Neˬhaˬmiˇ 13:7 - Akha

⁷ Yeˬluˇsaˬlehˬ meuˬ-ahˇ gʼoꞈ leˇ-euˬ ma. Kʼoeˇ ngeh hawˇ-eu Eˇlaˬshiˆ neh Uˬ duˬ tahˬ nymˇ nymˇ ma laꞈ kʼoeˇ jaˆ-eu aˇ lawˆ tiˬ lawˆ Tawˇbyaˬ-ahˇ bi zmˬ-euˬ gaˇ kawˆ ya siˬ-awˇ zahˬ leˇ-euˬ ma.

Neˬhaˬmiˇ 13:7 Iomraidhean Croise

1 Laˬsaˬbaˬ 3:24

Eˇlawˇneˬ gʼaˬ aˬ li shiꞈ li jawˇ-eu meh. Aˬ li kʼoeˇ shiꞈ li-aˬ, Hawˇdaˬyaˇ, Eˇlaˬshiˆ, Peˬlaˇyaˬ, Aˬkuˇ, Yoˇhaˬnaˬ, Daˬlaˇyaˬ, Aˬnaˬniˬ, aˬ ha mehˇ nmˇ meh.

Eˇzaˬlaˬ 9:1

Gaˇ kʼoeˇ deuˬ mˇ gʼaˬ jiˇ ngeh, Iˇsaˬleˬlaˆ tsawˇ haˬ aˬ yuiꞈ aˬ tsu tiˬ paˆ na deuˬ ngaˇ jawˇ gaˇ laˇ-awˇ, Iˇsaˬleˬlaˆ tsawˇ haˬ deuˬ, piˇ ma deuˬ hawˇ-eu Leˬbiˇ tsawˇ haˬ deuˬ-aˬ, aˬ yawꞈ maꞈ-euˬ dawˬ peh jawˇ-eu aˬ cawˬ tsawˇ jeuˬ deuˬ pyeuꞈ-eu Aˬmoˬ tsawˇ jeuˬ Mawˇbaˆ tsawˇ jeuˬ, Iˇjiˇtuˆ tsawˇ jeuˬ, Kaˬnaˬ tsawˇ jeuˬ, Heˬtaˆ tsawˇ jeuˬ, Paˬyehˆ tsawˇ jeuˬ, Yeˬbuˇ tsawˇ jeuˬ, Aˬmawˇliˆ tsawˇ jeuˬ kʼoeˇ deuˬ hawˇ-eu aˬ yawꞈ maꞈ-euˬ jawꞈ dui dui-eu zahˇ sahˇ kʼoꞈ deuˬ-ahˇ maˬ dehꞈ beu ni, dehꞈ keuˬ dehꞈ sho luꞈ-eu gaˇ kawˆ ehˇ laˇ-euˬ meh.

Neˬhaˬmiˇ 13:1

Yuˇdaˆ miˇ kʼahˬ zaˬ deuˬ-ahˇ Moˇseˬ-euˬ zahˇ dawˬ kʼoꞈ dawˬ gui gaˬ nehˬ luꞈ ngeh, Aˬmoˬ tsawˇ haˬ hawˇ-eu Mawˇbaˆ tsawˇ haˬ deuˬ-ahˇ Miˬyehˇ-euˬ tsawˇ jeuˬ nehˬ-ehˇ tiˬ jawˇ-iˬ maˬ ya bi dehꞈ bi jawˇ taꞈ-a lehˇ ehˇ taˬ-euˬ tsahˇ-ahˇ gui keuˆ-euˬ meh.

Neˬhaˬmiˇ 13:5

Aˬ yawꞈ-aˬ, Tawˇbyaˬ-ahˇ huiˬ dui dui-eu aˇ lawˆ tiˬ lawˆ biꞈ-awˇ bi zmˬ-euˬ meh. Aˇ lawˆ kʼoeˇ lawˆ-aˬ, damˬ nehˬ laˇ-euˬ dzaˬ la gʼo cehˇ hawˇ-eu tsiˇ yaw saw jeˬ, Uˬ duˬ tahˬ nymˇ nymˇ ma-ahˇ zmˬ-eu mˇ myawˬ keu ka deuˬ, piˇ ma deuˬ-ahˇ damˬ nehˬ-euˬ jeˬ hawˇ-eu, Leˬbiˇ tsawˇ haˬ deuˬ, Uˬ duˬ tahˬ nymˇ nymˇ ma laꞈ kʼoeˇ caˇ dawˬ caˇ-eu deuˬ hawˇ-eu Uˬ duˬ tahˬ nymˇ nymˇ ma-ahˇ loꞈ-eu deuˬ gʼaˇ duˬ damˬ taˬ-euˬ cehˇ, aˬ gaꞈ dzaˇ uiˇ hawˇ-eu saˬ loˬ tsiˇ tseˇ bymˇ tiˬ bymˇ, heu deuˬ jeˬ hmˬ taˬ-euˬ gʼaˇ duˬ bi jaˆ-eu lawˆ pyeuꞈ-eu meh.

Ngoeˇ dawˬ 1:10

Yawꞈ-euˬ pyuˇ shuiˇ myawˬ gahˬ kʼoeˇ taˆ, muiˇ-eu deuˬ aˬ laꞈ cawˬ leꞈ-awˇ, lawˇ ciꞈ zaˬ maˬ ya le-a lehˇ, Sahˬpaˬ Miˬyehˇ daˇ tsehˆ taˬ-euˬ, muiˬ-eu shawˇ-eu jawˇ duˬ laꞈ kʼoeˇ, aˬ cawˬ tsawˇ jeuˬ deuˬ le uˇ gaˇ, aˬ yawꞈ myaˆ nuiˆ ya mawˇ-euˬ meh.

1 Gawˇliˬtu 1:11

Aˬ yuiꞈ aˬ nyiˇ Ka li zaˬ deuˬ-oˇ, naw maꞈ yaw kaˬ iˬ dehˬ iˬ ceh jaˆ luꞈ meh lehˇ, Kaˬlawˇiˆ aˇ muˇ ngaˬ-ahˇ bya cehˆ ni ehˇ nehˬ laꞈ-euˬ meh.