Neˬhaˬmiˇ 2:10 - Akha

¹⁰ Ehˇ kʼawꞈ, Iˇsaˬleˬlaˆ tsawˇ jeuˬ huiˬ laˇ mahˇ laˇ ni mˇ-eu gʼaˇ duˬ tsawˇ haˬ laˇ taˬ-euˬ gaˇ kawˆ-ahˇ, Behˬhawˇleuˬ meuˬ-ahˇ jawˇ-eu Sahˬbaˬlaˆ hawˇ-eu Aˬmoˬ miˇ kʼahˬ-ahˇ yaw huiˬ yaw mahˇ geuꞈ luꞈ-eu Tawˇbyaˬ aˬ nyaꞈ ya gaˬ ngeh, nui ma maˬ tsaˬ-a.

Neˬhaˬmiˇ 2:10 Iomraidhean Croise

Neˬhaˬmiˇ 13:1

Yuˇdaˆ miˇ kʼahˬ zaˬ deuˬ-ahˇ Moˇseˬ-euˬ zahˇ dawˬ kʼoꞈ dawˬ gui gaˬ nehˬ luꞈ ngeh, Aˬmoˬ tsawˇ haˬ hawˇ-eu Mawˇbaˆ tsawˇ haˬ deuˬ-ahˇ Miˬyehˇ-euˬ tsawˇ jeuˬ nehˬ-ehˇ tiˬ jawˇ-iˬ maˬ ya bi dehꞈ bi jawˇ taꞈ-a lehˇ ehˇ taˬ-euˬ tsahˇ-ahˇ gui keuˆ-euˬ meh.

Neˬhaˬmiˇ 13:28

Yawˇyaˬdaˇ-aˬ, Piˇ ma yaw huiˬ gʼaˬ pyeuꞈ-eu Eˇlaˬshiˆ-euˬ aˬ li meh. Ehˇ kʼawꞈ, Yawˇyaˬdaˇ-euˬ aˬ li tiˬ li-aˬ, Behˬhawˇleuˬ meuˬ-ahˇ jawˇ-eu Sahˬbaˬlaˆ-euˬ aˬ buˇ-ahˇ sheuˬ-euˬ meh. Kʼoeˇ miˇ neh, Yawˇyaˬdaˇ-ahˇ Yeˬluˇsaˬlehˬ meuˬ-ahˇ neh ngaˇ teh doˆ-euˬ ma.

Neˬhaˬmiˇ 13:4

Uˬ duˬ tahˬ nymˇ nymˇ ma laꞈ kʼoeˇ myawˬ gahˬ jeˬ hmˬ-eu lawˆ deuˬ-ahˇ haw-eu pyaˆ-eu gʼaˬ pyeuꞈ-eu Eˇlaˬshiˆ-aˬ, aˇ yamˬ gʼawˬ myahˇ ni Tawˇbyaˬ nehˬ-ehˇ cawˬ cawˬ taꞈ-euˬ meh.

Neˬhaˬmiˇ 2:19

Nga maꞈ kʼoeˇ loꞈ-ehˇ mˇ-eu lehˇ lehˬ hmˬ luꞈ-eu gaˇ kawˆ-ahˇ, Sahˬbaˬlaˆ, Tawˇbyaˬ hawˇ-eu Aˬlaˆ tsawˇ haˬ Geˬsheˬ lehˇ myahˇ-euˬ aˬ ha smˇ gʼaˬ ya gaˬ ngeh, nga maꞈ-ahˇ naˬ gʼa-eu laꞈ kʼoeˇ ehˇ-eu, “Naw maꞈ aˬ jeˬ mˇ-eu gʼeh te. Sahˬ paˬ-ahˇ puiˬ-eu lehˇ gʼeh te loˇ.”

Neˬhaˬmiˇ 4:7

Sahˬbaˬlaˆ, Tawˇbyaˬ aˬ nyaꞈ hawˇ-eu, Aˬleˬbyaˇ miˇ kʼahˬ, Aˬmoˬ miˇ kʼahˬ hawˇ-eu Aˬshaˬdoˇ miˇ kʼahˬ-ahˇ jawˇ-eu tsawˇ haˬ deuˬ, nga maꞈ meuˬ lahˇ gawˬ daˆ leꞈ luꞈ-eu gaˇ kawˆ hawˇ-eu yaw pehꞈ-ehˇ jaˆ-eu meuˬ lahˇ gawˬ gʼoeˬ jiˇ-euˬ gaˇ kawˆ ya gaˬ-awˇ, nui ma pehˇ dui dui-eu meh.

