ saˇ-ahˇ ngaˇ ya gaˬ gʼaˬ-euˬ ma. Aˬ yawꞈ maꞈ ya daˬ luꞈ-eu jeˬ dawˬ tawˆ luꞈ, ngaˇ siˬ luꞈ mawˇ luꞈ ma.

Iˇsaˬyaˇ 5:7

Baoˬ huiˬ-eu Sahˬpaˬ Miˬyehˇ-euˬ aˬ gaꞈ yaˇ kmˇ-aˬ, Iˇsaˬleˬlaˆ tsawˇ jeuˬ tsawˇ ca meh. Aˬ yawꞈ neh ka taˬ-euˬ aˬ gaꞈ baw duˆ-aˬ, Yuˇdaˆ tsawˇ haˬ deuˬ meh. Aˬ yawꞈ maꞈ yaw muiˬ yaw jaˬ jeˬ mˇ gaˇ aˬ yawꞈ mawˇ mawꞈ kʼawꞈ, shiˬ laˆ yoeˇ-eu jeˬ aˬ yawꞈ maꞈ mˇ-euˬ meh. Aˬ yawꞈ maꞈ yaw tsaˬ yaw dawˇ laꞈ kʼoeˇ dehꞈ gaˇ aˬ yawꞈ mawˇ mawꞈ kʼawꞈ, bi kʼehˬ bi kʼaˆ-awˇ ngoeˇ-eu teˇ saˇ ya gaˬ-eu meh.

Yeˬlaˬmiˇ 34:8

Zaˬ kʼaˆ dawˬ tawˆ luꞈ-ahˇ pyehˬ nehˬ-eu gʼaˇ duˬ, Yeˬluˇsaˬlehˬ meuˬ-ahˇ kʼaˇ jawˇ-eu tsawˇ haˬ dawˬ tawˆ luꞈ nehˬ-ehˇ sahˬ paˬ Zeˬdaˬkiˇ saˇ jaˇ dzaˬ gʼaˬ miˇ tsa, Sahˬpaˬ Miˬyehˇ ngaˬ-ahˇ dawˬ ngehˬ cawˬ le-euˬ meh.

Yeˬsaˬgeˬlaˇ 45:9

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Iˇsaˬleˬlaˆ tsawˇ jeuˬ-ahˇ uˆ lahˇ-eu sahˬ paˬ sahˬ ma deuˬ-oˇ, naw maꞈ iˬ baˇ mˇ luꞈ-eu myahˇ dui dui laˇ-euˬ meh. Yaw haiˬ jeˬ hawˇ-eu nawˬ dzaˬ kʼaˆ dzaˬ-eu jeˬ-ahˇ byehˇ-awˇ, yaw tsaˬ yaw dawˇ jeˬ mˇ paˇ-awˬ. Ngaˬ-euˬ tsawˇ haˬ deuˬ-ahˇ, aˬ yawꞈ maꞈ-euˬ miˇ kʼahˬ laꞈ kʼoeˇ neh naw maꞈ tiˬ jawˇ-iˬ maˬ paˇ ya teh doˆ meh. Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ, naw maꞈ-ahˇ heu loꞈ-ehˇ ehˇ-eu ma.”

Maˬlaˬkiˇ 2:13

Naw maꞈ heu loꞈ-ehˇ paˇ ya shaˬ tehꞈ-a. Naw maꞈ neh lawˇ-euˬ shehˇ-euˬ jeˬ-ahˇ Sahˬpaˬ Miˬyehˇ maˬ paˇ ha geuꞈ-eu miˇ neh, naw maꞈ ngoeˇ dui ya dui-awˇ, naw maꞈ-euˬ myaˆ biˇ Sahˬpaˬ Miˬyehˇ-euˬ lawˇ duˬ-ahˇ dahˬ pymˬ tehꞈ-a.

Luˇkaꞈ 18:7

Toˆ-ehˇ ngeuˇ naˇ, uˬ ciꞈ nah gʼahˇ maˬ ehˇ caw ba nehˬ laꞈ lehˇ shaˇ luꞈ-eu, Miˬyehˇ neh tseˇ doˆ-euˬ tsawˇ haˬ deuˬ-euˬ gʼaˇ duˬ, Miˬyehˇ yaˇ kʼaˬ maˬ daˇ nehˬ-aˇ loˇ. Aˬ yawꞈ nyi naˬ nyi naˬ-ehˇ jawˇ tehꞈ-a loˇ.

Gʼaˬkʼehˇ 7:26

Yawˬ nah yawˬ Iˇsaˬleˬlaˆ tsawˇ haˬ nyiˬ gʼaˬ yaw kaˬ ceh luꞈ gaˇ aˬ yawꞈ mawˇ-awˇ, aˇ kaˬ piˇ nehˬ-eu laꞈ kʼoeˇ, ‘Naˇ haˬ sheˇ. Iˇsaˬleˬlaˆ tsawˇ haˬ cawˬ cawˬ aˬ jeˬ miˇ neh teu loꞈ-ehˇ ceh dzaˬ te’ lehˇ ehˇ nehˬ-euˬ meh.

Yaˬkoˆ 5:4

Naw maꞈ-euˬ deh yaˇ-ahˇ gaˇ bi mˇ-euˬ tsawˇ haˬ deuˬ-ahˇ naw maꞈ gʼaˬ gaˇ poeˬ maˬ biꞈ-a. Aˬ yawꞈ maꞈ toˇ gaˇ naˇ haˬ sheˇ. Naw maꞈ-euˬ cehˇ laˆ luiˆ nehˬ-euˬ tsawˇ haˬ kʼoeˇ deuˬ ngoeˇ ngoeˇ-ehˇ guˇ-eu teˇ saˇ kʼoeˇ, Baoˬ huiˬ-eu Sahˬpaˬ Miˬyehˇ-euˬ naˬ bawˇ-ahˇ gaˬ keuˆ leˇ-euˬ meh.