Neˬhaˬmiˇ 3:15 - Akha

¹⁵ Miˇzaˬpaˬ meuˬ tiˬ paˆ dzaˬ-eu Kawˇlaˆhawˇzaˬ-euˬ aˬ li Shaˬlmˬ gʼaˬ, Lawˇ kʼawꞈ lahˇ kʼehˬ-ahˇ gawˬ muiˬ-euˬ meh. Gʼoˆ kʼehˬ kʼoeˇ kʼehˬ-ahˇ aˬ yawꞈ joe shmˇ-awˇ, laˇ gʼoˆ hawˇ-eu gʼoˆ sehˬ jahˇ tsoꞈ-euˬ meh. Sahˬpaˬ-euˬ yaˇ kmˇ nui paw Sheˬlahˬ-euˬ lah dawˬ peh jaˆ-eu meuˬ meuˬ lahˇ kʼoeˇ deuˆ-ahˇ, Daˬbiˇ-euˬ meuˬ-ahˇ neh zaꞈ ka le-eu dawˬ dzm dawˬ tehꞈ jaˆ-eu tsahˇ-ahˇ keuˆ ni aˬ yawꞈ gawˬ muiˬ-euˬ meh.

Neˬhaˬmiˇ 3:15 Iomraidhean Croise

2 Saˬmeuˬlaˆ 5:9

Taˆ nymˇ nymˇ ma kʼoeˇ nymˇ-ahˇ deuˆ gʼaˬ ngeh, Daˬbiˇ kʼoeˇ gaˇ jawˇ le-awˇ, Daˬbiˇ-euˬ meuˬ lehˇ myahˇ nehˬ-euˬ meh. Kʼoeˇ naˇ, gawˬ duˇ-euˬ nahˇ ma doˆ kʼehˬ paw dzeˇ jaˆ-eu tsaˬ duˬ duˬ dzm taˬ-euˬ tsahˇ-ahˇ neh aˇ dahˬ beh-awˇ, taˆ nymˇ nymˇ ma kʼoeˇ nymˇ-euˬ jawˬ jawˬ-ehˇ, aˬ yawꞈ meuˬ tsoˆ-euˬ meh.

2 Sahˬpaˬ 25:4

Meuˬ meuˬ lahˇ laˆ pehꞈ-awˇ, Baˬbuˇloˬ tsawˇ haˬ deuˬ loꞈ jawˬ taˬ-euˬ kʼawꞈ, yehˇ dawˬ tawˆ luꞈ uˬ ciꞈ paw cehˆ kʼoeˬ doˆ jiˇ-euˬ meh. Sahˬpaˬ-euˬ yaˇ kmˇ paw aˬ yawꞈ maꞈ iˇ-awˇ, meuˬ meuˬ lahˇ nyiˬ pyawˬ dzoeˇ le-euˬ laꞈ coeˇ-ahˇ jaˆ-eu lahˇ kʼehˬ-ahˇ neh cehˆ doˆ-awˇ, Yawˇdaˬ lawˇ baˬ deh kʼawꞈ paw cehˆ-euˬ meh.

2 Laˬsaˬbaˬ 32:30

Sahˬ paˬ Heˬsaˬgiˇ-aˬ, Giˇhoˬ lawˇ gawˆ-ahˇ tuiˆ tsoeˬ-awˇ, Yeˬluˇsaˬlehˬ-euˬ meuˬ lahˇ laꞈ kʼoeˇ iˇ pahˬ pahˬ doˆ-euˬ meh. Aˬ yawꞈ neh kʼaˇ noeˬ taˬ-euˬ yawˬ jeˬ na luꞈ mˇ pyeuꞈ nya-euˬ meh.

Neˬhaˬmiˇ 12:37

Lawˇ kʼawꞈ lahˇ kʼehˬ-ahˇ aˬ yawꞈ maꞈ le keuˆ ngeh, Daˬbiˇ-euˬ meuˬ-ahˇ le-eu dawˬ dzm-ahˇ aˬ yawꞈ maꞈ daˆ leˇ-awˇ, Daˬbiˇ-euˬ nymˇ iˇ dzeuˇ-awˇ, meuˬ-euˬ nahˇ ma doˆ kʼehˬ paw jaˆ-eu Iˇ cuꞈ lahˇ kʼehˬ kʼoeˇ tsahˇ-ahˇ, meuˬ meuˬ lahˇ-ahˇ paˇ gʼoꞈ ka le-euˬ meh.

