Neˬhaˬmiˇ 2:12 - Akha

¹² Yeˬluˇsaˬlehˬ meuˬ gʼaˇ duˬ aˬ joˆ-ehˇ ya mˇ ya shaˇ-eu gaˇ kawˆ Miˬyehˇ neh ngaˬ-ahˇ mehˬ nehˬ laꞈ-euˬ jeˬ, tsawˇ haˬ tiˬ gʼaˬ-ahˇ-iˬ ngaˇ maˬ dzawˇ mehˬ nehˬ-aˬ. Uˬ ciꞈ sehˇ gʼahˇ ceh laˇ ngeh ngaˇ tsawˬ tuˇ-awˇ, cawˬ heu myaˆ gʼaˬ sheuˬ-awˇ doˆ-iˇ-euˬ ma. Nga maꞈ nehˬ-ehˇ ahˇ-eu jeˬ zaˬ-aˬ, ngaˇ dziˬ luꞈ-eu mahˬ tahˬ laˆ tiˬ mawˇ tehꞈ ma.

Neˬhaˬmiˇ 2:12 Iomraidhean Croise

Eˇzaˬlaˬ 7:27

Eˇzaˬlaˬ ehˇ-eu, “Aˬ dui-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ja ceuˬ-awˬ. Yeˬluˇsaˬlehˬ meuˬ-ahˇ jaˆ-eu Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma-ahˇ Baˬbuˇloˬ sahˬ paˬ heu loꞈ-ehˇ taˬ huiˬ taˬ mahˇ ni aˬ yawꞈ jahˇ-euˬ meh.

Neˬhaˬmiˇ 2:11

Ngaˇ Yeˬluˇsaˬlehˬ meuˬ-ahˇ le-awˇ smˬ nah jawˇ-euˬ ma.

Neˬhaˬmiˇ 2:13

Nahˇ ma ga kʼehˬ paw dzeˇ jaˆ-eu Deh kʼawꞈ lahˇ kʼehˬ-ahˇ neh ngaˇ iˇ doˆ-awˇ, laꞈ oˆ paw Byaˆ yahˬ lawˇ kʼawꞈ iˇ dzeuˇ-awˇ, Mawˇ neˇ ceˬ lahˇ kʼehˬ-ahˇ iˇ keuˆ ngeh, uˬ bya maˬ bya laˇ-aˬ siˬ. Ngaˇ kʼoeˇ loꞈ-ehˇ iˇ luꞈ ngeh, byaˆ-iˇ taˬ-euˬ meuˬ meuˬ lahˇ hawˇ-eu miˬ dzaˬ keuˬ dzeh taˬ-euˬ meuˬ lahˇ laˇ gʼoˆ deuˬ-ahˇ pyehˆ tseˇ haw-euˬ ma.

Jaceuq 122:6

Yeˬluˇsaˬlehˬ meuˬ nui saˇ oꞈ ni guiˬ lahˬ shaˇ-awˬ. Nawˬ-ahˇ gaˬ-eu tsawˇ haˬ deuˬ baw le za le luꞈ-uˇ.

Jaceuq 51:18

Miˬyehˇ-oˇ, Ziˇoˬ gawˬ jawˬ-ahˇ gʼawˬ shaˬ gaˬ-awˇ ngehˬ gʼeh nehˬ-awˬ. Yeˬluˇsaˬlehˬ meuˬ-euˬ meuˬ lahˇ laˆ muiˬ nehˬ-awˬ.

Dawqdaq 12:23

Yaw gahˇ deuˬ tsawˇ gahˇ ciˬ zaꞈ-awˇ, dawˇ ga deuˬ lawˇ behˇ baꞈ doˆ-eu meh.

Dawˬ tsoˆ 3:7

Gʼeu pyaˬ-eu yamˬ baw-eu loꞈ-ehˇ, guꞈ tmˇ-eu yamˬ kʼawꞈ baw-eu meh. Ciˬ cuˇ jawˇ yamˬ baw-eu loꞈ-ehˇ, dawˬ ja ja-eu yamˬ baw-eu meh.

Yeˬlaˬmiˇ 31:33

Iˇsaˬleˬlaˆ tsawˇ haˬ nehˬ-ehˇ ngaˇ dzaˬ-eu lehˇ gʼeh-eu dawˬ ma saˇ jaˇ yaw shuiꞈ-aˬ, heu loꞈ-ehˇ ma. Ngaˬ-euˬ zahˇ dawˬ kʼoꞈ dawˬ aˬ yawꞈ maꞈ laꞈ kʼoeˇ dawˆ ahˇ-awˇ, aˬ yawꞈ maꞈ-euˬ nui ma laꞈ kʼoeˇ boꞈ ahˇ nehˬ ma. Ngaˇ aˬ yawꞈ maꞈ-euˬ Miˬyehˇ pyeuꞈ laˇ-awˇ, aˬ yawꞈ maꞈ-ahˇ ngaˬ-euˬ tsawˇ haˬ bi pyeuꞈ laˇ ma.

