Neˬhaˬmiˇ 2:13 - Akha

¹³ Nahˇ ma ga kʼehˬ paw dzeˇ jaˆ-eu Deh kʼawꞈ lahˇ kʼehˬ-ahˇ neh ngaˇ iˇ doˆ-awˇ, laꞈ oˆ paw Byaˆ yahˬ lawˇ kʼawꞈ iˇ dzeuˇ-awˇ, Mawˇ neˇ ceˬ lahˇ kʼehˬ-ahˇ iˇ keuˆ ngeh, uˬ bya maˬ bya laˇ-aˬ siˬ. Ngaˇ kʼoeˇ loꞈ-ehˇ iˇ luꞈ ngeh, byaˆ-iˇ taˬ-euˬ meuˬ meuˬ lahˇ hawˇ-eu miˬ dzaˬ keuˬ dzeh taˬ-euˬ meuˬ lahˇ laˇ gʼoˆ deuˬ-ahˇ pyehˆ tseˇ haw-euˬ ma.

Neˬhaˬmiˇ 2:13 Iomraidhean Croise

2 Laˬsaˬbaˬ 26:9

Yeˬluˇsaˬlehˬ meuˬ-euˬ meuˬ lahˇ-ahˇ jaˆ-eu Laꞈcoeˇ lahˇ kʼehˬ, Deh kʼawꞈ lahˇ kʼehˬ hawˇ-eu meuˬ lahˇ laꞈ coeˇ-ahˇ, meuˬ-ahˇ loꞈ piˇ-eu nymˇ goˇ tsoˆ-eu laꞈ kʼoeˇ, meuˬ lahˇ-ahˇ aˬ yawꞈ ziꞈ dah ni laˆ ziꞈ-euˬ meh.

Neˬhaˬmiˇ 1:3

Baˬbuˇloˬ miˇ kʼahˬ-ahˇ neh paˇ gʼoꞈ jawˇ-iˇ-euˬ deuˬ-ahˇ, dawˬ peh jawˇ luꞈ-eu aˬ cawˬ tsawˇ jeuˬ deuˬ taˬ nyiˇ dui dui-eu miˇ neh ya shaˬ ya zahˬ luꞈ-eu gaˇ kawˆ aˬ yawꞈ maꞈ ngaˬ-ahˇ dzawˇ nehˬ laꞈ-euˬ meh. Yeˬluˇsaˬlehˬ meuˬ-euˬ meuˬ lahˇ byaˆ-iˇ taˬ-awˇ, miˬ dzaˬ keuˬ dzeh taˬ-euˬ meuˬ lahˇ laˇ gʼoˆ deuˬ kʼawꞈ maˬ laˆ muiˬ-ehˇ jaˆ luꞈ meh lehˇ dzawˇ-eu meh.

Neˬhaˬmiˇ 12:31

Yuˇdaˆ miˇ kʼahˬ-euˬ aˬ yuiꞈ aˬ tsu deuˬ-ahˇ meuˬ meuˬ lahˇ kʼoeˇ taˆ ngaˇ bi daˆ leˇ-awˇ, meuˬ meuˬ lahˇ jawˬ jawˬ-ehˇ cah-awˇ Miˬyehˇ-ahˇ ja ceuˬ-eu tsawˇ haˬ aˇ maꞈ aˇ muˇ muˇ ma nyiˬ muˇ-ahˇ bi haw bi pyaˆ-euˬ ma. Yaw beh muˇ-aˬ, meuˬ meuˬ lahˇ kʼoeˇ taˆ neh Mawˇ neˇ ceˬ lahˇ kʼehˬ paw cah gʼeh-euˬ meh.

