Neˬhaˬmiˇ 3:25 - Akha

^25-26 Uˇzehˇ-euˬ aˬ li Paˬlaˬlaˆ gʼaˬ, meuˬ lahˇ laꞈ gʼoꞈ kʼoeˇ tsahˇ-ahˇ neh, meuˬ-ahˇ loꞈ-eu yehˇ deuˬ-euˬ saˇ naˇ dawˬ peh jaˆ-eu sahˬ paˬ-euˬ nymˇ laꞈ taˆ paw pyawˬ-ahˇ loꞈ-eu nymˇ goˇ-ahˇ keuˆ ni gawˬ muiˬ-euˬ meh. Paˬloˆ-euˬ aˬ li Peˬdehˇyaˬ gʼaˬ, nahˇ ma doˆ kʼehˬ paw jaˆ-eu Iˇ cuꞈ lahˇ kʼehˬ hawˇ-eu Uˬ duˬ tahˬ nymˇ nymˇ ma-ahˇ loꞈ-eu nymˇ goˇ dawˬ peh keuˆ ni gawˬ keuˆ-euˬ meh. Kʼoeˇ tsahˇ-aˬ, Uˬ duˬ tahˬ nymˇ nymˇ ma laꞈ kʼoeˇ gaˇ mˇ-eu deuˬ jawˇ-eu Awˇpeˬlaˇ lehˇ kuˇ-eu jawˇ duˬ dawˬ peh meh.

Neˬhaˬmiˇ 3:25 Iomraidhean Croise

Eˇzaˬlaˬ 2:3

Paˬloˆ aˇ jeuˬ & nyiˬ heˇ tiˬ yaˇ shiꞈ tseˇ nyiꞈ gʼaˬ

Neˬhaˬmiˇ 12:39

Kʼoeˇ gaˇ neh naˇ, Eˇpaˬleˬ lahˇ kʼehˬ, Yeˬshaˬnahˬ lahˇ kʼehˬ, Ngaˬ shaˬ lahˇ kʼeh, Haˬnaˬneˬlaˇ nymˇ goˇ, Tiˬ yaˇ gʼaˬ-euˬ nymˇ goˇ hawˇ-eu Yawˇ lahˇ kʼehˬ iˇ dzeuˇ-awˇ, Uˬ duˬ tahˬ nymˇ nymˇ ma -euˬ lahˇ kʼehˬ-ahˇ keuˆ ni iˇ-euˬ ma.

Neˬhaˬmiˇ 7:8

Paˬloˆ aˇ jeuˬ 2,172 gʼaˬ

Neˬhaˬmiˇ 8:4

Kʼoeˇ loꞈ-ehˇ gui mehˬ ngeh bi zmˬ-eu gʼaˇ duˬ teˇ byaꞈ neh tsoˆ taˬ-euˬ guiˇ ga kʼoeˇ taˆ Eˇzaˬlaˬ yawꞈ-euˬ meh. Maˬtiˇdiˇ, Sheˬmaˬ, Aˬnaˬyaˆ, Uˇliˇyaˆ, Hiˇlaˬkiˇ, Maˬseˬyaˇ aˬ ha maꞈ aˬ yawꞈ-euˬ aˇ maˇ paw yawꞈ-awˇ, Peˬdehˇyaˬ, Miˇsheˬlaˇ, Maˬlaˬkiˇyaˬ, Haˬshuˬ, Haˬshaˬbaˬdaˬnaˬ, Zaˬkaˬliˇ, Meˬshuˇlamˬ aˬ ha maꞈ aˬ yawꞈ-euˬ aˇ caˇ paw yawꞈ-euˬ meh.

Yeˬlaˬmiˇ 22:14

“Kʼoeˇ taˆ tiˆ jeˇ lo ni gʼeh-eu, nymˇ nymˇ ma tiˬ nymˇ tsoˆ doˆ ma” ehˇ-awˇ, laˇ gʼoˆ zaˬ gʼawˬ mya ni jahˇ ahˇ-awˇ, shuˬ liˇ teˇ byaꞈ kaˇ pyawˇ taw-awˇ, jaˆ gʼaˬ neˇ lehꞈ muiˬ taˬ-euˬ tsawˇ haˬ, shaˬ zahˬ ya mˇ dui dui tehꞈ-a.

