Neˬhaˬmiˇ 2:3 - Akha

³ Ehˇ kʼawꞈ aˬ yawꞈ-ahˇ ngaˇ heu loꞈ-ehˇ ehˇ kʼoꞈ nehˬ-euˬ ma. “Sahˬ paˬ-oˇ, nawˇ ziˇ baw ziˇ za luꞈ-uˇ. Ngaˬ-euˬ aˬ poeˬ aˬ bawˇ deuˬ-euˬ lmˬ bymˇ jaˆ-eu meuˬ cawˆ-iˇ-awˇ, meuˬ lahˇ laˇ gʼoˆ deuˬ-ahˇ miˬ dzaˬ puiˆ dzeh jiˇ-euˬ miˇ neh, ngaˬ-ahˇ maˬ noeˬ shaˬ-ehˇ maˬ jawˇ tehˬ coeˇ nya.”

Neˬhaˬmiˇ 2:3 Iomraidhean Croise

1 Sahˬpaˬ 1:31

Kʼoeˇ ngeh, Baˬsheˬba miˇ tsa awˆ byaˆ-awˇ, “Ngaˬ-euˬ sahˬ paˬ Daˬbiˇ ziˇ baw ziˇ za luꞈ-uˇ” lehˇ ehˇ-eu meh.

2 Sahˬpaˬ 25:8

Baˬbuˇloˬ miˇ kʼahˬ-ahˇ Neˬbuˬkaˬneˬzaˬ sahˬ paˬ geuꞈ-awˇ uˆ lahˇ-euˬ tseˇ gʼoeˬ kʼoꞈ tiˬ kʼoꞈ, ba la ngaˬ siˬ tiˬ siˬ shiꞈ nah-ahˇ, sahˬ paˬ-ahˇ nui noeˬ nui duˇ biꞈ-eu gʼaˬ hawˇ-eu sahˬ paˬ-euˬ guiˇ maꞈ-ahˇ uˆ lahˇ-eu gʼaˬ geuꞈ luꞈ-eu Neˬbuˬzaˬlaˬdaˬ gʼaˬ, Yeˬluˇsaˬlehˬ meuˬ-ahˇ uˇ le-euˬ meh.

2 Laˬsaˬbaˬ 21:20

Yeˬhawˇlamˬ-aˬ, smˬ tseˇ nyiꞈ kʼoꞈ byah ngeh sahˬ paˬ pyeuꞈ laˇ-awˇ, Yeˬluˇsaˬlehˬ meuˬ-ahˇ jawˇ-awˇ yehꞈ kʼoꞈ uˆ lahˇ-euˬ meh. Aˬ yawꞈ shiˇ ngeh, tsawˇ haˬ tiˬ gʼaˬ-iˬ maˬ noeˬ shaˬ-a. Daˬbiˇ-euˬ meuˬ laꞈ kʼoeˇ aˬ yawꞈ-ahˇ baꞈ pahˬ nehˬ-euˬ meh. Ehˇ kʼawꞈ, sahˬ paˬ deuˬ-euˬ lmˬ bymˇ-ahˇ maˬ baꞈ pahˬ nehˬ-a.

2 Laˬsaˬbaˬ 28:27

Sahˬ paˬ Aˬkaˆ shiˇ-awˇ, Yeˬluˇsaˬlehˬ meuˬ laꞈ kʼoeˇ baꞈ pahˬ nehˬ-euˬ meh. Ehˇ kʼawꞈ, sahˬ paˬ-euˬ lmˬ bymˇ-ahˇ maˬ baꞈ pahˬ nehˬ-a. Kʼoeˇ naˇ, aˬ yawꞈ-euˬ aˬ li Heˬsaˬgiˇ gʼaˬ, aˬ yawꞈ-euˬ dah zaˇ sahˬ paˬ geuꞈ-euˬ meh.

2 Laˬsaˬbaˬ 32:33

Aˬ yawꞈ shiˇ-awˇ, sahˬ paˬ-euˬ lmˬ bymˇ laꞈ taˆ pyawˬ-ahˇ aˬ yawꞈ-ahˇ baꞈ pahˬ-euˬ meh. Aˬ yawꞈ shiˇ ngeh jawˇ, Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ-ahˇ jawˇ-eu tsawˇ haˬ dawˬ tawˆ luꞈ aˬ yawꞈ-ahˇ taˬ huiˬ taˬ mahˇ dui dui-euˬ meh. Kʼoeˇ naˇ, aˬ yawꞈ-euˬ aˬ li Maˬnaˇseˬ gʼaˬ, aˬ yawꞈ-euˬ dah zaˇ sahˬ paˬ geuꞈ-euˬ meh.