Neˬhaˬmiˇ 2:14

Kʼoeˇ naˇ, meuˬ-euˬ nahˇ ma doˆ kʼehˬ paw dzeˇ, laꞈ taˆ paw Lawˇ kʼawꞈ lahˇ kʼehˬ hawˇ-eu Sahˬpaˬ-euˬ lah paw ngaˇ le daˆ-euˬ ma. Ehˇ kʼawꞈ, ngaˇ dziˬ luꞈ-eu mahˬ tahˬ laˆ kʼoeˇ mawˇ le doˆ nya ni gaˇ ma maˬ dahˇ-a.

Neˬhaˬmiˇ 2:17

Ehˇ kʼawꞈ, kʼoeˇ ngeh jawˇ aˬ yawꞈ maꞈ-ahˇ heu loꞈ-ehˇ ehˇ nehˬ-euˬ ma. “Yeˬluˇsaˬlehˬ meuˬ cawˆ-iˇ taˬ-awˇ meuˬ meuˬ lahˇ yaw pyaˆ-ehˇ jaˆ luꞈ-eu miˇ neh, aˬ dui aˇ naˆ ni ya shaˬ ya zahˬ luꞈ gaˇ haw sheˇ. Meuˬ meuˬ lahˇ paˇ gawˬ ziꞈ-awˇ, maˬ noeˬ shaˬ maˬ noeˬ zahˬ ni dehꞈ kaˇ-euˇ.”

Neˬhaˬmiˇ 3:12

Haˬloˇhehˇ-euˬ aˬ li Yeˬluˇsaˬlehˬ meuˬ tiˬ paˆ dzaˬ-eu Shaˬlmˬ gʼaˬ tiˬ deuˆ paˇ gawˬ tsaꞈ gʼeh-euˬ meh. Aˬ yawꞈ-euˬ aˬ buˇ deuˬ kʼawꞈ aˬ yawꞈ-ahˇ caw mˇ-euˬ meh.

Neˬhaˬmiˇ 3:14

Leˬkaˆ-euˬ a li Behˬhaˬsheˬleˬ meuˬ-ahˇ uˆ lahˇ-eu gʼaˬ pyeuꞈ-eu Maˬlaˬkiˇyaˬ gʼaˬ Mawˇ neˇ ceˬ lahˇ kʼehˬ-ahˇ gawˬ muiˬ-euˬ meh. Laˇ gʼoˆ bahˬ hawˇ-eu gʼoˆ paꞈ aˬ yawꞈ dawˆ tsoꞈ-awˇ, gʼoˆ kaꞈ kaꞈ tehˬ nya-eu gʼaˇ duˬ gʼoˆ sehˬ hawˇ-eu gʼoˆ sehˬ kahˬ kʼawꞈ jahˇ tsoꞈ-euˬ meh.

Neˬhaˬmiˇ 3:19

Miˇzaˬpaˬ meuˬ dzaˬ-eu Yeˬshah-euˬ aˬ li Eˇzaˬ gʼaˬ, guiˇ deuˆ-eu keu ka deuˬ taˬ-eu nymˇ-euˬ mehˬ shi jaˆ-eu kʼoeˇ deuˆ gawˬ tsaꞈ gʼeh-awˇ, meuˬ lahˇ laꞈ gʼoꞈ-ahˇ keuˆ ni gawˬ keuˆ-euˬ meh.

Neˬhaˬmiˇ 3:7

Giˇbyoˬ meuˬ-ahˇ jawˇ-eu Meˬlaˬtiˇ hawˇ-eu Meˬlawˇnawˆ meuˬ-ahˇ jawˇ-eu Yaˬdoˬ aˬ nyaꞈ nehˬ-ehˇ, Giˇbyoˬ meuˬ hawˇ-eu Miˇzaˬpaˬ meuˬ-ahˇ jawˇ-eu tsawˇ haˬ deuˬ gm leˇ-awˇ, Uˇpaˬlaˇ lawˇ baˬ nahˇ ma ga kʼehˬ paw miˇ kʼahˬ-ahˇ uˆ lahˇ-eu gʼaˬ jawˇ-eu nymˇ-ahˇ keuˆ ni gawˬ keuˆ gʼeh-euˬ meh.

Neˬhaˬmiˇ 3:9

Huˇyaˆ-euˬ aˬ li Yeˬluˇsaˬlehˬ meuˬ tiˬ paˆ dzaˬ-eu gʼaˬ pyeuꞈ-eu Leˬpaˬyaˆ gʼaˬ tiˬ deuˆ paˇ gawˬ tsaꞈ gʼeh-euˬ meh.