Yeˬlaˬmiˇ 32:2

Aˇ yamˬ kʼoeˇ yamˬ laꞈ kʼoeˇ, Baˬbuˇloˬ sahˬ paˬ-euˬ guiˇ maꞈ deuˬ Yeˬluˇsaˬlehˬ meuˬ-ahˇ guiˇ deuˆ luꞈ-awˇ, sahˬ paˬ-euˬ hawˇ nymˇ-ahˇ jaˆ-eu paꞈ kuˆ laꞈ kʼoeˇ ngaˇ uˇ luꞈ-eu ma.

Yeˬlaˬmiˇ 33:1

Paꞈ kuˆ laꞈ kʼoeˇ ngaˇ uˇ luꞈ-eu aˇ yamˬ laꞈ kʼoeˇ, Sahˬpaˬ Miˬyehˇ-euˬ dawˬ ngaˇ jawˇ gaˇ tiˬ poˆ paˇ keuˆ le-euˬ meh.

Yeˬlaˬmiˇ 37:21

Kʼoeˇ ngeh jawˇ, sahˬ paˬ hawˇ nymˇ-ahˇ jaˆ-eu paꞈ kuˆ laꞈ kʼoeˇ ngaˬ-ahˇ nyehꞈ ahˇ-awˇ mawˬ tawꞈ tawꞈ tehˬ taꞈ-eu gʼaˇ duˬ, sahˬ paˬ Zeˬdaˬkiˇ dawˬ biꞈ-euˬ meh. Ngaˇ kʼoeˇ gaˇ uˇ-awˇ, meuˬ laꞈ kʼoeˇ kaˬ muˇ maˬ jaˆ-ehˇ pyeuꞈ-iˇ ngeh keuˆ ni, kaˬ muˇ jahˇ-eu tsawˇ haˬ deuˬ ngaˬ-ahˇ tiˬ nah-euˬ kaˬ muˇ tiˬ siˬ bi dzaˬ laꞈ-euˬ meh.

Yeˬlaˬmiˇ 38:13

Kʼoeˇ naˇ, aˬ yawꞈ maꞈ ngaˬ-ahˇ lah duˬ laꞈ kʼoeˇ neh gʼeu doˆ nehˬ laꞈ-euˬ meh. Lah duˬ laꞈ kʼoeˇ neh doˆ laˇ gʼaˬ ngeh jawˇ, sahˬ paˬ-euˬ hawˇ nymˇ lahˇ laꞈ kʼoeˇ ngaˬ-ahˇ ka lahˇ-awˇ bi jawˇ laꞈ-euˬ meh.

Yeˬlaˬmiˇ 39:8

Kʼoeˇ ngeh, Baˬbuˇloˬ tsawˇ haˬ deuˬ sahˬ paˬ-euˬ hawˇ nymˇ hawˇ-eu miˇ kʼahˬ zaˬ-euˬ nymˇ deuˬ keuˬ dzeh-awˇ, Yeˬluˇsaˬlehˬ meuˬ-euˬ meuˬ meuˬ lahˇ deh byaˆ-euˬ meh.

Miˇkaˬ 4:8

Kʼoeˇ naˇ, yawˇ bo-eu tsawˇ haˬ loꞈ-ehˇ aˬ yawꞈ-euˬ tsawˇ haˬ deuˬ-ahˇ Miˬyehˇ haw piˇ-euˬ jawˇ duˬ pyeuꞈ-eu Yeˬluˇsaˬlehˬ meuˬ-oˇ, nawˇ-aˬ, nawˬ-euˬ miˇ kʼahˬ laꞈ kʼoeˇ aˬ cawˬ naˆ maˬ tseˇ huiˬ-eu meuˬ paˇ pyeuꞈ laˇ tehꞈ-a.