2 Laˬsaˬbaˬ 36:19

Uˬ duˬ tahˬ nymˇ nymˇ ma hawˇ-eu meuˬ aˬ yawꞈ-ahˇ, sahˬ paˬ-euˬ hawˇ nymˇ deuˬ hawˇ-eu kʼaˇ muiˬ kʼaˇ jaˬ-eu yawˬ jeˬ na luꞈ nehˬ-ehˇ tiˬ kawˆ loꞈ-ehˇ miˬ dzaˬ keuˬ dzeh jiˇ-awˇ, meuˬ meuˬ lahˇ laˆ byaˆ-euˬ meh.

Neˬhaˬmiˇ 1:3

Baˬbuˇloˬ miˇ kʼahˬ-ahˇ neh paˇ gʼoꞈ jawˇ-iˇ-euˬ deuˬ-ahˇ, dawˬ peh jawˇ luꞈ-eu aˬ cawˬ tsawˇ jeuˬ deuˬ taˬ nyiˇ dui dui-eu miˇ neh ya shaˬ ya zahˬ luꞈ-eu gaˇ kawˆ aˬ yawꞈ maꞈ ngaˬ-ahˇ dzawˇ nehˬ laꞈ-euˬ meh. Yeˬluˇsaˬlehˬ meuˬ-euˬ meuˬ lahˇ byaˆ-iˇ taˬ-awˇ, miˬ dzaˬ keuˬ dzeh taˬ-euˬ meuˬ lahˇ laˇ gʼoˆ deuˬ kʼawꞈ maˬ laˆ muiˬ-ehˇ jaˆ luꞈ meh lehˇ dzawˇ-eu meh.

Neˬhaˬmiˇ 2:13

Nahˇ ma ga kʼehˬ paw dzeˇ jaˆ-eu Deh kʼawꞈ lahˇ kʼehˬ-ahˇ neh ngaˇ iˇ doˆ-awˇ, laꞈ oˆ paw Byaˆ yahˬ lawˇ kʼawꞈ iˇ dzeuˇ-awˇ, Mawˇ neˇ ceˬ lahˇ kʼehˬ-ahˇ iˇ keuˆ ngeh, uˬ bya maˬ bya laˇ-aˬ siˬ. Ngaˇ kʼoeˇ loꞈ-ehˇ iˇ luꞈ ngeh, byaˆ-iˇ taˬ-euˬ meuˬ meuˬ lahˇ hawˇ-eu miˬ dzaˬ keuˬ dzeh taˬ-euˬ meuˬ lahˇ laˇ gʼoˆ deuˬ-ahˇ pyehˆ tseˇ haw-euˬ ma.

Iˇsaˬtaˆ 8:6

Ngaˬ-euˬ tsawˇ jeuˬ kʼoeˇ taˆ luˬ-iˇ seˇ-iˇ-eu jeˬ keuˆ le-awˇ, ngaˬ-euˬ aˬ yuiꞈ aˬ nyiˇ deuˬ bi sehꞈ jiˇ-eu keuˆ le-euˬ miˇ neh ngaˬ-ahˇ maˬ jawˇ tehˬ coeˇ nya.”

Jaceuq 102:14

Ziˇoˬ meuˬ bi laˆ cawˆ-euˬ kʼawꞈ, nawˬ-euˬ zaˬ kʼaˆ deuˬ gʼawˬ shaˬ gaˬ luꞈ meh. Meuˬ kʼoeˇ meuˬ luˬ-iˇ seˇ-iˇ-euˬ kʼawꞈ, aˬ yawꞈ maꞈ gʼawˬ shaˬ gaˬ luꞈ meh.

Jaceuq 102:15

Tsawˇ jeuˬ dawˬ tawˆ luꞈ Sahˬpaˬ Miˬyehˇ-ahˇ guˆ tehꞈ-a. Miˇ kʼahˬ sahˬ paˬ sahˬ ma dawˬ tawˆ luꞈ, aˬ yawꞈ-euˬ baoˬ-ahˇ guˆ tehꞈ-a.

Jaceuq 137:6

Nawˬ-ahˇ ngaˇ maˬ noeˬ mawˇ-ehˇ, yawˬ jeˬ na luꞈ naˆ maˬ tseˇ nawˬ-ahˇ ngaˇ laˬ kʼaˬ maˬ cehˇ dzehˬ naˇ, ngaˬ-euˬ mehˬ laˇ kʼaˆ-iˇ-awˇ caˇ dawˬ maˬ caˇ nya ni pyeuꞈ-iˇ luꞈ-uˇ.