Yeˬlaˬmiˇ 32:40

Mˬ maˬ maˬ byaˆ zaˇ ziˇ ziꞈ-eu saˇ jaˇ, aˬ yawꞈ maꞈ nehˬ-ehˇ ngaˇ dzaˬ ma. Aˬ yawꞈ maꞈ-ahˇ ngaˇ yaw muiˬ jeˬ maˬ tsehˆ leˇ ni mˇ nehˬ ma. Aˬ yawꞈ maꞈ ngaˬ-ahˇ maˬ paˇ byehˇ dzeh peuˬ-eu gʼaˇ duˬ, aˬ yawꞈ maꞈ-euˬ nui ma gʼawˇ mawˇ dawˬ tawˆ luꞈ ngaˬ-ahˇ guˆ ni ngaˇ jahˇ ma.

Aˬmoˆ 5:13

Kʼoeˇ miˇ neh, heu loꞈ-ehˇ gʼeh-eu haiˬ-eu aˇ yamˬ laꞈ kʼoeˇ tiˬ jeˬ-iˬ maˬ ngehˬ maˬ tmˇ ni ciˬ cuˇ ni jawˇ-eu-aˬ, muiˬ dzehˬ meh.

Miˇkaˬ 7:5

Yawˬ ha-euˬ cawˬ deuˬ-ahˇ taˬ jah. Yawˬ ha-ahˇ gʼoeˇ dui dui-eu deuˬ-ahˇ gʼaˬ taˬ huiˬ. Yawˬ ha-euˬ miˬ zaˬ-ahˇ dawˬ ngehˬ cawˬ ngeh kʼawꞈ, yaw kʼaˆ kʼaˆ-ehˇ yahˇ-awˇ ngehˬ cawˬ-awˬ.

Maꞈtehˬ 10:16

“Naˇ haˬ sheˇ. Kʼaˬ yehˇ yehˇ maꞈ jawˇ gaˇ yawˇ-ahˇ pyehˬ uˇ gʼeh-eu loꞈ-ehˇ, naw maꞈ-ahˇ ngaˇ pyehˬ gʼeh-eu ma. Aˇ lawˇ loꞈ-ehˇ yaw gahˇ gahˇ-ehˇ dehꞈ-awˇ, kʼaˬ kʼoeˬ loꞈ-ehˇ aˬ cawˬ-ahˇ maˬ coeˬ maˬ ciˆ ni yahˇ yahˇ-ehˇ jawˇ-awˬ.

Maꞈtehˬ 2:14

Kʼoeˇ naˇ, Yoˇsehˆ tuˇ-awˇ, aˬ nyaꞈ ma zaˬ-ahˇ sheuˬ-awˇ, uˬ ciꞈ sehˇ gʼahˇ Iˇjiˇtuˆ miˇ kʼahˬ-ahˇ cehˆ-euˬ meh.

2 Gawˇliˬtu 8:16

Ngaˇ naw maꞈ gʼaˇ duˬ nui ma keuˆ-eu loꞈ-ehˇ, Tiˇtuˆ kʼawꞈ nui ma keuˆ ni Miˬyehˇ jahˇ-euˬ miˇ neh, Miˬyehˇ-euˬ guiˬ lahˬ-ahˇ ja ceuˬ ngeh maˬ jiˇ nya.

Yawˇshuˆ 10:9

Yawˇshuˆ hawˇ-eu aˬ yawꞈ-euˬ guiˇ maꞈ deuˬ Giˇlaˇgaˬlaˇ-ahˇ neh Giˇbyoˬ meuˬ-ahˇ uˬ ciꞈ miˇ lah-ehˇ le-awˇ, Aˬmawˇliˆ tsawˇ haˬ deuˬ maˬ noeˬ-euˬ gaˇ, ja pyuˬ ni guiˇ deuˆ-euˬ meh.

Panmaeq 17:17

Aˬ jeˬ miˇ neh ehˇ naˇ, Miˬyehˇ neh ehˇ taˬ-euˬ dawˬ byah laˇ ngeh keuˆ ni, aˬ yawꞈ maꞈ kuiˇ ciˬ laꞈ ciˬ gm-awˇ, aˬ yawꞈ maꞈ-euˬ baoˬ jeˬ zaˬ yaw haiˬ kʼoeˇ mawˇ-ahˇ a nehˬ-eu laꞈ kʼoeˇ, Miˬyehˇ-euˬ nui noeˬ mˇ-eu nui ma aˬ yawꞈ maꞈ-ahˇ Miˬyehˇ dawˆ ahˇ nehˬ taˬ-euˬ meh.

Yaˇ kʼaˬ daˇ 6:27

Kʼoeˇ ngeh, Giˇdoˬ-aˬ, aˬ yawꞈ-euˬ zaˬ kʼaˆ tseˇ gʼaˬ sheuˬ-awˇ, Sahˬpaˬ Miˬyehˇ neh aˬ yawꞈ-ahˇ ehˇ nehˬ-euˬ loꞈ-ehˇ mˇ-euˬ meh. Aˬ yawꞈ pehˬ-euˬ nymˇ jiˇ hawˇ-eu, meuˬ kʼoeˇ meuˬ laꞈ kʼoeˇ jawˇ-eu tsawˇ haˬ deuˬ-ahˇ aˬ yawꞈ guˆ-eu miˇ neh, nah gʼahˇ paw maˬ mˇ peuˬ-ehˇ, uˬ ciꞈ paw mˇ-euˬ meh.

Yaˇ kʼaˬ daˇ 9:32

Nawˇ hawˇ-eu nawˬ-euˬ tsawˇ haˬ deuˬ uˬ ciꞈ paw oe-awˇ, deh ga-ahˇ dzuˇ zaꞈ taˬ-eu tsaˬ meh.