Neˬhaˬmiˇ 2:4 - Akha

⁴ Kʼoeˇ naˇ, “Nawˇ aˬ jeˬ mawꞈ-eu nya” lehˇ sahˬ paˬ ngaˬ-ahˇ naˇ haˬ laˇ-eu meh. Kʼoeˇ ngeh, ngaˇ Miˬyehˇ-ahˇ guiˬ lahˬ shaˇ-awˇ,

Neˬhaˬmiˇ 2:4 Iomraidhean Croise

2 Saˬmeuˬlaˆ 15:31

Aˬhiˇtawˇpeˬlaˆ gʼaˬ kʼawꞈ, aˬ yawꞈ-ahˇ puiˬ-awˇ Aˬbaˇsaˬloˬ nehˬ-ehˇ gm leˇ-euˬ gaˇ kawˆ Daˬbiˇ-ahˇ aˬ cawˬ ehˇ nehˬ ngeh, “Sahˬpaˬ Miˬyehˇ-oˇ, Aˬhiˇtawˇpeˬlaˆ neh biꞈ-euˬ nui noeˬ nui duˇ deuˬ gaˇ dahˇ maˬ bi tsoeˬ ni, yawꞈ ngehꞈ-ehˇ bi pyeuꞈ-iˇ jiˇ-awˬ” lehˇ, aˬ yawꞈ guiˬ lahˬ shaˇ-euˬ meh.

1 Sahˬpaˬ 3:5

Kʼoeˇ ngeh miˇ aˬ yawꞈ yuꞈ maˆ maˆ-eu laꞈ kʼoeˇ, Sahˬpaˬ Miˬyehˇ aˬ yawꞈ jawˇ gaˇ doˆ le-awˇ, “Nawˇ ngaˬ-ahˇ aˬ geu jeˬ shaˇ mawꞈ te” lehˇ ehˇ le-euˬ meh.

Neˬhaˬmiˇ 1:11

Ngaˬ-euˬ shaˇ dawˬ hawˇ-eu, nawˬ-ahˇ yaw zeu baw-eu nawˬ-euˬ zaˬ kʼaˆ deuˬ-euˬ shaˇ dawˬ-ahˇ naˇ haˬ nehˬ laꞈ-awˬ. Ngaˇ mˇ-eu gaˇ pyeuꞈ leˇ-eu gʼaˇ duˬ sahˬ paˬ ngaˬ-ahˇ nui ma tsaˬ ni iˬ nah nawˇ caw ba nehˬ laꞈ-awˬ lehˇ ngaˇ guiˬ lahˬ shaˇ-euˬ ma.” Ngaˇ-aˬ, sahˬ paˬ-ahˇ kʼmˬ maˬ ciˬ miˇ nehˬ-eu gʼaˬ pyeuꞈ-eu ma.

Neˬhaˬmiˇ 1:4

Gaˇ kawˆ kʼoeˇ deuˬ-ahˇ ngaˇ ya gaˬ ngeh, nuiˇ-awˇ ngoeˇ-euˬ ma. Gʼawˬ mya nah byah ni ngaˇ maˬ dzaˬ maˬ dawˇ-ehˇ ngoeˇ-eu laꞈ kʼoeˇ, Miˬyehˇ-ahˇ heu loꞈ-ehˇ guiˬ lahˬ shaˇ-euˬ ma.

Neˬhaˬmiˇ 1:5

“Mˬ taˆ Miˬyehˇ pyeuꞈ-eu Sahˬpaˬ Miˬyehˇ-oˇ, nawˇ-aˬ huiˬ dui mahˇ dui dui-awˇ, nga maꞈ nawˬ-ahˇ guˆ-eu laꞈ kʼoeˇ yawꞈ luꞈ-eu ma. Nawˬ-ahˇ gaˬ-awˇ nawˬ neh kʼaˇ ehˇ taˬ-euˬ loꞈ-ehˇ mˇ-eu tsawˇ haˬ deuˬ-ahˇ nawˇ dawˬ ma saˇ jaˇ ziꞈ-eu meh.

Neˬhaˬmiˇ 2:20

Aˬ yawꞈ maꞈ-ahˇ ngaˇ heu loꞈ-ehˇ ehˇ kʼoꞈ nehˬ-euˬ ma. “Gaˇ heu mˇ pyeuꞈ nya ni Mˬ taˆ Miˬyehˇ nga maꞈ-ahˇ caw ba nehˬ laꞈ tehꞈ-a. Nga maꞈ-aˬ aˬ yawꞈ-euˬ zaˬ kʼaˆ pyeuꞈ-awˇ, gaˇ heu hmˬ mˇ dahˬ beh-eu lehˇ gʼeh-eu ma. Ehˇ kʼawꞈ, naw maꞈ-aˬ, Yeˬluˇsaˬlehˬ meuˬ-ahˇ tiˬ jeˬ-iˬ maˬ taꞈ-a. Meuˬ heu meuˬ laꞈ kʼoeˇ pyeuꞈ dzeuˇ yaꞈ-euˬ aˇ hu gaˇ kawˆ deuˬ kawꞈ naw maꞈ-ahˇ maˬ taꞈ-a.”