Jaceuq 38:7

Joꞈ-ahˇyaw piˇyaw lahˇlahˇ-awˇ, mawˇdo naˇ-eu maˬkamˬcoeˇnya.

Yeˬlaˬmiˇ 52:12

Sahˬ paˬ Neˬbuˬkaˬneˬzaˬ Baˬbuˇloˬ miˇ kʼahˬ-ahˇ uˆ lahˇ-euˬ tseˇ gʼoeˬ kʼoꞈ tiˬ kʼoꞈ ba la ngaˬ siˬ tiˬ siˬ tseˇ nah tiˬ nah-ahˇ, sahˬ paˬ-ahˇ nui noeˬ nui duˇ biꞈ-awˇ, sahˬ paˬ-euˬ guiˇ maꞈ deuˬ kʼoeˇ taˆ uˆ lahˇ-eu gʼaˬ pyeuꞈ-eu Neˬbuˬzaˬlaˬdaˬ, Yeˬluˇsaˬlehˬ meuˬ-ahˇ uˇ laˇ-euˬ meh.

Ngoeˇ dawˬ 2:9

Lahˇ kʼehˬ laˇ gʼoˆ miˇ tsa pahˬ-awˇ, gʼoˆ bahˬ dawˬ tawˆ kʼehꞈ jiˇ-euˬ meh. Sahˬ paˬ sahˬ ma deuˬ dawˬ tawˆ luꞈ, aˬ cawˬ neh nyehꞈ byoˆ jiˇ-euˬ meh. Zahˇ dawˬ kʼoꞈ dawˬ maˬ paˇ baw-ehˇ, Miˬyehˇ dawˬ ngehˬ dah-eu deuˬ kʼawꞈ, Sahˬpaˬ Miˬyehˇ maˬ pah mehˬ-ehˇ, Miˬyehˇ-euˬ dawˬ maˬ ngehˬ nya-a.

Daˬyeˬlaˇ 2:4

Aˬ yawꞈ maꞈ Aˬlaˬmiˇ dawˬ ngehˬ-awˇ, “Sahˬ paˬ ziˇ baw ziˇ za luꞈ-uˇ. Nawˬ neh yuꞈ maˆ maˆ mawˇ-euˬ gaˇ kawˆ dzawˇ nehˬ laꞈ-awˬ. Nga maꞈ dawˬ tsuiꞈ yuˇ doˆ nehˬ ma” lehˇ ehˇ-eu meh.

Daˬyeˬlaˇ 3:9

Sahˬ paˬ Neˬbuˬkaˬneˬzaˬ-ahˇ aˬ yawꞈ maꞈ heu loꞈ-ehˇ ehˇ nehˬ-euˬ meh. “Sahˬ paˬ ziˇ baw ziˇ za luꞈ-uˇ.

Daˬyeˬlaˇ 5:10

Sahˬ paˬ hawˇ-eu aˬ yawꞈ-euˬ gaˇ mˇ-eu sahˬ paˬ sahˬ ma deuˬ luiˬ gʼa-eu teˇ saˇ-ahˇ sahˬ paˬ-euˬ aˬ ma gʼaˬ ya gaˬ ngeh, aˬ yawꞈ maꞈ dzaˬ byawˇ lawˇ luꞈ-eu lawˆ-ahˇ uˇ haw le-euˬ meh. Aˬ yawꞈ ehˇ-eu, “Sahˬ paˬ ziˇ baw ziˇ za luꞈ-uˇ. Sahˬpaˬ-oˇ, myaˆ pyawˬ maˬ muiˬ ni pyeuꞈ-iˇ paˬ-ehˇ teu naˆ naˆ-ehˇ guˆ-eu maˬ loˬ-a.

Daˬyeˬlaˇ 6:21

Daˬyeˬlaˇ ehˇ-eu, “Sahˬ paˬ ziˇ baw ziˇ zaˬ luꞈ-uˇ.

Daˬyeˬlaˇ 6:6

Kʼoeˇ miˇ neh, sahˬ paˬ Daˬliˇ jawˇ gaˇ aˬ yawꞈ maꞈ le-awˇ, heu loꞈ-ehˇ ehˇ nehˬ leˇ-euˬ meh. “Sahˬ paˬ Daˬliˇ-oˇ, nawˇ ziˇ baw ziˇ za luꞈ-uˇ.

Uˬ duˬ 26:31

Naw maꞈ-euˬ meuˬ deuˬ hawˇ-eu, uˬ duˬ tahˬ-eu jawˇ duˬ deuˬ ngaˇ laˆ cawˆ byoˆ jiˇ-awˇ, naw maꞈ neh lawˇ-euˬ jeˬ-ahˇ maˬ ha geuꞈ ni ngaˇ jawˇ ma.