Neˬhaˬmiˇ 4:5 - Akha

⁵ Meuˬ meuˬ lahˇ gawˬ muiˬ luꞈ-eu nga maꞈ-ahˇ aˬ yawꞈ maꞈ yehˬ bawˬ sehˇ lu-ehˇ ehˇ-eu miˇ neh, aˬ yawꞈ maꞈ neh mˇ-euˬ yaw haiˬ jeˬ hawˇ-eu aˬ yawꞈ maꞈ-euˬ iˬ baˇ-ahˇ taˬ pyehˬ nehˬ.”

Neˬhaˬmiˇ 4:5 Iomraidhean Croise

2 Saˬmeuˬlaˆ 17:2

Nymˇ ciꞈ Daˬbiˇ-euˬ mehˬ nah ngaˇ caw teh-iˇ ma. Aˬ yawꞈ gʼaˬ doeˇ doeˇ-awˇ nui ma cawˆ dui dui luꞈ ngeh, ngaˇ aˬ yawꞈ-ahˇ guiˇ deuˆ ma. Aˬ yawꞈ tsawˬ guˆ-iˇ-awˇ, aˬ yawꞈ-euˬ tsawˇ haˬ deuˬ cehˆ byoˆ jiˇ tehꞈ-a. Sahˬ paˬ-ahˇ tehꞈ-ehˇ ngaˇ sehꞈ ma.

Neˬhaˬmiˇ 4:6

Kʼoeˇ naˇ, nga maꞈ meuˬ lahˇ paˇ gawˬ daˆ leꞈ-awˇ, nui ma keuˆ dui dui-eu laꞈ kʼoeˇ mˇ-eu miˇ neh, gʼawˬ myahˇ maˬ gʼeh-ehˇ tiˬ kʼehˆ gawˬ kʼehˆ-euˬ ma.

Jaceuq 109:14

Aˬ yawꞈ-euˬ aˬ poeˬ aˬ bawˇ-euˬ iˬ baˇ-ahˇ Sahˬpaˬ Miˬyehˇ maˬ ngehˇ-ehˇ, aˬ yawꞈ aˬ ma-euˬ iˬ baˇ maˬ pyehˬ nehˬ ni bi jaˆ luꞈ-uˇ.

Jaceuq 51:1

Miˬyehˇ-oˇ, aˬ myah luꞈ maˬ tsehˆ leˇ ni gaˬ-eu nawˬ-euˬ gʼoeˇ-eu gaˬ-eu jeˬ baˬ da neh, ngaˬ-ahˇ gʼawˬ shaˬ gaˬ nehˬ laꞈ-awˬ. Huiˬ dui dui-eu gʼawˬ shaˬ gaˬ nya-eu jeˬ baˬ da neh, ngaˬ-euˬ iˬ baˇ tsiˬ shawˇ nehˬ laꞈ-awˬ.

Jaceuq 51:9

Ngaˬ-euˬ iˬ baˇ-ahˇ maˬ haw ni nawˇ myaˆ nuiˆ miˆ tehˬ-awˇ, yaw lehˬ jeˬ dawˬ tawˆ luꞈ-ahˇ yuˇ dzeh nehˬ laꞈ-awˬ.

Iˇsaˬyaˇ 2:9

Kʼoeˇ miˇ neh yawˬ gʼaˬ na luꞈ daˬ ga-awˇ, myaˆ pyawˬ ciˬ zaꞈ kʼaˇ maˬ za ni ya shaˬ tehꞈ-a. Sahˬpaˬ Miˬyehˇ-oˇ, aˬ yawꞈ maꞈ-ahˇ iˬ baˇ taˬ pyehˬ nehˬ.

Iˇsaˬyaˇ 43:25

Ehˇ kʼawꞈ, ngaˬ-euˬ gʼaˇ duˬ naw maꞈ-euˬ yaw lehˬ-ahˇ ngehˇ-awˇ, naw maꞈ-ahˇ iˬ baˇ pyehˬ nehˬ-euˬ Miˬyehˇ ngaˇ ma.

Iˇsaˬyaˇ 44:22

Mˬ dmˇ lawˬ-iˇ-eu loꞈ-ehˇ nawˬ-euˬ iˬ baˇ ngaˇ shiˆ shawˇ gʼaˬ-euˬ ma. Ngaˇ jawˇ gaˇ gʼoꞈ laˇ-awˬ. Ngaˇ nawˬ-ahˇ ka kʼoꞈ-eu gʼaˬ ma.”

Yeˬlaˬmiˇ 18:23

Ehˇ kʼawꞈ, aˬ yawꞈ maꞈ ngaˬ-ahˇ sehꞈ-eu lehˇ gʼeh-eu gaˇ kawˆ, Sahˬpaˬ Miˬyehˇ nawˇ mawˇ jiˇ luꞈ-eu meh. Aˬ yawꞈ maꞈ-ahˇ iˬ baˇ maˬ pyehˬ nehˬ-ehˇ, aˬ yawꞈ maꞈ-euˬ yaw lehˬ taˬ byehˇ byoˆ nehˬ. Aˬ yawꞈ maꞈ-ahˇ aˬ cawˬ neh guiˇ bi deuˆ gʼaˬ-awˇ, nawˇ nui ma pehˇ ngeh aˬ yawꞈ maꞈ-ahˇ kʼehˬ nehˬ-awˬ.

Ngoeˇ dawˬ 1:22

“Aˬ yawꞈ maꞈ-euˬ yaw lehˬ dawˬ tawˆ, nawˬ-euˬ mehˬ shi bi keuˆ le-awˇ, ngaˬ neh mˇ-euˬ iˬ baˇ baˬ da, nawˬ neh ngaˬ-ahˇ kʼehˬ-euˬ loꞈ-ehˇ, aˬ yawꞈ maꞈ-ahˇ kʼawꞈ kʼehˬ nehˬ-awˬ. Shaˬ zahˬ naꞈ-awˇ mahˇ luꞈ-eu heu, nui ma shiˇ tsehˆ shaw-iˬ miˇ-a.”

2 Tiˆmoˇseˬ 4:14

Ba jiˬ geuꞈ-eu Aˬleˬsaˬduˇ kʼoeˇ gʼaˬ ngaˬ-ahˇ yaw kʼaˆ-ehˇ jahˇ doeˇ nehˬ laꞈ-euˬ meh. Aˬ yawꞈ neh kʼaˇ jahˇ nehˬ laꞈ-euˬ loꞈ-ehˇ, Sahˬpaˬ Yeˬsuˇ aˬ yawꞈ-ahˇ jahˇ kʼoꞈ nehˬ tehꞈ-a.