Neˬhaˬmiˇ 4:14 - Akha

¹⁴ Ngaˬ-euˬ tsawˇ haˬ deuˬ noeˬ shaˬ luꞈ gaˇ ngaˇ ya mawˇ-awˇ, aˬ yawꞈ maꞈ-ahˇ maˬ ehˇ, aˬ yuiꞈ aˬ tsu deuˬ hawˇ-eu yaw huiˬ yaw mahˇ deuˬ-ahˇ maˬ ehˇ, ngaˇ heu loꞈ-ehˇ ehˇ nehˬ-euˬ ma. “Aˬ dui-ahˇ muiˇ-eu deuˬ-ahˇ taˬ guˆ. Sahˬpaˬ miˬyehˇ-aˬ, huiˬ dui mahˇ dui dui-awˇ guˆ laˇ paˬ-ehˇ gʼeh-eu gʼaˬ pyeuꞈ gaˇ noeˬ keuˆ-awˇ, yawˬ ha-euˬ cawˬ miˇ kʼahˬ zaˬ deuˬ, yawˬ ha-euˬ miˬ sawˇ zaˬ deuˬ hawˇ-eu, yawˬ ha-euˬ nymˇ jiˇ gʼaˇ duˬ guiˇ deuˆ-awˬ.”

Neˬhaˬmiˇ 4:14 Iomraidhean Croise

2 Saˬmeuˬlaˆ 10:12

Gʼaˬ byehˆ maˬ byehˆ ni nui ma kʼaˬ duˬ ni taˬ-awˬ. Aˬ dui-euˬ tsawˇ jeuˬ hawˇ-eu, aˬ dui Miˬyehˇ-euˬ meuˬ deuˬ gʼaˇ duˬ, yaw kʼaˆ kʼaˆ-ehˇ guiˇ deuˆ kaˇ-euˇ. Sahˬpaˬ Miˬyehˇ nui ma tsaˬ-eu jeˬ keuˆ le luꞈ-uˇ.”

2 Laˬsaˬbaˬ 32:7

“Nui ma kʼaˬ duˬ ni taˬ-eu laꞈ kʼoeˇ gʼaˬ maˬ baˬ-ehˇ, Aˬshuˇliˆ sahˬ paˬ hawˇ-eu aˬ yawꞈ neh sheuˬ laꞈ-euˬ guiˇ maꞈ-ahˇ maˬ guˆ ni jawˇ-awˬ. Aˬ yawꞈ gʼaˬ kʼaˆ-eu naˆ maˬ tseˇ aˬ dui maꞈ gʼaˬ kʼaˆ dzehˬ ma.

Neˬhaˬmiˇ 1:5

“Mˬ taˆ Miˬyehˇ pyeuꞈ-eu Sahˬpaˬ Miˬyehˇ-oˇ, nawˇ-aˬ huiˬ dui mahˇ dui dui-awˇ, nga maꞈ nawˬ-ahˇ guˆ-eu laꞈ kʼoeˇ yawꞈ luꞈ-eu ma. Nawˬ-ahˇ gaˬ-awˇ nawˬ neh kʼaˇ ehˇ taˬ-euˬ loꞈ-ehˇ mˇ-eu tsawˇ haˬ deuˬ-ahˇ nawˇ dawˬ ma saˇ jaˇ ziꞈ-eu meh.

Yawˇbaˆ 37:22

Laꞈ taˆ paw pyawˬ-ahˇ shuiˇ loꞈ-ehˇ bya doˆ laˇ-awˇ, Miˬyehˇ-euˬ yaw shehꞈ kʼahˬ sehˇ-ahˇ aˬ dui maꞈ zahˬ leˇ miˇ-a.

Jaceuq 143:5

Dzeuˇ yaꞈ-euˬ aˇ nah aˇ yamˬ deuˬ-ahˇ noeˬ mawˇ laˇ miˇ-a. Nawˬ neh mˇ dzeuˇ shaˇ dzeuˇ yaꞈ-euˬ deuˬ-ahˇ ngaˇ shaˇ noeˬ-awˇ, gaˇ kawˆ kʼoeˇ deuˬ-ahˇ ngaˬ-euˬ nui ma laꞈ kʼoeˇ shaˇ sawˇ luꞈ-eu ma.

Jaceuq 20:7

Mahˬlaˆlawˬ-ahˇaˬcawˬgʼoe-awˇ, mahˬ-ahˇnui ma huiˬ-awˇdeuˆkʼawꞈ, SahˬpaˬMiˬyehˇpyeuꞈ-eu Miˬyehˇ, aˬdui-euˬ nui ma huiˬduˬma.

Jaceuq 27:1

SahˬpaˬMiˬyehˇngaˬ-euˬyaw shehꞈ, ngaˬ-ahˇka kʼoꞈ-eu yaw sahˇmeh. Aˬsuˇgʼaˬ-ahˇngaˇpaˇguˆnmˇ. SahˬpaˬMiˬyehˇngaˬ-euˬgʼaˇduˬ, ziꞈdui dui-eu taˆpyeuꞈ-eu meh. Aˬgeu jeˬ-ahˇngaˇpaˇguˆnmˇ.