Dawˬ tsoˆ 2:6

Aˇ bawˇ kʼoeˇ deuˬ-ahˇ iˇ cuꞈ shehˬ-eu gʼaˇ duˬ, lah duˬ-euˬ ma.

Iˇsaˬyaˇ 8:6

“Tsawˇ haˬ heu deuˬ coꞈ ngehˇ ni yoeˇ luꞈ-eu Shiˇloˆ lawˇ gawˆ-ahˇ byehˇ dzeh-awˇ, sahˬ paˬ Leˬzeˬ hawˇ-eu sahˬ paˬ Peˬkah aˬ nyaꞈ-ahˇ guˆ-awˇ yaw dzuˬ dzuˬ luꞈ-eu meh.

Yeˬlaˬmiˇ 40:6

Miˇzaˬpaˬ meuˬ-ahˇ Geˬdaˬliˇ jawˇ gaˇ ngaˇ gʼoꞈ leˇ-awˇ, miˇ kʼahˬ kʼoeˇ kʼahˬ-ahˇ dzeˇ yaꞈ-euˬ miˇ kʼahˬ zaˬ deuˬ nehˬ-ehˇ jawˇ-euˬ ma.

Luˇkaꞈ 13:4

Siˇlamˬ pu-ahˇ jaˆ-eu goˇ dui dui-eu nymˇ coˬ-iˇ-awˇ bi deh tehˬ sehꞈ-euˬ tsawˇ haˬ kʼoeˇ tseˇ yehꞈ gʼaˬ gaˇ kawˆ aˬ joˆ-ehˇ ehˇ nmˇ. Aˬ yawꞈ maꞈ-aˬ, Yeˬluˇsaˬlehˬ meuˬ-ahˇ jawˇ-eu tsawˇ haˬ dawˬ tawˆ luꞈ naˆ maˬ tseˇ bahˬ-eu muˆ-eu tsawˇ haˬ deuˬ meh lehˇ naw maꞈ noeˬ te loˇ.

Yoˇhaˬ 9:7

“Siˇlamˬ lah-ahˇ myaˆ duꞈ puꞈ shawˇ-iˇ-awˬ” lehˇ ehˇ nehˬ-euˬ meh. (Siˇlamˬ lehˇ ehˇ-eu dawˬ tsuiꞈ-aˬ, ‘Kʼehˇ gʼeh-euˬ’ lehˇ ehˇ mawꞈ-eu meh.) Kʼoeˇ ngeh, tsawˇ haˬ kʼoeˇ gʼaˬ myaˆ duꞈ puꞈ shawˇ-iˇ-awˇ, myaˆ nuiˆ mawˇ laˇ-awˇ gʼoꞈ laˇ-euˬ meh.

Yaˇ kʼaˬ daˇ 20:1

Kʼoeˇ ngeh, laꞈ taˆ paw jaˆ-eu Daˬ meuˬ-ahˇ neh, laꞈ oˆ paw jaˆ-eu Beˬlaˇsheˬba meuˬ-ahˇ keuˆ ni jawˇ-eu Iˇsaˬleˬlaˆ tsawˇ haˬ deuˬ maˬ ehˇ, Nahˇ ma doˆ kʼehˬ paw jaˆ-eu Giˇlaˆ miˇ kʼahˬ-ahˇ jawˇ-eu Iˇsaˬleˬlaˆ tsawˇ haˬ deuˬ maˬ ehˇ, dawˬ tawˆ luꞈ nui ma tiˬ siˬ tehꞈ-ehˇ taˬ-awˇ, Miˇzaˬpaˬ meuˬ-ahˇ Sahˬpaˬ Miˬyehˇ-euˬ mehˬ shi uiˬ laˇ-euˬ meh.

Yaˇ kʼaˬ daˇ 20:3

Kʼoeˇ ngeh, Iˇsaˬleˬlaˆ tsawˇ jeuˬ nui deuˬ dawˬ tawˆ luꞈ Miˇzaˬpaˬ meuˬ-ahˇ uiˬ leˇ jiˇ taˬ-euˬ gaˇ kawˆ, Beˬyaˬmiˬ tsawˇ jeuˬ ya gaˬ-euˬ meh. “Haiˬ dui dui-eu gaˇ kawˆ aˬ joˆ-ehˇ gʼeh-awˇ pyeuꞈ laˇ-euˬ gaˇ kawˆ nga maꞈ-ahˇ ehˇ nehˬ laꞈ-awˬ” lehˇ, Iˇsaˬleˬlaˆ tsawˇ haˬ deuˬ ehˇ-eu meh.