Neˬhaˬmiˇ 4:10 - Akha

¹⁰ Yuˇdaˆ tsawˇ haˬ deuˬ heu loꞈ-ehˇ caˇ dawˬ tiˬ bymˇ caˇ-euˬ meh. 2 “Kʼaˆ behˆ baꞈ-eu maˬ gʼaˬ leˇ nya. 2 Meu lahˇ coˬ pyaˆ taˬ-awˇ jaˆ-eu, yaw cawˆ maˬ baꞈ dzeh jiˇ coeˇ nya. 2 Iˬ nah meuˬ lahˇ aˬ joˇ gawˬ nmˇ.”

Neˬhaˬmiˇ 4:10 Iomraidhean Croise

2 Laˬsaˬbaˬ 2:18

Shiꞈ muiˇ gʼaˬ-ahˇ, nymˇ tsoˆ gaˇ loˬ-eu mˇ myawˬ keu ka deuˬ bi baꞈ-awˇ, yehꞈ muiˇ gʼaˬ-ahˇ, gawˬ jawˬ doe ni kʼaˬ lo bi deh-euˬ meh. Gaˇ yaw muiˬ paˬ-ehˇ bi mˇ pyeuꞈ nya ni, dzeˇ luꞈ-eu smˬ heˇ koꞈ yaˇ gʼaˬ-ahˇ gaˇ mˇ gaˇ haw-eu pyaˆ-eu deuˬ bi geuꞈ-euˬ meh.

2 Laˬsaˬbaˬ 34:13

Leˬbiˇ tsawˇ haˬ tiˬ paˆ na deuˬ-aˬ, daˇ kawˬ daˇ laꞈ baꞈ ha gaˇ maˬ ehˇ, gaˇ gʼawˬ mya jeˬ mˇ luꞈ-eu tsawˇ haˬ deuˬ-ahˇ maˬ ehˇ, aˬ yuiꞈ geuꞈ-awˇ haw-euˬ pyaˆ-euˬ meh. Tiˬ paˆ na deuˬ-aˬ, jaˇ laˇ yuˇ-eu gaˇ mˇ-awˇ, tiˬ paˆ na deuˬ-aˬ, loꞈ piˇ-eu deuˬ geuꞈ-euˬ meh.

Neˬhaˬmiˇ 4:11

Aˬ yawꞈ maꞈ nga maꞈ jawˇ gaˇ oe tehˬ leꞈ-awˇ, nga maꞈ-ahˇ sehꞈ-awˇ nga maꞈ-euˬ gaˇ heu maˬ paˇ mˇ nya ni ya naˬ leˇ ngeh maˬ ngeuˇ naˇ, aˬ yawꞈ maꞈ-ahˇ nga maꞈ maˬ mawˇ nya-ehˇ, aˬ jeˬ keuˆ le luꞈ-eu gaˇ kawˆ maˬ siˬ nya-aˇ lehˇ nga maꞈ-ahˇ muiˇ-eu deuˬ noeˬ luꞈ meh.

Neˬhaˬmiˇ 4:2

Aˬ yawꞈ-euˬ cawˬ deuˬ hawˇ-eu Saˬmaˬliˆ guiˇ maꞈ mehˬ shi aˬ yawꞈ heu loꞈ-ehˇ ehˇ-eu meh. “Aˇ gʼehˇ maˬ gʼehˇ-eu Yuˇdaˆ tsawˇ haˬ tsawˇ teˬ zaˬ teu deuˬ aˬ pa jeˬ mˇ luꞈ-eu nga. Meuˬ teu meuˬ-ahˇ paˇ tsoˆ muiˬ geuꞈ-eu lehˇ gʼeh ta loˇ. Lawˇ-eu shehˇ-eu jeˬ mˇ-awˇ tiˬ nah laꞈ kʼoeˇ tehꞈ-ehˇ paˇ tsoˆ muiˬ nya ma lehˇ aˬ yawꞈ maꞈ noeˬ ta loˇ. Bi puiˆ byoˆ jiˇ-euˬ kʼaˬ lo tsaˬ byaˆ kʼoeˇ deuˬ tsaˬ byaˆ paˇ pyeuꞈ laˇ ni aˬ yawꞈ maꞈ jahˇ doˆ nya te jeˇ loˇ.”

Neˬhaˬmiˇ 4:9

Ehˇ kʼawꞈ, nga maꞈ Miˬyehˇ-ahˇ guiˬ lahˬ shaˇ-awˇ, aˬ yawꞈ maꞈ laˇ gaˇ uˬ ciꞈ nah gʼahˇ maˬ ehˇ bi loꞈ-euˬ ma.

Yeˬsaˬgeˬlaˇ 29:18

“Tsawˇ haˬ zaˬ-oˇ, Baˬbuˇloˬ sahˬ paˬ Neˬbuˬkaˬneˬzaˬ Duˇlu meuˬ-ahˇ guiˇ deuˆ le-euˬ meh. Aˬ yawꞈ-euˬ yehˇ deuˬ pi-euˬ myawˬ kah dui dui-eu miˇ neh, uˬ duˬ pi deˬ-awˇ, baꞈ pu yawˆ-iˇ jiˇ-euˬ meh. Kʼoeˇ naˆ naˆ-ehˇ shaˬ-euˬ kawꞈ, sahˬ paˬ hawˇ-eu aˬ yawꞈ-euˬ guiˇ maꞈ gʼaˇ duˬ jiˇ jeuˬ tiˬ jeˬ-iˬ maˬ ahˇ-a.

Haˬgaiˇ 1:2

“Uˬ duˬ tahˬ nymˇ nymˇ ma tsoˆ muiˬ-eu aˇ yamˬ maˬ keuˆ laˇ-aˬ siˬ lehˇ, tsawˇ haˬ teu deuˬ ehˇ luꞈ meh” lehˇ, Haˬgaiˇ-ahˇ Sahˬpaˬ Miˬyehˇ ehˇ nehˬ-euˬ meh.

Bawˇtsahˬ 13:31

Ehˇ kʼawꞈ, Gaˬlehˆ nehˬ-ehˇ le-euˬ tsawˇ haˬ deuˬ ehˇ-eu, “Maˬ ngeuˇ-a. Aˬ yawꞈ maꞈ-ahˇ aˬ dui guiˇ maˬ deuˆ gʼaˬ nya-a. Kʼoeˇ gaˇ jawˇ-eu tsawˇ haˬ kʼoeˇ deuˬ, aˬ dui naˆ maˬ tseˇ gʼaˬ kʼaˆ dzehˬ-eu meh.”

Bawˇtsahˬ 32:9

Eˇshaˬkawˇlaˆ deh kʼawꞈ-ahˇ keuˆ ni aˬ yawꞈ maꞈ le keuˆ-awˇ, miˇ kʼahˬ kʼoeˇ kʼahˬ-ahˇ haw mawˇ yaꞈ-euˬ meh. Ehˇ kʼawꞈ, aˬ yawꞈ maꞈ gʼoꞈ keuˆ le ngeh, Sahˬpaˬ Miˬyehˇ neh biꞈ-euˬ miˇ kʼahˬ-ahˇ Iˇsaˬleˬlaˆ tsawˇ haˬ deuˬ maˬ le uˇ peuˬ ni aˬ yawꞈ maꞈ jahˇ-euˬ meh.