Jaceuq 46:11

Baoˬ huiˬ-eu Sahˬpaˬ Miˬyehˇ aˬ dui nehˬ-ehˇ jawˇ-eu meh. Yaˬkoˆ-euˬ Miˬyehˇ-aˬ, aˬ dui-euˬ gʼoe duˬ pyeuꞈ-eu meh.

Jaceuq 65:5

Gʼaˬ leˇ-eu jeˬ biꞈ laꞈ-eu laꞈ kʼoeˇ, nga maꞈ-euˬ shaˇ dawˬ-ahˇ nawˇ naˇ haˬ nehˬ laꞈ-awˇ, nga maꞈ-ahˇ ka kʼoꞈ nehˬ laꞈ-eu laꞈ kʼoeˇ, zahˬ leˇ paˬ-ehˇ gʼeh-eu jeˬ nawˇ mˇ-euˬ meh. Mˬ dzeˇ miˇ dzeˇ keuˆ ni jawˇ-eu tsawˇ haˬ deuˬ hawˇ-eu, iˬ ma laˆ shaˆ nui baˬ-ahˇ jawˇ-eu tsawˇ haˬ deuˬ nawˬ-ahˇ gʼoe-eu meh.

Jaceuq 66:3

Miˬyehˇ-ahˇ heu loꞈ-ehˇ ehˇ nehˬ-awˬ. Nawˬ neh mˇ-euˬ gaˇ deuˬ aˇ naˆ ni zahˬ leˇ paˬ-ehˇ gʼeh-eu nga. Nawˬ-euˬ baoˬ huiˬ dui mahˇ dui dui-eu miˇ neh, nawˬ-ahˇ muiˇ-eu deuˬ guˆ-eu laꞈ kʼoeˇ, nawˬ-euˬ mehˬ shi awˆ byaˆ-eu meh.

Jaceuq 66:5

Miˬyehˇ neh mˇ taˬ-euˬ gaˇ-ahˇ haw laˇ-awˬ. Tsawˇ haˬ zaˬ gʼaˇ duˬ aˬ yawꞈ neh mˇ taˬ-euˬ huiˬ-eu gaˇ-ahˇ haw laˇ-awˬ.

Doˆ-iˇ 14:14

Naw maꞈ tiˬ jeˬ-iˬ jahˇ-eu maˬ loˬ-a. Naw maꞈ gʼaˇ duˬ Sahˬpaˬ Miˬyehˇ guiˇ deuˆ tehꞈ-a.”

Doˆ-iˇ 14:25

Aˬ yawꞈ maꞈ-euˬ mahˬ laˆ lawˬ aˇ beuˆ suꞈ-iˇ-awˇ, maˬ teh gahˇ nya ni bi pyeuꞈ-iˇ-euˬ meh. “Sahˬpaˬ Miˬyehˇ Iˇsaˬleˬlaˆ tsawˇ haˬ paw jawˇ-awˇ, aˬ dui-ahˇ guiˇ deuˆ luꞈ-eu nga. Aˬ dui maꞈ heu gaˇ neh doˆ-iˇ kaˇ-euˇ” lehˇ, Iˇjiˇtuˆ tsawˇ haˬ deuˬ ehˇ-eu meh.

Dawˬ tsoˆ 12:1

Nawˇ zaˬ guˬ pyeuꞈ ngeh neh, nawˬ-ahˇ beh-euˬ yaw sahˇ-ahˇ noeˬ keuˆ-awˬ. Tsawˇ kʼaˆ kʼaˆ laˇ-awˇ nui saˇ maˬ oꞈ-eu miˇ neh, “Yaw dehꞈ maˬ dehꞈ nahˇ nya” lehˇ ya ehˇ-eu aˇ nah aˇ yamˬ maˬ keuˆ laˇ mi naˆ-ehˇ, Beh-euˬ yaw sahˇ-ahˇ noeˬ keuˆ-awˬ.

Daˬyeˬlaˇ 11:32

Miˬyehˇ-ahˇ uˬ duˬ tahˬ-eu zahˇ sahˇ kʼoꞈ-ahˇ byehˇ dzeh-euˬ tsawˇ haˬ deuˬ-ahˇ aˬ yawꞈ mehˇ shuiˇ shuiˇ gʼaˬ nya kʼawꞈ, Miˬyehˇ-ahˇ maˬ byehˇ dzeh-eu tsawˇ haˬ deuˬ aˬ yawꞈ-ahˇ ziꞈ dah ni ciˬ daˬ tehꞈ-a.

Zaˬkaˬliˇ 14:3

Kʼoeˇ naˇ, Sahˬpaˬ Miˬyehˇ doˆ-iˇ-awˇ, aˇ hu ba guiˇ deuˆ haw-euˬ loꞈ-ehˇ, tsawˇ jeuˬ kʼoeˇ deuˬ-ahˇ guiˇ deuˆ tehꞈ-a.