Neˬhaˬmiˇ 2:12

Yeˬluˇsaˬlehˬ meuˬ gʼaˇ duˬ aˬ joˆ-ehˇ ya mˇ ya shaˇ-eu gaˇ kawˆ Miˬyehˇ neh ngaˬ-ahˇ mehˬ nehˬ laꞈ-euˬ jeˬ, tsawˇ haˬ tiˬ gʼaˬ-ahˇ-iˬ ngaˇ maˬ dzawˇ mehˬ nehˬ-aˬ. Uˬ ciꞈ sehˇ gʼahˇ ceh laˇ ngeh ngaˇ tsawˬ tuˇ-awˇ, cawˬ heu myaˆ gʼaˬ sheuˬ-awˇ doˆ-iˇ-euˬ ma. Nga maꞈ nehˬ-ehˇ ahˇ-eu jeˬ zaˬ-aˬ, ngaˇ dziˬ luꞈ-eu mahˬ tahˬ laˆ tiˬ mawˇ tehꞈ ma.

Neˬhaˬmiˇ 2:15

Kʼoeˇ miˇ neh, Giˇdaˬloˬ deh kʼawꞈ paw ngaˇ iˇ ka gʼeh-awˇ, meuˬ meuˬ lahˇ-ahˇ pyehˆ tseˇ pyehˆ tseˇ-ehˇ iˇ gʼeh-euˬ ma. Kʼoeˇ naˇ, ngaˬ neh oe-euˬ gaˇ ma caw caw-ehˇ paˇ gʼoꞈ poˆ leˇ-awˇ, Deh kʼawꞈ lahˇ kʼehˬ-ahˇ neh meuˬ-ahˇ paˇ gʼoꞈ uˇ leˇ-euˬ ma.

Neˬhaˬmiˇ 2:17

Ehˇ kʼawꞈ, kʼoeˇ ngeh jawˇ aˬ yawꞈ maꞈ-ahˇ heu loꞈ-ehˇ ehˇ nehˬ-euˬ ma. “Yeˬluˇsaˬlehˬ meuˬ cawˆ-iˇ taˬ-awˇ meuˬ meuˬ lahˇ yaw pyaˆ-ehˇ jaˆ luꞈ-eu miˇ neh, aˬ dui aˇ naˆ ni ya shaˬ ya zahˬ luꞈ gaˇ haw sheˇ. Meuˬ meuˬ lahˇ paˇ gawˬ ziꞈ-awˇ, maˬ noeˬ shaˬ maˬ noeˬ zahˬ ni dehꞈ kaˇ-euˇ.”

Neˬhaˬmiˇ 2:3

Ehˇ kʼawꞈ aˬ yawꞈ-ahˇ ngaˇ heu loꞈ-ehˇ ehˇ kʼoꞈ nehˬ-euˬ ma. “Sahˬ paˬ-oˇ, nawˇ ziˇ baw ziˇ za luꞈ-uˇ. Ngaˬ-euˬ aˬ poeˬ aˬ bawˇ deuˬ-euˬ lmˬ bymˇ jaˆ-eu meuˬ cawˆ-iˇ-awˇ, meuˬ lahˇ laˇ gʼoˆ deuˬ-ahˇ miˬ dzaˬ puiˆ dzeh jiˇ-euˬ miˇ neh, ngaˬ-ahˇ maˬ noeˬ shaˬ-ehˇ maˬ jawˇ tehˬ coeˇ nya.”

Yeˬlaˬmiˇ 5:10

Ngaˬ-euˬ tsawˇ haˬ deuˬ-euˬ aˬ gaꞈ baw duˆ bi tuˇ dzeh-eu gʼaˇ duˬ, muiˇ-eu deuˬ-ahˇ ngaˇ pyehˬ gʼeh ma. Ehˇ kʼawꞈ, dawˬ tawˆ luꞈ-ahˇ maˬ bi tuˇ cuˬ jiˇ ni, ngaˬ-ahˇ maˬ taꞈ-eu uˬ laꞈ deuˬ tehꞈ-ehˇ, aˬ yawꞈ maꞈ-ahˇ bi deuˆ dzeh ma.