Neˬhaˬmiˇ 6:1

Meuˬ-euˬ lahˇ kʼehˬ deuˬ-ahˇ nga maꞈ laˇ gʼoˆ maˬ jahˇ ahˇ dah mi naˆ-ehˇ, nga maꞈ meuˬ lahˇ gawˬ gʼaˬ-awˇ maˇ pehꞈ maˬ paˇ jaˆ-euˬ gaˇ kawˆ, Sahˬbaˬlaˆ, Tawˇbyaˬ, Geˬsheˬ hawˇ-eu nga maꞈ-ahˇ muiˇ-eu tsawˇ haˬ nui deuˬ-ahˇ gaˬ leˇ-euˬ meh.

Neˬhaˬmiˇ 6:16

Nga maꞈ-euˬ jawˬ jawˬ-ehˇ jawˇ-eu nga maꞈ-ahˇ muiˇ-eu aˬ cawˬ tsawˇ jeuˬ deuˬ gaˇ kawˆ kʼoeˇ ya gaˬ ngeh, aˬ yawꞈ maꞈ-euˬ myaˆ pyawˬ naˇ mehˇ maˬ jaˆ-ehˇ pyeuꞈ-iˇ-euˬ meh. Aˬ jeˬ miˇ neh ehˇ naˇ, Miˬyehˇ caw ba-eu miˇ neh gaˇ kʼoeˇ mˇ pyeuꞈ nya-euˬ gaˇ kawˆ, yawˬ gʼaˬ na luꞈ siˬ duˬ-eu meh.

Iˇsaˬtaˆ 10:3

Yuˇdaˆ tsawˇ haˬ Mawˬdaˬkehˇ-aˬ, sahˬ paˬ Dzeuˬsehˆ-euˬ laꞈ oˆ teˬ ni gʼeh-eu gʼaˬ pyeuꞈ-eu meh. Yuˇdaˆ tsawˇ haˬ deuˬ aˬ yawꞈ-ahˇ nui kʼahˇ shiˇ-awˇ, taˬ huiˬ taˬ mahˇ-euˬ meh. Aˬ yawꞈ-euˬ tsawˇ jeuˬ gʼaˇ duˬ gaˇ dahˇ tsoeˬ-eu muiˬ-eu gaˇ deuˬ aˬ yawꞈ mˇ-awˇ, aˬ yawꞈ maꞈ-euˬ zaˬ deuˬ uˆ deuˬ dawˬ tawˆ luꞈ kʼoeˇ taˆ, nui saˇ oꞈ-eu jeˬ aˬ yawꞈ mˇ yaꞈ-euˬ meh.

Jaceuq 112:10

Haiˬ-eu tsawˇ haˬ deuˬ kʼoeˇ gaˇ mawˇ ngeh nui ma pehˇ-awˇ, seuˬ tsehꞈ tehꞈ-awˇ iˇ byoˆ-eu meh. Haiˬ-euˬ tsawˇ haˬ deuˬ noeˬ tmˬ duˬ byoˆ jiˇ-euˬ meh.

Dawqdaq 27:4

Nui ma pehˇ-eu jeˬ-aˬ, gʼawˬ shaˬ gaˬ-eu maˬ siˬ nya-ehˇ, yaw cawˆ jeˬ tehꞈ-ehˇ mˇ doˆ laꞈ-eu meh. Ehˇ kʼawꞈ, myaˆ naˆ-eu jeˬ nehˬ-ehˇ shaˇ cehˆ haw ngeh, ehˇ nyaꞈ maˬ nyeuˆ-a.

Dawqdaq 30:22

zaˬ kʼaˆ sahˬ paˬ pyeuꞈ laˇ-eu, aˬ dzawˬ aˇ gah maˬ dzaˬ maˬ dawˇ jiˇ coeˇ-eu,

Dawˬ tsoˆ 10:7

Zaˬ kʼaˆ deuˬ mahˬ-ahˇ dziˬ-awˇ, sahˬ paˬ zaˬ yo deuˬ zaˬ kʼaˆ loꞈ-ehˇ kuiˇ zoˬ cah-eu ngaˇ mawˇ haw-euˬ ma.