Bawˇtsahˬ 14:9

Sahˬpaˬ Miˬyehˇ-ahˇ taˬ puiˬ. Kʼoeˇ gaˇ jawˇ-eu tsawˇ haˬ deuˬ-ahˇ taˬ guˆ. Aˬ yawꞈ maꞈ-ahˇ aˬ dui maꞈ yaw awˇ laꞈ-ehˇ gʼaˬ leˇ tehꞈ-a. Sahˬpaˬ Miˬyehˇ aˬ dui nehˬ-ehˇ jawˇ-awˇ, aˬ yawꞈ maꞈ-ahˇ bo saˆ luꞈ-eu miˬ yehˇ deuˬ-ahˇ gʼaˬ leˇ gʼaˬ-euˬ meh. Kʼoeˇ miˇ neh taˬ guˆ.”

Maꞈtehˬ 10:28

Gʼawˇ mawˇ-ahˇ sehꞈ nya kʼawꞈ, saꞈ laˇ-ahˇ maˬ sehꞈ nya-eu tsawˇ haˬ-ahˇ taˬ guˆ. Ehˇ kʼawꞈ, gʼawˇ mawˇ hawˇ-eu saꞈ laˇ heu nyiˬ jeˬ luꞈ-ahˇ, shiˬ buiˇ lah ma laꞈ kʼoeˇ laˆ cawˆ nya-eu gʼaˬ pyeuꞈ-eu Miˬyehˇ-ahˇ guˆ-awˬ.

Dawˬmehˬ 1:21

Haw yawˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh naw maꞈ-euˬ mehˬ shi miˇ kʼahˬ heu kʼahˬ bi jaˆ taˬ-euˬ ngaˇ. Naw maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ neh naw maꞈ-ahˇ ehˇ taˬ-euˬ loꞈ-ehˇ, miˇ kʼahˬ heu kʼahˬ-ahˇ jawˇ leˇ-awˬ. Nyi naˬ nyi naˬ-ehˇ taˬ paˇ jawˇ. Maˬ guˆ ni le-awˬ lehˇ naw maꞈ-ahˇ ngaˇ ehˇ-euˬ ma.

Dawˬmehˬ 10:17

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-aˬ, miˬ yehˇ dawˬ tawˆ luꞈ hawˇ-eu baoˬ dawˬ tawˆ luꞈ kʼoeˇ taˆ huiˬ dzehˬ-eu meh. Aˬ yawꞈ-aˬ, baoˬ huiˬ dui dui -awˇ, guˆ laˇ paˬ-ehˇ gʼeh-eu meh. Aˬ yawꞈ-aˬ, myaˆ pyawˬ huiˬ nyiˇ maˬ tseˇ-ehˇ, laꞈ nmꞈ nmꞈ-eu jeˬ-ahˇ kʼawꞈ, maˬ ha geuꞈ-a.

HeˬByehˇ 13:6

Kʼoeˇ miˇ neh, aˬ dui nui ma kʼaˬ duˬ ni gʼeh-eu laꞈ kʼoeˇ, “Sahˬpaˬ Miˬyehˇ ngehˬ gʼeh luꞈmeh. Ngaˇ tiˬ jeˬ-iˬ guˆ kʼaˇ maˬ za. Aˬcawˬ aˬ jeˬ jahˇ laˇ nya nmˇ” lehˇ ehˇ kaˇ-euˇ.

Yawˇshuˆ 1:9

Yawˬ haˇ yawˬ ha nui jah ahˇ-eu laꞈ kʼoeˇ, kʼaˬ duˬ ni mˇ-awˬ lehˇ, ngaˇ nawˬ-ahˇ ehˇ-eu dawˬ heu dawˬ-ahˇ taˬ ngehˇ. Guˆ-eu jeˬ maˬ ehˇ, gʼaˬ baˬ-eu jeˬ maˬ ehˇ, nawˬ-euˬ nui ma laꞈ kʼoeˇ taˬ bi pyeuꞈ doˆ laˇ. Aˬ jeˬ miˇ neh ehˇ naˇ, nawˬ-euˬ Miˬyehˇ, Sahˬpaˬ Miˬyehˇ pyeuꞈ-eu ngaˇ gʼaˬ, nawˇ kʼaˇ iˇ kʼaˇ laˇ gaˇ nawˬ nehˬ-ehˇ jawˇ ma.”

Yaˇ kʼaˬ daˇ 3:27

Eˇpaˬleˬ miˇ kʼahˬ gawˬ jawˬ gawˬ duˇ-ahˇ aˬ yawꞈ cehˆ keuˆ ngeh, Iˇsaˬleˬlaˆ tsawˇ haˬ deuˬ-ahˇ daˇ heh baw gaˬ nehˬ-awˇ, guiˇ deuˆ-eu gʼaˇ duˬ kuˇ-euˬ meh. Kʼoeˇ naˇ, gawˬ duˇ-ahˇ neh, aˬ yawꞈ maꞈ-ahˇ aˬ yawꞈ sheuˬ ka gʼeh-euˬ meh.