Neˬhaˬmiˇ 2:5

sahˬ paˬ-ahˇ heu loꞈ-ehˇ ehˇ nehˬ-euˬ ma. “Sahˬ paˬ-oˇ, nawˇ ngaˬ-ahˇ nui ma tsaˬ-awˇ ngaˬ neh shaˇ-euˬ jeˬ biꞈ laꞈ ma lehˇ ngeuˇ naˇ, ngaˬ-euˬ aˬ poeˬ aˬ bawˇ deuˬ-euˬ lmˬ bymˇ jaˆ-eu Yuˇdaˆ miˇ kʼahˬ meuˬ kʼoeˇ meuˬ-ahˇ ngaˬ-ahˇ bi gʼoꞈ leˇ laꞈ-awˇ, meuˬ kʼoeˇ meuˬ bi tsoˆ muiˬ leˇ nehˬ laꞈ.”

Iˇsaˬtaˆ 5:3

Sahˬ paˬ ehˇ-eu, “Sahˬ paˬ miˬ zaˬ Iˇsaˬtaˆ-oˇ, nawˇ aˬ jeˬ gʼeh laˇ teˬ. Nawˇ aˬ jeˬ loˬ te lehˇ ehˇ-awˬ. Nawˇ kʼaˇ shaˇ-eu jeˬ ngaˇ biꞈ ma. Ngaˬ-euˬ miˇ kʼahˬ kʼahˬ ma heu tiˬ paˆ paˆ nehˬ laꞈ lehˇ ehˇ kʼawꞈ, nawˬ-ahˇ ngaˇ paˆ nehˬ ma.”

Iˇsaˬtaˆ 5:6

Aˬ yawꞈ maꞈ aˬ gaꞈ dzaˇ uiˇ dawˇ luꞈ ngeh, Iˇsaˬtaˆ-ahˇ sahˬ paˬ heu loꞈ-ehˇ ehˇ nehˬ-euˬ meh. “Nawˇ kʼaˇ loˬ-eu jeˬ ngaˬ-ahˇ ehˇ-awˬ. Nawˇ kʼaˇ shaˇ-eu jeˬ nawˬ-ahˇ ngaˇ biꞈ nehˬ ma. Ngaˬ-euˬ miˇ kʼahˬ kʼahˬ ma heu tiˬ paˆ paˆ nehˬ laꞈ lehˇ shaˇ kʼawꞈ, nawˬ-ahˇ ngaˇ paˆ nehˬ ma.”

Iˇsaˬtaˆ 7:2

Nyiˬ nah tiˬ nah aˬ yawꞈ maꞈ kʼoeˇ loꞈ-ehˇ dzaˬ taꞈ-awˇ aˬ gaꞈ dzaˇ uiˇ dawˇ luꞈ ngeh, Iˇsaˬtaˆ-ahˇ sahˬ paˬ heu loꞈ-ehˇ paˇ ehˇ nehˬ-euˬ meh. “Sahˬ paˬ miˬ zaˬ Iˇsaˬtaˆ-oˇ, nawˇ aˬ jeˬ mawꞈ-eu nya. Nawˇ ngaˬ-ahˇ kʼaˇ shaˇ-eu jeˬ ngaˇ biꞈ ma. Ngaˬ-euˬ miˇ kʼahˬ kʼahˬ ma heu tiˬ paˆ paˆ nehˬ laꞈ lehˇ shaˇ naˇ kʼawꞈ, nawˬ-ah ngaˇ paˆ nehˬ ma.”

Jaceuq 136:26

Mˬ taˆ Miˬyehˇ-ahˇ ja ceuˬ-awˬ. Aˬ yawꞈ gʼoeˇ-eu gaˬ-eu jeˬ mˬ maˬ maˬ byaˆ zaˇ ziˇ ziꞈ-eu meh.

Dawqdaq 3:6

Nawˇ kʼaˇ mˇ kʼaˇ shaˇ-eu jeˬ laꞈ kʼoeˇ aˬ yawꞈ-ahˇ noeˬ keuˆ-awˬ. Nawˬ-ahˇ yaw tsaˬ yaw dawˇ gaˇ ma mehˬ laꞈ tehꞈ-a.

Maˬkuˆ 10:51

Yeˬsuˇ aˬ yawꞈ-ahˇ ehˇ nehˬ-eu, “Nawˬ-euˬ gʼaˇ duˬ ngaˇ aˬ jeˬ bi jahˇ nehˬ mawꞈ-eu nya.” Myaˆ behꞈ kʼoeˇ gʼaˬ ehˇ-eu, “Saˬ laˬ-oˇ, ngaˬ-euˬ myaˆ nuiˆ mawˇ laˇ ni bi jahˇ nehˬ mawꞈ miˇ-a.”

Gʼaˬkʼehˇ 23:19

Yaw huiˬ yaw mahˇ kʼoeˇ gʼaˬ aˬ li kʼoeˇ li-euˬ aˬ laꞈ-ahˇ tsahˇ-awˇ, baˇ zaꞈ-ahˇ iˇ-awˇ ehˇ-eu, “Nawˇ ngaˬ-ahˇ aˬ jeˬ dzawˇ nehˬ mawꞈ-eu jaˆ te.”

Piˇliˇpiˆ 4:6

Tiˬ jeˬ-ahˇ-iˬ kʼahˬ taˬ lahˇ. Ehˇ kʼawꞈ, naw maꞈ guiˬ lahˬ kʼaˇ shaˇ ngeh, naw maꞈ loˬ-eu jeˬ Miˬyehˇ-ahˇ shaˇ-awˬ. Aˬ myah luꞈ aˬ yawꞈ-ahˇ guiˬ lahˬ huiˬ-eu nui ma ahˇ-eu laꞈ kʼoeˇ shaˇ-awˬ.