Iˇsaˬyaˇ 15:5

Mawˇbaˆ miˇ kʼahˬ gʼaˇ duˬ ngaˬ-euˬ nui ma laꞈ kʼoeˇ ngoeˇ luꞈ-eu ma. Aˬ yawꞈ maꞈ Ziˇoˬ meuˬ-ahˇ cehˆ leˇ-awˇ, Eˇgaˬlaˆsheˬliˇshahˬ meuˬ-ahˇ cehˆ keuˆ-euˬ meh. Tiˬ paˆ na deuˬ Luˇhiˆ gaˬ daˆ-ahˇ ngoeˇ ngoeˇ-ehˇ daˆ-awˇ, Hawˇloˬneˬ gaˇ ma caw caw-ehˇ, yaw kʼaˆ-ehˇ ngoeˇ ngoeˇ-ehˇ tiˬ deuˬ cah-eu meh.

Yeˬlaˬmiˇ 41:10

Kʼoeˇ naˇ, sahˬ paˬ zaˬ miˬ deuˬ hawˇ-eu, Baˬbuˇloˬ guiˇ maꞈ deuˬ kʼoeˇ taˆ uˆ lahˇ-eu Neˬbuˬzaˬlaˬdaˬ neh Geˬdaˬliˇ uˆ lahˇ-eu uˬ moˆ Miˇzaˬpaˬ meuˬ-ahˇ kʼaˇ bi jawˇ yaꞈ-euˬ tsawˇ haˬ dawˬ tawˆ luꞈ-ahˇ aˬ yawꞈ nyehꞈ jiˇ-euˬ meh. Aˬ yawꞈ maꞈ-ahˇ Iˇshaˬmeˬlaˇ nyehꞈ-awˇ, Aˬmoˬ miˇ kʼahˬ paw doˆ-iˇ-eu meh.

Yeˬlaˬmiˇ 48:34

“Heˬshaˬboˬ meuˬ hawˇ-eu Eˇlaˬleˬ meuˬ-ahˇ jawˇ-eu tsawˇ haˬ deuˬ guˇ guˇ-ehˇ ngoeˇ-awˇ, aˬ yawꞈ maꞈ ngoeˇ-eu teˇ saˇ Yaˬhaˇ meuˬ-ahˇ keuˆ ni gaˬ keuˆ laˇ-eu meh. Zoˇlaˆ meuˬ-ahˇ jawˇ-eu tsawˇ haˬ deuˬ kʼawꞈ, aˬ yawꞈ maꞈ ngoeˇ-eu teˇ saˇ ya gaˬ-awˇ, Hawˇloˬneˬ meuˬ hawˇ-eu Eˇgaˬlaˆsheˬliˇshahˬ meuˬ-ahˇ keuˆ ni gaˬ keuˆ leˇ-euˬ meh. Nymˇlmˬ lah-ahˇ keuˆ ni, gui coˇ ni gui-iˇ-euˬ meh.

Yeˬlaˬmiˇ 48:5

Luˇhiˆ meuˬ-ahˇ le-eu gaˇ ma kahˇ li, aˬ yawꞈ maꞈ ngoeˇ gaˇ naˇ haˬ sheˇ. Hawˇloˬneˬ gaˇ ma law caw, shaˬ zahˬ maˬ mˇ coeˇ-ehˇ guˇ luꞈ gaˇ naˇ haˬ sheˇ.

Gʼaˬkʼehˇ 4:2

Aˬ yawꞈ nyaꞈ Yeˬsuˇ shiˇ-awˇ Miˬyehˇ neh paˇ bi gʼoꞈ dehꞈ laˇ-euˬ gaˇ kawˆ mehˬ-awˇ, shiˇ-euˬ tsawˇ haˬ deuˬ-ahˇ paˇ bi gʼoꞈ dehꞈ laˇ nya meh lehˇ ehˇ mawꞈ-eu miˇ neh, aˬ yawꞈ maꞈ nui ma tiˬ pawꞈ-iˬ maˬ tsaˬ-a.

Gʼaˬkʼehˇ 5:24

Piˇ ma aˬ yuiꞈ deuˬ hawˇ-eu, Uˬ duˬ tahˬ nymˇ nymˇ ma-ahˇ loꞈ piˇ-eu deuˬ kʼoeˇ taˆ uˆ lahˇ-eu yaw huiˬ yaw mahˇ gʼaˬ gaˇ kawˆ kʼoeˇ ya gaˬ ngeh, gʼaˬ kʼehˇ deuˬ aˬ joˆ-ehˇ jahˇ-euˬ gaˇ kawˆ noeˬ maˬ doˆ-ehˇ pyeuꞈ-iˇ-euˬ meh.